Ongi etorri Legegunea atarira

1. Akordio honen helburua da Euskal Autonomia Erkidegoko justizia-administrazioko langile funtzionarioak euskal administrazio orokorreko langile funtzionarioekin parez pare jartzea, bai ordainsarietan bai eta lan-baldintzetan ere.

2. Parekatze hori apurka-apurka egingo da, akordio honek indarrean dirauen denboraren barruan.

3. Horrez gain, Euskal Autonomia Erkidegoan Bulego Judizial eta Fiskal berria jartzeko prozesua egiteko baldintzak ere ezarriko dira akordio honen bidez, bai bulegoaren antolakuntzari buruzkoak bai langileen kudeaketari buruzkoak ere.

Honako akordio hau Euskal Autonomia Erkidego guztian aplikatuko da.

1. Akordio hau, edukian bertan zehaztutako moduan, honako kidegoetako funtzionarioei aplikatuko zaie: Euskal Autonomia Erkidegoko justizia-administrazioko Mediku Forentseen kidegokoak eta Kudeaketa, Izapidetze eta Laguntzako kidego edo eskaletakok.

2. Bitarteko funtzionarioei ere aplikatuko zaie; 39. artikuluak zehazten duen nomina-aurrerapenen kasuan izan ezik, eta 39. artikuluan zehazten diren borondatezko erretiroagatik emateko kalte-ordainen kasuan izan ezik.

1. Hitzarmenak gutxienekoak jasotzen ditu eta zatiezina da, ondorio guztietarako; hitzarmenean adostutako baldintzek multzo unitario organikoa osatzen dute.

2. Zehazki, praktikan aplikatzeko orduan, hitzartutako baldintzak batera eta elkarrekin hartuko dira, multzo osoari lotuta; hortaz, ezingo dira beren multzo eta testuingurutik kanpo berriro negoziatu, ezta artikulu batzuk aplikatu eta besteak baztertu ere; bere osotasunean ezarri eta bete beharko da beti.

3. Administrazioak akordio honen edukia gauzatzeko beharrezko izango diren aurrekontu eta bitarteko material nahiz pertsonal guztiak jartzera behartuko du bere burua.

Hitzarmenean jasotako baldintzen edukia, zentzua eta norainokoa hitzarmen osoa kontuan hartuta interpretatu, ulertu eta aplikatu beharko da, egon litezkeen ez aipatze, hutsune, argitasun-falta edo anbiguotasunek ez dezaten nahasi hitzartutakoaren zentzu zorrotza.

Hitzarmena sinatu dutenek konpromisoa hartu dute lehenik eta behin elkarrizketan saiatzeko, neurri edo jarrera kolektibo liskartsurik hartu aurretik, 70. artikuluak aipatzen duen batzordean erabakitako epeen inguruan.

1. Hitzarmena sinatu duten alderdiek hitz ematen dute hitzarmena berehala eta zuzenean aplikatzeko, eta testuan adostutako baldintzak aldatzea eragin dezakeen jarrerarik ez bultzatzeko.

2. Akordio honetan jasotako artikuluak eta xedapenak aplikatuko dira beste edozeinen aurretik; testu honetan aurreikusi ez diren kontuetan, indarrean dagoen araudi ordeztailea aplikatuko da.

Igoera autonomia-erkidegoko Negoziazio Mahai Orokorrean erabakitako moduan eta unean aplikatuko da, edo Eusko Jaurlaritzak administrazio orokor guztirako zehazten duen moduan eta unean.

Sinatzaileek aitortzen dute justizia-administrazioak izaera berezia daukala, eta Euskal Administrazio Publikoarekiko alde bereizgarriak aintzatesten dituzte.

Horrenbestez, eta lanpostuen monografietan sartzen diren zeregin eta atazen balorazioa alde batera utzita, honako maila minimoak aitortuko zaizkie Euskadiko justizia-administrazioko funtzionarioei:

Kudeaketa-kidegoa: EAEko administrazio orokorreko IV-C maila.

Izapidetze-kidegoa: EAEko administrazio orokorreko V-C maila.

Sorospen-kidegoa: EAEko administrazio orokorreko VII-A maila.

Administrazio orokorrean aplikatzekoak diren igoera berak aplikatuko zaizkie.

1. Maila horiek apurka eta programa baten arabera txertatuko dira, Bulego Judizial berria jartzeko egutegiaren arrastoan. Honela:

   2010eko maiatza: IV-C, V-C eta VII-A mailen % 23, langile guztiei.

   2011ko urtarrila: IV-C, V-C eta VII-A mailen % 35, langile guztiei.

   2012ko urtarrila: IV-C, V-C eta VII-A mailen % 80, langile guztiei.

   2013ko urtarrila: IV-C, V-C eta VII-A mailen % 100 eta balorazioaren ondoriozkoak, langile guztiei.

2. Ordaintzeko formulak ordainsarien doikuntza guztiak hartu beharko ditu kontuan, postu generiko guztietan zenbateko berdina ordaintzeko, estatuko osagarri finkoetan dauden aldeak alde (IVML, SCACE, Bake Epaitegietako Idazkariak).

2010. eta 2011. urteetarako gehituko dira Mahai Orokorraren akordioko 3. ataleko puntuak (ordainsariak) eta aparteko ordainsariei dagozkien puntuak. Aparteko ordainsariei buruzkoek justizia-administrazioko araudi espezifikora jotzen dute zehatz-mehatz, eta, aurrerantzean, hitzarmen hau indarrean dagoen bitartean, EAEko administrazio orokorreko funtzionarioentzako ezarritakoaren arabera arautuko da puntu hau.

Berdin-berdin aplikatuko zaizkie Justizia Ministerioak hirurtekoetarako zehaztutako kopuruak Mediku Forentse, Prozesuko eta Administrazioko Kudeaketa, Prozesuko eta Administrazioko Izapidetzea eta Laguntza Judizialeko kidegoetako karrerako funtzionarioei nahiz bitarteko funtzionarioei; kopuru horiek handiagoak dira Eusko Jaurlaritzak erkidegoetako funtzionarioei ordaintzen dizkietenak baino, halere, ez da inongo kenketarik egingo gainerako ordainsari osagarrietan.

1. Justizia-administrazioko langileen ordainsariak egitura hauxe dauka: oinarrizko ordainsariak (oinarrizko soldata eta hirurtekoak) eta ordainsari osagarriak. 9. eta 10. artikuluek aginduta egin behar den ordainsari-igoerari dagokiona ordainsari osagarri finkoen bidez ordainduko da, hainbanatuta.

   Horretarako, hitzarmen hau indarrean dagoen bitartean, berariazko osagarrian eta produktibitatearen osagarrian emango da kopuru hori. Honela:

2. Berariazko osagarria. Hitzarmen hau indarrean dagoen bitartean, gaur egungo ordainsari osagarriaren % 40 ordainsari osagarri finkoak handitzeko izango da, bai eta 9. eta 10. artikuluetan adostutako mailetara txertatzeagatik apurka lortuko diren ordainsari-igoerak ere.

3. Produktibitatearen osagarria. Hitzarmen hau indarrean dagoen bitartean, osagarri hau aplikatuko da eta soil-soilik Bulego Judizial eta Fiskal Berriaren adierazle eta helburuak betetzea izango du helburua, eta gaur egungo ordainsari osagarriaren % 60 izango du muga. Adierazle eta helburu horiek zeintzuk izango diren, zentral sindikalekin negoziatuta erabakiko da.

4. 2013. urteko maiatzaren 30etik aurrera, aurreko osagarrietatik etorritako zenbateko finkatuak Euskadiko administrazio orokorrean aplikatzen denaren arabera aplikatuko eta banatuko dira; horixe izango da parekatzeko azkeneko urratsa.

Kidego berdineko funtzionarioen artean ordezkapenak egiteko araubidea eta goiko hurrengo kidegoan ordezkapenak egiteko araubidea, biak ere, sindikatuekin negoziatu beharko dira.

BIGARREN KAPITULUA

LANPOSTUEN BALORAZIOA

1. Lanpostuen behin betiko balorazioa justizia-administraziorako lan egiten duten kidegoen lan-monografiei Balorazio Eskuliburua aplikatuta egingo da.

   Gaur egungo epaitegi eta auzitegietako lanak, salbuespenak salbuespen, ez ditu bereizten kidego bakoitzaren ataza eta zereginak; elkarrekin nahasten dira eta batzuek besteei gaina hartzen diete.

2. Aldeen artean monografia batzuk prestatuko dira, bertan azalduko eta zehaztuko dira kidego bakoitzari legez edo antolakuntzagatik dagozkion zeregin eta ataza guztiak, espezifikoak nahiz partekatuak. Hala, Bulego Judizial eta Fiskal berriko lanpostuen balorazioak benetan kontuan hartuko ditu zeregin eta ataza horiek, eta euskal administrazio publikoko batez besteko mailekin parekatzeko moduko ordainsari eta banaketa izango dute lanpostuek.

Sinatu duten aldeek egutegi hau betetzeko hitza eman dute:

2011ko bigarren seihilekoan negoziatuko da lanpostu-zerrendan agertzen diren lanpostuen Balorazio Eskuliburuan zein irizpide sartuko diren; aldeen artean adostuko da, euskal administrazio orokorreko Balorazio Eskuliburua oinarri hartuta.

2012. urtean lanpostu guztiak baloratuko dira.

Baldin eta, lanpostuen balorazioa egin ondoren, emaitzek adierazten badute lanpostuei ordainsari-maila altuagoa dagokiela, aldatu egingo zaie maila, eta altuagoa jarri.

Mediku Forentseen kasuan, 2010. urtean bertan hasita, lanpostuen balorazioa egiteko negoziazio-prozesuari ekingo zaio, betetzen duten zereginarekin bat datorren ordainsaria jartzeko.

HIRUGARREN KAPITULUA

LANPOSTU BEREIZIAK

1. Justizia eta Herri Administrazioko Sailak, hasiera batean, 72 lanpostu berri sortuko ditu Bulego Judizial eta Fiskal berriko lanpostu-zerrendarako.

2. Ardura-lana dela-eta bereizturik dauden lanpostuetarako osagarriek beren horretan jarraituko dute, III. Akordioan zehazturik dauden kopuruetan, harik eta balorazioa egin arte. Momentu horretatik aurrera, balorazioak ematen duen lansari-mailak agintzen duena bete beharko da, baina, edonola ere, III. akordioan aitortutako gutxieneko kopuru hauek bermaturik egongo dira, beti:

   17 funtzionario edo gehiago dauzkan unitateko erantzukizuna daukaten kudeatzaileak: 2.716,18

9. 16 funtzionario dauzkan unitateko erantzukizuna daukaten kudeatzaileak: 2.457,50

   Gehienez 8 funtzionario dauzkan unitateko erantzukizuna daukaten kudeatzaileak: 2.198,81

Bulego Judizial eta Fiskal berria akordio honek indarrean dirauen bitartean eratuko da; baina zenbait baldintza beharrezko izango dira bulegoa egonkorra eta normalizatua izateko. Horrekin batera, aldi hau ez denez behin betirako, metodo eta formula malguak jarri behar dira proban, gero zer edo zer aldatu beharra baldin badago ere.

Akordio hau sinatu dutenek konpromisoa hartu dute fede onez jokatzeko akordioari lotutako edozertan, eta egonkortasuna ematen ahalegintzeko, Bulego Judizial eta Fiskal Berriaren apurka-apurkako ezarpena aurreikusitako epeen barruan egin dadin eta inongo distortsiorik gabe errotu dadin. Elkarrekiko konfiantzak eta fede onak izan behar dute akordio hau landu eta aplikatzen segitu beharreko arrastoa. Horrez ez du esan nahi akordio beti beteko denik edo edukiaren interpretazio erregresiborik ez denik egingo; horregatik, neurriak hartzea aurreikusita dago halakoetarako.

1. Bulego Judizial eta Fiskal berrian, orain artekoan baino zehatzago banatuta egongo da Euskadiko justizia-administrazioko kidego bakoitzak zein zeregin eta ataza egin behar duen, bai eta kidego bakoitzak zer ataza beti izango dituen ere, nagusiki, kudeatzaile arduradunak betetzekoak.

2. Botere Judizialaren Lege Organikoak eta bestelako lege prozesalek zehatz-mehatz jasotzen ez dituzten zeregin eta atazak kidego jakin bati egotzi ahal izango zaizkie, negoziatzen jardun eta gehiengo sindikalarekin adostu eta gero, administrazioak bere burua antolatzeko printzipioarekin bat etorriz.

1. Kudeaketa sistemiko eta kalitatezkoa sartzea berrikuntza nabarmena izango da Euskadiko justizia-administrazioan, eta derrigor ekarriko du beharrezko prestakuntza ematea eta Bulego Judizial eta Fiskal berria ezartzeko oztopo izango ez den esperimentatzeko epea jartzea.

2. Hala bada, egoki ikusi dugu, eta halaxe adostu dute akordioa sinatu duten aldeek, ez egitea kudeatzaile arduradun lanposturako lekualdatze-lehiaketa espezifikorako deialdirik Bulego Judizial eta Fiskal berria erabat ezarrita dagoen arte (gutxi gorabehera, 2013ko ekaina), eta, bien bitartean, postu horiek zerbitzu-eginkizunetan hornitzea. Zerbitzu-eginkizun horien oinarriak ere negoziatuta erabakiko dira.

3. Bulego Judizial eta Fiskal berria ezartzeko fase hori amaitzen denean, lanpostu berezituentzako diseinatutako lekualdatze-lehiaketara aterako dira lanpostuok.

Prestakuntza izango da Bulego Judizial eta Fiskal berriaren oinarrietako bat. Tutore-prestatzaileen poltsa bat sortuko da prestakuntza emateko eta lanpostu konkretu bakoitzerako egokitzen laguntzeko, bereziki, kudeaketako eta izapidetzeko kidegoetako funtzionarioentzako; horixe izango da ezagutza-fluxua diseinatzeko abiaburua.

53. , 54., eta 55. artikuluetan aipatzen diren prestakuntza-planez gain, prestakuntza-plan berezia sortuko da Bulego Judizial eta Fiskal Berrirako; zehazki, arlo hauek jorratuko ditu:

1. Bulego Judizial eta Fiskal Berrirako prestakuntza berezia, orokorra eta derrigorra, honako hiru ikuspegi hauek lantzeko:

   1. Bulego judizial berriaren aurkezpena egitea.

   2. Prozesuei buruzko prestakuntza, batez ere, jurisdikzio zibilaren arloko prestakuntza prozesala,

   3. Lan-taldeak.

      Prestakuntza prozesala, erakunde guztian izango duen eraginagatik, bakarka egingo da.

2. Kudeatzaile arduradunentzako prestakuntza berezia, orokorra eta derrigorra, bi arlotan zentratua:

   1. Kalitatezko Kudeaketaren metodologia, tresnak, ereduak eta teknikak.

   2. Zuzendari-gaitasuna, lidergoa eta lan-taldeak eramaten jakitea.

Lan egiteko protokoloak derrigor betetzekoak direnez, zentral sindikalek konpromisoa hartu dute erabakiko dituzten zeregin eta atazak ere protokolo horietan sartzeko.

Akordio hau sinatzen dutenek konpromisoa hartzen dute kalitatearen kudeaketako sistema bat diseinatu, ezarri eta errotzeko, denen artean adostuta; herritarren eta Euskadiko justizia-administrazioaren erabiltzailearen premiei erantzuteko, batez ere. Premia horiek zein diren identifikatzeko, adierazle-taula bat erabiliko eta beteko da. Sistema horrek etengabe eta ganoraz hobetzeko (urteko helburuak lortuz, besteak beste) eta justizia azkar, eraginkor eta ganorazkoa izateko beharrezko metodologia ekarri behar du.

1. Lan-eguna nola banatu eta ordutegiak nola izango diren lan-egutegiak zehaztuko du. Urtero berria onartu beharko da; Euskal Autonomia Erkidegoan, Bulego Judizial eta Fiskalaren zuzendaritzak onartu behar du, Botere Judizialaren Kontseilu Nagusiak aldeko txostena ematen duenean, sindikatu-erakundeekin negoziatu ondoren (hala agintzen du Botere Judizialari buruzko uztailaren 1eko 6/1985 Lege Organikoaren 500.4 artikuluak).

2. Euskal Autonomia Erkidegoan lan egiten duten justizia-administrazioko funtzionarioen lan-egunaren banaketa eta ordutegiak zehaztea bere burua antolatzeko daukan ahalmenaren adierazpena da. Ahalmen horren helburua da unitate bakoitzari jarri zaizkion helburuak behar bezala eta ganoraz betetzeko, herritarrei hobeto kasu egiteko eta zerbitzu publikoek fin funtzionatzeko beharrezko neurri egokiak jartzea. Langileen baldintzak hobetzea ez ezik, interes orokorrei behar bezala erantzutea, horixe lortu behar da.

3. Justiziako Estatutuko Idazkaritzak 2005eko uztailaren 15ean emandako ebazpenak arautzen du justizia-administrazioan lan egiten dutenen lan-jardun orokorrak zenbat iraungo duen, bai eta dedikazio berezia daukan jardunak zenbateko iraupena duen ere (2005eko abuztuaren 10eko BOE, 190. alea).

1. Urteko lanaldia 1.625 ordukoa izango da, lan egindako egun modura harturik bederatzi baimen-egun. Hortaz, 1.557 lan-ordu izango dira benetakoak urtean, eta urtean-urtean egokitu egingo dira autonomia-erkidegoko administrazio orokorrak egindako lan-egutegira. Orokorrean lanaldia jarraia izango da, akordio honetan edo akordioa garatzeko araudian jasotako salbuespenak salbuespen.

2. Urteko lan-ordutegia benetako lanari dagokiola ulertzen da; hortaz, dagokion egutegian ezartzen den lanaldi arrunta hasten denetik amaitzen den arte egon behar du bere postuan langile bakoitzak.

3. Bertako jai-egunak (abenduaren 24a eta 31 barne) nola banatu diren eta hartutako opor-egunak kontuan hartuta, soberan dauden orduak doitu eta urteko 1.557 orduko lanaldia osatu artekoa sindikatuekin negoziatuko da lan-egutegia prestatzean.

1. Justizia-administrazioko Bulego Judizial eta Fiskaletan eta beste zerbitzuetan, lanaldia, gehienez ere, benetako hogeita hamazazpi ordu eta erdikoa izango da astean, batez beste, urte osoa kontuan hartuta.

2. Ordutegiaren zati finkoa, derrigor lanpostuan egon beharreko denbora, bost ordu eta hogeita hamar minutu izango dira egunero; goizeko zortzi eta erdietatik hasi eta ordu bi eta erditara bitartean egin behar dira, astelehenetik ostiralera.

3. Ordutegiaren zati malgua 07:30-17:00 bitartean har daiteke. Ordutegiaren zati honetan, ordutegiaren zati finkoa eguneko bost ordu eta erdi eta gainerako lanaldia eguneko zazpi ordu eta erdi sartzen dira, hilabete osoa kontuan hartuta. Urteko lan-egutegian adierazita egongo da: hileka-hileka, hil bakoitzean derrigor bete beharreko orduak zehaztuko dira, hilabete bakoitzeko jaiak kontuan hartuta.

4. Lanaldiaren barruan, orokorrean, hogeita hamar minutuko lan-etena egin ahal izango da, lanaldia hasi eta bigarren ordutik aurrera. Eten horixe bakarrik egin daiteke egunean, eta lan eginda bezala hartuko da. Etena ezin da diruz konpentsatu, eta gero hartzeko ere ezin da pilatu. Hori horrela dela, lantokiko arduradunak hartu behar du erantzukizuna herritarrei kasu egiteko zerbitzua, eta lantoki bakoitzeko funtzionamendu-baldintza orokorrek, beren horretan, ondo, jarrai dezaten; beharrezkoa bada, ekitatea gogoan, atsedena hartzeko txandak ere erabaki ditzake.

5. Organo, bulego eta zerbitzuetan, herritarrei nahiz profesionalei kasu egiteko ordutegia 09:00-14:00 bitartean da; betiere, Botere Judizialaren Lege Organikoaren 188. artikuluak jendeari kasu egiteko ezartzen duen modua errespetatuz. Ordutegi hori lantokien kanpoan argi eta garbi adierazi behar da, nabarmenduta. Hala eta guztiz ere, herritarrei kasu egiteko zerbitzuetan eta dokumentuak aurkezteko erregistroetan, 09:00 eta 15:00 bitartean ere herritarrei behar bezala kasu egiteko nahiko langile badagoela ziurtatu beharko da, behar diren txandak eginda. Lekuren batean herritarrei kasu egiteko zerbitzua eta dokumentuak aurkezteko erregistroa toki bera badira, multzo bakarra bailiran egin beharko dituzte txandak zerbitzu bateko eta besteko funtzionarioek.

6. Larunbatak ordutegi malguaren tartetik kanpo daude, Euskadin bulego judizialak itxita egoten dira-eta larunbatetan. Halere, arau horren gainetik dago Botere Judizialaren Lege Organikoaren 182.1 artikuluaren bigarren paragrafoak agintzen duena, alegia, araubide bidez larunbatak lan-egun izenda daitezkeela, egintza judizialetarako. Araubide horrek ezingo ditu oztopatu larunbatetan eman beharreko zerbitzuak eta organo jurisdikzionalen zerbitzuak edo guardian egon behar duten justizia-administrazioaren beste zerbitzuak (Botere Judizialaren Lege Organikoaren 501. artikuluak xedatuta).

1. Indarrean dagoen legeak aginduta, Giza Baliabideen Antolamenduko zuzendariak instrukzio bat eman zuen 2009ko otsailaren 4an, Euskal Autonomia Erkidegoko justizia-administrazioaren arloan ezarrita dauden lanaldia eta ordutegiak betetzen direla ziurtatzeko kontrol-sistemari buruz. Instrukzio horrek kontrol-baliabide mekanizatuak erabiltzeko eta gorabeherak justifikatzeko arau zehatzak jartzen ditu, eta baliabide mekanizaturik ez daukaten egoitza judizialetan jarri beharreko kontrol-sistema ere zehazten du.

2. Ordutegia ondo betetzen den jakiteko ohiko kontrolaz gain, Bulego Judizial eta Fiskaleko zuzendaritzak aukeran izango du, baita ere, langileak bertan dauden ikusteko kontrol konkretuak egiteko, egoki iruditzen zaion eran; horretarako, Euskal Autonomia Erkidegoan kokatutako organo judizialetara joateko araubidea finkatuko du, arlo zehatz horretarako jarritako lanaldia eta ordutegiak behar bezala betetzen direla ziurtatzeko.

3. Inongo arrazoirik gabe, ordutegia betetzeari uzten bazaio, edo ez bada fitxatzeko edo txartel magnetikoa erabiltzeko obligazioa betetzen edo ez badira funtzionarioentzako jarritako bestelako kontrolak betetzen, orduan, indarrean dagoen araudian jasotako zehapen-araubidea aplikatuko da.

1. Uztailaren 1eko 6/1985 Lege Organikoaren IV. tituluko II. kapituluak aukera ematen duenez, jar daitezke ordutegi etenak eta bereziak lanpostu-zerrendetan, lantoki jakin batzuetarako, zerbitzu edo organo jurisdikzionalen arabera egoki denean.

2. Gainerakoen aldean herritar asko hartzen dituzten zerbitzu eta bulegoetan lanaldi etena jar daiteke nahi izanez gero, esate baterako, Erregistro Zibilean eta herritarrei kasu egiteko bulegoan. Horrez gain, arratsaldeko lan-ordutegia jar daiteke Komunikazio eta Exekuzio Egintzen Zerbitzu Orokorrean. Egokitzapen horiek hiru hiriburutan egingo dira, esperimentu moduan lehenik, eta horren ondoren ikusiko da beste partidu judizialetara zabaltzea komeni den ala ez.

   Baldin ordutegi eta lanaldi hauek jartzearen ondorioz, langile gehiago hartu beharra suertatuko balitz, sindikatuekin adostu beharko litzateke lehenik.

3. Ordutegi horiek aldatzeko egin beharreko egokitzapenak, ekonomikoa barne, negoziatu egin beharko dira beti, euskal funtzionario publikoen lanaldi etenaren baldintzak erreferentziatzat hartuta, edo, kasuan kasu, arratsaldeko lanaldiaren baldintzak kontuan hartuta.

1. Bulego Judizial eta Fiskalaren zuzendariaren ebazpen bidez arautuko da justizia-administrazioko funtzionarioei oporrak emateko prozedura eta funtzionarioek oporrak nola disfrutatuko dituzten. Zentral sindikalekin negoziatuko da urteko hilabete guztietatik zenbateko gutxieneko proportzioan egon behar duten langileek lanean, bai eta zenbateko gehieneko proportzioan egon beharko duten lanean abuztuan bulego judizialetan, fiskaletan eta AMEEn, bulego bakoitzaren premiak eta berezitasunak kontuan hartuta.

2. Akordioa sinatzen dutenek konpromisoa hartzen dute elkarrekin formula bat negoziatzeko, zerbitzu publikoa eskastu gabe, aukera emango duena gai honek bereziki eragiten dien zerbitzuetan ordezkapenak egiteko, zehatzago esateko, Bake Epaitegietan, eta Bulego Judizial eta Fiskaleko Zuzendaritzak baloratu eta onetsitako kasuetan.

3. 2011. urtetik aurrera, bermatuta egongo da Euskal Autonomia Erkidegoko administrazio orokorrean gehiegizko lan-orduengatik ematen diren egun berdinak ematea. Gainera, euskal funtzionario publikoentzat jarritako txandak egokitu egingo dira: Aste Santuen eta Gabonen artean banatuko dira, orokorrean; dena delako izaeragatik edo Idazkari Judizialak, Fiskal buruak edo Klinika Mediku Forentseko Zuzendariordeak behar bezala justifikatutako zerbitzu-premiak dauzkaten bulegoen kasuan ez ezik.

   Apurka-apurka egokituko dira gehiegizko lan-orduen egunak eta txandak. 2012. urtean, egun bat gutxiago izango da, eta 2013. urtean beste egun bat kenduko da.

4. Urtean soberan diren orduak ordutegiaren zati malguan konputatuko dira. Oso-oso kasu berezietan, eta halakoetan bakarrik, ezinezkoa bada Idazkari Judizialak ziurtatutako zerbitzu-premien arabera egitea konputua, soberako orduak egunetako konputatzeko aukera izango da.

Euskadiko administrazio orokorreko funtzionario publikoentzako adostu diren baimenak eta lizentziak zuzen-zuzenean aplikatzekoak izango zaizkie Euskadiko justizia-administrazioko funtzionarioei; jakina, estatutua bera bere horretan uzten den heinean.

1. Euskadiko administrazio orokorreko funtzionario publikoentzako adostu diren laguntzak zuzen-zuzenean aplikatzekoak izango zaizkie Euskadiko justizia-administrazioko funtzionarioei ere; jakina, estatutua bera bere horretan uzten den heinean.

2. Euskal Autonomia Erkidegoko administrazio orokorreko hitzarmenean hartuko diren akordioak edo Titulu honetako 35., 36., 37., 38. eta 39. artikuluetan jasotako gaiei buruz Eusko Jaurlaritzak har ditzakeen neurriak: aurreikuspen soziala, istripuen asegurua, bizi-asegurua eta gizarte-erantzukizuneko asegurua; nominaren aurrerapenak; nominaren aurrerakinak eta borondatezko erretiroaren kalte-ordainak) artikulu horien edukia aldaraziko dute, esandako akordio horien testuaren arabera edo, kasuan kasu, neurrien arabera.

1. Itzarri BGAEaren sustatzaile eta kide babesle da Eusko Jaurlaritza.

2. Euskadiko Autonomia Erkidegoko Administrazioko langile guztientzat eta Erakunde Autonomo, zuzenbide pribatuko Erakunde Publiko eta Sozietate Publikoentzat izango da Itzarri BGA Erakundea. Gizarte-aurreikuspen osagarria, enpleguko eta ekarpen mugatuko sistema kudeatuko du.

1. Autonomia-erkidegoko administrazioak Euskadiko justizia-administrazioko funtzionarioentzat ere edukiko ditu, berdin-berdin, istripuen polizako estaldurak, heriotza, erabateko baliaezintasun iraunkorra edo baliaezintasun iraunkor osoa gertatuz gero ere; administrazio orokorreko funtzionarioentzako jarritako zenbateko berdinekin.

2. Hitzarmen honen eraginpeko langileak erantzukizun zibileko polizarekin aseguratuta daude. Poliza hori Autonomia Erkidegoko administrazioak izenpetu zuen Euskal Autonomia Erkidegoko administrazioaren eta bere erakunde autonomoen, ordezkarien, langileen eta menpekoen alde, beren eginkizunetan nahiz lanbidezko jardunean ari direnean.

3. Autonomia-erkidegoko administrazioak bizi-aseguruaren polizari eta erabateko baliaezintasun iraunkorraren polizari eutsiko dio orain arte bezala, baina, aurrerantzean, Euskadiko justizia-administrazioko funtzionarioak ere bilduko ditu, euskal funtzionario publikoen baldintza berdinetan.

4. Administrazioak konpromisoa hartzen du, aseguru-polizek estaltzen duten halakoren bat gertatuko balitz, onuradunei horri buruzko informazioa emateko eta, bere eskumenen barruan, dena delako onuradunari dagokion zenbatekoa erabat eta azkar kobratzeko egin beharreko kudeaketa guztiak egiteko.

1. Jardunean dauden funtzionarioek eta indarrean diren aurrekontuetako diru-izendapenek aukera ematen badute beren hileko soldata garbiaren % 100erainoko aurrerakinak jasotzeko eskubidea izango dute, inongo interesik gabe, beren kontratu-harremana hilaren azkena baino lehenago bukatzen ez bada. Aurrerakin hori eskatu den hileko nominan konpentsatuko da.

2. Horrez gain, hilero atxikipenen bat egiten zaienen kasuan, hileko soldata garbiaren % 100eko aurrerakina jaso ahal izango dute horiek ere, baina aipatutako atxikipena kenduta.

1. Hitzarmen honen eraginean lanean dabiltzan langileek nominaren diru-kopuru bat aldez aurretik jasotzeko eskubidea izango dute; ondoren azaltzen diren arauon arabera:

2. Egiteke dagoen lan bati dagokion soldata aldez aurretik ordaintzea da nomina-aurrerapena.

3. Nominaren aurrerapena eskuratu ahal izateko, ezinbestekoa da «premia larria» jotzen den gorabeheretako bat gertatzea:

4. Premia larriak. Ondorengo kasu hauen eraginez sortzen direnak:

   1. Eskatzailea ezkondu egin dela edo bikotearekin bizitzen jarriko dela luzerako (Izatezko Bikoteen Erregistroak emandako inskripzio-ziurtagiria bidez egiaztatuta, hala eskatzen du-eta Izatezko Bikoteen Araubidearen maiatzaren 7ko 2/2003 Legeak).

   2. Eskatzailearen dibortzioa, banantzea edo ezkontzaren baliogabetasuna.

   3. Ezkontidea edo ildo zuzeneko lehen mailako ondorengoak hiltzea.

   4. Ildo zuzeneko lehen mailako ondorengoak jaiotzea, edo umeren bat hartu edo adoptatzea.

   5. Eskatzaile, ezkontide, seme-alaba edo etxean hartuta dituen adingabeek gaixotasun larria izatea, edo ebakuntza kirurgiko grabea egin behar izatea.

   6. Bizitzeko etxea (ohikoa) erostea eta bankuko kredituak amortizatzea, bizitzeko etxea erosi ondoren; funtzionario publikoen baldintza berdinetan.

   7. Ohiko etxebizitza zaintzeko beharrezkoak eta nahitaezkoak diren lanak egitea.

   8. Lana egiten den herrira aldatzea bizilekua.

   9. Ohiko etxebizitzarako altzariak erostea.

   10. Ikastetxe ofizialetan ikasketak egiteko, eskatzaileak berak, ezkontideak, seme-alabek edo bere ardurapeko pertsonek ordaintzen dituzten matrikula-gastuak ordaintzea.

   11. Ibilgailua erostea. Baldin eta lanerako erabiltzekoa bada ibilgailua; aurretik justifikatu behar da benetan horretarako dela. Maileguaren zenbatekoa eta itzultzeko gehieneko epea euskal funtzionario publikoen berdin-berdinak izango dira.

   12. Premiazkotzat har daitezkeen horrelako beste kasu batzuk.

5. Kasu horietako bakoitzean nominatik aurreratuko dena, gehienera, berdina izango da administrazio orokorreko funtzionarioei ematen zaien gehienekoarena. Dena den, paragrafo horretako e), f), g), h), i), j), k), eta l) egoeretan, emango den kopurua -betiere, gehienezko mugaren barruan-, aurkeztu beharreko gastuen egiaztagirien araberakoa izango da. Egiaztagiri horiek eskatzaileak aurkeztu behar ditu eskabidearekin batera, eskaera premia larria dela frogatzeko.

6. Aurreratutakoa itzultzeko, hogeita lau hilabete emango dira gehienera, aurrerapena eman eta hurrengo hiletik kontatzen hasita. Aurrerapen horiek ez dute inolako interesik sortzen, eta gehienezko epea amaitu baino lehen ere itzuli ahal izango dira. Alabaina, Pertsona Fisikoen Errentaren gaineko Zergari dagokionez, espezietan jasotako ordainsari bailiran hartuko dira kontuan, diruaren interes legalaren arabera.

7. Ezin da nomina-aurrerapenik eman lehendik emandako aurrerapenak zeharo likidatu arte. Horrez gain, sei hilabete igaro behar dira, gutxienez, nomina-aurrerapen bat kitatzen denetik beste bat eskatu ahal izan arte. Hala ere, f) eta g) paragrafoetan aipatzen diren arrazoiak ez dira elkarrekin bateragarri; hamar urteko aldian, aurrerapen bakarra eskuratzeko aukera emango dute. Eskaera ibilgailua erosteko bada, ezin izango da arrazoi berberagatik beste aurrerapen bat eskatu harik eta aurrekoa kitatu zenetik 5 urte igaro arte.

8. Nomina-aurrerapena jasotzen dutenen egoera administratiboa edo gorabeherak aldatuko balira, eta horren ondorioz, sei hilabetetik gora nominan bajan egon behar badute, eman zaien nomina-aurrerapena oso-osorik itzuli beharko dute aurretik.

9. Izapideari dagokionez, nomina-aurrerapena jasotzeko eskaerak aurkezteko epea bi hilabetekoa izango da, gehienez, eskaera eragin duen gorabehera gertatu den egunetik hasita. Hala ere, aparteko kasuetan, aurrerapena eskatzeko arrazoia izan den gorabehera gertatu aurreko hileko eskabideak ere emango dira ontzat, betiere, eskatzaileak konpromisoa hartzen badu nomina-aurrerapena eman eta bi hilabeteko epean beharrezko justifikazio-agiri guztiak aurkezteko; behar bezala justifikatutako kasuetan izan ezik. Konpromiso hori ez betetzeak besterik gabe aurrerapena etetea ekarriko du.

10. Nomina-aurrerapena eskuratzeko eskabideak idatziz bidali behar dira, korreo ziurtatu bidez, Bulego Judizial eta Fiskalaren Zuzendaritzara; bertan, aurreko paragrafoan esandakoa ondo betetze aldera, noiz jaso diren, eguna, jarri beharko diote eskabide bakoitzean.

1. Justizia Administrazioan lan egiten duten langileek eskubidea izango dute borondatezko erretiroaren kalte-ordaina jasotzeko, administrazio orokorreko funtzionarioek bezalaxe, eta zenbateko berdinekoa.

2. Kalte-ordain hau jaso ahal izateko, ezinbestekoa da eskatzailea azkeneko hamar urteetan lanean jardundakoa izatea, edo Euskal Autonomia Erkidegoan plaza erreserbatzea eragiten duen egoera administratiboan egon izana.

3. Aipatutako eskalaren arabera kasu bakoitzari dagozkion ordainsari-hilabeteak zehazteko, borondatezko erretiroa hartzean langileak zenbat urte zeuzkan hartuko da kontuan.

4. Kalte-ordaina osatzen duten hilabeteko bakoitza, hain justu, borondatezko erretiroa hartu duenari ezarri zaion urteko ordainsari gordinaren hamabigarren zatiari dagokiona da.

5. Kalte-ordaina jasotzeko eskabidea erretiroa hartzeko eskatutako eguna baino hiru hilabete lehenago aurkeztu behar da, gutxienez.

6. Kalte-ordaina jaso ahal izateko, lehenik eta behin, eskumena daukan organismoak emandako Erretiro Akordioa aurkeztu beharko du eskatzaileak; hor agertuko da erretiro aurreratua eskatu duela, eta noiztik gauzatuko den.

1. Gizarte-funtsa osatu beharko da. Gaur egun 63.502 euro dago, baina kopuru hori urtero-urtero berritu beharko da, administrazio orokorrerako zer erabakitzen den gorabeheran. Urte osoko lansari gordinaren ehuneko zazpi (% 7) jarri beharra egokitu zaien langileei laguntzeko izango da. Batzorde Teknikoak aztertuko ditu eskabideak eta proposatuko du nori erantzun baietz. Batzorde hori Bulego Judizial eta Fiskaleko Zuzendaritzak eta akordio hau sinatu duten sindikatuek osatuko dute.

2. Laguntza-funtsaren finantzaketatik kanpo geldituko dira, sorospenen artean, Gizarte Segurantzak edo prebentzioko beste sistema publikoren batek medikuntzako eta farmaziako sorospenaren barruan betetzen dituen tratamenduak eta esku-hartzeak. Baina, biziki larriak eta lehenbailehen bete beharrekoak salbuespen izan daitezke, eta artikulu honetan aurreikusitako batzordeari dagokio horiek erabakitzea.

Administrazio sinatzaileak erretiro-mota batzuen eta besteen arteko konparazio-azterlan bat egingo du, klase pasiboen menpe daudenak eta Gizarte Segurantzaren araubide orokorraren menpe daudenak aztertu, eta denak ere Euskal Autonomia Erkidegoko justizia-administrazioko baldintzarik onenetan berdintzearren.

1. Justizia-administrazioko langileek, lanlekuko segurtasunaren eta osasunaren arloan, babes eraginkorra izateko eskubidea daukate. Eskubide hori badutenez, aipatutako babes hori lortzeko betebeharra dauka Justizia Sailak.

2. Prebentzio Zerbitzuak zainduko du administrazioak babes-ardura hori benetan eta egoki bete dezan; horretarako aholkuak eta laguntza emango dizkio administrazioari berari, langileei eta langileen ordezkariei, eta ordezkaritzako erakunde espezializatuei.

3. Hauek dira langile publikoek dituzten eskubideetako batzuk, betiere lanlekuko segurtasunaren eta osasunaren esparruan: aurrezaintzaren eta osasunaren egoera zaintzearen arloan informazioa jaso, kontsultak egin nahiz parte hartzea, prestakuntza jasotzeko eskubidea eta lana geldiarazteko eskubidea arrisku larria eta berehalakoa dagoenean.

4. Justizia eta Herri Administrazio Sailak eta justizia-administrazioko langileek lanbide-arriskuei aurrea hartzeko indarrean dagoen araudian eta hitzarmen honetan jasota datozen obligazioak bete beharko dituzte.

Eusko Jaurlaritzako Justizia eta Herri Administrazio Sailak agindu du Euskal Autonomia Erkidegoko justizia-administraziorako berariazko prebentzio-zerbitzua indartu eta sustatu egingo duela (martxoaren 10eko 59/2009 Dekretu bidez sortu zen), eta dekretu horren arabera zerbitzu hori osatu behar duten funtzionarioak 2010ean izendatuko dituela. Orobat agitzen du Prebentzio Plana ere egingo duela eta urtero programaturiko politika eta jarduerak ere gauzatuko dituela. 2010ean zehar, Prebentziorako Plan Integratua osatzeko programaturiko eta beharrezko informazio guztia garatuko da.

Arriskuei aurrea hartzeko lanean, aholkuak emateko eta parte hartzeko ardura prebentzioko ordezkariena izango da, Segurtasun eta Osasuneko Batzordeak eta Langileen eta Sindikatu Ordezkarien Batzordeetako kideek dituzten aginpideak ahaztu gabe.

1. Langileen Batzordeek berariaz izendatzen dituzten langileak izan daitezke prebentzioko delegatuak, langileen ordezkariak edo sindikatu-ordezkariak ez izan arren. Bete beharreko legeetan jarriko du zenbat izendatu behar dituzten.

2. Hileroko ordu ordainduetatik zenbat erabili diren zenbatzeko orduan, prebentzioko ordezkariek laneko arriskuen prebentzioaren arloan lanean egindako denbora ordezkaritzako eginkizunetan emandako denboratzat hartuko da. Ezartzekoa den legedian eta Sindikatuen Eskubideei buruzko Abiaburuko Hitzarmenean dago jasota orduen kreditu hori. Dena den, Segurtasun eta Osasuneko Batzordeak egindako bileretan parte hartzea eta arriskuen prebentzioaren arloan eta segurtasunaren eta osasunarekin zerikusia duten beste jarduera batzuen arloan Bulego Judizial eta Fiskaleko Zuzendaritzak deitutako beste edozein bileratan parte hartzea lanean emandako denboratzat hartuko da, eta ez da lehen aipatutako orduen kreditutik kenduko.

3. Prebentzioko ordezkariei prebentzioaren arloan beharrezko baliabideak eta prestakuntza eskaini beharko dizkie Bulego Judizialeko eta Fiskaleko Zuzendaritzak, beren eginkizunak aurrera eraman ahal izan ditzaten. Prestakuntza jasotzen emandako denbora lanean igarotako denboratzat hartuko da, ondorio guztietarako.

1. Segurtasun eta Osasuneko Batzordea kide anitzeko organo parekidea da, eta arriskuei aurrea hartzeko egiten diren jardueren inguruan aldian-aldian kontsultak eta proposamenak egiteko da: arriskuak identifikatzea eta ebaluatzea, arriskuei aurrea hartzeko neurriak eta planak, larrialdietarako eta lehen sorospenerako planak, prestakuntza-plana, langileen osasuna zaintzea eta abar.

2. Justizia-administrazioko langileen esparruan, Euskal Autonomia Erkidegoko lurralde historikoetako bakoitzak Segurtasun eta Osasuneko bere Batzordea du. Batzorde horiek denak berdin osatuta daude: Justizia eta Herri Administrazio Sailak eta sindikatuek osatzen dituzte, indarrez erdibana. Sindikatuen arteko ordezkariak proportzionalitatez aukeratuko dira, hori bai, akordio hau bete behar den lekuetan ordezkaritzarik baduten sindikatu guztiak bertan daudela bermaturik. Eta bigarren aukera da sindikatuek berek proposatzea nor izango diren ordezkari horiek. Probintzian bakoitzak duen indarraren arabera aukeratuko dira. Arriskuei aurrea hartzeko araudiaren arabera, bada mailaketa bat langile-kopuruari begira zehaztua, eta, horrenbestez, Bizkaiari 5 ordezkari dagozkio, Gipuzkoari 4 eta Arabari 3. Hortik aurrera, bilerak egiteko, funtzionatzeko eta akordioak hartzeko, Segurtasun eta Osasun Batzorde guztiek araubide bakarra eta bera izango dute, batzordea bera osatzeko aktan zehazturik egongo dena.

3. Bada, gainera, zentro arteko Segurtasun eta Osasun Batzorde bat ere. Osaketarako eta funtzionamendurako, lurralde-batzordeetako araubide berbera izango du. Lurralde-batzordeak baino haratago doazen gai orokorrak lantzeko balioko du.

1. Bulego Judizialeko eta Fiskaleko Zuzendaritzak akordio hau bete behar duten langileei, aldian-aldian, osasun-azterketak egingo dizkie, datozen atal hauetan zehazturik dagoen moduan:

   1. Urteroko araketa arrunta: Lanean osasunerako arriskuren bat badutela-eta ustez komenigarria zaien langileei egingo zaie. Batez ere antzemandako arrisku horren inguruko gorabeherak arakatuko dira, hau da, arrisku-faktoreak kontrolatzeko izango da. Era berean, eskatzen duen langile orori emango zaio mediku-azterketarako aukera.

   2. Hiru urtetik behin egingo den mediku-azterketa: Akordioaren eraginpean dauden langile guztiei egin behar zaie, berdin dio lanean inolako arrisku zuzenik edo berehalakorik baduten edo ez.

   3. Ordenadore-pantailaren aurrean lan egin behar dutenek mediku-araketak egiteko eskubidea izango dute. Araketa bat lanean hasi aurretik egingo da, eta hortik aurrera urtean beste bat. Garrantzi berezia emango zaie ikusmenari, mugitzeko gaitasunari eta arazo psikologikoei. Pantaila aurreko lanak eragiten dituen gaixotasunen sintomaren bat agertuz gero, lanpostua bera aztertuko da, mediku-azterketa egiteaz gain.

2. Urteroko eta hiru urtean behingo azterketa arruntak borondatezkoak izango dira, baina horrek ez du esan nahi legezko araubide orokorra ezarri behar ez denik. Araubide hori ezarriz gero, aurretiaz, Segurtasun eta Osasunerako Batzordeari jakinarazi beharko zaio.

3. Bulego Judizialeko eta Fiskaleko Zuzendaritzak Segurtasun eta Osasuneko Batzordeei proben berri aurretiaz eman behar die.

4. Edonola ere, mediku-azterketak planifikatzeko, antolatzeko eta egiteko orduan, Bulego Judizialeko eta Fiskaleko Zuzendaritzak erabateko ahalmena eta eskumena izango du.

5. Azterketa egiten dutenei azterketaren kopia bat emango zaie.

1. Prestakuntza deituko diogu planifikatutako ikaskuntzari, ezagutzak, jokabideak, jarrerak eta baloreak eskuratu, gorde eta eskueran jartzeko, zerbitzu publikoa eta langilearen garapena hobetuko dutenak, hain zuzen.

2. Euskal Autonomia Erkidegoko Justizia Administrazioko langileen prestakuntzak lanpostu bakoitzaren premien araberakoa izan beharko du, eta, abiapuntu modura, zehazturik dauden lanpostu-zerrendak, lanpostu horiek betetzeko sistemak eta barruan sustatzeko sistemak hartu beharko ditu.

Langile guztiek jasoko dute prestakuntza berdintasun-printzipioaren arabera. Irizpide objektiboak erabili beharko dira prestakuntzan nork parte hartzen duen eta nork ez arautzeko orduan, hainbat gauza kontuan hartuz: egonkortasuna, destinoa, bakoitzaren aprobetxamendua, eta norberaren gauzak, lana eta familia bateratu beharra, eta familiarekin lan gehien dutenei prestakuntzara joateko bidea erraztuz.

1. Prestakuntza-ekintzak aldez aurretik planifikatuko dira, prestakuntza beharrak aztertu ondoren eta enpresak jarritako helburuen eta lehentasunen arabera. Nolanahi ere, prestakuntza-planek kidego guztietako langile guztiei zuzendutako prestakuntza-ekintzak edukiko dituzte, eta aurreko artikuluan ezarritakoaren arabera, langile guztiek prestakuntza hori aukera-berdintasunez jaso ahal izatea bermatu beharko da.

2. Bulego Judizialeko eta Fiskaleko Zuzendaritzak osatuko eta antolatuko ditu prestakuntza-ekintzak, aurrekontuak ematen duenaren arabera. Ekintza horiek sindikatuei aurkeztu beharko dizkie.

3. Prestakuntza-jardueren bilakaera ebaluatu egingo da, bai ikasleak zenbateraino ase dituzten neurtzeko, bai prestakuntza-egitarauen kalitatea aztertzeko, bai eskuratutako ezagutzen eta trebetasunen maila zehazteko, eta baita ezagutza-trebetasun horiek lanpostuetan zenbateraino aplika daitezkeen jakiteko ere. Aplikatze horrek zerbitzu hobea eta eraginkorragoa eskaintzea ekarri behar du, eta hobekuntza horrek neurgarria izan behar du.

   BIGARREN KAPITULUA

   PRESTAKUNTZAKO PLANAK

Justizia-administrazioko langileentzako prestakuntza-jardueren artetik, hainbat aipatu daiteke, besteak beste: Tutorien Plana, Prestatzaileak Prestatzeko Plana, Bitarteko Funtzionarioak Prestatzeko Plana, Prozesu Erreformetarako Prestakuntza Plana, Urteroko Prestakuntza Plana, Antolaketa Berrira Egokitzeko Prestakuntza Plana, eta Erantzukizuneko Lanpostuetarako edo Buru Postuetarako Berariazko Prestakuntza Plana. Azken bi plan horiek 24. artikuluan datoz zehazturik.

1. Plan honetan, batez ere, langileek beren lanpostuetan birziklatzeko eta hobetzeko duten beharrekin lotutako prestakuntza dago jasota, dena delako lanpostuak dituen zereginen arabera. Prestakuntza-mota honetan emandako denbora lanean igarotako denboratzat hartuko da.

2. Plan honen baitan, prestakuntza-mota hauek aurkituko ditugu:

   1. Hasierako edo harrerako prestakuntza, justizia-administrazioan hasi berriak direnentzat, edo, esate baterako oposizioen ondoren edo lekualdatze-lehiaketen ondoren, beste lanpostu batean hasi berriak direnenentzat. Hasierako edo harrerako prestakuntzaren xedea da ikaskuntza-ekintzak garatzea, prestakuntza-helburuen lorpenari begira. Horrela, epe laburrean langileak errendimendu-maila egokia lortu behar du esleituta dituen zereginetan. Bi eratara egin daiteke: lanpostuan bertan praktikak egiteko programak erabiliz, edo ikastaro trinkoak eginez.

   2. Prestakuntza orokorra: egin beharrekoak geroz eta hobeto egiteko, lanean etenik gabe gaitzea eta garatzea da helburua. Eraginkortasuna hobetzeko eta erabiltzaileen asetasun-maila hobetzeko baliokoa izan nahi duenez, dena delako lanpostuaren betebeharrei estu-estu lotuta egongo da.

   3. Prestakuntza informatikoa: bi helburu nagusi izango ditu, batetik, informazio-sistemek hobeto funtzionatzea, eta, bestetik, ezagutzaren kudeaketa ahalik eta ondoena erabiltzea. Horretarako, langileei teknologia berriak erabiltzeko aukera eman behar die.

   4. Segurtasun- eta osasun-arloko prestakuntza. Ikastaro hauek eskainiko dira:

      1. Autobabesteko eta Larrialdietarako Planetarako ikastaroak.

      2. Prebentzioko ordezkarientzako prestakuntza-ikastaroak. Beharginak lan horretan hasten direnean emango dira.

3. Mediku forentseen prestakuntza dela-eta, berriz, Justiziako Sailburuordetzak badu izenpetua hitzarmen bat, justizia-administrazioko Azterlan Juridikoetarako Zentroarekin, zeinaren bidez mediku horiek ere parte hartu ahal izango duten zentroak antolatzen dituen jardueretan. Berariazko prestakuntzarako bidea ere zabalduko da, ospitaleekin, unibertsitateekin, Osakidetzarekin, Toxikologiako Institutu Nazionalarekin eta abarrekin hitzarmenak edo akordioak sinatuz.

1. Azken urte hauetan garbi-garbi ikusi da bitarteko langileen artean bazegoela prestakuntza-nahi bat. Bada, nahi horri erantzuna ematearren, Bulego Judizialeko eta Fiskaleko Zuzendaritzak bitarteko langileentzako berariazko prestakuntza-plan bat diseinatu du, bi ardatz hauen gainean jiraka:

   1. On-line ikastaroak. Bitarteko funtzionarioei hiru on-line modulu eskainiko zaizkie: hasierakoa. Justizia-administrazioaren, zibileko jurisdikzioaren eta penaleko jurisdikzioaren alderdirik oinarrizkoenak azaltzeko izango da. On-line ikastaro horiek emateko prest eduki bitartean, eduki horiek ikastaro arruntak erabiliz irakatsiko dira (aurrez aurreko ikastaroak).

   2. Tutoretzak. Bitarteko funtzionarioentzat eta titularrentzat balio dute, eta dena delako lanpostu baterako prestakuntza jakin bat emateko izango dira, oso praktikoak izango dira, eta tutore-prestatzaileen poltsatik bideratuko dira. Arratsaldez izango dira. Tutoreari dirutan ordainduko zaio, eta ikasleei, berriz, prestakuntzan emandako orduak lan-ordutzat hartuko zaizkie.

Tutoreek eta prestatzaileek edukiak zuzen eta ondo irakatsi ahal izateko beharrezko trebeziak eta gaitasunak garatzeko da plan hau. Funtzionario-talde bat komunikazio-arloko eta pedagogia-arloko gaitasunetan jantzi, eta, horrela, ezagueraren zirkulazioa sendotzea da azken helburua.

1. Bi gauza hauek bermaturik egongo dira: gaur egungo enplegua, eta ez dela lanposturik amortizatuko.

2. Egiturazko plaza indargarriak finkatu egin beharko dira. Sindikatuekin batera zehaztuko da non egongo diren.

3. Akordio hau indarrean dagoen denbora-tartean, Negoziazio Mahai orokorrean 2010 eta 2011rako erabakitako egiturazko plaza indargarriez gainera, kudeatzaile arduradunen saileko beste 72 plaza ere finkatuko dira, eta, gainera, Bulego Judizial berria zabaltzeak eta organo judizial berriak sortzeak dakartzan beharrei erantzutearren sindikatuekin hitzartzen direnak ere bai.

1. Akordio hau sinatu duen administrazioak Euskadiko justizia-administrazioko bitarteko langileen kopurua % 80 murriztu nahi du; helburu horixe du. Horregatik, akordio hau indarrean dagoen denbora-tartean agintzen du hutsik dauden lanpostuen % 90 eta finkatu beharreko egiturazko lanpostuen % 100 lekualdatze-lehiaketetan eskainiko direla.

2. Orobat agintzen du lekualdatze-lehiaketan hutsik geratzen diren lanpostuen % 100 LEPn eskainiko direla urtero.

3. Administrazio sinatzaileak agintzen du ahaleginak egingo dituela hizkuntza-eskakizuna duten lanpostuak dauzkaten oposizioak konbokatu ahal izan daitezen. Orobat agintzen du lehiaketa-oposizioaren alde eta oposizio-prozesuen deszentralizazioaren alde lan egingo dutela.

1. Administrazioak baliabide propioekin erantzungo die bere jarduera burutzeko eta Bulego Fiskal eta Judizial berria martxan jartzeko beharrezko zerbitzuei.

2. Horretarako, arlo-akordio hau sinatzen dutenek jarraipen-batzorde bat osatuko dute, adostutakoa betetzen den edo ez egiaztatzeko.

3. Artikulu honetan erabaki gabe dagoen beste edozertan, Mahai Orokorreko akordioko 6. puntua bete beharko da.

   «Seigarrena. Zerbitzuak kanporatzea.

1. Administrazioak, ahal dela, baliabide propioekin erantzungo die bere jarduera burutzeko beharrezko zerbitzuei.

   Akordioa indarrean sartzen denetik, administrazioak jarduera berririk edo orain azpikontratatuta ez dagoen jarduerarik ez kanporatzeko konpromisoa hartzen du.

   Orain kanporatuta dauden zerbitzu guztiak berrikusiko dira, legean ezarritakoa betetzen dutela ziurtatzeko. Langileak legez kontra lagatzea saihesteko bitarteko guztiak jarriko dira abian.

2. 2010eko lehen seihilekoan, administrazioak zerbitzuen kontratazioari buruzko arau bat onartuko du, administrazioak bere burua antolatzeko duen gaitasuna eta langileen lan-baldintzen erreforma bateratzea izango dituena helburu.

   Zerbitzuen ikuskaritza eta ekonomiaren, araudiaren eta antolamenduaren alorreko kontrolak zorroztu egingo dira. Kontrol propioak eta a posteriori izango diren kontrolak ezarriko dira, eta langileak legez kanpo lagatzea eragozteko arreta berezia izango da. Funtzio Publikoko Sailburuordetzak oso irizpide zorrotzak ezarriko ditu zerbitzuak kontratatzeko.

3. Egun badauden zerbitzuak kanporatzeari dagokionez, araudiak honako baldintza hauek betetzea eskatuko du:

   1. Zerbitzu beraren kontratu publikoen esleipenetan, plantilla egonkortu ahal izateko, enpresa esleipendunak lan-kontratuko langileak esleipenaren unean zituzten baldintzak errespetatuta subrogatuko direla bermatuko du, sektoreko hitzarmenek alderdi horri buruz edozer ezartzen dutelarik ere; hori dela eta, izapidetuko diren espediente berrien baldintza-orrietan subrogazio-klausula txertatuko da, gardentasunaren eta fede onaren eskakizunak betetzearen baldintzapean.

      Nolanahi ere, puntu honetako aurreikuspenak honako kasu hauetan aplikatuko dira soilik:

      1) Subrogazioak lan-kontratua duten eta administrazio kontratatzailearen esparruan gutxienez azken sei hilabeteetan lanean aritu diren langileei eragingo die soilik, kontratua amaitu bitarteko ordezkapenak ere kontuan hartuta.

      2) Inola ere ez die eragingo zerbitzua uzten duten enpresaren jabe, akziodun edo zuzendariei, ez eta haien bigarren maila bitarteko senitartekoei ere.

   2. Baldintza-pleguek bermatuko dute enpresak lan-arriskuen prebentzioari buruzko legedia betetzen duela. Ezbehar-tasarik baxuenak lortzea izango da helburu nagusi, bai eta laneratzeko arazoak dituzten pertsonak (denbora luzez langabezian daudenak, emakumeak,...) enplegatzea ere. Halaber, kontuan izan beharreko irizpide sozialen artean, bereziki kontuan hartuko dira lan-kontratudun langileei, gehienean, EAEko Administrazioko taldeen antzeko lan-baldintzak (ordainsariak eta lanaldia) ezarri dizkieten enpresak, langile haien soldata- eta gizarte-baldintzak gehiago parekatzeko helburuarekin.

   3. Enpresa horietako lan-kontratuko langileei, ordainsariei eta lan-baldintzei dagokienez, jardueragatik dagokien sektoreko hitzarmena aplikatuko zaie, gutxienez, edo, hala badagokio, enpresarena, hobea bada.

   4. Enpresa esleipendunak ezin izango ditu zerbitzu horiek hirugarren batekin azpikontratatu.

4. Sektore-esparru bakoitzean, kanporatutako zerbitzuen jarraipen batzorde bat eratuko da; paritarioa izango da, eta, bertan, Administrazioak eta akordio hau sinatu duten sindikatuek parte hartuko dute. Urtean behin bilduko da, gutxienez, eta kanporatzeei buruzko informazio guztia helarazi eta akordio honen baldintzak betetzen direla egiaztatuko da.

   Administrazioak, urtero, baldintza-orrietan eta araudian ezarritako eskakizunen betetze-mailari buruzko txosten bat egingo du, honako datu hauek jasoko dituena:

   Enpresa kontratatzaileen izena.

   Kontratazioaren helburua eta iraupena.

   Enpresako lan-kontratudun langileen gutxi gorabeherako kopurua eta kontratazio-moduak.

   Lan-legepekoei aplikatu beharreko hitzarmen kolektiboa.

   Jardueraren lekua.

5. Administrazioak enpresa kontratistako lan-kontratudun langileen soldata- eta gizarte-baldintzak EAEko Administrazioko taldeenekin pareka daitezen sustatzeko konpromisoa hartzen du.

6. Goiko 6. puntuan araututakoa dagozkion akordio eta hitzarmen sektorialetan sartuko da.

Bitarteko funtzionarioak erregularizatu egingo dira, eta akordio honen sinatzea izango da erregularizazio-prozesu horren abiaburua.

1. Euskadiko justizia-administrazioko bitarteko funtzionarioak ere hizkuntza-normalkuntzako planaren barruan egongo dira, baina lanpostu-jabedunek lehentasuna izango dute bitartekoen aldean. Normalizazio-programak herritarrarekin zuzeneko harremana duten lanpostuen euskalduntzea lehenetsi beharko du, eta izapideak euskaraz egin ahal izateko bidea zabaldu beharko du. Jarduteko irizpideen eta arauen modifikazioak negoziatu egingo dira.

2. Bulego Judizial eta Fiskal berria ezartzeko denboraldi honetarako, bi gauza agindu ditu Justiziako sailburuordetzak: jarriko duela nahikoa prestakuntza-baliabide denboraldi horren amaieran gutxienez langileen % 50ek izan dezan euskalduntzeko aukera, eta kanpoko eta barruko kudeaketarako eta komunikazioetarako eusgarri informatikoak eta paperezkoak ele bietara egongo direla. Denboraldi horretan, era berean, trebatzaileen gaur egungo lanpostuak ere bermaturik egongo dira.

1. Deialdi orokorra. Maiatzaren amaieran argitaratu ohi da:

   1. 2 orduko ikastaroak: lan-orduetan.

   Lan-orduz kanpo.

   4. hizkuntza-eskakizunerako berariazko prestakuntza.

      2. Ikastaro trinkoak: 5 ordukoak, euskaltegian, liberaturik.

      Barnetegian.

      3. Udako ikastaroak.

      4. Nork bere kasako ikastaroa: beste mota bateko ikastarorik egin ezina behar bezala egiaztatzen denean baino ez da eskainiko eta emango. Administrazioaren eta langilearen beraren artean ordaindu beharko da. EAEko justizia-administrazioa Modernizatzeko Zuzendaritzak % 70era arte ordainduko du, eta, ondorioz, gainerako zatia ikastaroa egin behar duen funtzionarioak jarri beharko du, prestakuntza-jarduera hori ez duelako, zuzenean, zuzendaritza horrek antolatu.

      Nork bere kasako ikastaroa gainditzen badu, funtzionarioari jarri duen zatiaren % 30 itzuliko zaio.

2. Deialdi osagarria. Abenduaren hasieran argitaratzen da, eta otsailean hasten da:

   1. Bi orduko modulutik trinkora aldatzea, eta alderantziz.

1. Euskal Autonomia Erkidegoko Justizia Administrazioko hizkuntza-normalkuntzari buruzko ekainaren 29ko 174/2010 Dekretuak arautzen duenez, eta Justizia eta Herri Administrazio Sailak egiten duen Hizkuntza Normalkuntzako Plana aplikatuz, lanpostu-zerrendetara, arian-arian, euskara dela-eta bereizturik dauden lanpostuak ere bilduko dira. Horretarako, lortu beharreko helburuak eta helburu horiek betetzen diren edo ez jakiteko adierazleak ere zehaztu beharko dira, sindikatuekin negoziaturik.

2. Hasiera batean behintzat, hiru hilean behin egingo da lan-hizkuntza euskara dutela-eta bereizturik dauden lanpostu horietara sartu diren langileek beren konpromisoak betetzen dituzten jakiteko jarraipena. Gerora, jarraipen hori sei hilean behin edo urtean behin egingo da. Eta jarduera bai idatzien bai ahozkoen jarraipena eta ebaluaketa ere egingo da, hainbat adierazle erabiliz.

3. Hona hemen adierazle horiek:

   1. Izapideak euskaraz egiteko zenbat eskabide.

   2. Izapideak euskaraz egiteko eskabideei emandako erantzunen kopurua.

   3. Zenbat agiri sortu diren ele bietara, horretarako prest dagoen agiri-kopuruarekin alderatuta.

   4. Estatistikoki, jendeari zenbat bider erantzuten zaion euskaraz aurrez aurre eta telefonoz.

   5. Hizkuntza dela-eta zenbat kexa jasotzen diren.

4. Ataleko arduradunek egingo dute adierazle horien jarraipena eta kontrola, justizia-administrazioa Modernizatzeko Zuzendaritzako Hizkuntza Normalkuntzarako Taldeak lagunduta. Jarraipena izango da unitate edo talde elebidunarena halakorik baldin badago behintzat, eta langile bakoitzarena.

1. Mediku forentseen lansaria zehazteko orduan, arau hauek bete beharko dira:

   1. Indarrean dauden arauak.

   2. 328/1998 Dekretua, abenduaren 1ekoa, Auzitegiko Medikuntzako Euskal Erakundea Sortzekoa, dekretu horren bidez onartutako lanpostu-zerrenda (1998ko abenduaren 15eko 238 zk.dun EHAA), eta gerora egindako aldaketak (aldaketok non dauden: urtarrilaren 28ko 12/2003 Dekretuan (2003ko otsailaren 6ko 25 zk.dun EHAA), eta azaroaren 14ko 223/2006 Dekretuan (2006ko azaroaren 28ko 227 zk.dun EHAAn)).

   3. Abenduaren 3ko 283/2002 Dekretuan (2002ko abenduaren 11ko 236 zk.dun EHAA). Dekretu horretan dago arauturik Auzitegiko Medikuntzako Euskal Erakundean lan egiten duten mediku forentseen lansari-osagarri aldagarria.

2. Lansarietarako beste egokitzapenik onartzen bada sindikatuekin negoziatu ondoren beharko du izan, kontzeptu horiek egokitzapen berrira moldatu beharko dira.

1. Akordio hau sinatu duten alderdiek erabat onarturik eta barneraturik dute gizon-emakumeen arteko tratu-berdintasuna, ez dute inolako bazterkeriarik onartzen, eta lanean aukera berberak edukitzeko eskubidea ere aitortzen dute. Hori guztia Emakumeen eta Gizonen benetako Berdintasunerako martxoaren 22ko 3/2007 Lege Organikoan jasota dagoen moduan.

2. Sinatzaileek agindu dute aukera-berdintasuna sustatuko dutela, eta generoa dela-eta lanean inork inor ez duela baztertzen begiratuko dutela, Langileen Estatutuko 17. artikuluan jasota dagoenaren haritik.

3. Horrek esan nahi du, gizon-emakumeen arteko baldintza-berdintasuna urratzea ekar dezakeen oztoporik baldin badago, oztopo horiek baztertzeko ardura hartuko dutela, eta ekintza positiboa martxan jartzeko edo balizko bazterkeria zuzentzeko beharrezko beste neurri batzuk martxan jartzeko ardura hartuko dutela.

4. Barruko eta kanpoko komunikazio guztietan, sinatzaileek agindu dute sexismorik gabeko irudiak eta hizkera erabili beharra sustatuko dutela.

1. Ganorazko berdintasun-politika bultzatzearren, sinatzaileek uste dute 3/2007 Lege Organikoan hala jartzen baitu berdintasun-planen beharra dagoela. Plan horietan, abiaburu modura, egoeraren diagnosia egin behar da, eta gero neurriak jarri martxan, gizon-emakumeen artean tratu- eta aukera-berdintasuna lortzen eta sexuak eragindako bazterkeria ezabatzen laguntzeko.

2. Egoeraren diagnosi hori lan-baldintzei buruzko datuak biltzeko izango da, baina alde batetik gizonak eta beste alde batetik emakumeak hartuta, eta gaiak batez ere izango dira enplegurako sarbidea, prestakuntza, lanbideko sailkapena eta sustapena, lansariak, lanaldia, eta lana familiarekin eta norberaren beharrekin nola bateratzen den, besteak beste. Izan ere, gerta daiteke gizon-emakumeak, fundamentuzko arrazoi objektiborik gabe, berdin ez tratatzea edo aukera berberak ez izatea, edo sexua dela-eta bazterkeria gertatzea, eta, horrenbestez, helburu horien premia egotea. Bada, kontua da hori hala den edo ez jakitea.

3. Hasierako diagnosia egin ondoren, lortu beharreko helburu zehatzak zein diren erabaki beharko da, hiru gauzatan oinarrituta: eskuratutako datuak, gizon-emakumeen artean berdintasunik ez dagoen gaietan ekintza positiborako neurriak jartzea, eta tratu-berdintasuna eta bazterkeriarik eza benetan aplikatzeko neurri orokorrak jartzea.

4. Berdintasun-planetan, berriz, gauza hauek zehaztuko dira: lortu beharreko berdintasun-helburu zehatzak; helburu horiek lortzeko estrategiak eta praktikak; eta helburu horien jarraipena eta ebaluaketa egiteko ganorazko sistemak martxan jartzea.

Berdintasunaren arloko arauak benetan betetzearren, berdintasun-batzorde parekidea sortuko da. Helburu hauek izango ditu:

1. Berdintasun-planak egiteko eta egitura eta prozedura taxutzeko zuzentarauak adostea, langileak ahalik eta ondoen kudeatu ahal izateko eta benetan bazterkeriarik egon ez dadin eta denek benetan aukera berberak izateko.

2. 2012.etik aurrera indarrean sartzeko moduko berdintasun-plan bat diseinatzea.

Akordio hau sinatzen duten alderdiek Akordioaren Jarraipena egiteko, Interpretatzeko eta Ebaluatzeko Batzorde bat eratzea hitzartzen dute. Sei hilean behin batuko da, eta eginkizun hauek izango ditu:

1. Akordio horren garapena bultzatzea, ikuskatzea eta koordinatzea, nola gauzatzen den ebaluatuz.

2. Akordioa indarrean dagoen bitartean sortzen diren interpretazio-zalantzak ebaztea.

   Akordio honetan jaso gabe dauden gaiak negoziazio-mahaian aztertu beharko dira.

Batzorde horretan, akordioa sinatu duten alderdietako bakoitzak ordezkari-kopuru berbera izango du 5: Justizia eta Herri Administrazio Sailak bost, eta sinatu duten sindikatuek beste bost. Alderdi bakoitzak, gehienez ere, bi aholkulari izendatu ahal izango ditu, baina, justu, deituta dagoen dena delako bilerarako. Bulego Judizialeko eta Fiskaleko Zuzendaritza izango da batzorde-burua, eta idazkaritza bat ere izango da, zuzendaritza horrek izendaturik.

1. Batzorderako deia lehendakaritzak egingo du, nahi badu berak bere kasa, edo bestela, alderdietako edozeinek eskatuta. Alderdietakoren batek eskatu badu bilera, idazki bat aurkeztu beharko du, paperean, zuzendaritzari zuzenduta, gutxienez bilera-eguna baino hamabost egun lehenago, eta idazki horretan, gai-zerrendan jasotzea nahi dituen gaiak zein diren ere zehaztu beharko du, zehatz-mehatz. Deialdiarekin batera, gai-zerrenda, bilera-lekua eta eguna ere zehaztu beharko dira, beti. Deialdiaren eta bileraren artean, gutxienez, bost eguneko tartea utzi beharko da. Denak ados egonez gero, tarte hori laburragoa izan daiteke.

2. Batzordeko sindikatuen gehiengo kualifikatuak bertan egon beharko du, quoruma osatuko bada. Gaiak eztabaidatu eta gero, idazkaritzak bilerako akta egingo du. Idazkariak sinatuko du, lehendakariak eta gainerako alderdiek oniritzia eman beharko diote, eta sindikatuetatik bertaratu diren ordezkariei kopia bana emango zaie.

3. Akordio hau sinatu dutenek onartzen dute batzordearen erabakiak lotesleak izango direla, hori bai, erabaki horiek batzordearen eskumenpekoak diren gaiei buruzkoak baldin badira, gai horiek baitira batzordearen xedea.

4. Alderdietako bakoitzaren gehiengoz hartuko dira erabakiak, eta bi alderdi daude: Justizia eta Administrazio Saila eta sindikatuak.

1. Akordio honen edukia, indarraldia eta aplikazioa dela-eta inolako desadostasunik pizten bada, akordio honen sinatzaileek, aurretiaz, Jarraipen Batzordearen eskuetan utziko dute, han ebatzi dezaten. Gauza bera egingo dute akordio honen aplikazioaren pean dauden langileei eragiten dien beste edozein lan-konturekin ere.

2. Hala ere, akordioaren interpretazio, indarraldi eta aplikaziotik eratorritako gatazkak konpontzeko formula berriak aztertzeko konpromisoa hartu dute bi alderdiek.