Ongi etorri Legegunea atarira

1. Euskal Autonomia Erkidegoak, dagokion lurralde-eremuan, bere gain hartzea nekazaritzako produktuak sorburuan merkaturatzeko, normalizatzeko eta tipifikatzeko eginkizun eta zerbitzuak (maiatzaren 8ko 844/1981 Errege Dekretuak Estatuko Administrazioari esleitu zizkionak); bai eta, nekazaritzako produktuen sorburuan, merkatuak aztertzeko, erregistratzeko, sustatzeko, zaintzeko eta haien gaineko informazioa emateko jarduerak ere; orobat, nekazaritzako ekoizleen elkarteak (uztailaren 22ko 29/1972 Legeak arautu zituenak) sustatzeko, bideratzeko, kalifikatzeko, erregistratzeko, zaintzeko eta ikuskatzeko jarduerak.

2. Alabaina, 29/1972 Legeak 5.g) artikuluan aipatzen dituen kasuetan, Estatuko Administrazioak emango du kalifikazioa, Konstituzioaren 149.1 artikuluaren 10. idatz-zatiari jarraiki.

3. Sorburuko normalizazioaren eta tipifikazioaren arloan, Eusko Jaurlaritza Estatuko araudi erkidearen arabera arituko da.

4. Nekazaritzako eta Arrantzako Ministerioaren eta Eusko Jaurlaritzaren artean behar diren lankidetza-sistemak ezarriko dira (dagozkion erakundeen bitarteez), Estatuko Administrazio Zentralaren eta Euskal Autonomia Erkidegoaren artean behar den informazioa eta koordinazioa egon dadin.