Ongi etorri Legegunea atarira

Atari hau optimizatuta dago nabigatzaile hauentzat:

Euskadi.eus
Legegunea, Euskal araudiaren ataria
Euskadi.eus
  • 47/2007 DEKRETUA, martxoaren 20koa, Ingurumen eta Lurralde Antolamendu Saileko Estatistika Organo Berezia sortzen duena eta bere antolamendu eta funtzionamendua ezartzen dituena. - Legegunea: Euskal Herriko araudia - Eusko Jaurlaritza - Euskadi.eus

Arautegia

Inprimatu

47/2007 DEKRETUA, martxoaren 20koa, Ingurumen eta Lurralde Antolamendu Saileko Estatistika Organo Berezia sortzen duena eta bere antolamendu eta funtzionamendua ezartzen dituena.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Ingurumen eta Lurralde Antolamendu Saila
  • Jadanekotasuna-egoera: Indargabetua

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 65
  • Hurrenkera-zk.: 1975
  • Xedapen-zk.: 47
  • Xedapen-data: 2007/03/20
  • Argitaratze-data: 2007/04/02

Gaikako eremua

  • Gaia: Administrazioaren antolamendua; Ogasun eta Ekonomía
  • Azpigaia: Gobernua eta herri administrazioa; Sailak; Ekonomia
Deskribapenak

Testu legala

Euskadiko Autonomia-Elkartearen Estatistikari buruzko apirilaren 23ko 4/1986 Legeak 26. artikuluan xedatzen duenez, bere baitan estatistikarako berariazko jardute-organo bat eratuta daukaten Jaurlaritzako sailek, lege horretan aurreikusitako moduan, egikaritu egingo dute Euskal Autonomia Erkidegoko estatistikari buruzko jarduna, eta horrela, Autonomia Erkidegoko Estatistika Erakundearen zati bilakatuko dira. Era berean, lege beraren 27. artikuluaren arabera, berariazko estatistika-organoak euren berezko araudiaren arabera arautuko direla dio.

Jaurlaritzaren sailetako estatistika-organoak arautzen dituen ekainaren 22ko 180/1993 Dekretuak garatu egiten ditu arestian aipatutako lege horretan jasotako aurreikuspenak, sailetako estatistika-organo horien sorkuntza, antolaketa eta funtzionamenduari dagokionez.

180/1993 Dekretuaren lehen xedapen gehigarriak ezartzen duenez, gainera, Jaurlaritzako sailek, Estatistikako Euskal Planean edo estatistikako urteko programetan sailenak balira bezala sartutako estatistikak eta ekintzak egin ahal izateko, ezinbestekoa izango da dagokion estatistika-organo berezia izatea.

Estatistiken arloan sortutako beharrek, Ingurumen eta Lurralde Antolamendu Sailaren jardute-esparrua eratzen duten sektoreei dagozkienek, bere antolamendu-egituran sartutako organo bat sortzea aholkatu eta beharrezko egiten dute, eta haren erlazioak eta funtzionamendua estatistikaren legeriak arautu, babestu eta mugatzea, bereziki sekretu estatistikoari dagokionez.

Horrenbestez, Ingurumen eta Lurralde Antolamendu sailburuak proposaturik, Euskal Estatistika Batzordeak txostena egin ondoren eta Jaurlaritzaren Kontseiluak 2007ko martxoaren 20an egindako bilkuran eztabaidatu eta onetsi ondoren, hauxe

XEDATU DUT :
1. artikulua ¿ Xedea.

Dekretu honen bidez, Ingurumen eta Lurralde Antolamendu Sailaren Estatistika Organo Berezia sortzen da, eta bere antolamendu eta funtzionamendua ezartzen da, Jaurlaritzako Sailen Estatistikarako Organo Bereziak arautzen dituen ekainaren 22ko 180/1993 Dekretuaren aginduen arabera.

2. artikulua ¿ Mendekotasuna.

Ingurumen eta Lurralde Antolamendu Sailaren Estatistika Organo Berezia pertsona bakarreko organoa da, eta Zerbitzu zuzendariaren mende dago zuzenean.

3. artikulua ¿ Eskumenak.

  1. ¿ Ingurumen eta Lurralde Antolamendu Sailaren Estatistika Organo Berezia, eskumenei dagokienez, I. motakoa da. Hori dela eta, mota horretako estatistika-organo bereziei 180/1993 Dekretuak esleitzen dizkien eskumenak izango ditu, eta dekretuak ezarritako ahalmenak erabiliko ditu. Zehazki, honako hauek:

    1. Euskal Estatistika Planaren Proiektuaren oinarri izango den Sailaren Estatistika Plana egitea.

    2. Euskal Estatistika Erakundearekin lankidetzan jardutea, Euskal Estatistika Plana eta urteko estatistika-programak egitean.

    3. Urteko estatistika-programetan dauden estatistikak edo haien fase batzuk egitea, bertan zehazten den eran.

    4. Euskal Estatistika Planean eta urteko estatistika-programetan ez dauden saileko bertako estatistikak egitea, apirilaren 23ko 4/1986 Legearen 8.1 artikuluan aurreikusitako moduan.

    5. Artikulu honen c) eta d) idatz-zatietatik eratorritako funtzio estatistikoen ondorioz beste erakunde batzuekin harremana izatea, betiere 4/1986 Legearen 29. artikuluko c) eta d) idatz-zatietan ezarritakoa betez.

    6. Bere eskumeneko estatistikak egiteko informazioa lortzea, 4/1986 Legearen 9 eta 16. artikuluetan adierazitako eran.

    7. Artikulu honen d) idatz-zatian aipatutako estatistiken emaitzak argitaratu eta zabaltzea, bai eta urteko estatistika-programetan zehazten direnak ere, beren edukiaren berri Euskal Estatistika Erakundeari eman ondoren.

    8. Bere arloari dagokion esparruko estatistika-fitxategi direktorioak egin eta eguneratzen esku hartzea, 4/1986 Legearen 29.i) artikuluan aurreikusitakoaren arabera.

    9. Ingurumen eta Lurralde Antolamendu Sailaren aldetik interesgarritzat jotzen diren proiektuak egitea, bereziki zerbitzuak, ikerketak eta arlo nahiz azpi-arlo mailako edozein azterketa, 180/1993 Dekretuaren 7.2 artikuluak ezarritako moduan.

  2. ¿ Ingurumen eta Lurralde Antolamendu Sailaren Estatistika Organo Bereziak bere eskumenak erabiliko ditu, bai sail horretako estatistika-beharrei dagokienez eta bai berari atxikitako erakundeenei dagokienez, eta estatistikak datu estatistiko edo datu administratiboetatik abiatuta egingo diren kontuan hartu gabe.

4. artikulua ¿ Informazioa bidaltzea eta lankidetza.

Ingurumen eta Lurralde Antolamendu Sailaren Estatistika Organo Bereziak errespetatu egingo ditu aipatutako saileko zuzendaritzei estatistikek eragiten dieten gaien gainean legez esleitu zaizkien eskumenak. Zuzendaritza horiek informazio egokia emango diete datu estatistikoen gainean beraiei dagozkien gaietan, eta lankidetzan jardungo dute organo horrekin beren zuzendaritzarekin loturiko ikerketa orokorrak diseinatzen eta lantzen.

5. artikulua ¿ Funtzionamendua.

Ingurumen eta Lurralde Antolamendu Sailaren Estatistika Organo Bereziak, 180/1993 Dekretuaren 4. artikuluan aurreikusitako Estatistikarako Organo Berezien Erregistroan erregistratu ondoren, Euskal Autonomia Erkidegoko Estatistikari dagokion jarduna beteko du, eta estatistiken inguruko legeria beteko du, bere sailari dagozkion edo hari atxikita dauden beste organo eta erakunde batzuekin izango dituen harremanetan.

AZKEN XEDAPENAK
Lehenengoa. Ingurumen eta Lurralde Antolamendu sailburuari ahalmena eman zaio dekretu honetan ezarritakoa garatzeko eta egikaritzeko behar diren xedapen guztiak emateko.

Bigarrena._ Dekretu honek indarra izango du Euskal Herriko Agintaritzaren Aldizkarian argitaratzen den egunaren biharamunetik aurrera.

Vitoria-Gasteizen, 2007ko martxoaren 20an.

Lehendakaria,

JUAN JOSÉ IBARRETXE MARKUARTU.

Ingurumen eta LurraldeAntolamendu sailburua,

ESTHER LARRAÑAGA GALDOS.

Gaiarekin lotutako edukiak


Arauaren historia (5)

Arauaren historia →

Eskumenak eta transferentziak (0)

Ez dago lotutako edukirik.

Garrantzi juridikoko dokumentazioa (0)

Ez dago lotutako edukirik.