Ongi etorri Legegunea atarira

atala.¿

Dekretu honen helburua da Ospitaleetako Larrialdi¿Zerbitzuetako Jarduera Klinikoen Erregistroko agiriak eta Ospitaleetako Historia Klinikoetakoak zein izan behar duten ezartzea, eta agiri horien balorazioa, kontserbazioa eta garbiketa arautzea.

atala.¿

Dekretu honen ondorioetarako agiri-eredutzat hau ulertuko da: kanpotik nahiz barrutik eite normalizatua duen eredua, halako informazioa jasotzen duena, eta, hortaz, toki espezifikoa duena Euskal Autonomia Erkidegoko ospitaleetako osasun- eta administrazio-gestioan.

atala.¿

¿ Euskal Autonomia Erkidegoko ospitaleetako larrialdi¿zerbitzuetan hartzen den gaixo bakoitzeko egiten diren jarduketak Larrialdietako Orria izeneko agiri-ereduan jasoko dira.

Larrialdietako Orrian honakoak jasoko dira, gutxienez:

1. ¿ Gaixoaren identifikazio-datuak eta gertaeraren gorabeherak:

   1. Izen-abizenak.

   2. Historia klinikoaren zenbakia eta/edo larrialdietako sarrera-zenbakia.

   3. Jaioteguna.

   4. Ohiko helbidea.

   5. Telefonoa.

   6. Asistentzia egiten den eguna eta ordua.

   7. Gaixoa ospitalea iristean, zein medikuk hartzen duen.

2. ¿ Egindako asistentziaren inguruko datu klinikoak:

   1. Kontsultaren zergatia.

   2. Konstante klinikoak.

   3. Tresna eta sistemen bidez egindako azterketek zein emaitza eman duten.

   4. Egindako proba eta azterketak.

   5. Emandako tratamendua, hala badagokio.

   6. Gaixoaren bilakaera.

   7. Behin-behineko diagnostikoa.

   8. Alta jaso ondoren jarraitu beharreko aholkuak, hala badagokio.

   9. Gaixoak zein egunetan eta zein ordutan uzten duen larrialdi-zerbitzua; eta handik hara zein destino duen.

3. ¿ Arestian aipatutako datuetan, erraz irakurtzeko moldean ezarrita, asistentzia egin duen medikuaren identifikazioa eta sinadura agertu behar dira.

¿ Gaixoa ingresatu ezean, altaren txostenaren ordez Larrialdietako Orriaren kopia bat eman dakioke gaixoari.

¿ Larrialdietako Orriarekin batera, kasuan kasu beharrezkoak diren agiri-ereduak erantsi ahalko dituzte larrialdi-zerbitzuek. Agiri horiek ondoren aipatzen den atalean zerrendatuetarikoak izan daitezke.

atala.¿

¿ Honako agiri-ereduek osatzen dute Euskal Autonomia Erkidegoko ospitaleetako historia klinikoa:

¿ Orri kliniko-estadistikoa.

¿ Sarrerako baimen-orria.

¿ Jakinaren gaineko onespen-orria.

¿ Anamnesi eta azterketa fisikoaren orria.

¿ Bilakaera-orria.

¿ Agindu medikoen orria.

¿ Azterketa osagarrien txosten-orria.

¿ Interkontsultaren orria.

¿ Txosten kirurgikoaren orria eta/edo erditzearen errejistroa.

¿ Anestesiaren orria.

¿ Ospitaleko infekzioaren orria.

¿ Erizaintzako zainketen bilakaeraren eta plangintzaren orria.

¿ Aplikazio terapeutikoaren orria.

¿ Konstanteen grafikaren orria.

¿ Nekropsia-txostenaren orria.

¿ Larrialdietako orria.

¿ Borondatezko altaren orria.

¿ Altaren txosten klinikoaren orria.

¿ Erradiografiak edo bestelako agiri ikonografikoak.

¿ Agiri-eredu horiek ezezik, egokitzat jotzen dituen beste batzuk ere sartu ahalko ditu ospitaleak historia klinikoan, aurretik zentroko Historia Klinikoetako Batzordearen baimena ¿horrelako batzorderik baldin badago¿ jaso ondoren.

Halaber, ospitaleak, aukeran, horko Anamnesi eta azterketa fisikoaren orria (4) eta Erizaintzako zainketen bilakaeraren eta plangintzaren orria (12) izeneko agiri-ereduak bitan banatu ahalko ditu; alegia: lehenengoa, Anamnesiaren orria, batetik, eta Azterketa fisikoaren orria, bestetik; eta bigarrena, Erizaintzako zainketen bilakaeraren orria, batetik, eta Plangintzaren orria, bestetik.

Unidosia erabiltzen bada, Aplikazio Terapeutikoaren Orriaren ordez (13) Unidosiaren orria sartu ahalko da, datu berberak jasoaz, baina medikuen eta erizainen elkarlanarekin banatuta.

atala.¿

Ospitaleko Historia Klinikoa egiteko, beharrezkoa da aurreko atalaren 1. idazatian aipatzen diren agiri-ereduak erabiltzea. Agiri-eredu bakoitzaren edukia ondoren ematen da aditzera, eta asistentziaren ikuspuntutik komenigarritzat jotzen den guztietan erabiliko dira.

¿ Orri kliniko-estadistikoa.

Orri honetan ¿izen hori eduki edo beste bat eduki¿ asistentziako gorabeheraren inguruko datu administratiboak eta klinikoak jasoko dira.

Orri kliniko-estadistikoak, gutxienez, ospitaleko altaren gutxieneko datuen bilduma jaso beharko du, azaroaren 3ko 303/1992 Dekretuak ¿Ospitaleko altaren gutxieneko datuen bilduma arautzeko eta Euskal Autonomia Erkidegoko ospitaleetako alten errejistroa sortzeko dena¿ 3. atalean xedatutakoaren arabera.

¿ Sarrerako baimen-orria.

Orri honetan gaixoak edo bere legezko arduradunak baimena ematen diote ospitalizazioari eta medikuek egoki ikusten dituzten neurri diagnostiko eta terapeutikoak abian jartzeari, neurri horiek ez badute jakinaren gaineko onespen-orririk behar.

¿ Jakinaren gaineko onespen-orria.

Orri honetan gaixoa edo bere legezko arduraduna jakinaren gainean daudela ematen da aditzera, alegia, badakite gaixoaren osasun-egoera zein den eta diagnostikoa eta tratamendua egiteko zein aukera dauden, eta baimena ematen dute edo ez honakoak egiteko:

• Kirurgia eta/edo azterketa-modu bereziak.

• Organoak eman.

• Transfusioak.

• Esperimentazioak eta saio klinikoak.

• Hilondoko azterketak edo nekropsiak.

• Gaixoen identifikazio-datuak historia klinikoan adierazitako asistentziako helburu soilaz besteko helburuetarako erabili.

¿ Anamnesi eta azterketa fisikoaren orria.

Orri honetan hauek jasoko dira:

1. Kontsulta eta/edo ingresoaren zergatia, gaixoaren aurrekariak eta bere familiarenak, tresna eta sistemen araberako galdetegia, momentuko gaixotasunaren deskripzioa, eta interesgarriak izan daitezkeen beste alderdi klinikoak.

2. Gaixoari egin zaion azterketa fisikoaren emaitzak tresna eta sistemen arabera sailkatuta, bai eta sarrerako diagnostikoa, diagnostiko bereizgarria, ikerketa-plana eta hasierako plan terapeutikoa ere.

   Erraz irakurtzeko moldean ezarrita, data eta asistentzia egin duen medikuaren sinadura agertu behar dira.

¿ Bilakaera-orria.

Orri honetan aldian aldiko iruzkinak edo urjentziazkoak jasoko dira, asistentzian zehar gertatzen diren gorabeherak, azterketako emaitzak eta proba osagarriak azaltzeko. Halaber, aurretik emandako diagnostikoa aldatzen bada edo tratamendu bat hasten, aldatzen edo kentzen bada, horren berri jasoko da.

Bilakaera-orrietan aldian-aldian jasotzen diren oharrak mediku egileak sinatu beharko ditu eta bertan data jarri. Urjentziazko oharrak, aurrekoez gain, ordua eta medikuaren identifikazio osoa agertu beharko dute.

¿ Agindu medikoen orria.

Orri honetan agindu medikoen berri jasoko da, egunean egunekoa.

Gaixoa zaintzen duen medikuak bete beharko du orri hau, bertan data, agindua zein ordutan eman duen eta sinadura jarriz.

Sendagaien aginduek argiak eta irakurtzeko modukoak izan beharko dute. Bertan, sendagaiaren izena eta/edo bere osagai aktiboa, unitate-kopurua, dosiak, maiztasuna eta hartzeko modua azaldu beharko dira.

Halaber, zehatz adieraziko da medikazioarekin segitu behar denentz, aldatu behar den ala ez, edota kendu behar den.

¿ Azterketa osagarrien txosten-orria.

Orri honetan, diagnostikoa jakiteko edo helburu terapeutikoekin gaixoari tresnen bidez egiten zaizkion probetako emaitzak jasoko dira, hala nola: analisi klinikoak, ikerketa anatomopatologikoak, erradiologikoak, proba funtzionalak eta errejistro grafikoak.

Txosten guztietan eskabidea egiten deneko eguna, azterketa egiten denekoa eta profesional egilearen sinadura agertu beharko dira.

¿ Interkontsultaren orria.

Orri honetan interkontsultaren eskabidea jasoko da, bai eta erantzuna ematen duen zerbitzuaren txostenaren errejistroa ere.

Txosten guztiek eskabide-eguna eta erantzuna ematen deneko eguna jaso beharko dituzte, bai eta mediku eskatzailearen sinadura eta erantzuna ematen duenarena ere. Urjentziazko interkontsultako orriek, aurreko datu horietaz gainera, eskabidea egiten deneko ordua eta erantzuna ematen denekoa ere jasoko dituzte.

¿ Txosten kirurgikoaren orria eta/edo erditzearen errejistroa.

Orri honetan prozedura kirurgikoak edo obstetrikoak ukitzen dituen informazioa jasoko da.

Honakoak agertuko dira, gutxienez:

• Erabilitako anestesia mota.

• Erabilitako teknikaren edo jardunbidearen deskripzioa.

• Iraupena. Hasiera-ordua eta bukaerakoa.

• Ebakuntzan gertaturiko gorabeherak.

• Ebakuntzan aurkitu diren emaitzak.

• Ebakuntza aurreko eta ebakuntza ondoko diagnostikoak.

• Zirujauen, anestesistaren, instrumentistaren eta emaginaren identifikazioa.

• Gaixoaren egoera eta destinoa ebakuntza-gelatik edo erditzeko gelatik irtetean.

• Ebakuntzan erauzitako materialari azterketa anatomopatologikorik eta/edo bakteriologikorik egingo zaion ala ez adieraztea.

• Data eta ebakuntza egin duen medikuaren edo emaginaren sinadura.

¿ Anestesiaren orria.

Orri honetan anestesiologoaren jarduna jasoko da. Bertan, ebakuntza aurreko azterketaren laburpena sartuko da; eta ebakuntza ondokoaren aurretik, ebakuntza ondokoan eta ebakuntza ondokoaren ostean anestesistaren jardunaren pean egiten diren jarduketak jasoko dira.

Honakoak agertuko dira, gutxienez:

• Ebakuntza aurreko balorazioaren laburpena.

• Anestesia hasten den ordua eta bukatzen denekoa.

• Teknika anestesikoaren deskripzioa.

• Emandako medikazioa, dosiak, bidea, eredua eta emateko momentua.

• Aireztapen mekanikoaren ezaugarriak, halakorik badago.

• Ebakuntzan zehar gaixoak dituen bizi-konstanteen grafiko zerrendatua.

• Gaixoaren bizi-egoeran gertatzen diren gorabehera nabarmenak.

• Gaixoaren egoera klinikoa, ebakuntzan zehar eta ondoren.

  Ebakuntzaren ardura duen anestesiologoak bete beharko du agiri hau, bertan data eta sinadura jarriz.

¿ Ospitaleko infekzioaren orria.

Orri honetan ospitaleko infekzioaren errejistroa egingo da.

Honakoak agertuko dira, gutxienez:

• Infekzio mota.

• Sarrerako diagnostikoa.

• Ateratako lagin bakteriologikoak.

• Egindako isolamendu mota, halakorik badago.

• Emandako antibioterapia, halakorik badago.

• Egindako azterketaren prozedura eta/edo teknika, halakorik badago.

• Mediku egilearen sinadura eta data.

¿ Erizaintzako zainketen bilakaeraren eta plangintzaren orria.

Orri honetan bi informazio mota jasoko dira:

1. Gaixoari asistentzia ematen zaion bitartean gertatzen diren gorabeherak, zainketa planaren emaitzak eta plan horretan gauzatzen diren aldaketak, behar bezala arrazoituta.

2. Erizaintzako zainketa guztiak, bai agindu medikuen ondorioz egiten direnak bai erizaintzako atentzioak berak egindakoak.

   Momentu horretan gaixoaren ardura duen OLT/erizaintzako unibertsitate diplomatuak sinatu beharko du agiri hau, bertan data jarriz.

¿ Aplikazio terapeutikoaren orria.

Agiri honetan, medikuen aginduz erizainek gaixoari ematen dioten medikazioa jasoko da.

OLT/erizaintzako unibertsitate diplomatuak bete beharko du, honakoak jasoaz:

• Sendagaia.

• Bidea.

• Dosiak.

• Unitateak.

• Eguna eta ordua.

  Orria aplikazioa egiten duen OLT/erizaintzako unibertsitate diplomatuak ere sinatu beharko du.

¿ Konstanteen grafikaren orria.

Agiri honetan grafikoki gaixoaren bizi-konstanteak jasoko dira.

Honakoak agertuko dira:

• Ospitalizazio-eguna.

• Eguna eta, hala badagokio, ordua.

• Ohiko bizi-konstanteak, hala nola: pultsua, tenperatura, presio arteriala, diuriesia, dieta, pisua, balantze hidrikoa eta gaixoaren bilakaerak hartaraturik beharrezkoak diren gainerako kontrolak ¿izan daitezen medikuak aginduta izan daitezen erizaintzako jardunari dagozkionak¿.

  Momentu horretan gaixoaren ardura duen OLT/erizaintzako unibertsitate diplomatuak bete beharko du konstanteen grafikoa.

  Zaintza intentsiboetan asistentzia jaso duten gaixoen kasuan, bizi-konstanteen errejistro zehatza erantsi beharko da.

¿ Nekropsia-txostenaren orria.

Agiri honetan, hilondoko azterketak ematen dituen informazioa jasoko da.

Bertan jasoko dira: aurkikuntza makro eta mikroskopikoak (idazati banatan), zerrenda anatomoklinika, bukaerako diagnostiko ustekoa eta heriotza eragin duen arrazoia seguruaski zein den.

Txostena emateko ardura duen anatomopatologoak sinatu beharko du agiria eta data ezarri, bere identifikazioa behar bezala azalduz.

Azterketa anatonomopatologikoa konplexuegia delako ezin bada nekropsia-txostena behin betikoz egin, behin-behineko txostena egin beharko da, gutxienez, harik eta behin betikoa osatu arte.

¿ Larrialdietako orria.

Dekretu honetako 3. atalean aipatutako agiria da. Larrialdi-Zerbitzuan hartzen den gaixoa ospitalean ingresatzen den kasuetan, historia klinikoari eransten zaio.

¿ Borondatezko altaren orria.

Orri honetan, gaixoak edo bere legezko arduradunak bere kabuz ospitalea uztea erabakitzen duela ¿medikuen iritziaren aurka¿ aditzera ematen du, eta horrek berekin dakartzan ondorioak bere gain hartzen dituela ere bai.

Interesatuak sinatu beharko du agiria, erraz irakurtzeko moduan, eta bertan, bere NANaz gainera, medikuak jakitun dela aditzera eman beharko du eta agiria sinatzen den eguna eta ordua agertu behar dira. Nahi izanez gero, gaixoak erabakia zergatik hartu duen azaldu ahalko du.

¿ Altaren txosten klinikoaren orria.

Agiri honetan asistentziaren gorabeheren laburpena jasoko da.

Ospitalean ingreso bat gertatzen den bakoitzean bete beharko da agiri hau, bai eta atentzio anbulatorioa ematen den bakoitzaren bukaeran ere, beti ere gaixoak ez badu prozesu berbera dela-eta aurretik inongo txostenik zerbitzuan.

Alta ematen denean, zuzenean edo bere legezko arduradunaren bitartez, eskura emango zaio agiria gaixoari. Daturik falta delako ezinezkoa bada behin betiko diagnostikorik ematea altaren txosten klinikoaren orrian, bitartean behin-behineko altaren txostena emango da, harik eta postaz behin betiko diagnostikoa bidaltzen den arte.

Gaixoa hiltzen bada, altaren txosten klinikoa senideei edo hurbilenekoei bidaliko zaie.

Edozein kasutan, gaixoa ospitale batetik bestera eramateko alta jasotzen duenean, berekin batera altaren txosten klinikoa eraman beharko du, destinoko zentroan aurkezteko.

Altaren txosten klinikoa mekanografiatuta aurkeztuko da; edo bestela, eskuz idatzita aurkeztuz gero, letrakera eta eduki aski modu ulergarrian.

Osasun eta Kontsumo Ministerioaren 1984ko irailaren 6ko Agindua bete beharko da (irailaren 14ko EBO), bertan xedatzen denez derrigorrezkoa baita Osasun Establezimenduetan hartzen diren gaixoen alta-txostenak egitea.

¿ Erradiografiak edo bestelako agiri ikonografikoak.

Ospitalearen ardurapean gelditzen diren erradiografiak eta agiri ikonografikoak historia klinikoari erantsiko zaizkio. Inoiz agiri horiek gaixoari edo jatorrizko medikuari edo osasun zerbitzuari ematen bazaizkio, horren egiaztapena jaso beharko da historia klinikoan.

atala.¿

Hainbat kodifikaziori begira (diagnostikoak, prozedura kirurgikoak, obstetrikoak, teknika eta tratamendu bereziak), Gaixotasunen Nazioarteko Sailkapena erabiliko da, unean-unean Osasun Sailak erabakitzen duenaren ildotik.

atala.¿

Dekretu honen 2. ataletik 5.era definituriko agiri-ereduak ongien kudeatzeko, kontserbatzeko eta baloratzeko moduko euskarri dokumentaletan errejistratuko dira.

Bereziki zaindu beharreko informazioak gorde behar direnean, euskarri informatikoak, optikoak edo bestelakoak erabiliz gero, eta euskarri horiek arrisku bat dakartenean agiri horien kontserbazioan eta kudeaketan, arta handiz bermatuko da dokumentuok ez direla luzaroan hondatuko edo galduko.

Edonola ere, euskarriak erabiltzerakoan urriaren 22ko 5/1992 Lege Organikoari men egingo zaio, bertan arautzen baita Datu Pertsonalen Tratamendu Automatizatua.

atala.¿

Ospitaleetako Larrialdi¿Zerbitzuetako Jarduera Klinikoen Erregistroko agiriak eta Ospitaleetako Historia Klinikoetakoak paperezko euskarrian errejistratzen direnean, beste euskarri batzuetan kopiatzeko moduan adieraziko dira.

atala.¿

Larrialdi-Zerbitzuetako gaixoak ospitalizatzen ez direnean, horien agiri klinikoak gutxienez bi urtez atxiki behar dira suntsitu gabe, asistentzia eman denetik kontatuta. Hala ere, larrialdietako orria salbuespena izango da, gutxienez bost urte igaro behar baitira orri hori suntsitzeko.

atala.¿

¿ Ospitalean atentzioa jasotzen duen gaixoaren historia klinikoan, asistentzia azkenekoz jasotzen duenean ematen zaion alta-egunetik bost urtera, hainbat agiri suntsitu ahalko dira. Hauek, alegia:

1. Orri kliniko-estadistikoa.

2. Sarrerako baimen-orria.

3. Agindu medikoen orria.

4. Interkontsultaren orria.

5. Ospitaleko infekzioaren orria.

6. Erizaintzako zainketen bilakaeraren eta plangintzaren orria.

7. Aplikazio terapeutikoaren orria.

8. Konstanteen grafikaren orria.

9. Larrialdietako orria.

10. Erradiografiak edo bestelako agiri ikonografikoak.

11. Hurrengo atalean aipatzen ez diren bestelako agiriak.

¿ Halaber, alta jaso duten asistentzia kasuetan, anamnesi eta azterketa fisikoaren orria eta bilakaera-orria suntsituko dira, asistentzia azkenekoz jasotzen duenean ematen zaion alta¿egunetik bost urtera.

atala.¿

¿ Honako agiri-ereduak behin betiko gorde beharko dira:

1. Altaren txosten klinikoaren orria.

2. Borondatezko altaren orria.

3. Jakinaren gaineko onespen-orria.

4. Txosten kirurgikoaren orria eta/edo erditzearen errejistroa.

5. Anestesiaren orria.

6. Azterketa osagarrien txosten-orria.

7. Nekropsia-txostenaren orria.

¿ Halaber, altarik jaso ez duten asistentzia kasuetan, anamnesi eta azterketa fisikoaren orria eta bilakaera-orria gordeko dira.

¿ Agiri-eredu horiek eta bertako informazioa betiko kontserbatu ahal izateko, euskarri egokienak erabliko dira. Eta soilik euskarri berriak irauteko berme sendoa dagoenean suntsituko da paperezko euskarria.

atala.¿

¿ Agiri Klinikoak Baloratzeko, Aukeratzeko eta Garbitzeko Batzordea (AKBAGABA) sortzen da. Osasun Sailari atxikita eta Osasun Sailburuordetzaren menpean egongo da.

¿ Honakoek osatuko dute Batzordea:

• 2 ordezkarik, Eusko Jaurlaritzako Osasun Sailaren aldetik.

• 2 ordezkarik, Eusko Jaurlaritzako Kultura Sailaren menpeko IRARGI-Euskadiko Ondare Dokumentalaren Zentroaren aldetik.

• 2 ordezkarik, Osakidetza entitate publikoaren Erakunde Nagusiaren aldetik.

• 2 ordezkarik, Osakidetzaren menpeko ospitaleen aldetik.

• 3 ordezkarik, Euskal Autonomia Erkidegoko ospitale pribatuen aldetik.

  2. ¿ Osasun sailburuaren aginduz izendatuko dira batzordekideak, erakundean erakundeko proposamena jaso ondoren. Agindu horretan bertan lehendakaria eta idazkaria izendatuko dira.

  3. ¿ Batzordekideen erdia hiru urtetan behin aldatuko da; hartara, ez da etenik egongo jardunean eta ez da eraginkortasunik galduko.

  4. ¿ Agiri Klinikoak Baloratzeko, Aukeratzeko eta Garbitzeko Batzordeak lau osoko bilera egingo ditu urtean, gutxienez. Horietan, helburuak zenbateraino eta nola betetzen ari diren ebaluatu eta lan-ildoak diseinatuko dira.

     Lana errazteko, Batzordeak egoki ikusten dituen lan-taldeak edo azpibatzordeak sortuko ditu. Azken hauek hartzen dituzten erabakiak baliogarriak izango dira, Batzordearen oniritzia jaso eta gero.

  13. atala.¿

      Honakoak dira Agiri Klinikoak Baloratzeko, Aukeratzeko eta Garbitzeko Batzordearen (AKBAGABA) egitekoak:

      1. Dekretu honetako 9., 10. eta 11. ataletan adierazitakoa berehala abian jartzeko, Jarduketa Programa diseinatzea eta horren segimendua egitea.

      2. Ospitaleetako Larrialdi¿Zerbitzuetako Jarduera Klinikoen Erregistroko agiriak eta Ospitaleetako Historia Klinikoetakoak baloratzeko,hautatzeko eta garbitzeko alderdi teknikoei buruzko aginduak garatzea.

      3. Ospitaleetako Larrialdi¿Zerbitzuetako Jarduera Klinikoen Erregistroko agiriak eta Ospitaleetako Historia Klinikoetakoak dekretu honetan ezarritakoaren arabera garbitzen direla egiaztatzea eta horren segimendua egitea.

  14. atala.¿

      Garbiketa prozesua administrazio berme guztiekin egiten dela ziurtatzeko, Agiri Klinikoak Baloratzeko, Aukeratzeko eta Garbitzeko Batzordeak, ospitale bakoitzeko organo eskudunekin elkarlanean, bertako artxibatzeko sistemaren kudeaketaren segimendua egingo du, Euskal Kultura Ondareari buruzko uztailaren 3ko 7/1990 Legean jasotako irizpide orokorren arabera.

      Ospitaleen ardura izango da, behar izanez gero, Ospitaleetako Larrialdi¿Zerbitzuetako Jarduera Klinikoen Erregistroa eta Ospitaleetako Historia Klinikoak kudeatzeko artxibatze sistema ezartzea, aurreikusitako garbiketak zuzen burutu daitezen.

      GEHIGARRIZKO XEDAPENA

      Inon berariazko dokumentazio klinikoa edo dekretu honetakoa baino kontserbazio-epe luzeagoa eskatzen duen araudi espezifikorik baldin badago, zentro sanitarioko titularra arduratuko da hori betetzeaz.

      INDARGABETZE XEDAPENA

      Indargabetu egiten dira Euskal Autonomia Erkidegoko Ospitaleetako Historia Klinikoen erabilera arautzen duen azaroaren 25eko 272/1986 Dekretuaren honako zatiak: bigarren ataletik seigarrenera arte, 10. atalaren 2. idazatia, aldi baterako xedapenak eta azken xedapenetarik lehenengoa.

      Halaber, indargabeturik gelditzen da Osakidetzako zuzendari nagusiaren 1998ko uztailaren 21eko Erabakia, Osakidetzaren menpeko ospitaleko atentzioko zentroetan eta atentzio espezializatukoetan historia klinikoaren lehenengo konplexutasun¿maila zein agirik osatzen duten arautzen duena.