- AGINDUA, 2014ko abenduaren 19koa, Ekonomiaren Garapen eta Lehiakortasuneko sailburuarena, zeinen bidez ezartzen baitira gutxieneko ekoizpen- eta merkaturatze-kopurua eta elkartutako ekoizleen gutxieneko kopurua, giza kontsumorako lekaleen sektorean diharduten Nekazarien Elkarte eta horien Batasun gisa aitortuak izateko. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 2014ko abenduaren 19koa, Ekonomiaren Garapen eta Lehiakortasuneko sailburuarena, zeinen bidez ezartzen baitira gutxieneko ekoizpen- eta merkaturatze-kopurua eta elkartutako ekoizleen gutxieneko kopurua, giza kontsumorako lekaleen sektorean diharduten Nekazarien Elkarte eta horien Batasun gisa aitortuak izateko.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Ekonomiaren Garapen eta Lehiakortasun Saila
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 246
- Hurrenkera-zk.: 5482
- Xedapen-zk.: ---
- Xedapen-data: 2014/12/19
- Argitaratze-data: 2014/12/26
Gaikako eremua
- Gaia: Administrazioaren antolamendua; Ingurune naturala eta etxebizitza; Osasun eta kontsumoa
- Azpigaia: Gobernua eta herri administrazioa; Nekazaritza eta arrantza; Funtzio publikoa
Testu legala
Euskal Autonomia Erkidegoko Nekazarien Elkarteei eta horien Batasunei buruzko urtarrilaren 20ko 13/2004 Dekretuaren bidez ezarri ziren Euskal Autonomia Erkidegoko ekoizpena elkarrekin merkaturatzen duten Nekazarien Elkarteak eta horien Batasunak aitortzeko aplikagarriak diren oinarrizko arauak.
Dekretu horren 2. artikuluaren arabera, izendapen hori lortzeko, gutxieneko ekoizpen- eta merkaturatze-bolumenak bete beharko dira, bai eta produktu bakoitzerako edo produktu-multzoetarako elkartean gutxienez egon beharreko kide kopurua ere; eranskinean jasota daude. Halaber, 7. artikuluan xedatzen denez, Nekazaritza eta Arrantzako sailburuaren agindu baten bidez, Nekazarien Elkarteei nahiz horien Batasunei aldatu egin ahal izango zaizkie produktu bakoitzari edo produktu-multzoei dagokienez gutxieneko ekoizpen- eta negozio-bolumenak, bai eta elkartean nahiz batasunean gutxienez egon beharreko kide kopurua ere. Kopuruak eta produktuak dekretu honen eranskinean jaso dira; produktu edo produktu-multzo berriak sartu ahal izango dira.
Giza kontsumorako lekale-ekoizleek adierazi dute urtarrilaren 20ko 13/2004 Dekretuan xedatutakoari atxikitzeko eta sektore horretan nekazarien elkarte bat eratzeko interesa; beraz, gutxieneko ekoizpen- eta negozio-bolumenak ezartzen dira, bai eta ekoizle elkartuen gutxieneko kopurua ere, eta aipatu dekretuaren eranskinean sartzen dira. Horiek horrela, honako hau
Lehenengoa. Ezartzea gutxieneko ekoizpen- eta negozio-bolumen hauek eta gutxieneko ekoizle-kopuru hau giza kontsumorako lekaleen sektoreko nekazarien elkartearen izendapena jasotzeko:
(Ikus .PDF)
Bigarrena. Ezartzea gutxieneko negozio-bolumen hau eta gutxieneko ekoizle-kopuru hau giza kontsumorako lekaleen sektoreko nekazarien elkartearen izendapena jasotzeko:
(Ikus .PDF)
Hirugarrena. Barne hartzea Euskal Autonomia Erkidegoko Nekazarien Elkarteei eta horien Batasunei buruzko urtarrilaren 20ko 13/2004 Dekretuaren eranskineko aurreko ebatzietan ezarritako gutxieneko ekoizpen- eta negozio-bolumenak, bai eta gutxieneko ekoizle elkartuen kopurua ere.
Laugarrena. Agindu honen aurka, aukerako berraztertzeko errekurtsoa aurkez diezaiokete interesdunek Ekonomiaren Garapen eta Lehiakortasuneko sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera, edo bestela, zuzenean, administrazioarekiko auzi-errekurtsoa Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Bosgarrena. Agindu honek, sinatzen den egunetik aurrera izango ditu ondorioak, hargatik eragotzi gabe Euskal Herriko Agintaritzaren Aldizkarian argitaratzea.
Vitoria-Gasteiz, 2014ko abenduaren 19a.
Ekonomiaren Garapen eta Lehiakortasuneko sailburua,
MARÍA ARANZAZU TAPIA OTAEGUI.
Gaiarekin lotutako edukiak
Arauaren historia (3)
- Zuzendutakoa: HUTSEN ZUZENKETA, ondoko aginduarena, 2014ko abenduaren 19koa, Ekonomiaren Garapen eta Lehiakortasuneko sailburuarena, zeinen bidez ezartzen baitira gutxieneko ekoizpen- eta merkaturatze-kopurua eta elkartutako ekoizleen gutxieneko kopurua, giza kontsumor
- Aldatzen du: 13/2004 DEKRETUA, urtarrilaren 20koa, Euskal Autonomia Erkidegoko Nekazarien Elkarteei eta horien Batasunei buruzkoa.
- Indargabetutakoa: 10/2018 DEKRETUA, urtarrilaren 30ekoa, Euskal Autonomia Erkidegoko nekazarien eta baso-ekoizleen elkarteei eta horien batasun edo federazioei buruzkoa.