Ongi etorri Legegunea atarira

Hezkuntza, Unibertsitate eta Ikerketa Sailak proba libreak antolatuko ditu, bigarren hezkuntzako graduatu-titulua lortzeko, matrikula-modalitate hori aukeratzen duten ikasleentzat, betiere agindu honetan xedatutakoaren arabera.

Proba horietan parte hartzeko, nahitaezkoa izango da Euskal Autonomia Erkidegoan bizitzea eta proba-egunean hamazortzi urte betetzea edo beteak izatea. Gainera, parte-hartzaileak ezin izango dira matrikulatuta egon bigarren hezkuntzako graduatu-titulua lortzeko ikastaro ofizialetan, ez presentziazkoetan, ez urrutikoetan.

1. – Hezkuntza Sailburuordetzak egingo du probetarako deialdia ebazpen bidez. Deialdi horretan, honako hauek adiraziko dira gutxienez: epeak eta aurkeztu beharreko agiriak eta matrikula egiteko lekuak, proben egutegia eta probak egingo dituzten ikastetxeak.

2. – Bi ohiko deialdi egingo dira urtero, urtarrilean eta ekainean. Hezkuntza Sailburuordetzak egoki iritziz gero, aparteko deialdiak ere egin ahal izango dira.

3. – 1. paragrafoan aipatutako ebazpena jendaurrean jarriko da, bai HHIko ikastetxeetako iragarki-tauletan, bai Hezkuntza Saileko lurralde ordezkaritzetan, matrikula epea amaitu baino 30 egun lehenagotik, gutxienez.

1. – Probak prestatzeko orduan, Hezkuntza, Unibertsitate eta Ikerketa sailburuaren 1998ko maiatzaren 29ko Aginduko eranskina hartuko da erreferentziatzat, izan ere, agindu horretan finkatzen da zein izango den, helduendako, Euskal Autonomia Erkidegorako oinarrizko prestakuntzako curriculum berezia (1998ko ekainaren 19ko EHAA).

2. – Probak hiru ariketa izango ditu, bakoitza bi ordukoa gehienez, eta egun berean egingo dira.

3. – Ariketa bakoitzak artikulu honetako lehenengo paragrafoan aipatutako aginduan zehaztutako eremuetatik bat hartuko du.

1. – Derrigorrezko bigarren hezkuntzan eremu bateko arlo guztiak egin eta gainditu dituztenek, baliozkotzeko eska dezakete, I. eranskinean agertzen den taularen arabera.

2. – Helduen Hezkuntzako presentziazko edo urrutiko irakaskuntzetan edo bigarren hezkuntzako graduatu-titulua lortzeko proba libreetan eremuren bat gainditu dutenek baliozkotzeko eska dezakete.

3. – Salbuespenei eta curriculumaren egokitzapenei dagokienez, indarrean dauden arauak hartuko dira kontuan.

1. – Epaimahaia lehendakari batek eta bi bokalek osatuko dute gutxienez. Kide guztiak ikastetxeak berak aukeratuko ditu bigarren hezkuntzako irakasleen artetik. Idazkari-lanetan ikasketxeko idazkaria arituko da.

2. – Epaimahaikideen artean, hiru eremuetako irakasle bana egongo da gutxienez.

1. – Probek eremu bakoitzari dagozkion gaitasunak lortu eta ikasi diren neurtuko dute, eta ariketa bakoitza besteetatik bereiz zuzenduko da.

2. – Epaimahaiak probaren ebaluazio globala egingo du. Hiru eremuak gainditu dituztenei bigarren hezkuntzako graduatu-titulua emateko proposatuko du epaimahaiak.

3. – Errendimendu akademikoa irizpide guztiz objektiboekin ebaluatzeko bermeak aplikatuko zaizkie proba hauei ere, behar diren egokitzapenak eginda. Berme horiek Hezkuntza, Unibertsitate eta Ikerketa sailburuaren 1998ko abenduaren 11ko Aginduaren V. kapituluan daude jasota (Oinarrizko prestakuntza presentziazko edo urrutiko modalitateetan jasotzen duten ikasleak ebaluatzeko Agindua, 1999ko otsailaren 2ko EHAAn argitaratua).

1. – Tituluaren jabe izateko proposatu diren ikasleek eskubidea izango dute bigarren hezkuntzako graduatu-titulua eskuratzeko eta horrek batxilergoan eta berariazko lanbide-hezkuntzako erdi mailako prestakuntza-zikloetan sartzeko aukera emango die.

2. – Parte-hartzaile guztiek proba osoaren edo ariketa bakoitzaren emaitzak egiaztatzeko agiria eskatu ahal izango dute. Agiri hori ikastetxeko idazkariak egingo du, zuzendariaren oniritziarekin.

3. – Pertsonaren bat bigarren hezkuntzako graduatu-titulua eskuratzeko proposatu ez bada baina eremuetakoren bat gainditu badu, gorabehera hori aktan jasoko da, proba libreetarako hurrengo deialdietan kontuan har dadin.

4. – Deialdiaren ebazpenean, behar diren agiri-ereduak eskainiko dira.

Vitoria-Gasteiz, 2001eko martxoaren 15a.

Hezkuntza, Unibertsitate eta Ikerketa sailburua,

INAXIO OLIVERI ALBISU.