Ongi etorri Legegunea atarira

atala.- Errolda-inskripziorako orrien ereduak.

"Biztanleen udal-erroldaren" berritze-lanetan, gutxienez I. eraskinean agertzen den ereduen edukira eta formara egokituta dauden errolda-inskripziorako orriak erabiliko dituzte udal guztiek. Eredu horretara hertsiki egokitzen diren orriak Euskal Estatistika-Erakundeak argitaratuko ditu. Berriztapenaren ondorengo errolda-kudeaketa egiteko, berriz, oinarrizko edukiak biltzen dituen galdesorta bat diseinatu da.

atala.- Galdesortak banatzea eta jasotzea.

"Biztanleriaren eta etxebizitzaren estatistikaren" galdesorta eta errolda-inskripziorako orria biak batera banatuko eta jasoko dituzte udalek, eta, horretarako langile berak erabiliko dituzte.

"Biztanleriaren eta etxebizitzen estatistikaren" galdesortan biltzen den informazioa estatistika-sekretuaren babespean egongo da, Euskal Autonomi Elkarteko Estatistikari buruzko apirilaren 23ko 4/1986 Legearen 19. ataletan ezarritakoaren arabera.

atala.- Udalek nola erabiliko dituzten landako lanetarako langileak.

Udalek, bere kabuz edo kasuan kasuko foru-aldundiaren bidez, egokitzat jotzen duten agente-kopurua zehaztuko eta, egoki bada, kontratatuko dute. Agente horiek arduratuko dira, hain zuzen, "biztanleriaren eta etxebizitzen estatistikaren" galdesortak eta errolda-inskripziorako orriak banatzeaz eta jasotzeaz. Era berean, agente bat baino gehiago duten udalerrietan, beharrezko jotzen duten taldeko arduradunen kopurua kontratatu ahal izango dute udalek, eta horien egitekoa euren ardurapeko agenteen lana kontrolatzea eta ikuskatzea izango da.

atala.- Euskal Estatistika-Erakundeak nola kontratatuko dituen landako lanetarako langileak.

6 sekzio baino gutxiagoko udalerrietan, Euskal Estatistika-Erakundeak ikuskatzaile bat kontratatuko du 7 sekzio bakoitzeko, eta, horretarako, udalerriak behar bezala taldekatuko ditu. Gainerako udalerrietan, Euskal Estatistika-Erakundeak ikuskatzaile bat kontratatuko du taldeko 6 arduradun bakoitzeko, eta hori arduratuko da informazio-bilketa koordinatzeaz eta gainbegiratzeaz.

atala.- Estatistika-sekretua gordetzeko betebeharra.

"Biztanleriaren eta etxebizitzen estatistikaren" informazio-bilketan parte hartzen duten langile guztiak Euskal Autonomi Elkarteko Estatistikari buruzko apirilaren 23ko 4/1986 Legean estatistika-sekretuaren alorrean ezarritakoaren menpe geratuko dira.

atala.- Udalentzako dirulaguntzak.

Euskal Estatistika-Erakundeak sei sekzio edo gehiago eta taldeko arduraduna duten udalei diruz lagunduko die: 120 pezeta emango die etxebizitza okupatu bakoitzeko eta 25 pezeta etxebizitza huts bakoitzeko, baldin eta etxebizitza horiei dagozkien "biztanleriaren eta etxebizitzen estatistikaren" galdesortak eta errolda-inskripziorako orriak behar bezala betetzen badira, taldeko arduradunen eta ikuskatzaileen eskuliburuetan ezarritako irizpideen arabera. Dirulaguntzaren zenbatekoa betetze-lan hori egiaztatu ondoren ordainduko da, eta ordainketa bakarrean emango da.

atala.- Errolda-berriztapenaren informazioa kodetzea.

Euskal Autonomi Elkarteko udalerri guztietako "biztanleen udal-erroldaren" informazioa kodetzeko, Euskal Estatistika-Erakundeak mekanizazio-lanak egingo dituzten erakunde guztiei helaraziko dien kode-liburua erabiliko da.

atala.- Errolda-berriztapenaren informazioa euskarri magnetikoan bidaltzea.

1996ko "biztanleen udal-erroldaren" berriztapeneko mekanizazio-lanez arduratzen diren erakundeek errolda horretan biltzen den informazioaren kopia bat euskarri magnetikoan bidaliko diote Euskal Estatistika-Erakundeari, Errolda Kudeatzeko Eskuliburuan agertzen diren grabazio-arauen eta -erregistroen arabera.

atala.- Errolda-berriztapenaren informazioaren edukia eta egiaztapena.

1996ko "biztanleen udal-erroldaren" berriztapenari buruz euskarri magnetikoan jasotzen den informazioa udalerri bakoitzeko biztanle guzti-guztiei buruzkoa izango da, biztanle horien egoitza-egoera alde batera utzita, hau da, bertan zein kanpoan dauden egoiliarrei eta pasadizokoei buruzkoa, nahiz eta azken horiek zenbakiz baino ez diren agertuko. Informazio hori "biztanleen udal-erroldaren" berriztapena betetzeko eta kodetzeko arauak kontuan izanik egiaztatuko da.

atala.- Errolda-berriztapenaren informazioa bidaltzeko epea.

1996ko "biztanleen udal-erroldaren" berriztapenaren informazioa eskuratu ahala bidaliko da euskarri magnetikoan Euskal Estatistika-Erakundeara; edozein kasutan, 1996ko abenduaren 31a baino lehen.

atala.- Udaleko biztanle-kopuruak bidaltzea.

Udalbatzarrak onartu eta bi aste igaro baino lehen bidaliko dizkiote udalek Euskal Estatistika-Erakundeari udaleko biztanle-kopuruak.

atala.- Errolda-berriztapenaren estatistika-ustiapena.

Euskal Estatistika-Erakundeak 1996ko "biztanleen udal-erroldaren" berriztapenetik ondorioztatzen diren datuen estatistika-ustiapena egingo du.

atala.- "Udal-erroldaren" ondorengo kudeaketa.

1996ko "biztanleen udal-erroldaren" berriztapenaren ondorengo kudeaketari dagokionez, Errolda Kudeatzeko Eskuliburuan bajei (bi aldiz edo gaizki sartutakoei) eta altei (ez sartutakoei) buruz agertzen diren jarraipideak kontuan izango dituzten udalek. Eskuliburu hori Euskal Estatistika-Erakundeak bidaliko die udalei, datuen estatistika-ustiapena ziurtatzearren.

atala.- "Udal-errolda" urte bakoitzeko abenduaren 31n.

1996ko "biztanleen udal-erroldaren" berriztapena egin eta ondorengo urteetan, udalek abenduaren 31ri buruzko "udal-erroldaren" fitxategia bidaliko diote Euskal Estatistika-Erakundea/Instituto Vasco de Estadística-ri, eta fitxategi hori urtean zehar egindako errolda-kudeaketaren bidez eguneratua egongo da. Urte bakoitzeko abenduaren 31ri buruzko "udal-erroldaren" fitxategia Errolda Kudeatzeko Eskuliburuan agertzen diren grabazio-arauen eta -erregistroen arabera bidaliko dute udalek.

atala.- Urte bakoitzeko errolda-mugimenduak biltzen dituen fitxategia.

1996ko "biztanleen udal-erroldaren" berriztapenaren ondorengo urteetan, urte horretan izan diren errolda-mugimenduak biltzen dituen fitxategia bidaliko diote Euskal Estatistika­Erakundea/Instituto Vasco de Estadística-ri. Udal erroldako pertsonetan eta etxebizitzetan izandako aldaketak joko dira errolda-mugimendutzat. Urteko errolda­mugimenduen fitxategia Errolda Kudeatzeko Eskuliburuan agertzen diren grabazio-arauen eta -erregistroen arabera bidaliko dute udalek.

atala.- Urte bakoitzeko errolda-mugimenduen zenbakizko laburpenak.

1996ko "biztanleen udal-erroldaren" berriztapena egin eta ondorengo urteetan, udalek errolda-mugimenduen zenbakizko laburpenak (zentsu-sekzioen arabera eginak) eta zentsu-sekzioen osaketaren aldaketak bidaliko dizkiote Euskal Estatistika-Erakundeari. Urte bakoitzeko zenbakizko laburpenei buruzko dokumentuak eta zentsu-sekzioetako aldaketak Errolda Kudeatzeko Eskuliburuan agertzen diren grabazio-arauen eta -erregistroen arabera bidaliko dituzte udalek.

atala.- Urte bakoitzeko fitxategiak eta dokumentuak bidaltzeko epea.

, 14. eta 15. ataletan aipatu diren fitxategiak eta dokumentuak, era berean, bidali beharreko fitxategien eta dokumentuen erreferentzi dataren hurrengo urteko otsailaren 28a baino lehen bidaliko dira.

atala.- Eskuliburuak.

Taldeko arduradunen eta ikuskatzaileen eskuliburuak eta Errolda Kudeatzeko Eskuliburua Euskal Estatistika-Erakundeak egingo ditu, eta aipatzen dituzten lanak hasi aurretik bidaliko zaizkie dagozkien erakundeei. Errolda Kudeatzeko Eskuliburua egiterakoan, Estatistika Institutu Nazionalak eskuliburu horretan agertzen diren fitxategiak eta datuak bidaltzeko ezartzen dituen arauak eta jarraipideak kontuan hartuko dira, baldin eta horrelakorik ezartzen badu, udalek egiten dituzten bidalketak bateratzearren.