Ongi etorri Legegunea atarira

ERASKINA ARABAKO LURRALDE HISTORIKOA Lurraldeko errepide guztietan: Uztailaren 30eko -ostirala- 15:00etatik uztailaren 31ko -larunbata- 24:00ak arte. Abuztuaren 1eko -igandea- 00:00etatik egun bereko 24:00ak arte. Abuztuaren 28ko -larunbata- 00:00etatik abuztuaren 29ko -igandea- 24:00ak arte. Abuztuaren 30eko -astelehena- 15:00etatik abuztuaren 31ko -asteartea- 24:00ak arte. N-I, A-2134, N-240 eta A-625 errepideetan: Apirilaren 7ko -asteazkena- 12:00etatik apirilaren 8ko -osteguna- 24:00ak arte. Apirilaren 12ko -astelehena- 00:00etatik egun bereko 24:00ak arte. Urriaren 9ko -larunbata- 12:00etatik egun bereko 24:00ak arte. Urriaren 12ko -asteartea- 15:00etatik egun bereko 24:00ak arte. Abenduaren 4ko -larunbata- 12:00etatik egun bereko 24:00ak arte. Abenduaren 8ko -asteazkena- 15:00etatik egun bereko 24:00ak arte. BIZKAIKO LURRALDE HISTORIKOA Lurraldeko errepide guztietan: Uztailaren 30eko -ostirala- 15:00etatik uztailaren 31ko -larunbata- 24:00ak arte. Abuztuaren 1eko -igandea- 00:00etatik egun bereko 24:00ak arte. Abuztuaren 28ko -larunbata- 00:00etatik abuztuaren 29ko -igandea- 24:00ak arte. Abuztuaren 30eko -astelehena- 15:00etatik abuztuaren 31ko -asteartea- 24:00ak arte. N-634, N-240, BI-625 eta BI-636 errepideetan: Apirilaren 7ko -asteazkena- 12:00etatik apirilaren 8ko -osteguna- 24:00ak arte. Apirilaren 12ko -astelehena- 00:00etatik egun bereko 24:00ak arte. Urriaren 9ko -larunbata- 12:00etatik egun bereko 24:00ak arte. Urriaren 12ko -asteartea- 15:00etatik egun bereko 24:00ak arte. Abenduaren 4eko -larunbata- 12:00etatik egun bereko 24:00ak arte. Abenduaren 8ko -asteazkena- 15:00etatik egun bereko 24:00ak arte. BI-636 errepidean: Apirilaren 9ko -ostirala- 06:00etatik egun bereko 16:00ak arte. GIPUZKOAKO LURRALDE HISTORIKOA Lurraldeko errepide guztietan: Uztailaren 30eko -ostirala- 15:00etatik uztailaren 31ko -larunbata- 24:00ak arte. Abuztuaren 1eko -igandea- 00:00etatik egun bereko 24:00ak arte. Abuztuaren 28ko -larunbata- 00:00etatik abuztuaren 29ko -igandea- 24:00ak arte. Abuztuaren 30eko -astelehena- 15:00etatik abuztuaren 31ko -asteartea- 24:00ak arte. N-I eta N-634 errepideetan: Apirilaren 7ko -asteazkena- 12:00etatik apirilaren 8ko -osteguna- 24:00ak arte. Apirilaren 12ko -astelehena- 00:00etatik egun bereko 24:00ak arte. Urriaren 9ko -larunbata- 12:00etatik egun bereko 24:00ak arte. Urriaren 12ko -asteartea- 15:00etatik egun bereko 24:00ak arte. Abenduaren 4ko -larunbata- 12:00etatik egun bereko 24:00ak arte. Abenduaren 8ko -asteazkena- 15:00etatik egun bereko 24:00ak arte. N-I errepidean: Uztailaren 3ko -larunbata- 08:00etatik egun bereko 24:00ak arte. Uztailaren 4ko -igandea- 08:00etatik egun bereko 24:00ak arte.Uztailaren 17ko 4/1992 Legearen (abuztuaren 11ko 155 zenbakidun EHAA) III Idazpuruko VIII Atalburuan, lan-baldintzak zehazterakoan Ertzaintzako funtzionariek duten ordezkaritza eta parte hartzea arautzen dira, Atalburu horretan jasotzen diren arauek Ertzaintzako Kontseilurako ordezkaritza maila eta mota ezberdinak, ordezkari, ordezko, sindikatuetako eta, hala badagokie, sindikaritza federazio edo bazkuneetako ordezkariak aukeratzeko sistema korapilotsua eratzen dute, guzti horien zenbaketa, aukeraketa eta izendapenasistema ezberdinei jarraituz, hauteskunde bidez eta afiliazio bidez egiten dela. Legean zehar jasotako xedapenak eraginkorrak izan daitezen, entzute, hauteskunde eta afiliazio mailak finkatzeko bide ezberdinak zehazteko prozedurak ikuspuntu sustantibo eta formaletik araupetu ditzan lege multzoa antolatzeko eskatzen dute, horrela, Ertzaintzako kideek gizarte mailan izan ditzaten eskubideak erabilt ditzaten bultzatuz. Horiek horrela, Herrizaingo Sailburuaren proposamenez, Jaurlaritzak 1993ko martxoaren 16ko bileran eztabaidatu eta onartu ondoren, honako hauXEDATU DUT:I. Atalburua.- Aurretiazko Xedapenak 1. atala.- Ertzaintzako funtzionarien ordezkari sindikalak hautatzeko bidea araupetzea, sindikatuei dagozkien ordezkoak eta Ertzaintzako funtzionariek Ertzaintzaren Kontseiluan izan ditzaten ordezkariak aukeratzea da Dekretu honen xedea, Euskal Herriko Poliziari buruzko uztailaren 17ko 4/1992 Legean ohartemandakoarekin bat etorriz. 2. atala.- 1.- Ertzaintzako funtzionarien ordezkari sindikalen kopurua finkatzeko, Euskal Autonomi Elkarteko Lurralde Historiko bakoitza hauteskunde barrutia izango da. 2.- Sindikatuek, barruti bakoitzean, ondorengo eskala honen arabera atera dadin ordezkarien kopurua izateko eskubidea izango dute: a) 1.000 funtzionari arte, hautatzaile egoeran daudenen artetik 14. b) 1.001etik gora, 3 ordezkari mila funtzionariko edo zatikako hautatzaile egoeran daudenetatik.II. Atalburua.- Botu eskubidea eta hauteskunde errolda. 3. atala.- 1.- Ertzaintzako ordezkaritza taldeen proposamenez, Herrizaingo Sailburuak ordezkariak hautatzeko hauteskundeetarako deia egin dezake, ordezkarion agintaldia bukatu aurretiko hiru hilabeteen barruan egin beharko direla. 2.- Ertzaintzaren Aldizkari Ofizialean argitara dadinetik berrogei eta berrogeitabosgarren egunen bitartean egin beharko diren hauteskundeen eguna, hauteskundeetarako sekzio eta mahaiak, errolda osoa, aukeratuko diren ordezkarien kopurua eta hauteskunde kanpainak izango duen iraupena jasoko dira deialdian. 4. atala.- 1.- Legez eratutako sindikatu, sindikaritza federazio eta bazkuneek bultzatu ahal izango dituzte hautagai zerrendak. Hautagai zerrenda bakoitzak hautatu beharreko ordezkari beste hautagai jarriko ditu eta baita ordezkoak ere; horiek, gutxienez hiru izango dira eta, gehien jota, hautagaiak beste. 2.- Bultza daitezen hautagai zerrendek, legez eratutako gainontzeko sindikatu eta sindikaritza federazio eta bazkuneen anagrama, sinbolo edo siglekin zerikusirik izan ez ditzatenak erabiliko dituzte hauteskundeetan. 5. atala.- 1.- Hautatzaile eta hautagai honako hauek izango dira, hauteskunde deialdia argitara eman dadin eguna abiapuntutzat harturik: zerbitzu egoeran edo bigarren iharduerako egoeran ari diren karrerako funtzionariak, aldi baterako funtzionariak eta gaikuntza ikastaroa gainditu eta praktiketan ari diren saioaldiango funtzionariak. 2.- Hauteskunde deialdia egin ondoren eta horiek ospatu bitartean, aurreko idazatian jasotako egoeratatik beste batera igarotzen diren karrerako funtzionariek galdu egingo dute hautatzaile eta hautagai izateko aukera. Hautatzaile eta hautagaien administrazio egoera horietan aldaketa gertatu bezain laister Herrizaingo Sailak horren berri eman beharko dio Hauteskunde Batzordeari, izan ditzan ondorioetarako. 3.- Hauteskunde Batzordekideak izan daitezen ertzainak ezingo dira hautagai izan. 6. atala.- 1.- Hauteskunde errolda izango da Ertzaintzako funtzionarien artean hautatzaile eta hautagai izateko baldintzak bete ditzatenen zerrenda jasoko duen administrazioaren tresna. 2.- Herrizaingo Sailak egingo du, dituen datuak oinarri hartuta, Hauteskunde errolda, bertan funtzionariaren izena, bi abizenak, jaioteguna, aintzinatasuna eta, behar izanez gero, lanbide zenbakia eta NAN zenbakia ere jasoko direlarik. 3.- Hauteskunde errolda hauteskunde sekzioen edo, behar izanez gero, hauteskunde mahaien arabera antolatuko da eta hautatzaile bakoitza, zerbitzu ematen duen Unitateari dagokion sekzio edo mahaian inskribatuko da. Hautatzailea bat hauteskunde sekzio edo mahai bat baino gehiagotan inskribatuta azaltzen bada, hauteskundeen deialdia argitara dadin egunean betetzen zuen zerbitzuari dagokion Unitatekoak izango du balioa, eta beste guztietatik kendu egingo da. 4.- Hauteskundeen deialdia Ertzaintzaren Aldizkari Ofizialean argitara dadin egunetik kontatzen hasi eta hamar eguneko epearen barruan, Segurtasun Sailordetzak argitara emango du Ertzaintzako Unitate guztien iragarki-oholtzetan Unitate bakoitza atxikita dagoeneko hauteskunde sekzio edo mahaiari dagokion hauteskunde erroldaren zatia, gutxienez 7 egunez egongo dela oholtzetan. 7. atala.- Hauteskunde erroldaren zatiak Unitate bakoitzeko iragarki oholtzetan egoteko aldia amaitzen denean, zerrendan sartu dutela edo ez dutela eta, edozein funtzionarik aurkeztu ahal izango dio erreklamazioa Hauteskunde Batzordeari. Hauteskunde Batzordeak erreklamazioak aurkezteko epea amaitzen den egunaren biharamunetik kontatzen hasi eta hiru laneguneko epearen barruan emango du horren inguruko ebazpena, behar izanez gero, hauteskunde erroldan egin beharreko aldaketak egin daitezen aginduz. 8. atala.- 1.- Hauteskunde erroldaren inguruko erreklamazioen ebazpena eman ondoren, Unitate bakoitzari dagokion hauteskunde sekzio edo mahaiko behin-betiko hauteskunde errolda emango du argitara Hauteskunde Batzordeak Unitate horietako iragarkioholtzetan. Bost asteguneko epearen barruan, sindikatuek eta sindikaritza federazio edo bazkuneek hautagaien zerrendak aurkeztu ahal izango dituzte hauteskunde barruti guztietan, eta horretarako, Hauteskunde Batzordeari idatzi bat igorri beharko diote, proposamena egiten duen taldearen deitura, sigla eta sinboloak, hautagaien eta ordezkoen Izen-abizenak, NAN-ak, eta horiek zerrendan joateko ematen duten baimena ere jaso beharko delarik bertan. 2.- Hautagaien zerrendak hauteskundeetarako barrutiz barruti aurkeztu beharko dira, bakoitzaren hurrenkera zenbakia adieraziz, bai titularrena eta baita ordezkoena ere. 9. atala.- 1.- Hautagaien zerrendak aurkezteko epea bukatu ondoren, hiru eguneko epearen barruan, Hauteskunde Batzordeak hautagaien aldarrikapena egingo du, Ertzaintzaren Aldizkari Ofizialean argitaratuz. 2.- Aldarrikatzen diren hautagaien zerrendak ezingo dira aldatu, kasu hauetan izan ezik: akatsak zuzentzeko, hautagairen bat hil egin delako edo uko egin diolako, edo hautatuezintasunen bat sortu delako. Kasu horietan egin beharko diren aldakuntzak ahalik eta epe motzenean egingo dira eta Ertzaintzaren Aldizkari Ofizialean argitaratuko dira.III. Atalburua.- Hauteskunde kanpaina. 10. atala.- 1.- Hauteskunde kanpaina botuak lortzeko burutzen diren lege barruko ekintzen multzoak osatzen dute. Hautagaien zerrenda aurkeztu duten hautagaiak eta sindikatu eta sindikaritza-federazio eta bazkundeak izango dira ekintza horiek burutu ditzaketen bakarrak. 2.- Hauteskunde kanpainak hamabost eguneko gehienezko iraupena izango du eta beti ere hauteskunde egunaren bezperako zero orenetan bukatu beharko da. 3.- Ertzaintzaren Kontseiluak erakunde bezala egingo du kanpaina hauteskunde kanpaina horrek dirauen artean, ordezkarien hauteskundeetan hautesleei informazioa helarazi eta horien parte hartzea bultzatzea izango litzatekeela horren helburua, botua bata edo bestearentzat eskatu gabe. 11. atala.- 1.- Hauteskundeen deialdi egunetik kanpaina hasi arte eta hori bukatu eta gero ere ezingo dira berez hauteskunde kanpainakoak diren ekintza publikoak burutu. 2.- Aurreko idazati horretan ez dira sartzen sindikatu eta sindikaritza federazio eta bazkuneen ohizko ihardunak, ideia eta iritzien zabalkundea helburu dutenak alegia, orohar, ordenamendu juridikoan aitortzen dizkien ihardunak, eta zehazki, hautagaien aurkezpena, beti ere botua eskatzen ez badute. 3.- Sindikatu, sindikaritza federazio eta bazkuneek ezin izango dute hauteskunde egunean eta ezta bezperan ere botuak eskuratzeko helburu orokorra izan dezan inolako adierazpen edo agerpen publikorik egin. 4.- Hautagaien zerrenda aurkeztu duten sindikatu, sindikaritza federazio eta bazkuneei tokia gordeko zaie Ertzaingoaren egoitza guztietan hauteskundeetako propoganda iragarkiak jar ditzaten. Tarteak berdinak izango dira azaleraz eta erabilgarritasunez horretarako aukera daitezen toki guztietan. 5.- Ertzaingoaren egoitzetan egin daitezen hauteskunde kanpainako ekintzak honako arau hauei jarraituz burutu beharko dira: a) Hauteskunde Batzordeak argitara emango du zein aretotan, zein egunetan eta zein ordutan egingo diren ekintzak. Horretarako, Segurtasun Sailordetza, ekintza horiek burutzeko egokiak izan daitezen aretoak erabilgarri izaten saiatuko da, zerbitzu publikoan inolako trabarik jarri gabe. b) Hautagaien zerrendak aurkeztu dituzten sindikatu, sindikaritza federazio eta bazkuneen eskaria jaso ondoren, Hauteskunde Batzordeak, berdintasun irizpideari jarraiki, eta subsidiarioki, zozketa bidez, hauteskundeen inguruko ekintzak egiteko areto, egun eta orduak emango ditu. IV. Atalburua.- Gerorako botua. 12. atala.- 1.- Hauteskundeak ospatuko diren egunean, botoa ematea egokitzen zaien tokian egongo ez direla uste duten hautatzaileek, edo bertaratzerik ez dutenek, honako bide honi jarraituz eman dezakete botua: a) Hauteskunde Batzordea eratzen denetik hasi eta hauteskunde eguna baino bost egun lehenagorarte, hautatzaileak hauteskunde erroldan dagoela egiazta dezan ziurtagiria eskatuko dio Batzorde horri. b) Eskaera norberak eraman beharko du destinatuta dagoen Unitateko administrazio bulegoetara, NAN edo lanbide txartela erakutsi beharko duela. c) Gaixorik edo ezindurik dagoelako, eskaera norberak eraman ezin badu, horretarako baimendutako beste edonork egin dezake hori hautatzailearen izenean, horren nortasuna adieraziz, ordezkaritza askietsiz, eta bere gaixotasun edo ezintasuna egiaztatuz. Hauteskunde Batzordeak egin dezake, kasu bakoitzean, baldintza horiek ematen diren ala ez direnaren egiaztapena. d) Eskaera jaso ondoren, Hauteskunde Batzordeak egiaztatu egingo du errolderatuta dagoen, erroldan horri dagokion oharpena egingo du, ziurtagiria bete eta eskaera bidali zion Unitateko administrazio bulegoetara igorriko du lehen bait lehen, han hautatzaileari eman diezaioten. Ziurtagiriarekin batera aurkeztu eta aldarrikatu diren zerrenda guztien papeletak igorriko zaizkio, eta baita botoa sartzeko kartazala ere. e) Hautatzaileak bere botuaren papeleta aukeratu ondoren, kartazalean sartuko du eta itxi egingo du hori. Kartazal itxia eta errolderatua dagoela egiaztatzen duen ziurtagiria beste kartazal handiago batean sartuko ditu, hori berari dagokion hauteskunde mahaira zuzenduta egongo delarik, eta Hauteskunde Batzordeari igorriko dio. Botuaren kartazala eta ziurtagiria dituen kartazala bi era ezberdinen bidez igorri ahal izango zaio Hauteskunde Batzordeari, hautatzailea bera horren egoitzara bertaratuz edo hautatzailea destinatuta dagoeneko unitateko administrazio zerbitzuen bidez. Bi bide hauetatik aukeratzen dena aukeratzen dela, hautatzaileak, nahitaez, bere nortasuna eta hautatzaile izaera egiaztatu beharko ditu kartazala hartzen dion funtzionariaren aurrean. Atal honetako c idazatian aurrikusitako kasuetan, horretarako behar bezala baimendutako pertsonaren bidez egin ahal izango da kartazalaren gordailua, horrek ere, bere aldetik, bere nortasuna adierazi, ordezkaritza askietsi eta hautatzailearen gaixotasun edo ezintasuna egiaztatu beharko dituela, dagokion agiri edo medikuaren ziurtagiri bidez. f) Hauteskunde Batzordeak jasoko ditu hauteskunde egunaren bezperararte emandako gerorako botuen kartazalak. g) Hauteskunde egunean Hauteskunde Batzordeak gerorako botuen kartazalok hauteskunde mahaietara igorriko ditu, mahai bakoitzeko idazkariaren ardurapeanegongo direla kutxan sartzea dagokien unerarte. 2.- Hauteskunde Batzordeak atal honetan ohartemandako sistemaren bidez emandako botua isilpean gordetzeko beharrezkoak izan daitezen neurri eta erabakiak hartuko ditu.V. Atalburua.- Hauteskunde Prozedura. 13. atala.- Hauteskundeen deialdian finkatzen den egunean, botu emanketari hasiera emateko ordua baino ordubete lehenago eratuko dira hauteskundeetarako mahaiak. Eraketa ekitaldira Lehendakaria eta bi bokalak joan beharko dira, eta baita gerta daitezkeen hutsegiteak betetzeko izendatuak izan daitezen ordezkoak ere. Ekitaldi horren akta mahaiko Idazkariak jasoko du. 14. atala.- Botu emanketari aurrez erabakitako orduan emango zaio hasiera eta etenik gabe iraungo du, Hauteskunderako ordutegia amaitu artean. 15. atala.- 1.- Hauteskunderako mahai bakoitzean hautestontzi bat jarriko da eta botazio kabina bat ere bai, botua ixilekoa izan ahal dadin. 2.- Horrez gain, hauteskunderako mahai bakoitzak kabinan edo horren inguruan jarriko diren botuen papeleta eta kartazalen kopuru nahikoa izan beharko du eskuragarri, botua berme osoz eman ahal izan dadin eta ixileko botuaren errespeto osoz. 16. atala.- Hauteskunde Batzordeak erabakiko du hauteskunde eguneko ordutegia, hots, hasiera eta bukaera orduak, tarte hori ezingo dela zortzi ordutik beherakoa izan. 17. atala.- 1.- Botua eman ahal izateko, doakionak errolderatua dagoenaren ziurtagiria erakutsi beharko du, eta bere nortasunarena ere, Nortasun Agiri Nazionala eta/edo lanbide txartela erakutsiz horretarako. 2.- Botua ematerakoan, hautatzaile bakoitzak aurkeztu diren zerrenden artetik bakar bati emango dio bere botua. Hautatzaileak aukeratutako papeleta kartazelean sartu ondoren, botu hori horretarako jartzen den hautestontzian sartuko da. 3.- Gerorako emandako botuak hauteskunde eguna amaitzean sartuko dira kutxan. 4.- Botua gerorako emanda duena bera bada, hauteskunde egunean, dagokion mahaira botua emateko asmoarekin bertaratzen dena, egin ahal izango du, mahaikideei aurrez horrela jakitera emanda. Kasu honetan, mahaiko idazkariak aktan jasoko du gertatutakoa, eta baita lehendik emandako botuaren kartazalean ere; kartazal hori apurtu egingo da ondoren puskatu beharreko gainontzeko agiri eta papeletekin batera, ireki gabe eta kutxan sartu gabe. 18. atala.- 1.- Baliogabeko botua izango da: a) Eredu ofizialekoak ez diren kartazal edo papeletan emandako botua, kartazalik gabeko papeletan emandakoa, edo hautagaien zerrenda ezberdineko bat baino papeleta gehiagoko kartazalekoa. Hautagaien zerrenda bereko bat baino papeleta gehiagoko kartazalari botu bakar baten balioa emango zaio. b) Izenetan aldaketaren bat edo zirriborroren bat duen papeletan emandako botua. c) Botu emanketarekin zerikusirik ez duen adierazpenen bat jasotzen duen papeletan emandako botua. 2.- Papeletarik ez duten kartazalak botu zuriak izango dira. 19. atala.- 1.- Hauteskunde eguna bukatzen denean, Hauteskunde Mahaiak botuen zenbaketa publikoa egiteari ekingo dio, Lehendakariak papeleta bakoitzeko zerrenda ahotsez irakurriko duela. 2.- Botu-kontaketaren emaitzaren akta jasoko da, horretan, mahaiaren osakera, hautatzaileen kopurua, botu emaleen kopurua, irakurritako papeletena, eta baliodun botoena jasoz, azken hauei dagokienez, hautagaien zerrenda bakoitzak jasotakoak adierazi beharko direla, eta baita batu zuriak eta baliorik gabekoak ere. Horrez gain, izandako gorabeherak ere jasoko dira, zerbait egon bada. Akta hori mahaia osatzen dutenek, hautagaien zerrenda bakoitzetik joandako artekariak eta, badago, Segurtasun Sailordetzako ordezkariak sinatuko dute. 3.- Eskatzen duten artekariei botu kontaketaren aktaren egiaztapenak emango zaizkie eta baita Segurtasun Sailordetzako ordezkariari ere. 20. atala.- Botu zenbaketaren ondorengo akta jaso eta gero horretarako kartazal batean sartuko dira mahaiaren eraketaren jatorrizko akta, botu zenbaketaren jatorrizko akta, baliogabetzat eman diren edo erreklamatu diren papeletak, eta erabili diren hautatzaileen zerrenda eta hauteskunde zentsua. Kartazal hori itxi eta gero, lehendakariak, bokalek eta artekariek sinatu egingo dute kartazala irekitzen den tokian eta lehen bait lehen Hauteskunde Batzordeari igorriko diote. 21. atala.- 1.- Hauteskunde Batzordeak botu zenbaketa orokorra egingo du, ekitaldi horretara hautagai zerrenden ordezkariak ere joan daitezkeelarik. Botu zenbaketa orokorra hauteskunde egunetik kontatzen hasi eta bi egunen barruan egingo da. 2.- Botu-zenbaketa orokorra mahaiz-mahai egingo da eta Hauteskunde Batzordeak ezingo du baliogabetu ez boturik eta ezta aktarik ere. Akten eta egiaztapenen arabera, mahai bakoitzean jasotako botuen zenbaketa egiaztatu besterik ezingo du egin Hauteskunde Batzordeak. 22. atala.- 1.- Mahaiz-mahaiko botuen kontaketa egin ondoren eta ontzat emandako botuen zenbatekoa eta hautagaien zerrenda bakoitzak jasotakoa ezagutu ondoren, Hauteskunde Batzordeak izendatu egingo ditu zerrenda bakoitzak hauteskunde mugape bakoitzean lortu dituen ordezkariak, banaketa prozedurari jarraituz. 2.- Hauteskunde mugape bakoitzean ontzat emandako botuen %5a lortu ez duten hautagaien zerrendek ez dute eskubiderik izango mugape horretan ordezkaririk izateko. Proportziozko ordezkaritzaren sistemari jarraituz banatuko zaizkio zerrenda bakoitzari dagozkion ordezkariak; zenbat diren jakiteko, hauteskunde mugape bakoitzean botuen %5a edo gehiago lortu duten zerrenden alde ontzat emandako botuen kopurua zati bete beharreko postuak egingo da. Gainontzeko postuak, gelditzen badira, zerrenden artean banatuko dira, bakoitzean zatiketa egitetik gelditzen den botuen hondarren arabera, hondar handienetik txikienera. 3.- Behin-behingo emaitzak jakitera eman ondoren, hautagaien zerrendak aurkeztu dituzten sindikatuek eta sindikaritza federazio eta bazkuneek bi egun izango dituzte jakinarazpen sineskarria jasotzen dutenetik aurrera, egokitzat jo ditzaten erreklamazioak egiteko; erreklamazio horiek aurkezten direnetik kontatzen hasi eta bost eguneko gehienezko epean ebatziko ditu Batzordeak. 4.- Erreklamazioak, egon badira, ebatzi ondoren, Hauteskunde Batzordeak ordezkari hautatuen aldarrikapena egingo du. 23. atala.- 1.- Ordezkari hautatuen aldarrikapenaren akta jasoko da, Hauteskunde Batzordeko Lehendakari eta Idazkariak sinatu beharko dutena, eta horretan, derrigorrez, hautatzaileen kopurua, ontzat emandako botuena, baliogabeko botuena, eta botu zuriena, eta baita hauteskunde mugape bakoitzean hautagaien zerrenda bakoitzak lortutako botuena eta hauteskunde mugape bakoitzea hautagaien zerrendak lortutako ordezkariena ere jaso beharko direla. Horiez gain, hautagaien zerrenda bakoitzetik hautatuak izan direnen Izen-abizenak jasotzen dituen zerrenda ere ezarriko da. Eta baita Behin-behingo emaitzen aurka aurkeztu diren erreklamazioak eta horien inguruan emandako ebazpenak ere. 2.- Ordezkari hautatuen aldarrikapenaren aktaren kopia egiaztatuak emango zaizkie hala eskatzen duten sindikatu, sindikaritza federazio eta bazkuneetako ordezkariei. 3.- Hauteskunde Batzordeak beren aldarrikapenaren egiaztagutunak emango dizkie hautatuak izan diren hautagaiei eta Ertzaintzaren Aldizkari Ofizialean argitaratuko du, izan ditzan ondorioetarako, hautagaien zerrenda bakoitzetik hautatuak izan diren hautagaien zerrenda, horien Izen-abizenak jasoz. 4.- Euskal Herriko Poliziari buruzko uztailaren 17ko 4/1992 Legearen xedapen gahigarrietatik hamabostgarreneko 1 idazatian ohartemandako ondorioetarako, Hausteskunde Batzordeak igorri egingo ditu Euskal Autonomi Elkarteko eskuduna izan dadin bulego publikora hauteskundeetako emaitzak. VI. Atalburua.- Hauteskunde Administrazioa. 24. atala.- 1.- Hauteskunde Administrazioaren helburua da hauteskundeen gardentasun eta objetibotasuna bermatzea. 2.- Hauteskunde Administrazioa Hauteskunde Batzordeak eta Hauteskunde mahaiek osatzen dute. 25. atala.- 1.- Hauteskunde Batzordea organu parekide legez dago eratuta eta Administrazioko bost ordezkarik eta Ertzaintzaren Kontseiluan ordezkaritza lortu duten sindikatu eta sindikaritza federazio eta bazkuneetako beste bostek osatzen dute, hautatzaile izan beharko dutela. Sindikatu, sindikaritza federazio eta bazkunde bakoitzak Hauteskunde Batzordean izan dezan ordezkarien kopurua Ertzaintzako Kontseiluan izan dezan kopuru bera izango da. 2.- Administrazioko ordezkarik Herrizaingo Sailburuak izendatuko ditu; horietako batek Hautsekunde Batzordeko Lehendakari lanak egingo ditu eta beste batek Idazkariarenak. 3.- Sindikatu, sindikaritza federazio eta bazkuneetako ordezkariak horietako organu eskudunek izendatutakoak izango dira. 4.- Atal honetako 2 eta 3 idazatietan aipatzen diren izendapenak hauteskundeetarako deia Ertzaintzaren Aldizkari Ofizialean argitara dadin egunetik kontatzen hasi eta hiru eguneko epean egingo dira. 5.- Hauteskunde Batzordea bertako kideen azken izendapenetik kontatzen hasi eta bi eguneko epean eratu beharko da. 6.- Honako hauek izango dira Hauteskunde Batzordearen eginkizunak: a) Hautagaien aldarrikapena egitea. b) Hauteskundeetako publizitatea bermatu, araupetu eta kontrolatzea. c) Hauteskunde mahaiak eratu eta hauetako kideak zozketa bidez aukeratzea. d) Botu zenbaketa orokorra egitea. e) Jar dakizkiokeen erreklamazioak ebatzi eta bere eskuduntzen alorreko galderei erantzutea. f) Botu-zenbaketa orokorreko emaitzak ematea. g) Hautatu diren hautagaien aldarrikapena egitea. h) Ertzaintzaren Kontseiluan sindikatu eta sindikaritza federazio eta bazkuneei dagozkien ordezkarien kopurua finkatzea. i) Ordenamendu juridikoak izenda dakizkion beste guztiak. 26. atala.- 1.- Hauteskunde mugape bakoitza Hauteskunde Sekziotan dago banatuta, azken horiek poliziaren egoitzak daudeneko herrietan egongo direla. Ondorio horietarako, azpikomisaldegiak eta postuak, destino maila dutenak salbu, ez dira poliziaren egoitzatzat hartuko hauteskunde sekzioak eratzeko orduan. 2.- Hauteskunde sekzio guztietan gutxienez hauteskunde mahai bat egongo da. 3.- Hauteskunde sekzio bakoitzean hautatzaileen zerrenda izango da, lanbideen arabera antolatuta, eta horien barruan, alfabetozko hurrenketan. Sekzio batean hauteskunde mahai bat baino gehiago dagoenean, hautatzaileen zerrenda hori, gainera, hauteskunde mahaien arabera ere antolatuko da. 27. atala.- 1.- Hauteskunde Mahaien helburua botuemanketaren ardura eraman eta kontrolatzean datza, botuen zenbaketa egitean eta ekitaldian zehar sor daitezkeen gorabeherak konpontzean, Hauteskunde Batzordeari dagozkion eskuduntzen kaltetan gabe. 2.- Hauteskunde Mahaia hauteskunde sekzio bakoitzeko hautatzaileen artean Hauteskunde Batzordeak zozketa bidez izendatutako bi bokalek eta lehendakariak osatuko dute. Bokaletatik batek, gazteenak, idazkari lanak egingo ditu. Lehendakari lanak, ordea, funtzionaririk zaharrenari egokituko zaizkio. Hauteskunde Batzordeak, eta prozedura berdinari jarraituz, lehendakari eta bokalen ordezkoak ere izendatuko ditu. 3.- Hauteskunde Mahaietako lehendakari eta bokal karguak derrigorrezkoak dira. Halere, ezingo dira Hauteskunde Mahaikoak izan: a) Hauteskunde Batzordekoak diren funtzionariak. b) Mahaia eratuko deneko egoitzako Ataleko Buruzagia edo buruzagiordea. c) Hauteskundeetan hautagai direnak. 4.- Ospitaleratutako gaixoek eta gainontzeko gaixoek ere ez dute bertaratu beharrik izango, beti ere medikuaren egiaztapena badute. 5.- Hauteskunde Mahaietako lehendakariaren, bokalen eta ordezkoen izendapenaren berri egiten denetik kontatzen hasi eta hiru eguneko epean emango zaie doakienei.Atal honetako 3. idazatian zerrendaratutakoren bat hauteskunde mahairen bateko kide izendatzen badute Hauteskunde Batzordeari jakinarazi beharko dio, ordezka dezaten. 28. atala.- 1.- Hautagaien zerrenda aurkeztu duten sindikatu, sindikaritza federazio eta bazkune bakoitzeko ordezkariak artekari bat izendatu ahal izango du Hauteskunde Mahai bakoitzeko; horiek, bertan egotean, botu-emanketa horretarako arauak betez egiten dela zaindu ahal izango dute. 2.- Izendapena Hauteskunde Batzordearen aurrean egingo da; eta horrek egiaztagutuna emango dio doakionari, Hauteskunde Mahaiaren aurrean artekari dela egiazta ahal izan dezan. 3.- Artekariek ezaugarri itsaskorrak erabili ahal izango dituzte, gehienez 10x10 zentimetrokoak, ordezkatzen duten sindikatu, federazio edo bazkunearen deitura, sigla eta sinboloez, eta gainera, nortasunaren adierazgarri, Artekaria-interventor hitza izan beharko duela. 4.- Segurtasun Sailordetzak ordezkari bat izenda dezake Hauteskunde Mahai bakoitzean, botuemanketan eta botu-zenbaketan egongo dena. Izendapen hori ere Hauteskunde Batzordearen aurrean egingo da, horrek dagokion egiaztagutuna emango diolarik. 5.- Hauteskunde Administrazioko organuetako funtzionariek, artekariek eta Segurtasun Sailordetzako ordezkariek ordaindutako egun osoko baimena izateko eskubidea dute, hauteskunde egunean. 6.- Bai artekariek eta baita Segurtasun Sailordetzako ordezkariek ere hauteskunde mahaiko kideen arteko eztabaidetan parte hartu ahal izango dute, hizpidedun baina hautespiderik gabe. 7.- Artekariek, hala egiten dutenean, beren eginkizunak betetzen dituzten hauteskunde mahaian bertan emango dute botua. 29. atala.- Hauteskunde mahaietako egintzen aurka errekurtsoa jarri ahal izango da Hauteskunde Batzordearen aurrean. Hauteskunde Batzordearen egintzak agortu egiten dute administrazio bidea eta horien aurka legez dagozkien administrazio eta epaitegiem aurreko errekurtsoak jarri ahal izango dituzte. VII. Atalburua.- Ertzaintzaren Kontseilua. 30. atala.- 1.- Hauteskunde mugape batean edo gehiagotan ordezkaritza lortu duten hautagaien zerrendak dituzten sindikatu, sindikaritza federazio eta bazkuneek ordezkariak izan ditzakete Ertzaintzaren Kontseiluan ere hurrengo idazatian jasotako baldintza eta betekizunak betetzen badituzte. 2.- Proportziozko ordezkaritzaren sistemari jarraituz banatuko zaizkio sindikatu, sindikaritza federazio eta bazkune bakoitzari Ertzaintzaren Kontseiluan dagozkion ordezkariak; zenbat diren jakiteko, hiru hauteskunde mugapeetan emandako guztirako botuen %5a edo gehiago lortu duten hautagaien zerrendek lortutako botu baliodunen guztiako kopurua zati bost egitetik ateratzen dena izango da. Gainontzeko postuak, gelditzen badira, zerrenden artean banatuko dira, bakoitzean zatiketa egitetik gelditzen den botuen hondarren arabera, hondar handienetik txikienera. 3.- Hauteskunde Batzordeak Dekretu honetako 25.3 atalean aipatzen den ekitaldian bertan jakinaraziko du sindikatu, sindikaritza federazio eta bazkune bakoitzak Ertzaintzaren Kontseiluan lortu duen ordezkarien kopurua. 31. atala.- 1.- Sindikatu, sindikaritza federazio eta bazkune bakoitzari Ertzaintzaren Kontseiluan dagokion ordezkarien kopurua finkatu eta hautatuak izan diren ordezkarien Izen-abizenak jasotzen dituen zerrenda jakitera ematen duen Hauteskunde Batzordearen akordioa Ertzaintzaren Aldizkari Ofizialean argitaratzen denetik kontatzen hasi eta zazpi asteguneko gehienezko epean, sindikatu horietako organu eskudunek Herrizaingo Sailburuari igorri beharko diote postu horietarako izendatuak izan direnen zerrenda. 2.- Aurreko idazatian jasotzen diren izendapenak eta Herrizaingo Saileko ordezkarienak Ertzaintzaren Aldizkari Ofizialean argitaratuko den Herrizaingo Sailburuaren Aginduz jakinaraziko dira. 3.- Aurreko idazatian aipatzen den Agindua argitaradadin egunaren biharamunetik kontatzen hasi eta hamabost eguneko gehienezko epean eratu beharko da Ertzaintzaren Kontseilua. VIII. Atalburua.- Delegatu edo ordezkarien izendapena. 32. atala.- Aurreko ataletan jasotako hauteskundeetan ordezkariak lortu dituzten sindikatu, sindikaritza federazio eta bazkuneek, denen artean, bi ordezkari izango dituzte berrehun eta berrogeitamar funtzionariko edo bostmila hautatzaile arteko frakzioko eta bat gehiago berrehuneko edo aurreko guztirakoa gainditzen duten frakzioko. 33. atala.- Proportziozko ordezkaritzaren sistemari jarraituz banatuko zaizkio aurreko idazatian jasotako sindikatu, sindikaritza federazio eta bazkune bakoitzari ziurta dezan afiliatuen kopuruaren arabera dagozkien ordezkariak. Horretarako, eta proportziozko sistemari jarraituz, dagozkien ordezkarien kopurua jakiteko, ordezkariren bat lortu duten sindikatu, sindikaritza federazio eta bazkune guztietara afiliatuta dauden funtzionarien guztirako kopurua zati ordezkarien bete beharreko postuak zatiketa egingo da. Gainontzeko postuak, gelditzen badira, sindikatu, sindikaritza federazio eta bazkuneen artean banatuko dira, bakoitzean zatiketa egitetik gelditzen den afiliatuen hondarren arabera, hondar handienetik txikienera. 34. atala.- Ordezkariak aukeratzeko hauteskundeetako emaitzen aldarrikapena egiten den egunaren biharamunean, Herrizaingo Sailburuak, Lan Harremanetarako Kontseiluaren proposamenez, Ertzaintzaren Aldizkari Ofizialean argitaratzen den Agindu bidez izendatuko ditu sindikatu, sindikaritza federazio eta bazkuneetako afiliazioa egiaztatu eta, hala dagokienean, bakoitzari dagozkion ordezkariak izendatzeko ardura duten hiru lagunak. 35. atala.- Herrizaingo Sailburuak horretarako izendatutako lagunek osatuko duten Batzordea izendapena argitaradu den egunetik kontatzen hasi eta hiru eguneko epean eratuko da. 36. atala.- Bere egiaztapen lana burutu ahal izan dezan, Hauteskunde Batzordeak hautatzaileen zentsoaren egiaztagiria igorriko dio Batzorde horri, bertan zerrendaratutakoak afiliazioaren zenbaketarako baldintzakbetetzen dituzten Ertzaintzako funtzionariak direla ziurtatzen duen oinarrizko agiri legez. 37. atala.- 1.- Ordezkariren bat lortu duten sindikatu, sindikaritza federazio eta bazkune bakoitzeko afiliatuen maila finkatzeko, horietako bakoitzak Batzordeari igorri beharko dio, eratzen denetik kontatzen hasi eta bost eguneko epean, lanean edo bigarren lanean dauden karrerako funtzionari guztietatik, bitarteko funtzionarietatik eta heziketa ikastaroa gainditu ondoren praktika-aldian diharduten praktiketako funtzionari guztietatik, sindikatu horretara afiliatuta daudenen zerrenda. 2.- Ordezkarien kopurua finkatzeko, afiliatutzat hartuko da, ordezkariak aukeratzeko hauteskundeetako deia Ertzaintzaren Aldizkari Ofizialean argitaratzen den egunean, sindikatu, sindikaritza federazio eta bazkune bakoitzaren estatutuetan afiliatua izateko jasotzen diren betekizun guztiak betetzen dituen oro. 3.- Batzordeak egokitzat jo ditzan egiaztapenak egingo ditu aurkeztu zaizkion agirien inguruan, bere lana batez ereafiliatuen zerrendetan datozenek betekizun horiek betetzen dituzten jakitzera mugatuko da batez ere. 4.- Norbait sindikatu, sindikaritza federazio eta bazkune bat baino gehiagotara afiliatuta dagoela, zerrendetan egotean, antzematen bada, prozedura honetako ondorioetarako, sindikatu bakoitzaren estatutuetan jasota egon daitezen bateraezintasunezko arauek jokatuko dute. Aipatu arauei jarraituz egoera hori erabakitzerik ez badago, prozedura honen ondorio bakarretarako, zera ulertuko da, afiliatu izan den sindikatu, sindikaritza federazio edo bazkuneen artetik azkenengoko afiliatua dela doakiona. 5.- Izendatu zaizkion eginbeharrak burutzeko eta lanok isilpean egin ahal izatea bermatzeko, sindikatu, sindikaritza federazio eta bazkuneen egoitzetara bertaratu ahal izango dira batzordekideak, horien adostasuna lortu ondoren. 38. atala.- 1.- Aurreko atalean aipatzen den agirisorta ikusi ondoren, Batzordeak, hauteskundeetako emaitzak aldarrika daitezen egunetik kontatzen hasi eta hogei eguneko epean, sindikatu, sindikaritza federazio eta bazkune bakoitzari izendatzen zaizkion ordezkarien kopurua argitaratuko du Ertzaintzaren Aldizkari Ofizialean. 2.- Sindikatu, sindikaritza federazio eta bazkuneek Batzordeak izendatu dizkien ordezkarien kopurua jakin dezatenetik, hauteskundeetako emaitzen aldarrikapena egin zenetik hogeita hamar eguneko epean Segurtasun Sailordetzara igorri du, bertan ezagutza izan dezaten eta izan ditzan ondorieotarako, hauteskunde zentsoan egon beharko duten ordezkarien izendapen eta nortasuna. ALDIBATERAKO XEDAPENAK Lehenengoa.- 1.- Ertzaintzako funtzionarien ordezkari sindikalak aukeratzeko lehenengo hauteskundeen deialdia Herrizaingo Sailburuak egingo du, Euskal HerrikoPoliziari buruzko uztailaren 17ko 4/1992 Legearen aldibaterako xedapenetatik hamaikagarrenean ohartemandako epean. 2.- Aurreko idazatian aipatutako hauteskundeetan, sindikatu, sindikaritza federazio eta bazkuneek Ertzaintzaren Kontseiluan izan ditzaten ordezkariak, eta horietako ordezkari edo delegatuak uztailaren 17ko 4/1992 Legean eta Dekretu honetan xedatutakoaren arabera aukeratuko dira. Bigarrena.- Aldibaterako xedapenetatik lehenengoan aipatzen den hautatuak izan diren sindikatuetako ordezkarien, Ertzaintzako Kontseiluko ordezkarien eta sindikatuetako delegatu edo ordezkarien ordezkaritza hori Euskal Herriko Poliziari buruzko uztailaren 17ko Legearen aldibaterako xedapenetatik hamaikagarrenean ohartemandako erregimena ezartzearen ondorioz ateratzen den egunean bukatuko da. Hirugarrena.- 1.- Hautekundeetarako deialdia egiten den egunetik ospatzen diren egunera bitartean Herrizaingo Sailaren aurrean eta formalki hautagaien zerrenda aurkeztuko dutela aitortu duten sindikatu, sindikaritza federazio eta bazkune bakoitzeko kide batek alde batetik, eta Herrizaingo Saileko beste hainbat kidek osatuko dute Hauteskunde Batzordea lehenengo deitzen diren hauteskundeetan. 2.- Hauteskundeetan parte hartzeko asmoa formalki aitortu zuten sindikatu, sindikaritza federazio eta bazkuneetatik batek edo bestek, aurrikusitako epearen barruan, hautagaien zerrendarik aurkeztuko ez balu, Hauteskunde Batzordean duten ordezkariak utzi egingo dio ordezkari izateari, hori gertatzen bada, Administrazioaren aldeko ordezkarien kopurua ere jeitsi egin beharko dela, berdineko kopuruan gelditu daitezen. 3.- Aurreko idazati horretan aipatzen diren kanpoan gelditze eta kopuruaren murrizte horiek berdin berdin jokatuko dute aurkeztu den hautagaien zerrenda, eta Dekretu honetako xedapenak ez betetzearren, aldarrikatzerik ez badago. Laugarrena.- Ertzaintzaren Aldizkari Ofiziala sortzen ez den artean, eta Euskal Herriko Poliziari buruzko 4/1992 Legearen aldibaterako xedapenetatik lehenengoan ohartemandakoa betez, Dekretu honen arabera, Aldizkari horretan argitaratu beharreko egintzak Euskal Herriko Agintaritzaren Aldizkarian argitaratuko dira. Bosgarrena.- Deitzen diren lehenengo hauteskundeetan, 10.3 atalean aipatzen den erakundeen aldetiko kanpaina Herrizaingo Sailak suztatuko du. AZKEN XEDAPENAK Lehenengoa.- Herrizaingo Sailburuak izango du Dekretu honen garapenean eman daitezen xedapenak emateko ahalmena. Bigarrena.- Dekretu honek EHAAn argitara dadin egunaren biharamunean hartuko du indarra. Vitoria-Gasteiz, 1993ko martxoak 16. Lehendakaria, JOSE ANTONIO ARDANZA GARRO. Herrizaingo Sailburua, JUAN MARIA ATUTXA MENDIOLA.