Ongi etorri Legegunea atarira

Estatuko Administrazioak Nekazaritza, Arrantza eta Elikadurako Ministerioaren bidez nekazaritzako elikagaien kalitatea kontrolatzeko betetzen zituen eginkizunak beteko ditu Euskal Autonomia Erkidegoak, bereziki, honako hauek:  

a) Nekazaritzako elikagaien kalitatea kontrolatuko du, hots, nekazaritzako elikagaiak eta ekoizteko baliabideak arauei egokitzen ote zaizkien zainduko du, elikagaien ezaugarriak eta haiek prestatzeko prozedurak arautzen dituzten arauei, alegia.

Kontrolak, produktuak egiteko prozesuaz gain, produktuak biltegiratzeko prozesua ere hartuko du. 

Ekoizteko baliabideei dagokienez, merkaturatzeko fasea ere hartuko du. 

Ardoaz den bezainbatean, kontrol horren barruan sartzen dira Mahastiaren, Ardoaren eta Alkoholen Estatutua onetsi zuen abenduaren 2ko 25/1970 Legeak Iruzurren Aurkako Defentsa Zerbitzuari eman zizkion egiteko guztiak. 

b) Nekazaritzako elikagaien kalitatearen arloan, EAEn antzemandako arau-hausteak direla-eta hasitako zigor-prozeduren izapideak egin eta ebatziko ditu. 

c) Mintegietako landareen eta hazien arloko zigor-prozedurak ebatziko ditu. 

d) Produktu enologikoak erregistratuko ditu, eta ardoaren eta edari alkoholdunen botilaratzaileak eta ontziratzaileak erregistratuko ditu, Mahastiaren, Ardoaren eta Alkoholen Estatutua onetsi zuen 25/1970 Legeari jarraiki. EAEk erregistroan izandako altei, bajei eta aldaketei buruzko informazio zehatza eman beharko dio Nekazaritza, Arrantza eta Elikadurako Ministerioari. 

e) Europar Batasuneko beste estatu kide batzuetara bidalitako mahastizaintzako eta ardogintzako produktuak kontrolatuko ditu, 25/1970 Legean ezarritakoarekin bat etorriz.