Ongi etorri Legegunea atarira

1989.eko abuztuaren 9ko Euskal Herriko Agintritzaren Aldizkariko 151. alean argitaratutako aipatutako Dekretuko testuan hutsa egin dela ohartuta, bidezko den zuzenketa egitea da ondoren: Azken Xedapenetatik Bigarrenean, honako hau dionean: «Dekretu hau, Euskal Herriko Agintaritzaren Aldizkarian argitara dadin egunaren biharamunean jarriko da indarrean», honako hau esan behar du: «Dekretu hau, Euskal Herriko Agintaritzaren Aldizkarian argitara dadin egunean jarriko da indarrean».«Euskadi 1993ko Europan» Egitarauaren barne aurrikusitako Pobreziaren aurkako Osoko Planak aginte publikoen aldetikako hiru iharduketa maila taiutzen du. 1 eta 2 mailak Dekretu banaren bidez garatu dira, otsailaren 28ko 39/1989 eta martxoaren 21eko 64/1989 Dekretuen bidez, hain zuzen ere. Hirugarren maila arlokako politikak gauzatzeari dagokio; horien artean 1988.eko apirilaren 21ean Lan eta Osasun Batzordeak onartutako Agirian Eusko Legebiltzarrak zehaztutakoak nabarmen litezke. Neurri horien xedea Pobreziak berarekin dakartzan arazo guztiei aurre egitea dugu, eta horrek alderdi sozial eta ekonomiko ugariren ardura hartzera behartzen gaitu, hala nola hezkuntzarena, osasunbideen suztapenarena, kultura garapenarena eta bizitza maila orokorrarena. Aipatu hirugarren maila horrek, beste bietan aurrikusitakoaz bestera, ez dakar berarekin diru-gehiketarik egin beharrik, honetan eskuhartzen duten Sailen agizko aurrekontuen barne hartuta egon behar baitute iharduketa horiek. Hala ere, beharrezkoa dugu politika horiek koordinatzeko neurriak erabakitzea, Administrazio Publikoaren ihardueran beti aintzat hartu beharrekoak diren baliabideen ekonomia eta eraginkortasun printzipioak direla-eta. Beraz, giza baliabideak zein teknikoak arrazionalizatzeko, eta halaber emaitzak erdiesteko, beharrezkotzat jotzen da Sailarteko Batzordea ezartzea, bertan eskuhartzen duten Sailek aurkeztutako arlokako neurri eta iharduketa proposamenak jasotze zein aztertze zereginak izango dituena, eta halaber hauek dagoz kien erakundeei bidaltzea (Jaurlaritza, Kudeaketa Batzordea, Gizarte Ongizaterako Euskal Kontseilua). Horren ondorioz, honako Sailburuek, Lan eta Gizarte Segurantza; Ogasun eta Finantza; Hezkuntza, Unibertsitate eta Ikerketa; Kultura eta Turismo; Osasun eta Kontsumo; eta Hirigintza, Etxebizitza eta Ingurugiro Sailburuek, hain zuzen ere, batera proposatuta, Jaurlaritzak 1989.eko abuztuaren 31ko bilkuran aztertu ondoren, honako hauXEDATU DUT: 1. Atala.- «Euskadi 1993ko Europan» Egitarauaren barneko den Pobreziaren aurkako Osoko Planaren ondoriozko arlokako neurriak aztertu eta proposatzeko Sailarteko Batzordea sorrarazten da. 2. Atala.- Batzordearen buru Lan eta Gizarte Segurantza Saileko Lan eta Gizarte Segurantzaren Administraziorako Sailburuordea izango da, eta bertan, Batzordeko Idazkari izango den aipatutako Saileko Gizarte Ongizaterako Zuzendariaz gain, honako Sail hauetako ordezkari bana izango da partaide, Sailburuorde mailakoa bera: - Ogasun eta Finantza Saila. - Hezkuntza, Unibertsitate eta Ikerketa Saila. - Kultura eta Turismo Saila. - Osasun eta Kontsumo Saila. - Hirigintza, Etxebizitza eta Ingurugiro Saila. Halaber, eta Batzordeak hala eskatuz gero, Jaurlaritzako beste Sail batzuetako ordezkariek ere izango dute bertara agertzerik, hauen eskuduntzeko izan daitezkeen gaiei ekiten zaienetan. Atala.- Batzordeak bere zereginak garatzeko egokitzat jotzen duen Sailetako edozein Goren Mailako Kargudun eta Teknikoren laguntza jaso ahal izango du. Atala. - Sailarteko Batzordeak bere egitekoa betetze horretan hartzen dituen erabakiak, otsailaren 28ko 39/1989 Dekretuko 13. atalean aurrikusitako Kudeaketa Batzordeari bidaliko zaizkio, honek proposatutako iharduketak balioetsi eta azter ditzan eta jarraipena egin diezaien, eta horiexek Pobreziaren aurkako Planaren barnean bil ditzan. Aldi berean, Kudeaketa Batzorde horrek beste ezer aurretik aztertu beharrekotzat jotzen dituen neurriak agertuko dizkio Sailarteko Batzordeari, hala badagokie, bertan ordezkaturik dauden Sailetako bakoitzak gauza ditzan. Era berean, Sailarteko Batzordeak hartutako erabakien berri Gizarte Ongizaterako Euskal Kontseiluari ere emango zaio. 5. Atala.- Honako hauek izango dira aipatutako Batzordearen egitekoak: - Iharduketak aztertzea, eta hala badagokie, horiek bideratzea eta jarraipena egitea. - Hartutako neurriak eta hauek gizarte inguruan duten eragina balioestea. - Neurrien kostu ekonomikoa balioestea eta aurrekontu-baliabideak banatzea. - Bere eskuduntzako beste edozein gai aztertzea eta horri buruzko txostena egitea; gauza bera egingo du horretarako bidaltzen zaizkion guztiekin ere. 6.- Atala.- Batzordeak erabakitako arlokako neurri proposamenek honako alderdi hauek hartu beharko dituzte gutxienez: a) Egoeraren azterkuntza. b) Helburuak eta iharduketa lehentasunak. c) Ezarritako helburuen arabera hartu beharreko neurriak. d) Aurrekontu beharrak. e) Kudeaketa eta jarraipenaz arduratuko diren erakundeak. XEDAPEN GEHlGARRlA Administrazio Prozeduraren Legeko Lehenengo Idazpuruko II Atalburuan eta Dekretu honetan xedatutakoarekin bat etorriz arautuko du Batzordeak proposamenak aurkezte prozedura, eta baita bere barne funtzionamendua ere. ALDIBATERAKO XEDAPENA 2. atalean aurrikusitakoa betetzearren, Batzordea osatzen duten Sailetako Sailburuek atal horrek aipatzen dituen ordezkariak izendatuko dituzte, Xedapen hau indarrean jartzen denetik kontatzen hasi eta 15 eguneko epean. AZKEN XEDAPENA Dekretu hau Euskal Herriko Agintaritzaren Aldizkarian argitara dadin egunaren biharamunean jarriko da indarrean. Gasteiz, 1989.eko abuztuak 31. Lehendakaria, JOSE ANTONlO ARDANZA GARRO. Ogasun eta Finantza .Sailburua, ALFONSO BASAGOITI ZABALA. Hezkuntza, Unibertsitate eta Ikerketa Sailburua, JOSE RAMON RACALDE DlEZ. Kultura eta Turismo Sailburua, JOSEBA ARREGUI ARAMBURU. Lan eta Gizarte Segurantza Sailburua, JOSE IGNAClO ARRlETA HERAS. Osasun eta Kontsumo Sailburua, JOSE MANUEL FREIRE CAMPO. Hirigintza, Etxebizitza eta Ingurugiro Sailburua, JOSE MIGUEL MARTlN HERRERA.