Ongi etorri Legegunea atarira

1. atala.- Urdaibaiko Biosfera Gebenaldeko Lankidetza Kontseilua sortzea. Erakunde hori Patronatuari laguntzeko sortzen da eta Eusko Jaurlaritzako ingurugiro organuari dago atxikita.

2. atala.- 1.- Lankidetzarako Kontseiluan parte hartzeko derrigorrezkoa izango da behar bezala legeztatutako erakundea izatea eta egoitza soziala edo ordezkaritzaren bat Urdaibaiko Biosfera Gebenaldeak hartzen duen lur eremuan izatea. Horretaz gain, erakunde horien estatutuetan jasota egongo da bertako jabe eta biztanleen interesen alde eta naturaren azterketan edota defentsan iharduten dutela edo, bestela, Urdaibaiko eremuan diharduten gizarte, ekonomi eta kultur sektoreen ordezkari izan beharko dute.

2. Lankidetza Kontseilua osatuko duten erakundeak izendatzeko ihardunbidea hau izango da:

   1. Interesa duten erakundeek Urdaibaiko Biosfera Gebenaldeko Patronatuari zuzendutako eskabidea izapidetuko dute. Bertan, atal honen lehenengo zatiko eskakizunak betetzen direla egiaztatu beharko da.

   2. Patronatuko lehendakariak, osoko bilkurari entzun ondoren, Lankidetza Kontseiluko erakundeak izendatuko ditu.

   3. Erakunde bakoitzak Lankidetza Kontseiluan izango duen ordezkaria izendatuko du.

3. Urdaibaiko Biosfera Gebenaldeko Lankidetzarako Kontseiluaren eginkizunak hauek izango dira:

   1. Ordezkatutako sektoreen interesak eta iharduerak eta Urdaibaiko Biosfera Gebenaldeko helburuak eta egintzak era harmonikoan koordinatzeko irizpideak eta neurriak sustatzea.

   2. Urdaibaiko Biosfera Gebenaldeko iharduerak garatzerakoan Lankidetza Kontseiluan ordezkatuta dauden erakundeen arteko lankidetza sustatzea.

   3. Ordezkatutako erakundeen eta Urdaibaiko Biosfera Gebenaldearen artean, denentzat interesgarri diren egintzak antolatzea.

   4. Koordinazioa, harmonizazioa, parte hartzea eta, oro har, Biosfera Gebenaldearen helburuak lortzeko egoki ikusten diren ekimen, proposamen eta iradokizunak Urdaibaiko Biosfera Gebenaldeko Patronatuaren aurrera eramatea.

   5. Urdaibaiko Biosfera Gebenaldeko Patronatuak proposatzen dizkion gaiei buruzko irizpena ematea.

   6. Kontseiluaren beraren antolaketa eta funtzionamendurako araudia onartzea edota aldatzea.

      3. atala.- 1.– Lankidetza Kontseiluaren deiak bertako kide batek egingo ditu bai eta lehendakari lanak ere, Zaingo Batzordeburuak horretarako izendatuta, Lankidetza Kontseiluko kideetako 2/3k proposatuta.

      2. – Lankidetza Kontseiluko lehendakariaren agintaldia bi urtekoa izango da eta luzatu egin ahal izango da beste aldi gehigarri batez bakarrik.

      3. – Lehendakaria Zaingo Batzordearen eta Lankidetza Kontseiluaren arteko informazio zubi izango da eta horretarako honako egiteko hauek egokituko zaizkio:

         1. Zaingo Batzordeak hartzen dituen akordioen berri ematea Lankidetza Kontseiluari aldian-aldian.

         2. Lankidetza Kontseiluak hartzen dituen akordioen berri ematea Zaingo Batzordeari.

      4. – Urdaibaiko Biosfera-Gebenaldeko Zaingo Batzordeko zuzendari-artatzaileari, organo laguntzaile horren jarduera sustatzea eta administrazio kudeaketa egitea egokituko zaizkio, bai eta Zaingo Batzordearen kudeaketa artezpideak eta jarduteko egitarauen burutzapen egoeraren berri ematea ere Lankidetza Kontseiluari urtero.

      5. – Idazkari lanak egingo ditu Urdaibaiko Biosfera-Gebenaldeko Zaingo Batzordean kide den kargua duenak, eta hura egon ezean, Gebenaldeko zuzendari-artatzaileak.

         GEHIGARRIZKO XEDAPENA

         Lankidetza Kontseiluari, kide anitzeko organoa den aldetik, azaroaren 26ko 30/1992 Legearen II. idazpuruko 2. atalean jasotzen den araudi orokorra ezarriko zaio, osagarri gisa.

Dekretu hau Euskal Herriko Agintaritzaren Aldizkarian argitaratzen den egunaren biharamunean jarriko da indarrean.

Lehendakaria,

JOSÉ ANTONIO ARDANZA GARRO.

Lurralde Antolamendu, Etxebizitza eta Ingurugiro sailburua,

FRANCISCO JOSÉ ORMAZABAL ZAMAKONA.