Ongi etorri Legegunea atarira

Lehendakariaren maiatzaren 8ko 4/2009 Dekretuak, uztailaren 30eko 20/2009 Dekretuaren bitartez aldatu zenak, Euskal Autonomia Erkidegoaren Administrazioko sailen egitura berrantolatu zuen, Jaurlaritzaren egitarau politikoa garatzen laguntzeko eta bere jardunean eraginkortasun eta arrazionaltasun handiena lortzeko.

Dekretu hura onartu zenetik hona igarotako denbora dela-eta, bidezkoa da haren edukian zenbait aldaketa egitea, Administrazio honek eskumenen eta kudeaketaren arloan arrazionaltasunez jardungo badu. Jaurlaritzaren eginkizun politiko administratiboek bere horretan jarrai dezaten nahi da, inolako etenik gabe, eta gainera, orain arte Administrazioak izan duen eraketa eta dekretu honen bidez onartzen dena moldatu nahi dira.

Hona hemen dekretu honek dakartzan aldaketak. Alde batetik, «garapenerako lankidetza» delako jardun arloa, orain arte Enplegu eta Gizarte Gaietako Sailean zegoena, Jaurlaritzaren Lehendakaritzaren eskumen esparrura aldatuko da, jardun arlo horrek harreman handiagoa baitu Lehendakaritzari esleitutako egiteko eta jardun arloekin. Helburu berarekin, Enplegu eta Gizarte Gaietako Sailaren eskumen esparruan txertatuko da «gizarte garapena» delako jardun arloa, orain arte Kultura Sailean zegoena.

Beste aldetik, Osasun eta Kontsumo Sailari esleitutako eskumenen eta kudeaketaren arloen arrazionaltasuna eta eraginkortasuna hobetzeko, «drogamenpekotasuna» delako jardun arloa hartuko du menpe sail horrek. Lehen Enplegu eta Gizarte Gaietako Sailaren barruan egon da jardun arlo hori.

Halaber, dekretu honek indarra hartzean bidean diren administrazio espedienteak, baldin eta dekretuaren edukiak organikoki eragiten badie, dekretuak eragindako antolatze eta funtzio banaketaren arabera ebatziko dira.

Ekonomia eta Ogasun Sailak, berriz, dekretu honetan xedatutakoa betetzeko beharrezkoak diren aurrekontu-eragiketak burutuko ditu.

Ondorioz, Jaurlaritzari buruzko ekainaren 30eko 7/19181 Legearen 8.c) artikuluak ematen dizkidan ahalmenen arabera, hauxe