Ongi etorri Legegunea atarira

Euskal Herriko Poliziari buruzko uztailaren 17ko 4/1992 Legearen 73. atalean ezartzen denaren arabera, Ertzaintzako eta udaltzaingoetako lanpostuak, bateko zein besteko funtzionarioek bete ditzakete, beti ere bakoitzeko lanpostuzerrendetan horrela aurrikusten bada. Horretarako, aipatutako 73. ataleko hirugarren idazatiak dioenez, araudiz zehaztuko da Euskal Herriko Polizia Kidego guztietako mailen arteko baliokidetasuna, bai eta jatorrizkoa ez den Kidego batean maila bereko lanpostuak betetzeko eska daitekeen heziketa maila, eta hori da hain zuzen Dekretu honen xedea. Bi ikuspegitik nabari da Euskal Herriko Polizi Kidegoen arteko mugikortasunaren garrantzia: barnepromozioan eta mugikortasunean oinarritutako administrazioko karrerari dagokion eskubidea den bezala, interes orokorren mesedetarako ere bada izan, administrazio ezberdinetako funtzionarioen tokiz aldatzeko gaitasuna errazten baitu, horrela Giza-baliabideen erabilera egokiagoa lortuz. Ildo horretatik, araudi hau ez da ematen legeagindua betetzeko soilik, baizik eta gaurregun garatzen eta ezartzen ari den mapa polizialaren premiei erantzun pragmatikoa ematea luzaezina delako ere bai. Horrek eragin zuzena eta zeharkakoa du zerbitzu polizialak egituratzeko orduan. Horiek horrela, lehengo egoeraren eta uztailaren 17ko 4/1992 Legez ezarritako euskal polizi eredua antolatzen duten arauen eraginkortasun osoko egoeraren artean dagoen aldibaterako denbora tartean gelditzen da ezarrita araudi hau, batez ere Legeak Euskal Herriko Poliziaren Ikastegiari izendatzen dion Kidego ezberdinetako heziketen bateratze lanari dagokionez, jatorriz Euskal Herriko Polizi Kidego ezberdinetako kideei horietan sartzeko eskatzen zaien heziketa maila hain ezberdina delako. Horrek behar-beharrezko egiten du Euskal Herriko Polizi Kidego ezberdinetako mailen arteko baliokidetasunak finkatu ondoren, maila bakoitzeko lanpostuak betetzeko eskatzen den heziketa maila, eta mugikortasun eskubideaz baliatzeko asmoa duten funtzionarioena bat etortzea lanpostuak betetzeko deialdi bakoitzean; etorkizunean sarrerarako oinarrizko arauak eta heziketa egitarauak bateratuta egongo direnez, ez da baliokidetasun haren premiarik izango. Ondorioz, Herrizaingo sailburuaren proposamenez, Ertzaintzaren Kontseiluak eta Udaltzaingoen Koordinaketa Batzordeak aldeko txostena eman eta gero, Jaurlaritzaren Kontseiluak 1994ko urriaren 18ko bileran aztertu eta onartu ondoren, hauxeXEDATU DUT: 1. atala.- 1.- Euskal Herriko Poliziari buruzko uztailaren 17ko 4/1992 Legearen 73. atalean ezarritakoaren babesean eta hori garatzeko asmoz, Dekretu honen xedea, alde batetik, Euskal Herriko Polizi Kidego ezberdinetako mailen arteko baliokidetasunak eta, bestetik, maila horietako lanpostuak betetzeko jatorrizkoa ez den kidegoetan eskatzen den heziketa maila finkatzea da, horietako funtzionarioen mugikortasuna ahalbideratzeko. 2.- Dekretu hau uztailaren 17ko 4/1992 Legearen ezarpen eremuko Euskal Herriko Polizi Kidegoetako karrerako funtzionarioei ezarriko zaie. 2. atala.- Ertzaintzako eta udaltzaingoetako lanpostuak, bateko zein besteko funtzionarioek bete ditzakete, hori lanpostuzerrendetan zehazki ohartemanda badago eta deitutako lanpostua betetzeko eskatzen diren baldintzak betetzen badira, beti ere lanpostu hutsa betetzeko eskatzen den mailaren baliokidekoa eta Dekretu honetan aurrikusitako irizpideekin bat etorriz dagokien heziketa maila izan beharko delarik. 3. atala.- 1.- Aurreko atalean ezarritakoarekin bat etorriz, beste Administrazio publiko bateko lanpostuak bete ditzaten funtzionarioak jatorrizko Administrazioko funtzionario izaten jarraituko dute, eta horri dagokionez, uztailaren 17ko 4/1992 Legearen 81. atalean ohartemandako beste Administrazio publiko bateko zerbitzu egoeran geldituko dira. 2.- Funtzionarioak lanizendapeneko Administrazioarekin bere erlazio funtzionarialari eusten dion bitartean, azken honetan indarrean dagoen legedia ezarriko zaio, uztailaren 17ko 4/1992 Legearen 73. ataleko bigarren idazatian aurrikusitakoarekin bat etorriz. Horrez gain, indarrean dagoen legediaren araberako gizarte aurrikuspen araubidea ere ezarriko zaie, eta lanizendapenean dauden Administrazioan indarrean daudenlanbaldintzak arautzeko itunetan aurrikusitako gizarteeskubide eta etekinez ere baliatuko dira. 4. atala.- 1.- Uztailaren 17ko 4/1992 Legearen 73. atalean ohartemandako ondorioetarako, baliokidetzat joko dira Euskal Herriko Polizi Kidego ezberdinetako ondorengo maila hauek: a) Ertzaintzako eskala goreneko Intendente maila eta udaltzaingoetako eskala teknikoko Intendente maila. b) Ertzaintzako egiterapen eskalako Komisario eta Komisarioondokoa mailak eta udaltzaingoetako eskala teknikoko Komisario eta Komisarioondokoa mailak, hurrenezhurren. c) Ertzaintzako ikuskapen eskalako Ofiziale eta Ofizialeondokoamailak eta udaltzaingoetako ikuskapen eskalako Ofiziale eta Ofizialeondokoa mailak, hurrenezhurren.hurren. d) Ertzaintzako oinarrizko eskalako Agente Lehena eta Agentea mailak eta udaltzaingoetako oinarrizko eskalako Agente Lehena eta Agentea mailak, hurrenezhurren. 2.- Nolanahi ere ezinbestekoa izango da, mugikortasun ondorioetarako, parekoak izatea funtzionarioari jatorrizko administrazioko eskala eta mailetan dagozkien eginkizunak eta deialdia egiten duen edo destinokoa izango den administrazioko eginkizunak. Lanpostuzerrendetan jatorrizko administrazioko eskala edo maila jakin batekoa izatea eskatzen ez bada, lanpostuak betetzeko deialdiko Aukeraketa Batzordeari izendatuko zaio baliokidetasunik dagoen erabakitzeko beharrezko baldintzak betetzen diren egiaztatzea, eta horretarako deitutako lanpostua betetzeko lanpostu hori jasota datorren zerrendan eskatzen diren baldintzak hartuko ditu kontutan. 5. atala.- 1.- Uztailaren 17ko 4/1992 Legearen 7 eta 50.1 atalen garapenean Euskal Herriko Polizi Kidegoetako eskala eta maila ezberdinetan sartzeko Euskal Herriko Poliziaren Ikastegiak antolatutako trebakuntza ikastaroak eta praktika aldiak arautzen dituzten plangintzetako eta aukeraketa saioetako egitarau, eduki eta egiturak bateratzetik ateratzen dena izango da Euskal Herriko Polizi Kidego ezberdinetan baliokideak diren mailetako lanpostuak betetzeko eskatzen den heziketa maila. 2.- Edonola ere, Euskal Herriko Polizi Kidegoetan aurreko idazatian ezarritako bidetik sartu ez diren funtzionarioek idazati horretan aurrikusitako heziketa maila dutela egiaztatu beharko dute, uztailaren 17ko 4/1992 Legearen 73. ataleko 3. idazatian xedatutakoaren ondorioetarako, eta egiaztatze horretarako Euskal Herriko Poliziaren Ikastegiak aldian-aldian egingo du saioetarako deia. Saio horietako emaitzak ikusi ondoren eta horien arabera antolatuko dira eskatzen den heziketa maila lortzeko beharrezko izan daitezen trebakuntzarako ikastaro osagarriak. Saioak eta, baldin badaude, ikastaroak gainditu egin beharko dira Dekretu honen 2. atalean eskatzen den heziketa maila badela egiaztatzeko. GEHIGARRIZKO XEDAPENA Bateratze ondorioetarako, funtzionarioaren administraziobizitzakogorabeherak jasotzen dituzten espediente pertsonaleko oharpenen berri emango diote elkarri jatorrizko eta destinoko administrazioek. ALDIBATERAKO XEDAPENAK Lehenengoa.- Ertzaintzako lanpostu zerrendak egiten ez diren bitartean, uztailaren 17ko 4/1992 Legearen aldibaterako xedapenetatik hirugarrenean ezarritakoaren arabera, Dekretu honetan egiten diren lanpostuzerrenda horri buruzko aipamenak aipatu Kidegoko lanpostuaren egiturari buruzkoak direla ulertuko da. Bigarrena.- Dekretu honen 5. ataleko lehenengo idazatian aipatzen diren Euskal Herriko Polizi Kidegoetako eskala eta maila ezberdinetan sartzeko trebakuntza ikastaroak eta praktika aldiak arautzen dituzten plangintzetako eta aukeraketa saioetako egitarau, eduki eta egitura bateratuak onartu eta indarrean sartzen ez diren bitartean, bertan aipatzen den mugikortasun ondorioetarako, ondorengo arauak ezarriko dira: a) Dekretu honen ondorioetarako eskatzen den heziketa maila Ertzaintzako eskala eta mailetara sartzeko trebakuntza ikastaroaren eta praktika aldiaren egitarauan ezarritakoaren parekoa izango da. b) Lanpostuak betetzeko egiten den deialdian nahitanahiez adierazi beharko dira egin beharreko saio zehatzak, horiek gainditzeko eskatzen diren gutxieneko puntuak eta izangaien heziketa maila eta xedapen honen a) hizkian azaldutakoaren arteko baliokidetasuna aztertzeko egitarauen edukia. Euskal Herriko Poliziaren Ikastegiari dagokio saio horien antolaketa, garapena eta azterketak egiteko lana. Aurreko idazatian aipatzen diren saioak ez gainditzeak lanpostuak betetzeko aukeraketa bidetik kanpo utziko du eskegilea, horietan parte hartzeko baldintzak ez betetzearren. c) Saio horiek ez dituzte egin beharko Euskal Herriko Poliziaren Ikastegiak Dekretu honen 5.2. atalean ezarritakoaren arabera antolatutako saioak eta/edo ikastaroak gainditzen dituztenek. AZKEN XEDAPENAK Lehenengoa.- Herrizaingo sailburuak du Dekretu hau ezarri eta garatzeko aginpidea. Bigarrena.- Dekretu honek Euskal Herriko Agintaritzaren Aldizkarian argitaratzen den egunaren biharamunean hartuko du indarra. Vitoria-Gasteizen, 1994ko urriak 18. Lehendakaria, JOSÉ ANTONIO ARDANZA GARRO. Herrizaingo sailburua, JUAN MARÍA ATUTXA MENDIOLA.