Ongi etorri Legegunea atarira

Atari hau optimizatuta dago nabigatzaile hauentzat:

Euskadi.eus
Legegunea, Euskal araudiaren ataria
Euskadi.eus
  • 202/1996 DEKRETUA, uztailaren 30ekoa, Industri, Nekazaritza eta Arrantza Sailaren Organo Estatistiko Espezifikoa sortzezkoa. - Legegunea: Euskal Herriko araudia - Eusko Jaurlaritza - Euskadi.eus

Arautegia

Inprimatu

202/1996 DEKRETUA, uztailaren 30ekoa, Industri, Nekazaritza eta Arrantza Sailaren Organo Estatistiko Espezifikoa sortzezkoa.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Industria, Nekazaritza eta Arrantza
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 152
  • Hurrenkera-zk.: 3808
  • Xedapen-zk.: 202
  • Xedapen-data: 1996/07/30
  • Argitaratze-data: 1996/08/09

Gaikako eremua

  • Gaia: Administrazioaren antolamendua; Ogasun eta Ekonomía
  • Azpigaia: Sailak; Ekonomia
Deskribapenak

Testu legala

Justizi, Ekonomi, Lan eta Gizarte Segurantza sailburua,

RAMÓN JAUREGUI ATONDO.

Euskadiko Autonomia-Elkartearen Estatistikari buruzko apirilaren 23ko 4/1986 Legearen 26. atalean xedatzen da ezen Eusko Jaurlaritzan organo estatistiko espezifikoa eratuta duten Sailek burutuko dutela, aipaturiko legean aurrikusitako terminoetan, Euskal Autonomi Elkarteko estatistikari buruzko jarduna, eta Sail horiek Euskal Autonomi Elkarteko Estatistika Erapidetzaren parte izango direla. Lege horren 27. atalean xedatzen da, orobat, organo estatistiko espezifikoek beren araupeketa bereziak izango dituztela jaurpide.

Aipatutako legean egindako aurrikuspenak garatzen ditu Jaurlaritzako Sailen estatistikarako organo bereziak arautzen dituen ekainaren 22ko 180/1993 Dekretuak, Sailen organo estatistikoen sorkuntza, antolamendu eta jardunbideari dagokionez.

180/1993 Dekretuaren gehigarrizko xedapenetariko lehenengoan ezartzen da, gainera, ezen Jaurlaritzako Sailek nahitaez izan beharko dutela organo estatistiko espezifiko propioa, Euskal Estatistika Planean eta estatistikako urteko egitarauetan sartutako estatistikak eta ekintzak egin ahal izateko Sailenak beraienak bailira.

Industri, Nekazaritza eta Arrantza Sailaren jardun-eremuko sektoreei buruz estatistika-alorrean sortu diren beharrizanak kontuan izanik, gomendagarri eta beharrezkoa da Sailaren antolamendu-egituran integraturiko organo bat eratzea, zeinen jardunbide eta harremanak arautu, babestu eta mugatuko baititu estatistikari buruzko legeriak, batez ere estatistika-sekretuari dagokionez.

Ondorioz, Industri, Nekazaritza eta Arrantza sailburuaren proposamenez, Euskal Estatistika Batzordeak txostena egin, eta Jaurlaritzaren Kontseiluak 1996ko uztailaren 30ean egindako bilkuran aztertu eta onartu ondoren, hauxe

XEDATU DUT :

  1. atala.- Xedea.

  1. Industri, Nekazaritza eta Arrantza Sailaren Organo Estatistiko Espezifikoa sortzea da dekretu honen xedea, Jaurlaritzako Sailen estatistikarako organo bereziak arautzen dituen ekainaren 22ko 180/1993 Dekretuko preskripzioekin bat etorriz.

  2. atala.- Menpekotasuna.

    Industri, Nekazaritza eta Arrantza Sailaren Organo Estatistiko Espezifikoa norbakarreko organoa da, Sail horretako Koordinaziorako zuzendariaren menpe-menpekoa.

  3. atala.- Eskumenak.

  1. Industri, Nekazaritza eta Arrantza Sailaren Organo Estatistiko Espezifikoa, eskumenei dagokienez, I. klasekoa izango da; ondorioz, 180/1993 Dekretuak klase horretako organo estatistiko espezifikoei eratxikitzen dizkien eskumenak izan eta egikarituko ditu, ondoko hauek, hain zuzen:

    1. Sailaren Estatistika Plana egitea, Euskal Estatistika Planaren proiekturako oinarri izango dena.

    2. Euskal Estatistika Erakundearekin elkarlanean aritzea, Euskal Estatistika Plana eta estatistikako urteko egitarauak egiteko.

    3. Estatistikako urteko egitarauen barruan sartzen diren estatistikak edo estatistika-faseak egitea, aipaturiko egitarauetan ezartzen diren terminoetan.

    4. Euskal Estatistika Planean eta estatistikako urteko egitarauetan sarturik ez dauden estatistika propioak egitea, 4/1986 Legearen 8.1. atalean aurrikusitako terminoetan.

    5. Beste erakunde batzuekiko harremanak, atal honen c) eta d) idazatietatik eratorritako eginkizun estatistikoen ondorioz eta, beti ere, 4/1986 Legearen 29. atalaren c) eta d) idazatietan ezarritakoa errespetatuz.

    6. Bere eskumenekoak diren estatistikak egiteko informazioa lortzea, 4/1986 Legearen 9. ataletik 16.era adierazitako terminoetan.

    7. Atal honen d) idazatian aipatutako estatistiken eta estatistikako urteko egitarauetan ezartzen direnen emaitzak argitaratu eta zabaltzea, edukia Euskal Estatistika Erakundeari jakinarazi ondoren.

    8. Dagokion sektoreko fitxategi eta direktorio estatistikoak egiten eta eguneratzen parte hartzea, 4/1986 Legearen 29. atalaren i) idazatian aurrikusitakoaren arabera.

    9. Industri, Nekazaritza eta Arrantza Sailak interesgarritzat jotzen dituen proiektuak gauzatzea, batez ere sektore edo azpisektoreetarako zerbitzu, azterlan eta analisiak, baita nekazaritza-elikagaiei buruzko informazio planak osatzen dituzten eragiketak diseinatu, ebaluatu, kontrolatu eta garatzea ere (Euskal Herriko Autonomia Elkarteko nekazaritza-informaziorako sistemaren oinarriei buruzko urriaren 3ko 305/1985 Dekretua), hori guztia 180/1993 Dekretuaren 7.2. atalean ezarritako markoan.

  2. Industri Nekazaritza eta Arrantza Sailaren Organo Estatistiko Espezifikoak Sailaren beraren eta atxikita dituen erakundeen beharrizan estatistikoei begira egikarituko ditu dagozkion eskumenak, kontuan hartu gabe estatistikak datu estatistikoetatik ala datu administratiboetatik abiaturik egin behar diren.

  1. atala.- Jardunbidea.

    Behin 180/1993 Dekretuaren 4. atalean aurrikusitako Organo Estatistiko Espezifikoen Erregistroan inskribatuz gero, Industri, Nekazaritza eta Arrantza Sailaren Organo Estatistiko Espezifikoak Euskal Autonomi Elkarteko estatistika arloan jardungo du, eta estatistikari buruzko legeria eta, bereziki, estatistika-sekretuari buruzkoa gordeko du gainerako organo eta erakundeekiko harremanetan, Sailarenak edota Sailari atxikitakoak barne direlarik.

  2. atala.- Administrazio errekurtsoak.

  1. Industri, Nekazaritza eta Arrantza sailburua eskuduna izango da Industri, Nekazaritza eta Arrantza Sailaren Organo Estatistiko Espezifikoak emandako xedapenen aurka jartzen diren errekurtsoak ezagutu eta haiei buruzko erabakia emateko.

  2. Errekurtsoei buruzko erabakia eman baino lehen, Euskal Estatistika Erakundeak manuzko txostena egin behar du.

AZKEN XEDAPENAK
Lehenengoa. Ahalmena ematen zaio Industri, Nekazaritza eta Arrantza sailburuari, dekretu honetan ezarritakoa garatu eta gauzatzeko behar diren xedapenak eman ditzan.
Bigarrena. Dekretu hau Euskal Herriko Agintaritzaren Aldizkarian argitaratu eta biharamunean jarriko da indarrean.

Vitoria-Gasteizen, 1996ko uztailarenaren 30ean.

Lehendakaria,

JOSÉ ANTONIO ARDANZA GARRO.

Industri, Nekazaritza eta Arrantza sailburua,

JAVIER RETEGUI AYASTUY.

Gaiarekin lotutako edukiak


Arauaren historia (5)

Arauaren historia →

Eskumenak eta transferentziak (0)

Ez dago lotutako edukirik.

Garrantzi juridikoko dokumentazioa (0)

Ez dago lotutako edukirik.