Ongi etorri Legegunea atarira

1. atala.¿ Helburua.

   Dekretu honen helburua segurtasun pribatuaren arloan Euskal Autonomi Elkarteak dituen aginpideak arautzea da.

2. atala.¿ Aplikazio-eremua.

   Dekretu honen xedapenak honako hauei ezar dakizkieke:

   1. Baltzu-egoitza eta iharduera-esparrua Euskal Autonomi Elkartean duten segurtasun-enpresei, baldin eta horien iharduera Segurtasun Pribatuaren uztailaren 30eko 23/1992 Legearen 5.1. atalean aipatutako zerbitzuak eta ekintzak egitea bada.

   2. Zerbitzuak Euskal Autonomi Elkartean ematen dituzten segurtasun-enpresa guztiei, nahiz eta baltzu-egoitza elkartean bertan ez izan, beren prestazioak zehazten dituzten kontratuak Ertzaintzako komisaldegian aurkezteari begira, Segurtasun Pribatuaren Erregelamenduaren 20. eta 21. ataletan zehaztutakoaren arabera, erregelamendu horren xedapen gehigarri bakarraren 8. azpiatalari buruz.

   3. Otsailaren 21eko 1/1992 Lege Organikoan eta Segurtasun Pribatuaren Erregelamenduan zehaztutakoa oinarritzat harturik, segurtasun-neurriak hartu behar dituzten industria, merkataritza eta zerbitzuen establezimendu eta instalazioei.

   4. Euskal Autonomi Elkartean segurtasun-neurriak erabili edo kontratatzen dituzten pertsona fisiko edo juridiko eta erakundeei, Segurtasun Pribatuaren Erregelamenduaren 154. atalean zehaztutakoari jarraiki.

   5. Euskal Autonomi Elkartean Segurtasun Pribatuaren Erregelamenduaren 92. atalean jasotako zerbitzuak ematen dituzten landazain partikularrak, xedapen gehigarri bakarraren 20. eta 38. azpiataletan zehaztutakoaren ondorioetarako.

   6. Segurtasun Pribatuaren Erregelamenduaren 101. atalean zehaztutako zerbitzuak Euskal Autonomi Elkartean ematen dituzten detektibeei, erregelamendu horren xedapen gehigarri bakarraren 42. azpiatalean zehaztutakoen ondorioetarako.

   7. Pertsonak babesteko ekintzei, baldin eta Euskal Autonomi Elkartean garatzen badira, Segurtasun Pribatuaren Erregelamenduaren xedapen gehigarri bakarraren 11., 12. eta 13. azpiatalekin zehaztutakoarekin bat etorriz.

   8. Segurtasun-enpresetan sartuta dauden pertsonei, oro har, zerbitzuak Euskal Autonomi Elkartean eskaintzen dituztenean, ihardueren ikuskaritzako eraginetarako.

3. atala.¿ Segurtasun Enpresen Erregistroa.

1. ¿ Euskal Autonomi Elkarteko Segurtasun Enpresen Erregistroa eratzen da, eta Herrizaingo Sailaren Segurtasun Sailordetzaren barruan sartzen da.

2. ¿ Honako hiru ezaugarriok dituzten segurtasun-enpresek Erregistroaren barruan sartu beharko dute: baltzu-helbidea eta iharduera-esparrua Euskal Autonomi Elkartean izatea, eta Segurtasun Pribatuaren 23/1992 Legearen 5.1. atalean aipatutako zerbitzuak ihardueratzat izatea.

3. ¿ Aurreko azpiatalean aipatutako segurtasun-enpresek Erregistro horretan sartu ahal izateko, abenduaren 9ko 2364/1994 Errege-Dekretuak onartutako Segurtasun Pribatuaren Erregelamenduaren I. tituluko I. eta II. atalburuetan zehaztutakoa bete beharko dute.

4. ¿ Aurrekoaren kaltetan gabe, Segurtasun Pribatuaren Erregelamenduaren 5.1. c) 6 atalak aipatutako erantzukizun zibileko aseguru-kontratuaren poliza eduki behar duen klausularen berri eman beharko zaio Herrizaingo Sailaren Segurtasun Sailordetzari.

5. ¿ Halaber, segurtasun-enpresek Segurtasun Pribatuaren Erregelamenduaren 7. atalean aipatutako bermea jarri beharko dute Euskal Herriko Diruzaintza Nagusian Eusko Jaurlaritzako Herrizaingo Saileko Segurtasun sailburuordearen eskura.

4. atala.¿ Segurtasun-enpresen arloko aginpideak.

   Segurtasun Pribatuaren uztailaren 30eko 23/1992 Legean eta Segurtasu Pribatuaren Erregelamendua onartzen duen abenduaren 9ko 2364/1994 Errege-Dekretuan zehaztutakoaren arabera, Segurtasun Sailordetzari dagokio jarraian zehazten diren segurtasun-enpresen arloko aginpideak burutzea:

   1. Segurtasun-enpresak baimentzea eta enpresa horiek Segurtasun Enpresen Erregistroan sartzea eta ixtea. Azken horretarako, enpresek izenpetuta izan behar duten erantzukizun zibileko aseguru-kontratua amaitzeko asmoaren berri izan eta armaginak jartzeko egokitasunari buruzko txostena eskatu beharko da.

   2. Segurtasun-enpresen ekintzen hasiera-egunaren berri jasotzea eta Segurtasun Pribatuaren Erregelamenduaren 7.1. atalean eta Dekretu honen 3.5. atalean aipatutako bermea eskura izatea.

   3. Euskal Autonomi Elkarteko Segurtasun-Enpresen Erregistroan sartutako enpresei buruzko erregistro-datuak aldatzea.

   4. Segurtasun-enpresen bulego edo ordezkaritzak irekitzeko eskabidea jaso edo irekitzearen berri izatea, Segurtasun Pribatuaren Erregelamenduaren 17. atalean zehaztutakoaren ondorioetarako.

   5. Bizkartzain pribatuen zerbitzuak baimentzea, Euskal Autonomi Elkartean burutzen badira. Horretarako, bidezkoa denean, txostena eskatuko zaio Ertzaintzari, bizkartzainen zerbitzua non burutu nahi den kontuan izanik. Bizkartzain pribatuen zerbitzuak emateko berehalako behin-behineko baimenak emateko aginpidea ere badauka.

   6. Baimendutako bizkartzain pribatuen zerbitzuei dagokienez, zerbitzuaz arduratzen den segurtasun-enpresaren jakinarazpena jaso behar du, zeintzuk diren bizkartzainak zehaztuz eta izan litezkeen aldaketen berri emanez. Badagokio, era berean, zerbitzua emateko luzapena baimentzea eta zerbitzu-amaieraren berri jasotzea, amaieraren arrazoiak zehaztuz zerbitzua bukatu eta 48 ordu pasa baino lehen.

      Bizkartzain pribatuen zerbitzuak emateko baimenak, babestutako pertsonen eta bizkartzainen datuak, bai eta zerbitzuaren hasiera¿ eta amaiera-egunak jakinarazi beharko zaizkie Ertzaintzaren kasuan kasuko unitateei.

   7. Zerbitzua hasi baino 24 ordu aurretik, gutxienez, gai baliotsu edo arriskutsu eta lehergailuen garraio eta banaketaren berri ematea, Segurtasun Pribatuaren Erregelamenduaren 36. atalean zehaztutako kasuetan, Ertzaintzaren dagozkion unitateek dagokien ikuskaritza egin dezaten.

   8. Segurtasunerako aparatoak, gailuak eta sistemak jartzeko eta zaintzeko Euskal Autonomi Elkarteko erregistroan izena emandako segurtasun-enpresetako pertsonal tituludunaren ordezkapenen berri jasotzea; era berean, aipatutako enpresek matxuren kasuetarako izan behar dituzten zerbitzu teknikoen ezaugarrien berri eta izan litezkeen aldaketena.

   9. Landazain partikular eta segurtasun-zaintzaileei beren zainketa-lanean armak erabiltzeko baimena ematea, Segurtasun Pribatuaren Erregelamenduaren 81. atalean aipatutako kasuak eta gorabeherak kontuan izanik.

   10. Segurtasun-zerbitzuak segurtasun-buru baten zuzendaritzapean egiteko agintzea, Segurtasun Pribatuaren Erregelamenduaren 96. ataleko a), b) eta c) puntuetan zehaztutako kasuetan.

   11. Euskal Autonomi Elkarteko erregistroan izena emandako Segurtasun-enpresetako segurtasun-buruen alta eta bajen berri jasotzea 5 eguneko epean.

   12. Segurtasun Pribatuaren Erregelamenduaren 138, 139 eta 140. ataletan aipatutako argibideak eta agiriak jasotzea Euskal Autonomi Elkarteko Erregistroan sartutako segurtasun-enpresen aldetik.

   13. Blindatu gabeko ibilgailuak babestea, orokorrean, Segurtasun Pribatuaren Erregelamenduaren 32.1. atalean zehaztutakoarekin bat etorriz.

   14. Segurtasun Pribatuaren Erregelamenduaren 52.1 atalean aipatutako segurtasun pribatuaren pertsonalari ohorezko aipamenak emateko prozedura eta horren ezaugarriak, 66.3 atalean jasota daudenak, arautzea.

   15. Euskal Autonomi Elkartean zerbitzuak ematen dituzten segurtasun-enpresek ¿egoitza EAEn izan nahiz ez izan¿ izenpetutako prestazioak zehazten dituzten kontratuak, indarrean sartu baino hiru egun lehenago jasotzea, bai zuzenean, bai Ertzaintzako tokian tokiko komisaldegietatik. Berehalako prestazioaren kasuetan, bidezkoa bada, somatutako okerren berri ematea konpontzeko, eta ez badira konpontzen, zerbitzuaren prestazioa bertan behera uztea, Segurtsun Pribatuaren Erregelamenduaren 20. eta 21. ataletan, Xedapen Gehigarri Bakarraren 8. azpiatalari buruz zehaztutakoarekin bat etorriz.

   16. Segurtasun Pribatuaren Erregelamenduaren 24. atalean zehaztutakoarekin bat etorriz, zainketa-lanak egiteko, pertsona edo ondasunak babesteko, gai baliotsu, lehergailu edo arriskutsuak gorde, garraiatu eta banatzeko, autonomi edo estatu mailan inskribaturiko enpresek zein kasutan bermatu behar duten beren egoitzaren eta zerbitzuok ematen dituen segurtasun-pertsonalaren arteko komunikazioa zehaztea.

   17. Alarma-sistema batez babestutako ondasunen jabeari, alarma faltsuen kasuan, okerrak konpontzeko eskatzea eta, eskatutakoak betetzen ez baditu, alarma-zentrala ustiatzen duen enpresari zentraleko sistemarekiko lotura berehala hausteko eskatzea, Segurtasun Pribatuaren Erregelamenduaren 50. atalean zehaztutakoarekin bat etorriz.

   18. Segurtasun-zaintzaileek industri poligonoetan edo urbanizazioetan segurtasun-zerbitzuak ematea baimentzea, Segurtasun Pribatuaren Erregelamenduaren 80.2. atalean adierazitako baldintzak ematen direnean.

5. atala.¿ Aginpideak segurtasun-neurrien ezarpenaren arloan.

   Herritarren Segurtasuna Babesteari buruzko otsailaren 21eko 1/1992 Lege Organikoan eta Segurtasun Pribatuaren Erregelamendua onartzen duen abenduaren 9ko 2364/1994 Errege-Dekretuan zehaztutakoaren arabera segurtasun-neurriak hartu beharrean dauden industri eta merkataritza-establezimendu eta instalazioei eta zerbitzuei buruzko aginpideak Segurtasun Sailordetzari dagozkio. Aginpideok honako hauek dira:

   1. Segurtasun Pribatuaren Erregelamenduaren 111. eta 112.1. ataletan zehaztutakoen ondorioetarako, azken atal honetan aipatutako segurtasun-zerbitzu edo -sistemak, batera edo banaka, hartzeko eskatzea dagozkion enpresa edo erakundeei.

   2. Segurtasun-zaintzaileen ordezko zerbitzuaren ezarpena erabakitzea, Segurtasun Pribatuaren Erregelamenduaren 114., 119.2 eta 120.2 ataletan zehaztutakoarekin bat etorriz.

   3. Beharra izan gabe ere, segurtasun-sailak eratu nahi dituzten industri edo merkataritza-enpresek eta erakunde publiko edo pribatuek egindako eskabideei buruz erabakitzea.

   4. Eskabideak jaso eta, segurtasun-neurrien iharduera zuzena den egiaztatu eta gero, segurtasun-zaintzaile edo landazain partikularren derrigorrezko ezarpena barkatzea, Segurtasun Pribatuaren Erregelamenduaren 118. atalean zehaztutakoarekin bat etorriz.

   5. Dibisa-trukerako bulego, banketxe mugikor eta modulu garraiagarrien iharduera baimentzea, Segurtasun Pribatuaren Erregelamenduaren 136. atalean ezarritakoarekin bat etorriz.

   6. Segurtasun Pribatuaren Erregelamenduaren 128., 130.5 eta 132.4 ataletan aurrikusitako kasuetan, segurtasun-zerbitzu edo neurriak hartzeko agintzea.

   7. Banketxe, aurrezki-kutxa eta bestelako kreditu-erakundeei, segurtasun-neurri guztiak edo batzuk ezarri beharra barkatzea, Segurtasun Pribatuaren Erregelamenduaren 125. atalean zehaztutakoarekin bat etorriz, eta erregelamendu horren 129., 130.6 eta 134. ataletan aipatutako atalei buruzko salbuespenak ematea.

   8. Segurtasun-neurriak izan behar dituzten establezimendu edo bulegoak irekitzeko baimena ematea, Segurtasun Pribatuaren Erregelamenduaren 136. atalean zehaztutakoarekin bat etorriz.

   9. Euskal Autonomi Elkarteko eraikin eta instalazioetan delituak aurrezaintzeko segurtasun-politikaren plangintza eta taiuketan parte hartzea

6. atala.¿ Lankidetza segurtasun pribatuaren arloko aginpideak burutzerakoan.

   Segurtasun Sailordetzari dagokio segurtasun pribatuaren arloko aginpideak garatzerakoan lankidetzan aritzea arlo horretan estatu mailan aginpidea daukaten agintaritzekin. Horrezaz gain honako hauek ere egin beharko dituzte:

   1. Euskal Autonomi Elkartean baimena jaso eta erregistroan sartu diren enpresen inskripzio eta oharren kopia bidaltzea Estatuko segurtasun-enpresen Erregistrora, eta Erregistro orokor hartan sartutako informazio eta dokumentazioa eskura izatea, Segurtasun Pribatuaren Erregelamenduaren 10.3 atalean zehaztutakoarekin bat etorriz.

   2. Bizkartzain pribatuen babes-zerbitzuei buruz emandako baimenen eta jasotako komunikazioen berri ematea Poliziaren Zuzendaritza Nagusiari, Segurtasun Pribatuaren Erregelamenduaren 27, 28, 29 eta 30. ataletan zehaztutakoarekin bat etorriz.

   3. Segurtasun Pribatuaren Erregelamenduaren 26.3, 104.1 eta 7, 105, 107 y 141 ataletan aipatutako informazioa eta komunikazioak jasotzea.

   4. Segurtasun-Batzordeari jakinaraztea Euskal Autonomi Elkarteak ikuskaritza, kontrol eta zigor arloetan betetzen dituen eskurantzak.

   5. Euskal Autonomi Elkarteko segurtasun pribatuko langileei eman beharreko prestakuntzako modulo orokorren lanketan parte hartzea.

7. atala.¿ Ertzaintzaren aginpideak.

   Euskal Autonomi Elkartean, uztailaren 30eko 23/1992 Legean, otsailaren 21eko 1/1992 Lege Organikoan eta abenduaren 9ko 2364/1994 Errege-Dekretuan Estatuko Segurtasun Indar eta Kidegoei buruz jasotako aipamenak, Ertzaintzari buruzkoak direla ulertuko da, eta bereziki jarraian zehazten direnak:

   1. Segurtasun-enpresak, enpresa horien segurtasun-pertsonala, landazain partikularrak eta detektibe pribatuak behartuta daude Ertzaintzari laguntza ematera eta lankidetzan aritzera, Segurtasun Pribatuaren Erregelamenduaren 14.1, 19.3 eta 4, 66.1. eta 2, 71.2, 91, 94, 95, 97, 109, 143 eta 144. atalek zehazten dutenarekin bat etorriz.

   2. Segurtasun-enpresetako segurtasun-pertsonalaren eta zaintzaile partikularren betekizunak lanbide-dokumentazio eta armen zainketari dagokionez, bai eta delituen kasuetan izan behar duten jokaerei buruz ere, Segurtasun Pribatuaren Erregelamenduaren 68, 69, 71.1.d), 76.2, 83.3, 89, 91 eta 94. ataletan zehaztutakoaren arabera eta, armei dagokienean, armak edukitze eta erabiltzeari buruzko estatuko legedia betez.

   3. Dekretu honen 4 b) atalean zehaztutakoaren kaltetan gabe, alarmak erantzutearen ardura daukaten Ertzaintzaren polizi bulegoekiko loturen eginkortasun-egunen berri jasotzea alarma¿zentralak ustiatzen dituzten enpresen aldetik, Segurtasun Pribatuaren Erregelamenduaren 15. atalean aurrikusitakoaren arabera.

   4. Alarmen berri jasotzea alarma-zentralen aldetik eta alarmen sorburu den etxean sartzea, Segurtasun Pribatuaren Erregelamenduaren 48.2. eta 49.2. ataletan aurrikusitakoaren ondorioetarako.

   5. Zirkulazio-bide espezifiko eta esklusiboak dituzten garraiabideak zaintzeko eta babesteko zerbitzuen koordinazioa, Segurtasun Pribatuaren Erregelamenduaren 79. atalean zehaztutakoaren arabera.

   6. Zerbitzu-orria abiaraztea, bertan poligono edo urbanizazioetako zaintzaileek identifikatu beharreko pertsonak agertuz, Segurtasun Pribatuaren Erregelamenduaren 80.4. atalean zehaztutakoarekin bat etorriz.

   7. Banketxe, aurrezki-kutxek eta bestelako kreditu-erakundeek beren eraikinen planta-planoak erakusteko beharra, Segurtasun Pribatuaren Erregelamenduaren 123. atalean aipatzen den bezala.

8. atala.¿ Kontrol-funtzioak.

1. ¿ Segurtasun Sailordetzari dagokio kontrolaren aginpidea burutzea, segurtasun pribatuaren arloan indarrean dagoen legedia betetzeko.

2. ¿ Euskal Autonomi Elkarteko segurtasun-pribatua, zaintza eta ikerkuntzaren arloko erakunde, zerbitzu edo iharduketak eta pertsonala eta baliabidak kontrolatzerakoan, organo aginpidedunek agindutako manuak eta jarraibideak ¿estatu mailakoak zein autonomi mailakoak¿ bete beharko ditu Ertzaintzak, bai eta landazain partikularren iharduketak kontrolatzerakoan ere, modalitate guztietan.

3. ¿ Ertzaintzak, bere egitekoak betetzeko, egoki diren ikuskaketak egin ahal izango ditu, abenduaren 9ko 2364/1994 Errege-Dekretuak onartutako Segurtasun Pribatuaren Erregelamenduaren 143 eta 144. ataletan zehaztutakoaren arabera.

9. atala.¿ Kautelazko neurriak.

   Ertzaintzari honako aginpideok dagozkio:

   1. Segurtasun Pribatuaren Erregelamenduaren 145. atalean zehaztutako kautelazko neurriak hartzea. Neurri horien jarraipena sendestea Segurtasun Sailburuordeari dagokio.

   2. Armak kentzea Segurtasun Pribatuaren Erregelamenduaren 146. atalean zehaztutako kasuetan, eta Armen Erregelamenduak onartu zuen urtarrilaren 29ko 137/1993 Errege-Dekretuaren 148.2. atalean zehaztutakoa betetzea.

   3. Segurtasun pribatuaren zerbitzuen prestazioa bertan behera uztea edo Segurtasun Pribatuaren Erregelamenduaren 147. atalean aurrikusitako baliabide material edo teknikoak erabiltzea. Horien mantenimendua sendestea, 72 ordutako epean, Segurtasun Sailburuordeari dagokio.

10. atala.¿ Zigortzeko ihardunbideei hasiera ematea.

    Honako hauek dira Segurtasun sailburuordearen aginpideak:

    1. Segurtasun-enpresak zigortzeko ihardunbideei hasiera ematea eta, bidezkoa bada, Segurtasun Pribatuaren uztailaren 30eko 23/1992 Legearen 35.2. a) atalean zehaztutako kautelazko neurriak hartzea.

    2. Industria, merkataritza edo zerbitzuetako erakunde edo establezimenduek hartu behar dituzten segurtasun-neurriekin lotutako gaietan zigortzeko ihardunbideari hasiera ematea, bai eta Euskal Autonomi Elkartean segurtasun-baliabideak erabili edo segurtasun-zerbitzuak kontratatzen dituzten pertsona fisiko edo juridikoei, entitate eta erakundeei ere, Segurtasun Pribatuaren Erregelamenduaren 154. atalean zehaztutakoaren ondorioetarako.

11. atala.¿ Zigortzeko ihardunbideak bideratzea.

    Segurtasun-neurriak hartu behar dituzten segurtasun-enpresek eta industria, merkataritza edo zerbitzuetako entitate edo establezimenduek, eta Euskal Autonomi Elkartean segurtasun¿baliabideak erabili edo segurtasun-zerbitzuak kontratatzen dituzten pertsona fisiko edo juridiko, entitate eta erakundeek egindako arau-hausteengatiko zigortzeko ihardunbideak bideratzea segurtasun pribatuaren araubide juridikoari buruzko ihardunbideak bideratzeko aginpidea duen organoari dagokio.

12. atala.¿ Zigortzeko ahalmenak.

1. ¿ Herritarren Segurtasuna Babesteko otsailaren 21eko 1/1992 Lege Organikoan eta Segurtasun Pribatuaren uztailaren 30eko 23/1992 Legean zehaztutako ahalmenak, Euskal Herriko Poliziari buruzko uztailaren 17ko 4/1992 Legearen hamazazpigarren xedapen gehigarrian eta Herrizaingo Sailaren Egitura Organikoa ezartzen duen maiatzaren 14ko 108/1996 Dekretuan zehaztutakoarekin bat etorriz, honako hauei dagozkie:

   1. Gobernu-Kontseiluari, ehun milioi pezeta bitarteko isunak ezartzeko eta arau-hauste oso larri, larri edo arinengatiko beste edozein zigor jartzeko.

   2. Herrizaingo sailburuari, berrogeita hamar milioi pezeta bitarteko isunak ezartzeko eta arau-hauste oso larri, larri edo arinengatiko beste edozein zigor jartzeko.

   3. Segurtasun sailburuordeari, hamar milioi pezeta bitarteko isunak ezartzeko eta arau-hauste oso larri, larri edo arinengatiko beste edozein zigor jartzeko, bai eta lizentziak edo baimenak aldi baterako (gehienez, sei hilabetetan) indargabetzeko ere, arau-hauste larri edo arinengatik.

   4. Herritarren Segurtasun zuzendariari, milioi bat pezeta bitarteko isunak ezartzeko eta arau-hauste oso larri, larri edo arinengatiko beste edozein zigor jartzeko.

2. ¿ Egintzen garrantzi edo larritasunarengatik, kaltetutako lagunen kopuruagatik edo herritarrek ezagutzea komenigarria denean, agintaritza aginpidedunek aurreko azpiatalean aipatutako arau-hauste larri edo oso larriengatiko zigortze-ihardunbideetan hartutako erabakia jendaurrean agertaraztea erabaki ahal izango dute.

Euskal Autonomi Elkartean baltzu-helbidea edo iharduera esparrua ez duten segurtasun-enpresek egindako arau-hausteen berri agintaritza aginpidedunei ematea Herrizaingo Saileko organoei dagokie, eta horretarako, Ertzaintzari laguntzeko eskatu diezaieke enpresei, Segurtasun Pribatuaren Erregelamenduaren 14.1, 19.3 eta 4, 66.1 eta 2, 71.2, 91, 94, 95, 97, 109, 143 eta 144 ataletan zehaztutakoarekin bat etorriz.

Lehena.¿ Ahalmena ematen zaio Herrizaingo sailburuari dekretu hau garatzeko behar besteko xedapenak hartzeko.