- AGINDUA, 2008ko urriaren 6koa, Ingurumen eta Lurralde Antolamendu Sailburuarena, laginak hartu eta analitika gauzatzeari dagozkion tarifak eguneratzen dituena, Euskal Autonomi Elkartearen eremuan erabilitako olioaren kudeaketa arautzen duen irailaren 29ko 259/1998 Dekretuarekin bat - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 2008ko urriaren 6koa, Ingurumen eta Lurralde Antolamendu Sailburuarena, laginak hartu eta analitika gauzatzeari dagozkion tarifak eguneratzen dituena, Euskal Autonomi Elkartearen eremuan erabilitako olioaren kudeaketa arautzen duen irailaren 29ko 259/1998 Dekretuarekin bat
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Ingurumen eta Lurralde Antolamendu Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 208
- Hurrenkera-zk.: 6003
- Xedapen-zk.: ---
- Xedapen-data: 2008/10/06
- Argitaratze-data: 2008/10/30
Gaikako eremua
- Gaia: Ingurune naturala eta etxebizitza; Ogasun eta Ekonomía; Osasun eta kontsumoa
- Azpigaia: Ingurumena; Ekonomia
Testu legala
Irailaren 29ko 259/1998 Dekretuaren bidez, Euskal Autonomi Erkidegoan erabilitako olioen kudeaketa arautzeari ekin zitzaion, honela, aipatu olioen berezko ezaugarrien araberako destinorik egokiena ematearren gauzatzen diren jarduketei buruzko araubide juridikoa ezarri zen.
Dekretu horren 20. eta 21. artikuluetan xedatutakoarekin bat, ingurumen organoari dagokio Euskal Autonomi Erkidegoan, jatorriz nahiz destinoz, erabilitako olioen ezaugarri fisiko-kimikoak egiaztatzea, ondoren, kudeatzaile baimenduak emango dien tratamendua egokia dela egiaztatzeari begira; laginak hartu eta beharrezko analisiak egingo dira helburu horrekin.
Era berean, 21 artikuluko 2 eta 3 idaztietan, laginak hartzea nahiz analisiak, Eusko Jaurlaritzaren Ingurumen eta Lurralde Antolamendu Sailari atxikitako, IHOBE Ingurumen Kudeaketarako Baltzu Publikoak gauzatuko ditu, aipatu Dekretuko eranskinean jasotako eduki teknikoari estu lotuta.
Azkenik, xedapen gehigarrian, analisiak egin nahiz laginak hartzeagatik tarifa bat ezarriko da. Horren zenbatekoa, Ingurumen eta Lurralde Antolamendu sailburuak zehaztu eta eguneratuko du.
Hala, Ingurumen eta Lurralde Antolamendu sailburuaren 2007ko martxoaren 1eko aginduz, analisiak egin nahiz laginak hartzeagatik aipatutako tarifen zenbatekoa eguneratu zen, irailaren 29ko 259/1998 Dekretuan ezarritakoarekin bat.
Aipatutako tarifak egiten diren analisien benetako kostuari egokitzeko agindu honen bitartez eguneratzen dira.
Ondorioz, irailaren 29ko 259/1998 Dekretua ezarritakoa aplikatuz eta Gobernu Legeari buruzko ekainaren 30eko 7/1981 Legearen 26. artikuluan ematn zaizkidan eskumenen arabera
Lehenengoa. Zamudioko udal barrutiko Torrelarragoiti industrialdean, z/g, kokatuta dagoen IHOBE S.A. Baltzu Publikoak, irailaren 29ko 259/1998ko Dekretuaren eranskinari jarraiki gauzatzen dituen, erabilitako olioei eman beharreko azken kudeaketaren araberako laginak hartzeari eta analisiak egiteari, ondoko tarifak ezarriko zaizkie:
Biskositate zinematikoa zehaztea: 11,03 euro (ASTM-D445 Arauan ezarri metodoaren arabera gauzatuko da.).
Sugar eta errekuntza puntuak zehaztea: 10,38 euro (ASTM-D92 edo ASTM-D93 Arauan ezarri metodoaren arabera gauzatuko da.).
Ur edukia determinatzea: 10,75 euro (ASTM-D95 Arauan ezarri metodoaren arabera gauzatuko da, edo Karl Fischer kulombimetria/bolumetria bidez).
Kloro total edukia zehaztea: 7,51 euro (EPA-9076 edo ASTM-D5384 Arauan ezarri metodoaren arabera gauzatuko da).
Policlorobifenilo (PCB) edukia zehaztea: 38,54 euro (EPA-600 Arauan ezarri metodoaren arabera gauzatuko da).
Dentsitatea zehaztea: 0,90 euro (ASTM-D1298 Arauan edo oszilazio kapilar bidezko dentsimetrian ezarri metodoaren arabera gauzatuko da).
Metal edukia zehaztea (Cadmioa izan ezik): 16,81 euro (ASTM-D5185 Arauan ezarri metodoaren arabera gauzatuko da).
Sufre edukia zehaztea: 2,77 euro (ASTM-D5185 Arauan ezarri metodoaren arabera gauzatuko da).
Kadmio edukia zehaztea: 2,77 euro (ICP bidezko Emisio Atomiko espektroskopia erabiliz gauzatuko da).
Bigarrena. Aurreko artikuluan jasotako tarifek barne hartzen dituzte dagokion zerbitzurako beharrezkoak diren kostu guztiak, ezargarriak diren tasa eta zergak izan ezik.
Hirugarrena. Tarifak aldatu edota eguneratu ahal izango dira.
Laugarrena. Agindu honen aurka aukerako berraztertzeko errekurtsoa jarri ahal izango zaio Ingurumen eta Lurralde Antolamendu sailburuari hilabeteko epean, Herri Administrazioen Araubide Juridikoa eta Prozedura Administratibo Erkideari buruzko azaroaren 26ko 30/1992 Legearen 116. eta ondorengo artikuluetan xedatutakoaren arabera, edo, administrazioarekiko auzi-errekurtsoa aurkeztu ahal izango, da bi hilabeteko epean, Euskal Herriko Justizia Auzitegi Gorenean, Euskal Herriko Agintaritzaren Aldizkarian argitaratu eta hurrengo egunetik aurrera, administrazioarekiko auzien jurisdikzioaren uztailaren 13ko 29/1998 Legean xedatutakoarekin bat.
Honako agindu honek Ingurumen eta Lurralde Antolamendu sailburuaren 2007ko martxoaren 1eko Agindua indargabetzen du; hartan, analisiak egin eta laginak hartzeari zegozkien tarifak eguneratu ziren, Euskal Autonomia Erkidegoan, erabilitako olioen kudeaketa arautzen duen irailaren 29ko 259/1998 Dekretuarekin bat.
Agindu hau Euskal Herriko Aldizkari Ofizialean argitara eman eta hurrengo egunean sartuko da indarrean.
Vitoria-Gasteiz, 2008ko urriaren 6a.
Ingurumen eta
Lurralde Antolamendu sailburua,
ESTHER LARRAÑAGA GALDOS.