Ongi etorri Legegunea atarira

EAEko Justizia Administrazioko zerbitzura dagoen pertsonalaren lanpostuen monografiak egin, aldatu, eskuratu eta artxibatzeko prozedura definitzea bilatzen du agindu honek, eta lanpostuak giza baliabideen osoko kudeaketaren ikuspuntutik erabat garatzeko aukera ematea.

Eginkizunak eta zereginak deskribatzen dituen dokumentu eratzailea da lanpostuaren monografia. Horietaz gain, lanpostua modu eraginkorrean betetzeko behar diren profilaren osagarriak ere deskribatzen ditu. Era berean, lanpostu bakoitzeko dotazioen berezitasunak jasoko ditu monografiak.

1. Lanpostuaren ezaugarriak.

   1. Lanpostuaren izena: Lanpostuaren izena. Izenak laburra behar du izan eta gainera ahal den neurrian jarduteko eremua adieraziko du baita hierarkian lanpostuak duen kokapena ere.

   2. Lanpostuaren kodea: lanpostu-eredua eta bere maila hierarkikoa identifikatzea ahalbidetzen du.

   3. Lanpostu mota: orokorra edo berezitua. Lanpostu orokorrak: ez dira bereizten egitura organikoaren barruan eta kidego baten atazak edo eginkizunak betetzen dituzte bakarkako eginkizun-edukirik gabe. Lanpostu berezituak: bereiztu egiten dira egitura organikoan eta bakarka izendatutako atazak edo eginkizunak burutzea dakarte.

2. Lanpostuaren egitekoak eta erantzukizunak.

   1. Egitekoa: lanpostuaren xedea eta zentzua identifikatzen ditu lanpostuaren erantzukizun nagusien deskribapen sintetiko baten bidez.

   2. Eginkizunak: lanpostuari gaineratutako erantzukizunen deskribapen zehatza, lehentasunezko izaera dutenak identifikatuz, hala behar izanez gero.

3. Lanpostuaren eskakizunak.

   1. Taldea: lanpostu batean jardun ahal izateko eskatzen den titulazio mailak ezarriko du zein den.

   2. Kidegoa/Eskala: Bete beharreko eginkizunen izaera homogeneoak ezarriko du.

4. Hornitze sistema: behin betiko hornitzeko modua, bai lehiaketaren bidez, bai izendapen askearen bidez.

1. Dotazioaren ezaugarriak.

   1. Dotazioaren kodea: lanpostu baten barruan dotazioa identifikatzen duen kode numerikoa da.

   2. Zentro kudeatzailea: EAEko Administrazio Orokorreko organo eskumenduna, zeinek Justizia Administrazioaren zerbitzura dagoen pertsonala kudeatzen duen.

   3. Destino zentroa: dotazioari dagozkion eginkizunak eta zereginak zein zentrotan betetzen dituen.

2. Dotazioaren zereginak. lanpostuaren eginkizunekin loturiko zereginak.

3. Dotazioaren eskakizunak: dotazioaren baldintzak.

   1. Hizkuntza eskakizuna eta berezitasun-eguna: euskara dela-eta lanpostua berezia bihurtzen den eguna.

   2. Ezagupen bereziak: dotazioa eskuratzeko eskakizuna, baldin eta lanpostuan jarduteak nahitaez ezagupen edo teknika horiek ezagutzeko eskatzen badu bakarrik. Horri buruz esan behar da berariazko ezagupenak honako hauek izan daitezkeela:

      Informatikari buruzko ezagupenak eta aplikazioak erabiltzea.

      Lana eta pertsonala kudeatu eta antolatzeko arloko ezagutzak.

      Legezko medikuntzaren aroko ezagutza tekniko espezializatuak.

      Lanpostuaren edukirako edo lanpostua betetzeko garrantzizkoak diren gainerako ezagutzak.

   3. Dotazioaren berezitasunak lan-baldintzei buruz.

1. Botere Judizialari buruzko uztailaren 1eko 6/1985 Lege Organikoan, prozeduren eskuliburuetan eta Justiziako Administrazioaren zerbitzura dauden langileen kidego/eskalarako ezarritako arau berariazkoak hartuko dira kontuan.

2. Justiziako Administrazioaren arloan eskumenak dituen Eusko Jaurlaritzako dagokion Saileko Zuzendaritzak erredaktatu ditu Justiziako Administrazioko zerbitzura dauden langileen lanpostu-zerrendetako lanpostuen monografietarako proposamenak, eta negoziazio sektorialerako mahaia osatzen duten sindikatuei helaraziko dizkiete, bidezkotzat jotzen dituzten ekarpenak edo alegazioak egin ditzaten. EAEko Auzitegi Nagusiko Gobernu Idazkaritzari ere bidaliko zaizkio proposamenak, horien berri izan dezaten.

3. Aurkeztutako alegazio guztiak erabaki eta lanpostuaren monografiaren edukia behin betirako baietsi ondoren, izenpetu eta eguna jarriko du Eusko Jaurlaritzako dagokion saileko zuzendariak, zeinek eskumenak izango baititu Justizia Administrazioaren zerbitzura dauden langileen arloan.

2. Justiziako Administrazioaren arloan eskumenak dituen Eusko Jaurlaritzako dagokion Saileko Zuzendaritzak hasiko ditu ofizioz Justiziako Administrazioko zerbitzura dauden langileen lanpostu-zerrendetako lanpostuen monografiak aldatzeko prozedura, negoziazio sektorialerako mahaia osatzen duten sindikatu nagusienek eskatuta edo lanpostu horietako titularrak edo okupatzaileak eskatuta.

2. Justiziako Administrazioaren arloan eskumenak dituen Eusko Jaurlaritzako dagokion Saileko Zuzendaritzak baloratuko ditu, aldez aurretik, Justiziako Administrazioko zerbitzura dauden langileen lanpostu-zerrendetako lanpostuen monografiak aldatzeko eskabideak, eta negoziazio sektorialerako mahaia osatzen duten sindikatuei helaraziko dizkiete, bidezkotzat jotzen dituzten ekarpenak edo alegazioak egin ditzaten.

3. Hamar eguneko epean egoki deritzen alegazioak aurkez ahal ditzan, lanpostuaren monografiaren aldaketak interesdunari jakinaraziko zaizkio, hala interesdun hori izapidetzen ari den titularrari nola okupatzaileari. EAEko Auzitegi Nagusiko Gobernu Idazkaritzari ere bidaliko zaizkio proposamenak, horien berri izan dezaten.

4. Planteaturiko aldaketek Lanpostu Zerrendan islarik edukiz gero, horren aldaketaren izapideak egiteari ekin zaio ezargarri dakion prozedurarekin bat etorriz.

6. Aurkeztutako alegazio guztiak erabaki eta lanpostuaren monografiaren edukia behin betirako baietsi ondoren, izenpetu eta eguna jarriko du Eusko Jaurlaritzako dagokion saileko zuzendariak, zeinek eskumenak izango baititu Justizia Administrazioaren zerbitzura dauden langileen arloan.

Lanpostuen monografiak, eguna eta izenpea jasota dutela,Eusko Jaurlaritzako dagokion Zuzendaritzan gordeko dira, zeinek eskumenak izango baititu Justizia Administrazioaren zerbitzura dauden langileen arloan.

EAEko Intranet atarian egongo dira eskuragarri Justizia Administrazioaren zerbitzura lan egiten duen pertsonalaren lanpostuen monografiak.