Ongi etorri Legegunea atarira

Ekoizpen integratuari buruzko otsailaren 13ko 31/2001 Dekretuaren 3. artikuluak (219. EHAA, 2003ko azaroaren 10ekoa) xedatzen duenaren arabera, Eusko Jaurlaritzako Nekazaritza eta Arrantza Sailak, egungo Ingurumen, Lurralde Plangintza, Nekazaritza eta Arrantza Saila denak, titularraren Aginduz eta Euskadiko Ekoizpen Integraturako Koordinazio Batzordeak proposatuta, nekazaritzako edo elikagaigintzako produktu bakoitzerako arau teknikoa onartuko du. Arau teknikoak ondorengoak zehaztuko ditu: ateratako produktua ekoizpen integratukotzat jotzeko nahitaez bete behar diren ekoizpen-, lantze- edo erabiltze-jarduerak; kaltegarri direlako debekatuta dauden jarduerak; eta gomendagarritzat joak izanik, epe ertainean nahitaezko bihurtuko direnak. Era berean, produktuaren trazabilitatea bermatzeko behar den informazio guztia zehaztuko dute arau teknikoek, eta bereziki, landa-koadernoetan jaso beharrekoa, eta koadernook betetzeko eskakizunak.

Era berean, aipatutako Dekretuaren 9.3 artikuluaren a) idatzi-zatiak eta Nekazaritza eta Arrantza sailburuaren 2002ko otsailaren 5eko Aginduaren 1. artikuluak jasotzen dutenaren arabera, batzorde horren eginkizunen artean dago nekazaritzako edo elikagaigintzako produktu bakoitzaren arau teknikoak proposatzea, onetsiak izan daitezen. 2002ko otsailaren 5eko Agindu horrek Euskadiko Ekoizpen Integraturako Koordinazio Batzordearen osaera eta funtzionamendu-araubidea zehazten ditu (48. EHAA, 2002ko martxoaren 8koa).

Nekazaritza, Arrantza eta Elikadura sailburuaren 2007ko irailaren 24ko Aginduaren bidez, berotegiko urazaren, berotegiko zerbaren, berotegiko piperraren, berotegiko tomatearen, kiwiaren, mahatsondoaren, erremolatxaren eta kontsumorako patataren ekoizpen integraturako arau tekniko zehatzak onetsi ziren. 5 urte igaro dira jada, eta sektoreko profesionalek eta haien ordezkariek pentsatu dute beharrezkoa dela urazaren, zerbaren, piperraren, tomatearen eta mahatsondoaren arau teknikoak berrikustea eta ordezkatzea. Produktu horien arau teknikoetan, zenbait aldaketa egin dira; kasu batzuetan, zenbait zati kendu dira; beste batzuetan, zati batzuk ordezkatu egin dira eta zati berriak gehitu dira, produktu horien kanpoko laborantzara egokitzeko arauak; eta, beste batzuetan, arauak hobetu eta zehaztu egin dira, ekoizpenaren zenbait alderdi irizpide teknikora egokituta.

Horregatik, Euskadiko Ekoizpen Integraturako Koordinazio Batzordeak, 2012ko apirilaren 23an eginiko batzarrean, urazaren, zerbaren, piperraren, tomatearen eta mahatsondoaren ekoizpen integraturako arau tekniko zehatzak onetsi zituen, Batzorde Teknikoak proposatuta. Erabaki hori Ingurumen, Lurralde Plangintza, Nekazaritza eta Arrantzako sailburuari helaraziko zaio, agindu bidez onar dezan.

Azaldutako guztiarengatik, honako hau