Ongi etorri Legegunea atarira

1. ¿ Xedea.

   Hitzarmen honek Euskal Autonomia Erkidegoko bulego judizialaren eraberritze-prozesua garatzeko beharrezko gutxieneko baldintzak ezartzea du helburu, hala antolakuntzari begira nola pertsonal-kudeaketari begira.

   Era berean, Euskal Justizia Administrazioaren zerbitzura dauden langileen lan-harremanak erraztea du helburu.

2. ¿ Lurralde-eremua.

   Akordio hau Euskal Autonomia Erkidego osoan aplikatuko da.

3. ¿ Pertsonal-eremua.

   Akordio hau eskuarki aplikatuko zaie Justizia Administrazioaren zerbitzura dauden ofizialen, laguntzaileen eta agenteen kidegoen funtzionarioei eta bitarteko funtzionarioei bertan xedatutakoaren arabera.

   Auzitegiko medikuen kidegoaren kasuan, Lege Medikuntzako Euskal Institutua eratzen duen abenduaren 1eko 328/1998 Dekretuan ezarritakoa eta bertan onetsitako lanpostuen zerrenda ere aplikatuko dira.

4. ¿ Denbora-eremua, indarraldia eta iraupena.

   Akordioa 2000. urteko urtarrilaren 1etik 2001. urteko abenduaren 31ra arte egongo da indarrean, esanahi berdineko edo pareko beste akordio batek ordezkatzen ez badu, beste epe bat bereziki ezartzen duten aurreikuspenetan salbu.

   Akordioa espreski eta aldi baterako luzatutzat emango da berau ordezkatzen duen beste akordio bat indarrean sartzen ez den bitartean.

   Justizia Administrazioaren zerbitzura dauden kidegoen izaera juridikoa edo egitura aldatzeak, edo euren estatutu juridikoa arautzean gertatutako funtsezko arau-aldaketek, edo Estatutu Juridiko hori ukitzen duen edozein erabaki judizialek, hitzarmen hau berrikustea ekarriko dute.

   Era berean, Akordio hau sinatu eta 12 hilabete igaro ondoren kidego horien Estatutu Juridikoaren aldaketa hori egin ez bada edo egiteko asmorik ez badago, bi alderdiek egungo erregelamenduzko lanpostuen balorazio-prozesu bat hasteko konpromisoa hartzen dute, ondorioak 2002ko urtarrilaren 1etik aurrera izango dituena.

5. ¿ Izaera.

   Ondorio guztietarako, akordio honek gutxieneko izaera zatiezina du, bertan hitzartutako baldintzek osotasun organiko bakarra osatzen baitute, eta bere ezarpena gauzatzeko orduan, osotasunari oso-osorik eta batera lotuta egongo dira; beraz, ezin izango dira berriz negoziatu beren testuingurutik bananduta, eta ezin izango dira artikulu batzuk ezarri gainerakoak saihestuz; bere osotasunean ezarri eta aztertu beharko da, Akordioan ager daitezkeen omisio, hutsune edo anbiguotasunek hitzartutakoaren zentzu hertsia eralda ez dezaten.

6. ¿ Aplikazioa.

   Sinatzen duten alderdiek, Akordioa zuzenean aplikatzeko konpromisoa hartzen dute. Xedapen hauek beste edozein xedapenen gainetik eta lehentasun osoarekin aplikatuko dira, eta aurreikusita ez dauden gaietan, indarrean dagoen araudia aplikatuko da.

1. ¿ Justizia Administrazioaren zerbitzura dauden baliabide guztien bidez lortu beharreko xedeak legez onartuta dagoen herritarrentzako zerbitzuaren kalitatea bilatzea du helburu, eta beraz Justizia Administrazioak ondokoa ziurtatu behar die herritarrei:

   Beren eskubideen eraginkortasuna Justizia Administrazioarekin erlazionatzen direnean, hizkuntza eskubideak barne.

   Prozedura, zerbitzu eta prestazio publikoen etengabeko hobekuntza, besteak beste EAEko gobernuak ezarritako politikei jarraituz, eta eskura dauden baliabideak kontuan izanik.

   Informazio orokorra telefono, informatika eta telematika bidez lortzea, eta administrazio-agiri arruntak formalki idazten laguntzea.

   Administrazioko egoitzen funtzionamenduari buruzko erreklamazioak eta iradokizunak aurkeztea, administrazio-errekurtso izaerarik gabe.

   Herritarrak Justizia Administrazioa ezagutzeko informazio-formula lagungarriak bideratzea.

   Lehendik aipatu den helburua lortzeko barne izaerako baldintza batzuk bete behar dira, besteak beste:

   Zerbitzu komunak sendotzea.

   Euskalduntzea bultzatzea.

   Informatika-tresnak behar bezala erabiltzea.

   Funtzionamendu-protokoloak garatzea.

   Akordio honen barruko pertsonalaren jarrera baikorra, herritarren eskubideak gauzatzeko xedez.

   Funtzionarioek Sailaren organo kudeatzaileei informazioa hobetu eta eskatzeko proposamenetan parte hartzea.

   Baliabide materialak hobetzea, zerbitzu hobea eskaintzeko.

   Badaude beste kanpo-baldintza batzuk, besteak beste:

   Jendeari informazioa eskaini eta harrera egiteko bitarteko egokiak.

   Langile judizialen prestakuntza egokia.

   Hizkuntzen koofizialtasuna bermatzea.

   Egitura judizial modernoak gauzatzea.

   Azken finean, zerbitzua azkar, behar bezala eta modu normalizatuan eskaintzea.

2. ¿ EAEko Administrazioaren eta Sindikatuen kezka nagusietako bat Akordio honen barruko pertsonalaren profesionalizazioa izan da, justiziaren zerbitzu publikoaren prestazioan etengabeko hobekuntza lortzeko bide egokia baita efikazia (ezarritako helburuen lorpen-maila) eta eraginkortasuna (erabilitako baliabideen erabilpen gorena, ezarritako emaitzak lortzeko) lortzeko. Kezka horren ondorioz, akordio hau lortu da, bertan prestakuntzari buruzko kapitulu bat barne hartuz, bai eta eranskin gisa zerbitzu-karta bat gaineratuz, bertan Justiziarekin harremanak dituen herritarrarekin jarraitu beharreko jarrera egokiak ezarriz.

Bulego judizialaren administrazio-antolaketa tresna garrantzitsua da herri-interesarentzako zerbitzua eraginkorra izan dadin. Gainera, bere diseinua gizarte modernoaren beharrizanetara egokitu behar denez, organo bakoitzak bere benetako premiei egokitutako bulego judiziala eduki beharko du, edo hainbat organo judizialen zerbitzura egongo den bulego bakar bat edo bestela zenbait bulego judizial.

Eredu berriak zerbitzu komunen ezarpen orokorra nabarmentzea eskatzen du, pixkanaka eginkizun guztiei helduz eta hauek zuzendaritza bakar baten menpeko funtzionario talde batean bilduz; ondorioz, kalitate hobekuntza eragingo du eta neurri espezializatuak erabiltzeko aukera ekarriko du.

Epaitegietako idazkaritzak langile aldetik ongi hornitu beharko dira, bereziki eskumeneko eginkizunari laguntzeko, halaber ahalik eta eginkizun gehien utzi beharko lirateke zerbitzu komunen gain edo haien ordezko egituren gain.

Antolamendu-irizpide hauek hartuko dira:

ESTANDARIZAZIOA

BETEBEHARREN ERREPIKAPENA

BETEBEHARREN ESPEZIALIZAZIOA

Bestalde, bulego judizial guztiak lau ardatzetan egituratuko dira:

1. ¿ JARDUNBIDEA: Honen helburua organoaren aginpide diren jardunbide judizialen izapideak egitea izango da, legeak ezarritako epeen barnean eta kidego bakoitzerako ezarririk dauden estatutuetako aginpide funtzionalak errespetatuz. Bestalde, hitzarmen honi dagokion eranskina gaineratuko da eta bertan lanpostuen monografiak zehaztu, era berean aginpideen gaineko xehetasun argigarriak emateko.

2. ¿ INFORMAZIOA: Honen xedea egiazko informazioa, argia, eta berehalakoa zabaltzea izango da, laguntzeko asmoarekin.

3. ¿ INFORMATIKA: Jardunbide judizialen egoera fisikoa eta informatikoa bat etortzea izango du helburu, baita datu guztiak sartzea, hots, alardeak, estatistikak, ikuskapenak, txostenak eta azterketak egoki egiteko behar diren datuak.

4. ¿ ANTOLAKETA ETA KUDEAKETA: Bulego judizialeko zuzendari Idazkari Judizialari bere eginkizunetan lagunduko dioten neurriak hartzeko helburua izango dute, beti ere haren aginpideak errespetatuz eta kontuan hartuta lau ardatz hauen ezarpena eraginkorra izateko ahaleginak dakarren konplexutasuna.

   Ildo horretan, bi aldeek hitz ematen dute aginpidea duten instantzietan erreforma egokiak egingo dituztela, eta, beraiei dagokien esparruan, erreformak sustatuko dituztela.

Administrazioak eta Sindikatuek zerbitzu orokorrek gaur egunekoagoak diren lan-sistemak estandarizazio, errepikapen eta espezializazio irizpideekin ezartzea ahalbidetzen dutela uste dute. Horregatik, irizpide horiek garatu eta hobetzeko lanean jarduteko konpromisoa hartzen dute, lanaren antolaketa berria garatzeko bitarteko egokia baitira.

Zerbitzu komunek hiriburu, barruti judizial eta Justizia Auzitegi bateko areto edo organo judizial guztiei edo batzuei zerbitzua eskaintzen diete, kasu bakoitzean geografikoki nola dauden kokatuta kontuan hartuz.

Zerbitzu orokor berriak ezartzeak edo daudenak hobetzeak eta garatzeak honako fase hauetan eratutako plangintza eskatzen du:

Zerbitzuaren gaitasunen azterketa sakona.

Ezarri behar den errealitateari buruzko azterketa, beharrezko datuak bilduta.

Bere diseinua: bildutako informazioaren, pertsonal¿beharrizanen, bere dotazioaren eta ezarpen-egutegiaren ikerketaren bitartez.

Bere xedapena eta lanpostuen hornidura.

Egitura bakoitzera egokitzen diren lan-moduluen azterketa.

Berezko egitura gisa, Zerbitzu hauek guztion zerbitzuetan eratu ahal dira, zehazten den organoaren menpean egongo delarik: Justizia Auzitegi Nagusia, Probintzia Auzitegia, Dekanatoa, Epaitegi Dekanoa edo dagokion erakundea; edo arestian aipatutako berezko gobernu-egitura judizialetan unitate berezi gisa sartu ahal dira. Aukera bat edo bestea lan-kopuruak eta ezarri beharreko zerbitzuaren berezko izaerak zehazten dute.

Plantilak dira Zerbitzu Orokor hauen edo gobernu-organoen tresnak definitzen dituztenak eta osatzen dituzten postuen baldintza teknikoen eta funtsezko betekizunen ezarpena, kontuan hartuta plantila-berrantolaketa hori zenbait alditan malgutasunez eta aldizka lotzea ahalbidetzen duen bide mekaniko gisara eratzen dela.

Zerbitzu Orokor bakoitzaren, bere plantilaren, eta abarren egituraketa-alderdien arteko negoziazioaren bidez burutuko da, Administrazioari dagozkion antolakuntza-ahalmenei kalterik egin gabe, eta Akordioaren indarraldian zehar, bi alderdiek horiek sortzeko konpromisoa hartzen dute.

Lehen Atala

1997ko uztailaren 30ean Eusko Jaurlaritzako Justizia Sailaren eta sindikatuen artean sinatutako akordioan, justizia-zerbitzu publikoa modernizatzeari buruz eta modernizatze horrek justizia-administrazioko langileen lan-baldintzetan izango dituen ondorioei buruzkoan bigarren tituluaren lehen ataleko 4 zenbakian ondokoa adierazten zen: "Bulego ofizialeko eginkizunak argitzeko prozesu horretan aurrera egiteko beharrizana dagoela jakin badakitenez, alderdi biek lanpostu zerrenda bat negoziatzeko konpromisoa hartzen dute».

Bestalde, hitzaurrearen 3. puntuak honela dio: "Aginpideak onartzeko prozesua amaitu zenetik, Administrazioaren eta Sindikatuen arteko elkarrizketei eutsi zaie Administrazio Orokorrean dagoeneko sartuta dagoen pertsonalaren lan-baldintza eraginkorretara hurbiltzeko dituzten eginkizunen eta hauek garatzen diren arloaren berezitasunari kalterik egin gabe; horren ondorioz, lan-baldintzak hobetuko dira, besteak beste, ordainketa-baldintzak».

Izan ere, helburu hauek ez dira behar bezala bete, besteak beste, Gobernu Zentralak aurreko Akordioaren aurka sustatutako eskumen-gatazkaren eta Auzitegi Konstituzionalak emandako ebazpenen ondorioz, baina adierazi beharra dago sinatzen duten bi alderdien borondateak bere horretan diharduela, eta horregatik, ildo horri jarraituz, eta Akordioak arlo honetan barne hartzen dituen edukiak osatuz, azpibatzorde bat eratzeko konpromisoa hartzen dute, Akordioaren Jarraipen Batzordearen barruan, eta bere helburuak, Akordio honen indarraldian lortu beharrekoak, ondoko hauek dira:

Bulego ofizial eredu berri baten oinarrizko ezaugarriak aztertzea, eskumena duten beste instantziekin lankidetzan.

Justizia Administrazioaren zerbitzurako funtzio publikoko eredu berri baten egituratzea aztertzea, bulego judizial modernorako eredu berri horri loturik.

Lanpostuen Zerrendaren proiektu bat garatzea, bertan lanpostu bereziak eta bestelako ereduzko lanpostuak aurreikusiz organo judizialetan beharrezkoak diren betebeharrak betetzeko.

Lanpostuen zerrendei buruz egindako lanari egokitutako monografien proiektua diseinatzea.

Lanpostuen baloraziorako eskuliburu bat aztertzea.

Hori guztia, gauzatzeko baldintzak daudenean akordioaren ezarpena bultzatzeko asmoz.

Era berean, Justizia Ministerioa eta Aginte Judizialaren Kontseilu Nagusia adierazi diren puntuei loturiko azterlanak egiten ari direnez, jarduketa horien ondoriozko lanak ere foro horietara eraman beharreko materialak izango dira.

Proposatzen den helburua lortzeko, aldi berean Justizia Administrazioaren zerbitzurako Ofizial, Laguntzaile eta Agenteen Kidegoetako langileen estatutu bidezko funtzionario-harremanaren izaera juridikoa errespetatuz, bi alderdiek adostu dute betebeharren zehaztapena ereduzko lanpostu bakoitzerako betebeharren katalogoaren deskribapen zehatzarekin hastea, eta hori dagokion eranskinean gauzatuko da.

Ereduzko lanpostuen betebeharren katalogoa, bere deskribapenaren bidez, erregelamenduz indarrean dauden betebeharrak ahal den neurrian argitzeko tresna gisara erabiliko da, tresna modernoek, teknologia berriek, eta antolaketa, funtzionamendu eta herritarrentzako zerbitzuaren printzipioek betebehar horiengan duten eragina kontuan izanik.

Era berean, lanpostu horiek aurrez aipatu diren tresna, teknologia eta printzipioetatik eratortzen diren lan-baldintzetara egokitzeko, plantilek lanpostuak eta horiek betetzeko baldintza teknikoak barne hartuko dituzte.

Baldintza teknikoak ondoko hauek izan daitezke:

Lanpostuaren izena.

Hornitzeko modua.

Justizia Administrazioan izandako esperientzia, egindako zerbitzuen denboraren arabera neurtuta.

Ezagutza bereziak.

Euskararen ezagutza Hizkuntza Normalkuntzarako Planean adierazten diren lanpostuetan.

Indarrean dagoen araudian aurreikusitako beste edozein inguruabar.

Era berean, lantzen den lanpostuen monografien proiektuan, lanpostu horiek baloratzeko xedez, ondoko alderdiak kontuan izan beharko dira:

Izena

Lanpostuaren izena

Titulazioa eta Ezagutzak (Oinarrizkoak eta bereziak)

Esperientzia

Betebeharren deskribapena

Betebeharrarekiko ardura

Besteen lanarekiko ardura

Harremanekiko ardura (barneko nahiz kanpoko harremanak)

Ahalegin mentala

Autonomia eta ekimena

Lan-baldintzak

EAEko Justizia Administrazioaren zerbitzurako Ofizial, Laguntzaile eta Agenteen Kidegoetako plantilen osaera eta egitura, bulego judizialean orain arte egin diren aldaketen eta hauek sakondu eta orokortzearen ondorioz geratzen den antolaketara egokituko dira.

EAEko Aurrekontu Orokorren Legean xedatutakoaren arabera, beharrezkotzat jotzen den lekuan lanpostu berriak sortzea beste lanpostu batzuen egokitzapenekin finantzatu beharko da. Akordia sinatzen duten alderdiek langile-zuzkidurak negoziatzeko konpromisoa hartzen dute. Printzipio honetatik kanpo geratzen dira, organo edo zerbitzu judizial berriak sortzeagatik sortzen diren lanpostuak, eta lanaldia murrizteagatik edo ezohiko orduak ezabatzeagatik sortzen direnak.

Bigarren Atala

Zerbitzu komunen barruan, bai eta organo judizialetako bulego guztietan ere, arlo ezberdinak edo espezializatuak zehaztu behar dira (informatika, informazioa, eta organo judizialetako bulegoen kudeaketa eta antolaketa), eta arlo horiek egitura eta funtzionamendu-sistema berezia behar dute lanaren kalitatea hobetzeko, antolaketa-irizpideak aplikatuz, hala nola argitasuna eta herritarrekiko hurbiltasuna, koordinazioa, eta bitartekoak erakundearen xedeetara egokitzea, hau da: funtzionamendu-printzipioen artean, ezarritako helburuak betetzeko eraginkortasuna, baliabide publikoak egokiro esleitu eta erabiltzea, helburuak programatu eta garatzea eta emaitzak kudeatu eta kontrolatzea, kudeaketa publikoarekiko ardura, prozeduren eta kudeaketaren jarduera materialen arrazionaltasuna eta arintasuna, eta herritarrari zerbitzua eskaintzeko printzipioa, hau da: Administrazioarekin harremanetan jartzerakoan beren eskubideak gauzatzea, prozedura, zerbitzu eta prestazioen etengabeko hobekuntza, eskura dauden baliabideak kontuan izanik.

Aurreko paragrafoan adierazitako arrazoiak direla medio, eta lortu nahi diren helburuen dimentsioa eta aniztasuna kontuan izanik, horiek betetzeak organo judizialen egungo zuzendaritza-sistemaren aukerak gainditu ditzakeenez, Justizia Administrazioaren Ofizial, Laguntzaile eta Agenteen Kidegoen Araudi Organikoaren 3. artikuluko 1. puntuaren babesean, "Justizia Administrazioko Ofizialak Idazkari Judizialen eta hauek beren menpe betetzen duten zeregin teknikoaren alboko laguntzaileak dira¿», eta Idazkari Judizialen Araudiak 7. artikuluan (prozesua bultzatu eta antolatzeko betebeharrak) eta 8. artikuluan (bulego judizialaren zuzendari-betebeharrak) adierazi bezala beren betebehar guztiak teknikoak direla ikusiz, informatikako eta hirugarrenekin dauden harremanetarako arloetan koordinatzaileak ezartzea bidezkotzat jotzen da, Idazkari Judizialaren menpe eta kontrolpean egonik, Epailearen edo Magistratuaren zuzendaritza gorenaren, horietakoren bat balego, edo goragoko nagusiaren kalterik gabe, eta era berean Eusko Jaurlaritzako Justizia Sailak Akordio honen ondorioz edo esleituta dituen eskumenen ondorioz eman ditzakeen aginduen kalterik gabe.

Ukaezina da Euskal Autonomia Erkidegoko informatika judizialaren garapena oso aurreratua dela, eta oso balio handiko tresna izan dela bai bulego judizialeko kudeaketa eta antolamendua hobetzeko, baita, zalantzarik gabe, Justizia Administrazioa bera orokorki hobetzeko ere.

Bestalde, ezinbestekoa da eskumen bakoitzerako funtzionamendu-protokoloak egitea, eskumen berean dauden organo judizialen funtzionamendua eta jarduketa-irizpideak bateratzeko eta arautzeko.

Halaber, Administrazioak eta zehazki Justizia Administrazioak, etengabe hobetzeko bidean, neurriak hartu beharko ditu hiritar guztien ideiak eta ahaleginak bideratuz, haiei eskaini beharreko zerbitzua eraginkorra izateko, eta Euskal Autonomia Erkidegoko Administrazioa osatzen duten pertsonen parte-hartze aktiboa eta eraginkorra gauzatzeko.

Lehen atala

Gaur egun ezinbestekoa da Justizia Administrazioaren zerbitzura dauden langileek beren eginkizunetan tresna informatikoa erabiltzea. Hiritarrari eskaini beharreko zerbitzua eraginkorra izan dadin, une honetan eskuragarri dauden neurri guztiak garatu behar dira, eta etorkizunean, Justizia Administrazioaren zerbitzu-kalitatea etengabe hobetzearen ondorioz sartuko direnak ere bai; horregatik, beharrezkoa izango da ekintza guztiak zehaztea, bai langile publiko bakoitzari bere lanpostuaren arabera egokituko zaizkionak, bai administrazio kudeatzaileak berak mamitu beharko dituenak.

Hona hemen hitzarmenaren ondorioz funtzionario bakoitzak garatu beharko dituen ekintzak, dagokion lanpostuaren prozeduren eta eginkizunen arabera:

Ofizial, Laguntzaile eta Justizia Administrazioko Agenteen lanpostuetako eginkizunen zerrendan, informatikari buruz zehazturik dauden eginkizunak betetzea.

Auzitegi-medikuei dagokienez, Auzitegiko Medikuntzako Euskal Erakundea sortu zeneko dekretuak agindutakoa beteko da, onartutako lanpostu-zerrenda kontuan hartuta.

Eusko Jaurlaritzako Justizia Sailak garatu beharreko ekintzak:

Aurretik aipatutako eginkizunak eta lanpostu jakin batzuek ekar litzaketenak ere betetzeko behar den informatika-prestakuntza birbideratzea, Justizia Administrazioaren zerbitzura dagoen pertsonala horretarako gaitzearren.

Justizia Administrazioko hainbat zerbitzu eta erakundetan, zerbitzu komunetan zein idazkaritzatan, laguntza pertsonalerako neurriak abian jartzea; baita Auzitegiko Medikuntzako Euskal Erakundean ere.

Tresna informatikoa etengabe hobetzeko neurriak hartzea, ahalik eta automatismo-kopuru handiena lortzeko eta zerbitzuaren kalitatea hobetzeko asmoz.

Tresna informatikoa pixkanaka eguneratzea, dagokionean onartuko den plangintzaren arabera.

Hitzarmenak eragingo dituen langileei planaren edukien berri zehatz-mehatz ematea, eta horren ondorioz izango diren jarduketak ere jakinaraztea.

Bigarren atala

Zalantzarik gabe, Euskal Autonomia Erkidegoko Justizia Administrazioan informatika ezartzeak zerbitzu publikoaren jardunaz gain funtzionarioen lan-baldintza fisikoak ere hobetu ditu, eta, era berean, prozesu-izapideak egoki erabiltzea erraztu du, agiri-bilduma informatizatuei aldez aurretik idatziriko dokumentu ugari gaineratu baitzaie.

Hobekuntza horiek, ordea, eginkizun berriak ekarri dituzte, zerbitzuaren kalitatea bermatzeko bete beharrekoak. Lan berri horiek eta tradizionalak, gaur eguneko errealitate aldakorrari egokiturik, funtzionamendu-protokoloak argitara eman baino lehen aztertu behar dira, haiek zehaztuko baitituzte eskumen bakoitzeko organo judizialaren funtzionamendua eta organo bakoitzeko plantilako langileei egokitzen zaizkien betebeharrak. Horrela, lan-tresna bezala erabili ahal izango lirateke funtzionamendu-protokoloak, oinarrizko antolamendu-irizpideak ezartzeko, premia pertsonalak eta materialak erabakitzeko, eta antolamenduaren egitura hobetzeko.

Hirugarren atala

Teknologia eta zerbitzu berriak behin betiko ezarri baino lehen, eta antolamendu-sisteman edo funtzionalean aldaketak egin aurretik, abian jarritako esperientzia pilotuen funtzionamendua kontuan hartuko da azterketetan, ondorioetan eta txostenetan, eta horiek lan-tresnatzat hartu eta egoki erabiliko dira, zerbitzu publikoaren kalitatea hobetzearren.

Hobekuntza-taldeen lanak eta ondorioak ere lan-tresna egokiak izango dira.

Hiritarrei justiziaren zerbitzu publikoari buruz egindako inkestak, eta haiek bidaltzen dituzten iradokizunak eta kexak ere lan-tresna bezala erabiliko dira.

1. ¿ Konstituzioak, Autonomia Estatutuak eta Euskara Arauzkotzeko Oinarrizko Legeak onartutako euskararen ofizialtasuna eta Euskal Autonomia Erkidegoan Justizia Administrazioarekiko harremanetan herritarrek euskara erabiltzeko duten eskubidea eraginkortasunez betetzea lortzeko, sinatzen duten bi alderdien ustez ezinbestekoa da eremu honetan normalizazio¿prozesuari ekitea eta, hortaz, Justizia Administrazioaren zerbitzura dagoen pertsonalaren euskalduntzeari ekitea.

2. ¿ Prozesu horren plangintza gauzatzeko xedez, sektore honetako hizkuntza normalkuntzarako planaren ildo nagusiak eztabaidatu dira sindikatuekin, eta arlo honetan prozesua erregulatzen duen Eusko Jaurlaritzaren Dekretua aplikatuko da. Bere helburua justizia-administrazioaren zerbitzura dagoen pertsonalak euskarazko gaitasuna lortzera bideratutako jarduketa-plana arautzea izango da, beti ere gaitasun hori herritar guztiek Justizia Administrazioarekin dituzten harremanetan dituzten hizkuntza eskubideak beren betebeharretan bermatzeko egokia izan dadin.

   Normalkuntza Plana egituratu gabe dagoen arren, bi alderdiek Planari gaineratu behar zaizkion oinarrizko elementu hauek adostu dituzte:

   Normalkuntza-planak Justizia Administrazioan organo judizial, idazkaritza edo zerbitzu bakoitzeko lanpostu guztien hizkuntza-eskakizuna barne hartu beharko du.

   Plan hori justiziako funtzionarioen ordezkaritzarekin negoziatu beharko da.

   Aplikatzeko denbora-eremua barne hartu behar dute, komenigarriena 10 urtekoa izanik, eta helburuen lorpena ebaluatzeko eta horiek egokitzeko aldi ezberdinak ezarriko dira.

   Planaren amaieran derrigorrez bete beharreko indizeak ezartzea, barruti judizial bakoitzaren maila soziolinguistikoaren arabera.

   Planaren ebaluazio eta jarraipenerako metodoak, beharrezkoak diren neurriak ezarriz.

   Lehentasunez jardun beharreko eremuak zehaztea: jendearentzako informazio-bulegoak, erregistro zibilak, bake epaitegiak, jakinarazpen eta bahitura zerbitzuak, %50etik gorako euskalduntze-maila duten epaitegiak eta zerbitzuak.

   Justizia Administrazioaren zerbitzurako langileek egun duten euskalduntze-maila aztertzea, eta arreta berezia eskatzen duten arloen azterketa egitea.

   Urtero normalkuntza-jarduerak proposatzea, ukitutako lanpostuak adieraziz.

   Hasierako prozesuan, hizkuntza eskakizun jakin bat duten langileek bete beharreko lanpostuak zehaztuko dira, dagoeneko euskaldunduta dauden edo euskalduntzen ari diren langileen laguntzarekin.

3. ¿ Euskararen normalkuntza-prozesua Justizia Administrazioan sendotzeko, bi alderdiek beharrezkotzat jotzen dute:

   Justizia Administrazioan euskararen erabilerarako plangintzan eta sustapenean parte hartzea.

   Euskara sustatzea herritarrarekiko harremanetan, euskararen erabilerarako esperientzia pilotuen bitartez, herritarrarekiko harremanetan bi hizkuntza ofizialen erabilera bermatzeko eta euskararen ezarpena dinamizatzeko. Horretarako ezinbestekoak izango dira egungo informatika-ereduak erabiltzea, jurisdikzio guztiei dagozkienak ezartzea, eta glosategien eta material espezializatuen laguntza. Era berean, organo judizialetan hizkuntza dinamizatzaileen laguntza ezinbestekoa izango da, organoko langileekin eta itzultzaileekin batera erabilera-esperientzia horiek bultzatzeko.

   Euskara ikasteko mesedegarri diren neurriak ezartzea, euskalduntzeko aurrekontuak gehituz, barnetegiak sustatuz; horrez gain, aurreko ahapaldian aipatutako lanpostuak betetzen dituzten pertsonek lehendabizi ikastea erraztuko duten neurri bereziak ezartzea.

   Justizia Administrazioko sektore guztien artean eta berarekin erlazionatuta dauden talde guztiekin gai honi loturiko ahalegina koordinatzea.

Lehen Atala

1. ¿ Lanaldiaren banaketa eta ordutegien ezarpena lan-egutegiaren arabera egingo da, Justiziako Estatu Idazkariaren 1996ko abenduaren 5eko Ebazpenaren bigarren puntuan xedatutakoaren arabera.

2. ¿ Lanpostuak baloratzeko prozesua osatuko duten elementuen artean, lan-ordutegia negoziatu beharko da, bertan benetan lan egindako ordu-kopurua barne hartuz.

3. ¿ Benetan lan egindako orduen neurketa hilabete naturalen bidez egingo da, Araudi Organikoaren arabera.

4. ¿ Enplegua sortu eta lanaren banaketa bultzatzeko, bi alderdiek ondoko premiak daudela adierazten dute:

   Administrazioaren arrazionalizazio eta modernizaziorako neurriak adostea, giza baliabideak optimizatzeko eta justizia administrazioaren zerbitzuen prestazioa eraginkorrago bihurtzeko.

   Orokorki, beharrezko betebeharrak betetzen dituzten eta zerbitzu-enpresen kontratazioa ekar dezaketen lanpostuak ez amortizatzea. Ezohiko egoeren kasuan, kontratazio horiek sindikatuekin negoziatuko dira, bertako langileak beste lanpostu batean ipiniz.

   Beharrezkoa den lekuan eta egungo plantilarekin zerbitzua behar bezala eskaintzeko eragozpenak daudenean, lanpostu berriak sortzea, zerbitzuen prestazio-maila bermatzeko.

   Ezohiko orduak kentzea. Organo edo zerbitzu judizialaren beharrizanen ondorioz ezinbestekoak direnak eta bestela aurre egiterik ez badago, aisialdiaz berdinduko dira zerbitzuaren beharrizanen arabera.

5. ¿ Justizia Sailak eta sindikatuek, Justizia Administrazioaren zerbitzurako langileentzat larunbata lanegun bezala ez zenbatzeko beharrezkoak diren neurriak adostu nahi dituzte, beti ere sortzen diren presazko beharrizanei aurre egin ondoren; horretarako, eskumena duten erakundeen aurrean legezko edo antolaketazko aldaketak eskatuko dituzte.

6. ¿ Lanaren denbora eta banaketa egokitzeko neurriak ahalbidetzeari loturik, Justizia Sailak Akordio honetan barne hartutako langileei lanaldiaren murrizketa eman ahal izango die, indarrean dagoen legeriaren arabera ordainsariak murriztuz, eta beti ere betetzen dituzten betebeharrek, zerbitzuaren premiek, giza baliabideen plangintzak eta aurrekontu-mugek aukera hori ematen badute.

   Zentzu horretan, EAEko Administrazioaren Negoziazio Mahai Orokorraren eremuan garatu zen negoziazio-prozesuaren ondorioz, 35 orduko lanaldiari eta enpleguari buruzko neurriei loturiko Akordioa sinatu zen 2000ko ekainaren 28an. Akordio honetan, besteak beste, 2001eko urtarrilaren 1etik aurrera lanaldia asteko 35 ordutara jaistea hitzartu zen, urteko guztizkoa 1592 benetako ordutan geratuz.

   Akordio honek, era berean, 2000. urtean sektoreko akordioaren bitartez lanaldia guztizko murrizketaren %50eko guztizkora murrizteko aukera barne hartzen du. Administrazio Orokorraren eta bere Erakunde Autonomiadunen zerbitzurako funtzionarioen Mahai Sektoriala bildurik, lanaldia adierazi den moduan murriztea erabaki zen.

   Akordio horiek aplikatu ahal izateko, sinatzen dutenek dagozkion instantzien aurrean EAEko Administrazio Orokorreko Justizia Administrazioaren zerbitzurako langileentzat erregimen hori eskatzeko konpromisoa hartzen dute.

   Bigarren Atala

1. ¿ Organo judizialei egindako zenbait zerbitzuren berezitasunek hala eskatzen dutenean, Justizia Sailak ordutegi bereziak ezartzeko ekimena betearaziko du, ordezkaritza zabalena duten sindikatuekin aldez aurretik negoziatu ondoren eta Aginte Judizialaren Kontseilu Nagusiaren eta, hala badagokio, Bulego Judizialaren edo dagokion organoaren arduradunen txostena aldez aurretik jaso ondoren.

   Halaber, ekimen honek betetze-kontrolerako eta sor litezkeen berdinketetarako sistema biltzen du, izan ere, berdinketak ordutegiaren proposamenean zehaztuko dira.

2. ¿ Ordutegi berezi hauek betetzeko orduan organo judizial horretara adskribitutako plantilako pertsonalaren borondatea sustatuko da eta besteak beste, honako hauei eragingo diete:

   1. Epaitegi Dekanora adskribitutako Erregistro eta Banaketa Bulegoa:

      Zentzu honetan, Justizia Sailak eta sinatzen duten sindikatuek, Justizia Ministerioari egin beharreko proposamena ahal bezain laster landuko dute, ordutegi berezi bezala erregulatzeko eta bidezko diren berdinketa guztiak onartzeko.

   2. Beste batzuk:

      Hiriburuetako Erregistro Zibilak.

      Jakinarazpen Egintzetarako Zerbitzuak.

      Jendea Hartzeko Bulegoak.

1. ¿ Indarrean dagoen legeria garatzeko, Giza Baliabideak Antolatzeko Zuzendariak, 1997ko irailaren 8an, Euskal Autonomia Erkidegoaren Justizia Administrazioaren eremuan ezarrita dauden lanaldia eta ordutegiak betetzeko kontrol-sistemari buruzko Instrukzioa eman zuen (H.1/97 Instrukzioa). Instrukzio horrek kontrolerako mekanizatutako baliabideak erabiltzeko eta gertakariak egiaztatzeko arau egokiak bilduko ditu. Halaber, baliabide mekanizatu hauek jarri ez diren egoitza judizialetako kontrol-sistema ezarriko dute.

2. ¿ Ordutegia betetzeko ohiko kontrolez gain, Justizia Sailak presentziako kontrol zehatzak egin ahal izango ditu egoki deritzon eran, Euskal Autonomia Erkidegoan dauden organo judizialetarako bisita-erregimen bat ezarriz, eremu jakin horretan ezarrita dauden lanaldia eta ordutegiak zehatz-mehatz betetzeko helburuarekin.

3. ¿ Ordutegia egiaztatutako arrazoirik gabe ez betetzeaz gain, fitxatzeko betebeharrari edota funtzionarioak txartel magnetikoa erabiltzeari iruzur egiteak dagokion araudian eta akordio honetan jasotakoa eta sor litezkeen gainerako erantzukizunak ezartzea ekarriko du.

Lehen atala

1. ¿ Lanpostuen zerrenda-ereduaren arabera, euren hornidura-sistema eta funtzionarioen barruko igoera eta guzti, Euskal Herriko Justizia Administrazioaren zerbitzura dagoen pertsonala prestatzeko ereduak lanpostuaren beharrizanetara egokitu behar du.

2. ¿ Honako prestakuntza-modalitateak ditu Prestakuntza Plangintzak:

   Prestakuntza Orokorra

   Hasierako Prestakuntza

   Informatika Prestakuntza

   Prestakuntza Espezializatua

1. - Justizia Administrazioaren zerbitzura dagoen pertsonalarentzako prestakuntza orokorrak duen oinarrizko diseinu-irizpidea gero eta eraginkorragoa izatea da, erabiltzaileentzat hurbila, eta estu lotua bai lanpostuaren eskakizunei bai langileak prestatzeko premiei.

2. ¿ Hasierako prestakuntzari dagokionez, karrerako pertsonal funtzionarioentzat antolatu da, leku-aldatzearen ondorioz eskumen berri batean lanpostuaz jabetu baina lanpostu horretarako beharrezko prestakuntza-ikastarorik egin ez dutenentzat.

   Lanpostu berriari dagokion eskumen-esparruari buruz oinarrizko ezagupenekin hasten diren langileak birziklatzea edo prestatzea da prestakuntza honen helburua.

3. ¿ Informatika prestakuntzak, langileei teknologia berriak erabiltzea ahalbidetuz, Informatika Sistemen funtzionamendua hobetzea eta Ezagupenen Kudeaketaren optimizazioa lortzea ditu helburu.

4. ¿ Prestakuntza espezializatua beharrezko prestakuntza da lanpostuaren betebeharretan eraginkorra izateko, eta lege-aldaketa batek ekarriko lituzkeen prestakuntza-premiak betetzeko.

   Ildo horretan, Justizia Sailburuordetzak hitzarmen bat sinatu du Justizia Administrazioaren Ikasketa Juridikoen Erakundearekin, eta horren arabera, auzitegi-medikuek hitzarmeneko sinatzaile bakoitzak urtero antolatzen duen prestakuntza-plangintzaren barneko jardueratan parte hartu ahal izango dute.

   Hasierako prestakuntzari, informatika-prestakuntzari eta prestakuntza espezializatuari dagozkien ataletan zehaztuko da zein ikastaro diren nahitaez joan beharrekoak, eta zeintzuk borondatezkoak.

3. ¿ Baldintza orokorrak

   Prestakuntza-Plangintza Justizia, Lan eta Gizarte-Segurantza Sailak egingo du urtero; ondoren, Jarraipen Batzordeari aurkeztuko dio eta prestakuntza-plangintzaren proposamena azaldu duenean, erabakiko du.

   Programan sartzeko aukera izango dutenak auzitegi-medikuak, ofizialak, laguntzaileak eta agente judizialak dira.

   Oro har, langile titularrek izango dute, bitartekoen aldean, eskoletara joateko lehentasuna; halaber, organoari nahiz azken lantokiari dagokien antzinatasuna kontuan hartuko da bakoitzaren taldearen, mailaren eta espezialitatearen arabera; azkenik, famili ardurak dituzten emakumezko funtzionarioei ere lehentasuna emango zaie.

   Urtean bi ikastaro baino gehiago egiterik ez da egongo.

   Irizpide horiek prestakuntza espezializatuari dagokionez bakarrik aldatu ahal izango dira, baldin eta ikastaroaren espezifikotasunak hala eskatuko balu.

   Eskaeren arabera eta ahal izango balitz, Lurralde Historikoetako hiriburuez kanpo ere antolatuko lirateke ikastaroak. Eskolak lantokikoa ez den beste udalerri batean izanez gero, interesatuei joan-etorrietako gastuak ordainduko zaizkie, haiek aldez aurretik hala justifikatuz gero.

   Ikastaroetara joaten direnei ordutegi malguaren kontura egingo zaie ordu-berdinketa. Nahitaezko ikastaroak ahal bada goizez izango dira, baina informatika ikastaroak aldi berean eginez gero, batzuk goizez eta besteak arratsaldez izango dira.

   Ikastaroetarako, irakasle-poltsa bat egingo da deialdi publiko bidez.

4. ¿ Euskalduntzea.

   Euskalduntze-Plangintza egiten den bitartean, eta euskarazko hizkuntza-gaitasuna sustatzea eta bultzatzea helburu duen Justizia Administrazioaren zerbitzura dagoen pertsonalaren euskalduntze-programari jarraituz, Giza Baliabideak Antolatzeko Zuzendaritzak HAEEren bidez 2000/2001 ikasturterako aurreikusitako euskara-ikastaroak kudeatuko ditu.

   2001/2002 ikasturterako, Eusko Jaurlaritzaren bigarren Hizkuntza-Normalkuntza Planean erabakitako antolamenduari dagokion deialdia egingo da.

5. ¿ Ezarpen-eremua.

   Ikastarook karrerako pertsonal funtzionarioentzat eta plantila organikoan bete gabeko lanpostua betetzen ari diren bitarteko pertsonal funtzionarioentzat izango dira, hori guztia aurrekontuen eta ikastaroetarako plaza-kopuruaren arabera.

6. ¿ Ikastaroak euskaraz.

   Eskaeren arabera eta irakasleen bitartekoen nahiz gaitasunen arabera, ikastaroak euskaraz egongo dira.

   Bigarren atala

1. ¿ Euskalduntze-Plangintza egiten den bitartean, eta euskarazko hizkuntza-gaitasuna sustatzea eta bultzatzea helburu duen Justizi Administrazioaren zerbitzura dagoen pertsonalaren euskalduntze-programari jarraituz, Giza Baliabideak Antolatzeko Zuzendaritzak HAEEren bidez 2000/2001 ikasturterako prestakuntza-programan aurreikusitako euskara-ikastaroak kudeatuko ditu.

2. ¿Ikastaroak plantila organikoan bete gabeko lanpostua betetzen ari diren bitarteko pertsonal funtzionarioarentzat dira, aurrekontuen eta plaza-kopuruaren arabera.

3. ¿ Plantila organikoaren %30ak izango du eskoletara joateko aukera, baina Giza Baliabideak Antolatzeko Zuzendaritzak kopuru hori handitzeko eskubidea izango du organo jakin batzuetan, alegia, euren kokapenagatik, betebeharrengatik edo esperientzia pilotuak garatzeagatik, lehentasunezko euskalduntzea behar duten organoetan.

4. ¿ Eskaerak organo judizialaren txostenarekin batera bidali beharko dira. Organoaren titularrak onetsi ondoren, Idazkari Judizialak egingo du hautaketa, zerbitzuaren premiak eta honako irizpideak kontuan hartuta:

   Titularrek izango dute lehentasuna, bitarteko funtzionarioen aldean.

   Euskara erabiltzeko esperientzia piloturen batean sartuta dauden funtzionarioek izango dute lehentasuna.

   Eskatzaileen artean euskara maila onena dutenek izango dute lehentasuna.

   Maila bereko funtzionarioen artean, lanpostuan antzinatasun handiena dutenek izango dute lehentasuna, eta haien prestakuntza-programa egin beharreko perfilaren arabera mugatuko da.

   Lehenago ikastaroren bat egindakoek izango dute lehentasuna.

   Hizkuntza-normalkuntzarako plana onartu ondoren, erabateko lehentasuna izango dute hizkuntza perfila eskatzen duten lanpostuetan dauden funtzionarioek, baina perfila eskuratutakoan lehentasuna galduko dute.

   Aurrekoa kontuan izanik eta oro har, famili ardurak dituzten emakumezko funtzionarioek lehentasuna izango dute, beti ere zerbitzuaren funtzionamendua bermatzeko beharrezkoa den portzentaia errespetatzen bada.

   Halaber lehentasuna izango dute seme-alaben zaintzaren ardura duten funtzionarioek edo guraso bakarreko familien buru direnek.

5. ¿ Eskakizunen baitan horrelako txostenik ez balego, edo hautaketa-irizpideak beteko ez balituzte, Giza Baliabideak Antolatzeko Zuzendaritzak erabakiko luke zer egin.

6. ¿ Honela egingo dira euskara-ikastaroak:

1. ¿ Lanorduetan emango diren eskolak

   Lanorduetan, 8:00etatik 10:00ak arte eta 15:00 /15:30etatik 17:00 /17:30ak arte.

2. ¿ Lanorduz kanpo

   17:00etatik aurrera hasiko diren eskolak.

3. ¿ Uda-ikastaroak

   Ikastaro trinkoak izango dira, barnetegikoak nahiz egunekoak, eta edozein euskaltegi publikotan egin ahal izango dira, pribatuetan zein homologatuetan, baldin eta ikastaroaren iraupena gutxienez 90-100 ikastordukoa bada.

4. ¿ 4. Perfila eskuratzeko ikastaroak

4. Perfileko ikastaroen helburua, HAEEk diseinatua eta emana, ikasleari administrazioko ohiko testuak ekoizteko mintzamen eta idazmen gaitasunak ematea da.

   Lau hizkuntza-gaitasunak landuko dira: mintzamena eta idazmena, ahozko eta idatzizko ulermena. Hala ere, mintzamenak eta idazmenak izango dute garrantzi handiena.

   Zortzi eskola-ordu emango dira astero, astelehenetik osteguna arte, goizez (8:30etatik 10:30ak arte) edo arratsaldez (15:00etatik-17:00ak arte).

5. ¿ Bost orduko ikastaroak

   Justizia Administrazioaren zerbitzura dauden langileentzat gauzatu nahi den Hizkuntza Normalkuntza Plana onartuz gero, funtzionarioentzako ikastaroak lanegunetan eta egunero bost ordukoak antolatzeko (lanaldi osoko liberazioarekin, eta barnetegian egoteko aukerarekin), honelakoa izango da:

   Euskararen erabilpena normalizatzeko premiaren arabera Justizia Sailak aukeratutako organoei eta zerbitzuei emango zaie lehentasuna.

   Ikastaro hauek oinarrizko euskara-maila duten karrerako funtzionarioentzat besterik ez dira izango (HAEEko 6. urratsa), baita euskara ezinbesteko eskakizuna duten lanpostuetan daudenentzat ere, edo titularrak lanposturako eskakizun hori ezarri nahi izan badu.

   Salbuespen moduan, eskatzaileren batek organo judizialean dituen eginkizunen espezifikotasuna kontuan hartuta, edo Justizia Sailak premiazkotzat joz gero, hura bost orduko ikastaroetan sartzeko eskakizun horiek betetzetik salbuetsiko lukete, motibazio-ebazpena eginik.

   Oro har, euskara maila handiena duten funtzionarioek izango dute lehentasuna (eskatzen den hizkuntza perfiletik hurbilen daudenek), eta bulego judizialean euskara sustatzeko esperientzia pilotu batean daudenek ere bai.

7. ¿ Ordu-berdinketa:

1. ¿ Lanorduetan egingo diren ikastaroak (8-8,30/10-10,30 edo 15-15,30/17-17,30):

   Euskara-ikastaroetara lanorduetan joateagatik (8:00 eta 17:00 bitartean) gehiegizko orduak egiten dituztenek ordu-berdinketa izateko eskubidea izango dute, norberak jai har ditzakeen lanegunak hartuz (7 ordu eta hogeita hamar minutu eguneko). Aldez aurretik, organo judizialaren txostenean ziurtatu beharko da zerbitzuaren betebeharrak egoki beteko direla.

2. ¿ Lanorduz kanpoko ikastaroak:

   Eskoletara lanorduz kanpo joaten direnek arrazoi horrengatik ordu-berdinketa izateko eskubidea izango dute, beti ere betekizun hauek betetzen badituzte:

   Eskolak egunero eta gutxienez bi ordukoak izango dira, eta HAEEk homologatutako euskaltegietan egin beharko dira.

   Euren probetxua eskatuko da, HAEEk zehazten dituen irizpideen arabera.

   Baimenaren iraupena ikastarora joandako orduen laurden baten baliokidea izango da, eta inola ere ez ditu bost lanegun gaindituko; halaber, baimena ez da ikastaro bakoitza amaitutakoan emango, HAEEk probetxu-irizpideak betetzeko informazioa bidali arte, eta, hala badagokio, zerbitzuaren beharrizanen menpe egongo da.

Arrisku profesionalen prebentzioari buruz indarrean dagoen araudiak eta Akordio honek agindutako betebeharrak bete beharko ditu Administrazioak.

1. ¿ Kontsulta eta Partehartzea.

   Administrazioak hiru hilabeteko epean prebentzio-zerbitzua eratuko du. Halaber, Sindikatuekin kontsultatu ondoren, zehaztuko du lanbide-arriskuei aurrea hartzeko antolatu edo hitzartu beharreko prebentzio zerbitzu-mota.

   Langileen batzordeetako kideei eta sindikatuetako ordezkariei dagokie prebentzioan parte hartzeko eginkizuna betearaztea, Segurtasun eta Osasun Batzordeak dituen ahalmenei kalterik egin gabe.

2. ¿ Prebentziorako Ordezkariak.

   Prebentziorako ordezkariak ordezkaritza duten Sindikatuek izendatutako langileak izan ahal dira, langile ordezkariak edo sindikatuetako ordezkariak ez izan arren, ezargarria den legeriak agindutako kopuruan.

   Lan-arriskuen prebentziorako eginkizunak betetzeko Prebentziorako Ordezkariek erabiltzen duten denbora ordezkaritza-eginkizunetarako jarduketatzat hartuko da, ezargarria den legerian eta eskubide sindikalen Hitzarmen Markoan aurreikusitako ordaindutako hileroko ordu-kreditua erabiltzeko garaian. Nolanahi ere, hala badagokio, lan egindako denboratzat hartuko da, Segurtasun eta Osasun Batzordearen bilerei eta arriskuen prebentziorako administrazioak deitutako beste edozein bilerari dagokien aipatutako ordu-kredituari egotzi gabe.

   Administrazioak prebentziorako ordezkariei euren eginkizunak betetzeko beharrezkoak diren prebentzio-baliabideak eta heziketa emango dizkie. Heziketan emandako denbora kasu guztietan lan egindako denboratzat hartuko da.

3. ¿ Segurtasun eta Osasun Batzordea.

   Segurtasun eta Osasun Batzordea parte hartzeko organo parekide eta kolegiatua da, eta arriskuen prebentziorako sistemaren osagaiak proposatzea eta aldizkako kontsulta arrunta ditu helburu (arriskuen prebentziorako neurri eta planak, larrialdi-planak eta premiazko sorospenak, heziketa-plana identifikatu eta balioztatzea, pertsonalaren osasuna zaintzea, etab.).

   Segurtasun eta Osasun Batzordeak eratuko dira Euskal Autonomia Erkidegoko lurralde bakoitzean Justizia Administrazioaren zerbitzura dagoen pertsonalaren eremuan. Sindikatuek eta Administrazioak erdi bana osatuko dituzte. Alderdi sindikalaren kideen aukeraketa proportzionaltasun-printzipioaren arabera egingo da, hartara, ordezkaritza duten sindikatu guztiak Akordio honen eremuan agertzea bermatuko da.

   Zentroen arteko Segurtasun eta Osasun Batzordea eratuko da, aurrekoek duten osaera-irizpide berdinarekin. Bere zeregina, lurralde-batzordeen esparrua gainditzen duten gai orokorrak aztertzea izango da.

4. ¿ Azterketa Medikoak.

   Akordio honen eremuan barne hartuta dagoen pertsonalari azterketa medikoak egingo zaizkio aldizka, ondorengo idazati hauetan zehazten dena kontuan izanik:

   Aurretiazko edo sartzeko azterketa: derrigorrezkoa izango da, eta langilea Administrazioaren zerbitzura lan egiteko onartu baino lehen egingo da.

   Urteroko aldizkako azterketa arrunta: osasunerako arrisku-faktoreak dituzten lanpostuetan lan egiten duten langileei egingo zaie, bidezkotzat jotzen bada, eta beti ere detektatu den arriskuari loturiko parametro zehatzak bakarrik aztertuz.

   Era berean, azterketa mediko bat egingo zaie hala eskatzen duten langile guztioi.

   Hiru urteroko aldizkako azterketa: Akordio honen barruan dauden langile guztiei egingo zaie, osasunerako arrisku-faktoreak dituzten lanpostuetan lan egiten nahiz ez.

   Urteroko eta hiru urteroko azterketa guztiak borondatezkoak izango dira, legezko araudi orokorra aplikatzearen kaltetan izan gabe; azken kasu horretan, aldez aurretik Segurtasun eta Osasun Batzordeari jakinarazi beharko zaio.

   Nolanahi ere, langileei eta Segurtasun eta Osasun Batzordeari egingo diren probak jakinarazi ondoren emango dira emaitzak.

1. ¿ Kalitatea eta Justizia Administrazioaren eraginkortasuna hobetzea duen Hitzarmenean zehar adierazitako xedeen ondorioz, ¿giza baliabide eta baliabide materialen erabilera eta kualifikazio hobearen bidez¿; horrez gain, produktibitatea sustatzeko programen bidez, eta, Hitzarmenaren eremuak erasandako pertsonala hauexek betetzera derrigorrez behartuta dagoenez, lan-baldintzen aldaketa dakarrenez, ordainketa-osagarri bat ezartzen da, izaera aldagarria duena, EAEn kokatuta dauden organo eta zerbitzuetan lan egiten duten Justizia Administrazioko Ofizial, Laguntzaile eta Agenteen Kidegoetako karrerako edo bitarteko funtzionarioei ordaintzeko. Osagarri hori, Justizia Administrazioaren zerbitzura dauden kidegoetako funtzionarioen destino-osagarriaren zenbatekoa ezartzen duen azaroaren 24ko 1909/2000 Errege Dekretuaren 12. artikuluak aipatzen dituen programen eremuan ezartzen da.

2. ¿ Auzitegiko medikuei dagokienez, horien ordainsariak lanpostuen Zerrendan xedatutakoaren arabera arautuko dira.

3. ¿ 2000ko taldeko, udalerriko eta organo judizialeko zenbatekoa, puntutan adierazita, III. eranskinean zehazten dena da.

   Kopuru horiek ondokoa kontuan izanik jasoko dira:

   Eranskinean ezarritako kopuruekiko diferentziak, 2000ko urtarrilaren 1etik aurrerako ondorioekin.

   Koordinazio-betebeharrei buruzko puntuak, horiek betetzeko ezarritako datan jasoko dira.

4. ¿ Osagarriak ondoko helburuak barne hartuko ditu:

1. Ezartzen diren ordutegi-betebeharrak eta kontrolbideak betetzea. Helburu hori bete izanaren adierazlea ordutegi-kontroleko gailuek adierazten dituzten saldoak izango dira, ezar daitezkeen bestelako kontrol-sistema automatizatu, eskuzko edo pertsonalekin batera.

2. Tresna informatikoen erabilera, Akordio honen II. eranskineko katalogoan ezarritako betebeharren arabera. Helburu hori bete izanaren adierazlea txostenen edukia eta informatika-sistemak adierazten dituen datuak izango dira.

3. Akordio honen II. eranskinak aipatutako katalogoan adierazitako betebeharrak betetzea, hirugarrenekin dauden erlazioei loturik. Helburu hori bete izanaren adierazlea dagozkion txostenak izango dira, bai eta organo bakoitzari buruzko erreklamazio edo kexarik eza ere.

4. Euskalduntzeko eta auzibidezko eta informatikako prestakuntza-ikastaroak aprobetxatzea, eta euskararen erabilera arautzeko ezartzen diren neurriak betetzea. Aprobetxamendua kontrolatzeko asistentzia begiratuko da, eta derrigorrezko prestakuntzako ikastaroen aprobetxamendua, bereziki lanaldia liberatzen dutenak, eta borondatez parte hartzekoak diren ikastaroen aprobetxamendua, zuzendariaren, ikastaroko arduradunaren edo tutorearen txostenean adieraziz. Funtzionarioen parte-hartzea euskararen sustapenerako edo hobekuntzarako esperientzietan administrazioan, esperientzia horien arduradun edo laguntzaileen txostenen arabera.

5. Organo judizialaren optimizazioa, ondoko hauen bidez:

   1) Lan-absentismoa murriztea, baja-egunari buruzko mediku-ziurtagiria derrigorrez aurkeztuz. Atal hau bete izanaren adierazlea, mediku-ziurtagiria izango da.

   2) Epe prozesalak betetzea, funtzionarioari dagokionez. Atal hau bete izanaren adierazlea, dagozkion txostenak izango dira, informatika-sistemak ematen dituen datuekin batera, eta

   3) Zerbitzu-kartan barne hartutako neurrien katalogoa betetzea eta lantokiko funtzionarioekin lankidetzan aritzea. Atal hau bete izanaren adierazlea, dagozkion txostenak izango dira, informatika-sistemak ematen dituen datuekin batera.

6. ¿ II. eranskinak betebeharren katalogoan adierazitako koordinatzailearen betebeharrak betetzea. Horretarako, Bake Epaitegietako Idazkari zereginak betetzen dituzten Ofizialak Koordinatzaile bihurtuko dira, gutxienez 5 funtzionario dituen Idazkaritza baten buru direnean.

5. ¿ Osagarri honek esleitutako zenbatekoek ez dute, inola ere, inolako eskubide indibidualik sortzen ondoko aldiei buruzko balorazioei dagokienez.

6. ¿ Aurreko idazatian aipatutako ordainketak, zeinen zenbatekoa 2000. urteko pezetatan adierazita dagoen, aldez aurretiko negoziaketa kolektiboaren ondoren, Euskal Autonomia Erkidegoko Aurrekontu Orokorretarako Legearen arabera eskuarki ezarri ahal diren urteroko gehikuntzen arabera eguneratuko dira.

7. ¿ EAEko aurrekontu orokorretan ezarritako gehieneko mugaren barruan, osagarri honek bost lehen helburuak hilero ordainduko ditu, eta koordinatzailearen betebeharrak aipatzen dituen seigarrena puntu-kopuru jakin baten ezarpenarekin gauzatuko da. Akordioak aipatzen dituen eta 3. puntuan adierazten diren bost helburuak osatzen dituzten betebeharrak ez betetzeak aipatutako ez betetzea gertatu den hilabete edo hilabeteetan galtzea ekarriko du. Koordinatzaileei buruzko seigarren helburua ez betetzeak, aipatutako ez betetzea gertatu den hilabete edo hilabeteetan dagozkion puntuak galtzea ekarriko du.

8. ¿ Aurreko puntuan aurreikusitakoaz gain, osagarria erabat galduko da hilabete batean edo batzuetan ondoko kasuak gertatzen badira:

3. puntuan adierazitako helburu guztiak edo bakarren bat behin eta berriz ez betetzea.

   Ordu-betetzean edo fitxatzeko gailuetan iruzur egitea, nominan dagokion deskontua eta hala dagokionean disziplina-erantzukizunaren kaltetan izan gabe.

   Hutsegite larri edo oso larriagatiko zigorra, bai eta diziplina-espediente bat irekita duen funtzionarioaren behin-betiko etendura, Akordio honetan adierazten diren helburuei loturik baldin badago, bere lanpostuan berriro hasten bada, etendura bertan behera uzten bada, edo zigor larri edo oso larririk ezartzen ez bada.

9. ¿ Nolanahi ere, SCACko destinoetan eta gau eta eguneko zerbitzuetan egun jasotzen diren ordainketa osagarriak errespetatuko dira.

10. ¿ Era berean, Akordioaren eremu geografikoa gaindituz gero, funtzionarioek ez dute osagarri hori jasoko EAEko lantokietako plantiletatik kanpo geratzen direnean.

    Osagarria jasotzeko eskubidearen baldintzak Akordio honen Eranskinean araututa daude.

1. ¿ Gizarte Aurreikuspena.

   Justizia zerbitzu publikoa modernizatzeari eta modernizatze horrek Euskal Autonomia Erkidegoko Justizia Administrazioko langileen lan-baldintzetan izango dituen ondorioei buruzko 1997ko uztailaren 30eko Akordioaren Addendan ezarritakoa kontuan izanik, Administrazioak Justizia Administrazioaren zerbitzura dagoen pertsonalarentzat pentsio osagarrien sistema bat Mahai Nagusian barne hartzeko aukera sustatu du, eta sistema hori behar bezala kudeatzeko ELKARKIDETZA, Borondatezko Aurreikuspen Sozialeko Erakunde egokitzat jotzen du.

2. ¿ Istripu, bizi eta erantzukizun zibileko asegurua.

   Administrazioak istripu-poliza betetzen jarraituko du, ondoko kapital hauekin:

   Heriotza: 2.846.000 PTA.

   Erabateko Baliaezintasun

   Iraunkorra: 2.846.000.PTA.

   Guztizko Baliaezintasun

   Iraunkorra: 2.846.000.PTA.

   Partezko Baliaezintasun

   Iraunkorra: 2.846.000.PTA arte,

   baremoaren arabera

   Akordio honen barruan dagoen pertsonala, Euskal Autonomia Erkidegoko Administrazioak bere Erakunde Autonomiadunentzat, bere ordezkari eta langileentzat, eta beren funtzioak edo lanbide-jarduna betetzerakoan bere menpe daudenentzat. Poliza honen estalduraren gehieneko kopurua 1.000 milioi pezetakoa da hirugarrenei eragindako kalteetan, eta 100 milioi pezetako azpimuga dago kalte horiek Administrazioko langileen lanbide-erantzukizunaren ondorioz sortzen direnean.

   Administrazioak bizi-aseguruaren eta Erabateko Baliaezintasun Iraunkorraren polizari eusten dio 2.846.000 pezetako guztizko estaldurara arte.

3. ¿ Aurrerakinak eta nomina aurreratzea.

1. ¿ Aurrerakinak.

   Lanean ari diren eta aurrekontu-esleipenen barruan dauden funtzionarioek interesik gabeko ohiko aurrerakinak jasotzeko eskubidea izango dute, hileroko soldata likidoaren %100 bada ere, beti ere hilabetea amaitu aurretik administrazio edo kontratu harremana amaitzea aurreikusten ez bada. Aurrerakin hori eskatutako hilabeteko nominan berdindu beharko da.

   Era berean, hilero edozein atxikipen-mota egiten zaien langileei dagokienez, hileko aurrerakinaren gehieneko zenbatekoa hileroko soldata likidoaren %100 ken aipatutako atxikipena izango da.

2. ¿ Nomina aurreratzea.

   Akordio honetan barne hartuta dauden langileek nomina aurreratzeko eskubidea izango dute, jarraian adierazten den araudia kontuan izanik:

   Nomina aurreratzea, egin ez den lanari dagozkion ordainketen kontura egindako kopuru-ordainketa egitea da.

   Emango den gehienezko zenbatekoa 571.900 pezetakoa izango da. Horretarako, bosgarren idazatian premiazko beharrizan bezala sailkatutako inguruabarren bat egotea beharrezkoa izango da. Hala ere, idazati horretan aurreikusita dauden e), f), g), h), i), j) eta k) kasuetan, aipatutako gehienezko mugaren barruan, muga gastu-ziurtagirietan agertzen den zenbatekoak ezarriko du; izan ere, premiazko beharrizanaren egiaztagiri gisara eskaerari erantsi beharko zaio.

   Itzultzeko gehienezko epea hogeita lau hileroko epea izango da. Aurrerapen hauek ez dute inolako interesik sortuko, eta gehienekotzat jotzen den epea bukatu baino lehen itzul daitezke. Hala eta guztiz ere, gauzazko ordainketa bezala hartuko dira kontuan PFEZaren ondorioetarako, diruaren legezko interesarekin bat etorriz.

   Ezin izango da nomina-aurrerapen berririk eman, aldez aurretik bere gain hartutako izaera bereko konpromisoak kitatuta ez dauden bitartean. Halaber, sei hilabeteko gutxienezko epea igaro beharko da nomina-aurrerapena kitatu zenetik beste bat jasotzeko eskaera egin arte. Hala eta guztiz ere, f) eta g) idazatietan bildutako arrazoiak bateraezinak izango dira eta 10 urteko epean aurrerapen bakar bat jasotzeko eskubidea emango dute. Ibilgailua erosteagatiko kasuari dagokionez, aurrerapena eman eta bost urte igaro arte ezin izango da beste ibilgailu bat erosteko beste aurrerapen bat eskatu.

   Maileguen onuradunen egoera administratiboa edo inguruabarrak aldatu eta nominan 6 hilabetetik gorako baja baldin badakarte, eman zaien nomina-aurrerapena aldez aurretik oso-osorik itzuli beharko dute.

   Premiazko beharrizanak.¿ Halakotzat hartuko dira ondoko hauek:

   1. Eskatzailearen ezkontza.

   2. Eskatzailearen dibortzioa, bananketa edo ezkontzaren baliogabetasuna.

   3. Ezkontidea edo seme-alabak hiltzea.

   4. Seme-alabak jaiotzea.

   5. Eskatzailearen gaixotasun edo ebakuntza kirurgiko larria.

   6. Ohiko etxebizitza erostea. Kasu honetan aurrerakinaren zenbatekoa 1.000.000 pezetakoa ere izan daiteke; era berean, 48 hilerokotan itzuli beharko du.

   7. Ohiko etxebizitza erosteagatiko banku-kredituen amortizazioa.

   8. Etxebizitza mantentzeko beharrezko eta ezinbesteko obrak egitea.

   9. Lantokia kokatuta dagoen udalerrira etxebizitza lekualdatzea.

   10. Altzariak erostea.

   11. Ibilgailua erostea. Ibilgailua lan-tresna gisara erabiltzeko erosi bada, aldez aurretik egiaztatuta badago, maileguaren zenbatekoa 687.340 pezetarainokoa izan daiteke, eta 36 hilerokotan itzuli beharko da.

   12. Izaera bereko beste inguruabar batzuk.

       Tramitazioa.¿ Nomina aurreratzeko eskaerak aurkezteko gehienezko epea bi hilabetekoa izango da egitate eragilea gertatu zen egunetik hasita. Nolanahi ere, ezohiko suposizioetan egitate eragilea gertatu aurretiko hilabetean datatutako eskaerak onartuko dira nomina aurreratzea onartu zen egunetik bi hilabetera dagozkion egiaztagiriak aurkezteko konpromisoa lagunduta azaltzen badira, behar bezala egiaztatutako suposizioetan izan ezik. Konpromiso hau ez betetzeak aurrerakinaren berehalako deuseztapena ekarriko du.

       Nomina aurreratzeko eskaerak Giza Baliabideak Antolatzeko Zuzendaritzara bideratu beharko dira, eta zuzendaritza honek, aurreko paragrafoan adierazitakoa betetzeko, eskaeretan sarrera-data jarri beharko du.

       4. ¿ Borondatez erretiratzeagatiko kalte-ordainak.

          Langileek borondatez erretiratzeagatik kalte-ordaina jasotzeko eskubidea izango dute, euren prestazio pasiboetan horrek dakarren gutxipena konpentsatzeko, eta kalte-ordainaren zenbatekoa ondokoa izango da:

          Adina Hileko soldata kop.

          60 urte 15 soldata

          61 urte 12 soldata

          62 urte 9 soldata

          63 urte 6 soldata

          64 urte 3 soldata

          Eskala horren arabera kasu bakoitzean egoki daitekeen soldata-kopurua zehazteko, langileak borondatez erretiratzerakoan duen adina hartuko da erreferentzia gisara.

          Kalte-ordaina osatzen duen hileko soldata bakoitza, langileari bere borondatezko erretiroa gertatzen denean esleitutako urteko ordainsari gordinaren hamabirena izango da.

          Doakionak eskaera hori erretiroa eskatu baino hiru hilabete lehenago egin beharko du.

          Kalte-ordainketa egiteko, doakionak aldez aurretik Justizia Administrazioarekiko Harremanetarako Zuzendariordetza Nagusiak jaulkitako Erretiro Erabakia, F12R eredua, aurkeztu beharko du, bertan doakionaren erretiro aurreratua eta eragina zein egunetik aurrera izango duen adieraziz.

          "Gizarte Arretei» buruzko Titulu honen 2, 3 eta 4. puntuetan barne hartzen diren alderdiei dagokienez, adierazi beharra dago Autonomia Erkidegoko Administrazio Orokorraren Mahai Nagusian hartutako erabakiek puntu horien edukia aldatu ahal izango dutela.

       5. ¿ Gizarte Fondoa.

          000.000,- pezetako gizarte-fondoa eratu da 2000ko ekitaldirako. Lehendik barne hartu ez diren gizarte-arretak eta ezohiko izaera duten beste gai batzuk finantzatzea du helburu gizarte-fondoak.

          Sindikatuen eta Administrazioaren ordezkariek osatzen duten Akordioaren Jarraipenerako Batzordeak aldez aurretik honen berri izango du eta laguntza¿programak egin eta esleitzeko parte hartuko du, ebazpena Giza Baliabideak Ordenatzeko Zuzendariari proposatuz. Era berean, fondoa banatu ondoren gera daitekeen soberakina nora bideratu behar den proposatzea dagokio.

          Barne hartu beharreko laguntzak ondoko hauek izan daitezke:

          Seme-alabengatiko laguntza

          Elbarrientzako laguntza

          Funtzionarioek ikasteko laguntzak

          Ezohiko izaerako arrazoiengatiko laguntza

          Laguntzak emateko, ezarrita dauden baldintzak, eskaeren baremoa eta galera ekonomikoa kontuan izango dira.

          Kapitulu honetan bildutako laguntzen gozamena ezin da bateratu Gizarte Segurantzak edo beste edozein aurreikuspen-sistema publikoren prestazioetatik erator daitezkeenekin.

          • Administrazioaren aldetik, Justizia Ministerioari edota organo eskudunei langileak Gizarte Segurantzako Sistema Orokorrean borondatez barne hartzea eskatuko zaio.

Lehen Atala

1. ¿ Hitzarmen honen indarraldiak eta ezarpenak eragindako gorabehera guztiak aztertu, konpondu eta interpretatzeko, Batzorde Parekidea eratzen da eta alderdi guztiak aldez aurretik bere ebazpenera jarriko dira. Bere ebazpenak, noski, lotesleak izango dira alderdi sinatzaileentzat.

2. ¿ Batzorde Parekidea alderdi bakoitzeko kide-kopuru beretsuak osatuko du; era berean, sindikatu bakoitzari ordezkari bat dagokio. Halaber, bi alderdiek gehienez bi aholkulari izendatu ahal izango dituzte.

3. ¿ Batzorde Parekidearen deialdia osatzen duen edozein alderdik idatziz eskatuko du; gutxienez 15 eguneko aurrerapena izan beharko du (premiazko kasuetan salbu) eta hizpide izango diren kontuak zehaztasunez adieraziko dira. Deialdiek gai-zerrenda, bilera eguna eta tokia jasoko dituzte eta derrigorrezkoa izango da bi alderdiak agertzea.

4. ¿ Batzorde Parekideak funtzionamendu-sistema zehaztuko du horretarako deitzen den lehen bileran. Erabakiak hartzeko, alderdi bakoitzaren mahaikideen %50ek ados agertu behar du. Sindikatuen ordezkari gisara diharduten mahaikideen kasuan, %50 hori baloratzeko sindikatu bakoitzaren ordezkagarritasuna kontuan izango da.

   Batzorde horretan, sinatzen duten sindikatu guztien ordezkaritza bermatzen da.

5. ¿ Batzorde honen menpean beharrezkotzat jotzen diren bezainbeste azpibatzorde sortuko dira (aldi baterakoak zein iraunkorrak) Akordioak indarrean dirauen bitartean. Batzorde horien osaera eta funtzionamendua Batzorde Parekideak ezarriko ditu. Akordioaren edukiaren ondorioz, berau sinatu eta hilabeteko epearen barruan Azpibatzorde espezifiko bat sortuko da bulego judizialaren egitura berrirako proiektua, Justizia Administrazioaren zerbitzura dauden langileen eta hauei esleitutako funtzioak betetzeko lanpostu-zerrendaren gaiak aztertzeko, Akordioaren indarraldian zehar antolaketa-sistema modernoa eta eraginkorragoa ezartzeko xedez.

6. ¿ Akordio hau sinatu dutenek, Batzordeak Akordio honen testuan barne hartzen den edozein artikuluri buruz egiten duen interpretazioa onartu beharko dute.

7. ¿ Batzorde hori aldizka bilduko da, gutxienez hiruhilean behin, eta Akordioa sinatu dutenek bere gain hartutako betebeharrak betetzen dituzten ebaluatuko du, bidezko diren neurriak hartuz.

   Bigarren Atala

1. ¿ Aurreko kapituluan aurreikusitakoarekin bat etorriz, Akordio hau sinatu duten alderdiek bere indarraldian zehar berari buruzko interpretazio eta aplikazioan sor daitezkeen zalantza edo ezadostasun guztiak Batzorde Parekideari jakinaraziko zaizkio eta honek ebatziko du, bide judizialari ekin aurretik dauden elkarrizketa-bide guztiak agortuz.

2. ¿ Batzorde Parekidearen barruan akordiorik lortzen ez bada, bi alderdiek Lan Harremanen Kontseiluak kudeatzen dituen auziak konpontzeko borondatezko prozedurei buruzko konfederazioen arteko akordioetan (PRECO II) aurreikusita dagoen bitartekotza-prozedura erabiltzeko akordioa lortu dute.

   Honela, Akordio honen interpretazioaren ondoriozko edozein gatazka kolektibori buruz Batzorde Parekidean akordiorik lortzen ez bada, batzorde horretako edozein alderdik Lan Harremanen Kontseiluari 15 eguneko epearen barruan bitartekotza has dezala eska diezaioke, eta beste alderdiak derrigor bertaratu beharko du, konfederazioen arteko akordio horietako 11. artikuluaren arabera.

   Jardun behar duen bitartekariaren izendapena akordio bidez egingo da, eta akordiorik ez badago, zozketa bidez. Izendapen hori indarrean egongo da Batzorde Parekideko alderdietako batek izendapen berria egin dadila eskatzen duen arte. Hala eta guztiz ere, kasu bakoitzean, PRECO IIko bitartekari-zerrendako beste edozein profesional aukera dezakete ados jarriz gero.

3. ¿ Bi alderdiek hala adostuz gero, beste edozein izaerako gairi buruzko adiskidetze, bitartekotza edo arbitrajerako prozedurak eskatu ahal izango dira.

   LEHEN XEDAPEN GEHIGARRIA

   Hitzarmen honetako edozein atalen aldaketa beste Hitzarmen baten bidez burutu beharko da.

   BIGARREN XEDAPEN GEHIGARRIA

   Akordio hau sinatu duten alderdiek, bertan barne hartuta dagoena edozein instantziaren aurrean defendatzeko konpromisoa beren gain hartzen dute.

   Eta horrela ager dadin, eta dagozkion ondorioetarako, Akordio hau sinatzen da goiburukoan adierazten diren lekuan eta datan.

"Justizia Zerbitzu publikoa modernizatzeari buruz eta modernizatze horrek justizia administrazioko langileen lan-baldintzetan izango dituen ondorioei buruz diharduen Eusko Jaurlaritzako justizia sailaren eta sindikatuen arteko bigarren aurreakordioa» sinatu duten bi alderdiek lizentziei eta baimenei buruzko kapitulu bat gehitzea erabaki dute, lan-taldeak bileretan mamitu arren aurreakordioan haren aipamenik egin ez dutela ikusirik, eta negoziazioan hala erabaki zutelako. Hona hemen kapitulu berri horren eduki osoa, hitzez hitz:

1. ¿ Bederatzi hilabetetik beherako seme-alaba duten funtzionarioek egunero ordubete lanera ez joateko eskubidea izango dute. Denboraldi hori bi zatitan banatu ahal izango dute, edo sartzean nahiz irteeran ordu erdiko lanaldi murrizketa batekin ordezkatu, baldin eta aldi berean bere ezkontidea ez den eskubide horretaz baliatzen.

   Emakumezko funtzionarioek bi aukera izango dituzte: aurreko paragrafoan aipatzen dugun baimena erabili, edo haurdunaldi eta erditze-lizentziari dagokion denbora pilatu. Zenbaketa horretarako, zerbitzua bete beharreko egunei dagozkien orduak soilik aintzat hartuko dira. Horregatik, eskaera egitean, funtzionario horiek bederatzigarren hilabetea arteko tarte horretan lizentziarik, baimenik, oporrik edo lan-utzialdirik eskatuko duten ala ez jakinarazi beharko dute, denboraldi horiek zenbaketatik kanpo uzteko.

   Autonomia Erkidegoan aginpidea duen organoak erabakiko du baimena eman ala ez, aldez aurretik lehendakariaren, fiskalaren, edo dagokion erakundeko buruaren txostena aurkeztu ondoren.

2. ¿ Kartzela-zigorra betetzen ari diren senitartekoak ikustera joateko baimena emango da, behar adina denboraz, eta bigarren maila arteko ahaidetasuna onartzen delarik; beti ere bisitak lanordutik kanpo egiterik ez badago.

   Idazati honetan aipatzen diren baimenen denbora, ordainketarik gabekoa, dagokion ordutegi-berdinketaren bidez berreskuratu ahal izango da, Autonomia Erkidegoan aginpidea duen organoak erabakitako xedearen arabera eta aldez aurretik lehendakariaren, fiskalaren, edo dagokion erakundeko buruaren txostena aurkeztu ondoren.

   Espreski jasota gera dadin nahi dugu kapitulu hau aurreakordioaren barnean dagoen zati bat dela, eta xede juridiko guztietarako dokumentu bakarra eta osoa dela.

Espedienteen, parte-hartzaileen, Epaien, prozedura amaitzen duten ebazpenen, exekuzio, idazki eta agirien erregistroa gainbegiratzea, eta horien mantenimenduaz arduratzea.

Seinalamenduen agenda koordinatu eta gainbegiratzea.

Esku-hartzaileen erregistro informatikoaren mantenimendua gainbegiratzea.

Jaulkitako testuen erabilera egokia gainbegiratzea, testu librea delakoa bereziki zainduz.

Prozeduren egoera eta aldiak eguneratuta izatea informatika mailan.

Tramiteen egoera gainbegiratzea (lantzea, behin-betikoa).

Jakinarazpenen kontrola gainbegiratzea.

Informatika-zerrenden lantzea gainbegiratzea.

Organoaren informatika-sisteman alta emanda dauden erabiltzaileak egungo plantilarekin bat datozela gainbegiratzea.

Informatikaren bitartez, zentzuzko denbora jakin batez geldirik agertzen diren espedienteak gainbegiratzea.

Agiri informatizatuen bilduman eredurik eza detektatzea, batzordeetako arduradun edo koordinatzaileari barne hartzea proposatuz.

Informatika-sistema hobetzeko jarduerak proposatzea.

Informatika-liburuak egin, eguneratu eta mantentzea.

Informazioa bi norabideetan bideratzea, organoko bulegoaren eta Eusko Jaurlaritzako informatika-arduradunaren artean, lurralde historiko bakoitzean.

Eusko Jaurlaritzako Justizia Sailari Akordio honen helburuen betetzeari buruzko informazioa eskaintzea hilero, edo hala eskatzen duen bakoitzean.

Bere homonimoekin koordinatzea.

Aginte Judizialaren Kontseilu Nagusiaren ikuskatzaileekin eta EAEko Auzitegi Nagusiaren eta Probintzia Auzitegien Presidenteekin lankidetzan aritzea, eskatzen zaizkion informatika-datu guztiak eskainiz.

Bere kidego organikoari dagozkionak, betebeharren zerrendan barne hartzen direnak.

Antzeko beste edozein betebehar.

Telefonoz eta bertan, informazio egokia eskaintzea, pertsonen intimitatea errespetatuz.

Informazio eta Jendearen Arretarako eta Judizio Aretoak Kudeatzeko zerbitzuekin eta EAEko gainerako Zerbitzu komunekin lankidetzan aritzea, beharrezko informazio guztia eskainiz ala eskatuz, pertsonen intimitatea edo jarduketen sekretua ukitzen dutena izan ezik.

Organo judizialaren barruan informazio arrunta eskaintzeko jarraibideak koordinatu eta ezartzea.

Agente judizialak egin beharreko informazio-ematea gainbegiratzea.

Lan egiten duten organo judizialean programatuta dauden judizio etenduren, akten eta gainontzeko jardueren berri ahalik eta azkarren ematen dela gainbegiratzea, beharrezkoak ez diren lekualdaketak saihesteko.

Kexak, erreklamazioak eta iradokizunak dagozkien zerbitzu edo organoetara bideratu eta betetzea.

Idazkari Judizialen Kidegoaren Erregelamendu Organikoaren xedapen gehigarri bakarrak aipatzen dituen jarduerak betetzen laguntzea, Eusko Jaurlaritzaren Justizia Sailari ahalik eta azkarren baliabide materialei eta ordutegi-betebeharrei buruzko dokumentazioa, baja, lizentzia, baimen eta oporrei buruzko dokumentazioa eta antzeko agiriak igorriz, baliabide pertsonal eta materialen kudeaketa hobea lortzeko xedez.

Bere homonimoekin koordinazioan jardutea.

Eusko Jaurlaritzako Justizia Sailari Akordio honen helburuen betetzeari buruzko informazioa eskaintzea hilero, edo hala eskatzen duen bakoitzean.

Bere kidego organikoari dagozkionak, betebeharren zerrendan barne hartzen direnak.

Antzeko beste edozein betebehar.

Aginte Judizialaren lege Organikoaren 481. artikuluan ezarritakoaren arabera, Bake Epaitegi bateko Idazkaritza esleituta duten Justizia Administrazioko Ofizialek Aginte Judizialaren Lege Organikoan eta auzibidezko legeetan eta Idazkari Judizialen Kidegoaren Erregelamendu Organikoan Bake Epaitegiei loturik Idazkariei esleitzen zaizkien betebeharrak betetzea.

Lege Organikoan eta auzibidezko legeetan eta Idazkari Judizialen Kidegoaren Erregelamendu Organikoan Bake Epaitegiei loturik Idazkariei esleitzen zaizkien betebeharrak betetzea.

Bere kidego organikoari dagozkionak, betebeharren zerrendan barne hartzen direnak.

Eusko Jaurlaritzako Justizia Sailari Akordio honen helburuen betetzeari buruzko informazioa eskaintzea hilero, edo hala eskatzen duen bakoitzean.

Idazkariaren zuzendaritzapean, eta Epailearen edo Presidentearen Zuzendaritza Gorenaren kalterik gabe, Zerbitzu komuneko lana gainbegiratzen du, beronen funtzionamendu egokia bermatuz.

BETEBEHARREN DESKRIBAPENA.

Espediente, idazki eta dokumentuen erregistroa eta banaketa gainbegiratzea.

Jaulkitako testuen erabilera egokia gainbegiratzea, testu librea delakoa bereziki zainduz.

Tramiteen egoera gainbegiratzea (lantzea, behin-betikoa).

Informatika-zerrenden lantzea gainbegiratzea.

Organoaren informatika-sisteman alta emanda dauden erabiltzaileak egungo plantilarekin bat datozela gainbegiratzea.

Informatikaren bitartez, zentzuzko denbora jakin batez geldirik agertzen diren espedienteak gainbegiratzea.

Agiri informatizatuen bilduman eredurik eza detektatzea, batzordeetako arduradun edo koordinatzaileari barne hartzea proposatuz.

Informatika-liburuak egin, eguneratu eta mantentzea.

Informazioa bi norabideetan bideratzea, organoko bulegoaren eta Eusko Jaurlaritzako informatika-arduradunaren artean, lurralde historiko bakoitzean.

Informazio kualifikatua eskaini eta eskatzea, telefonoz edo pertsonalki, pertsonen intimitatea errespetatzen dela ziurtatuz.

Zerbitzu komunera adskribitutako pertsonalak egin beharreko informazio-eskaintza gainbegiratzea.

Kexak, erreklamazioa eta iradokizunak bideratu eta betetzea.

Idazkari Judizialen Kidegoaren Erregelamendu Organikoaren xedapen gehigarri bakarrak aipatzen dituen jarduerak betetzen laguntzea, Eusko Jaurlaritzaren Justizia Sailari ahalik eta azkarren baliabide materialei eta ordutegi-betebeharrei buruzko dokumentazioa, baja, lizentzia, baimen eta oporrei buruzko dokumentazioa eta antzeko agiriak igorriz, baliabide pertsonal eta materialen kudeaketa hobea lortzeko xedez.

Idazkariak Zerbitzu komuneko pertsonalari emandako agindu eta jarraibideak bideratzea.

Idazkariari Zerbitzu komunean dauden gorabeheren berri ematea.

Idazkariak emandako jarraibideak kontuan izanik, Zerbitzu komuneko langileen jarduerak antolatzea, jarduera horien jarraipena eginez.

Eusko Jaurlaritzako Justizia Sailari Akordio honen helburuen betetzeari buruzko informazioa eskaintzea hilero, edo hala eskatzen duen bakoitzean.

Bere homonimoekin koordinazioan jardutea.

Jendearen informaziorako bulegoekin lankidetzan aritzea.

Bere kidego organikoari dagozkionak, betebeharren zerrendan barne hartzen direnak.

Antzeko beste edozein betebehar.

Idazkariaren zuzendaritzapean, eta Epailearen edo Presidentearen Zuzendaritza Gorenaren kalterik gabe, Zerbitzu komuneko lana gainbegiratzen du, beronen funtzionamendu egokia bermatuz.

Espediente, idazki eta dokumentuen eta espedienteen amaiera adierazten duten ebazpenen erregistroa eta banaketa gainbegiratzea.

Jaulkitako testuen erabilera egokia gainbegiratzea, testu librea delakoa bereziki zainduz.

Tramiteen egoera gainbegiratzea (lantzea, behin-betikoa).

Informatika-zerrenden lantzea gainbegiratzea.

Organoaren informatika-sisteman alta emanda dauden erabiltzaileak egungo plantilarekin bat datozela gainbegiratzea.

Informatikaren bitartez, zentzuzko denbora jakin batez geldirik agertzen diren espedienteak gainbegiratzea.

Agiri informatizatuen bilduman eredurik eza detektatzea, batzordeetako arduradun edo koordinatzaileari barne hartzea proposatuz.

Informatika-liburuak egin, eguneratu eta mantentzea.

Informazio kualifikatua eskaini eta eskatzea, telefonoz edo pertsonalki, pertsonen intimitatea errespetatzen dela ziurtatuz.

Erregistro Zibilera adskribitutako pertsonalak egin beharreko informazio-eskaintza gainbegiratzea.

Jendearen informaziorako bulegoekin lankidetzan aritzea.

Informazioa bi norabideetan bideratzea, Erregistro Zibileko bulegoaren eta Eusko Jaurlaritzako informatika-arduradunaren artean, lurralde historiko bakoitzean.

Kexak, erreklamazioa eta iradokizunak bideratu eta betetzea.

Idazkari Judizialen Kidegoaren Erregelamendu Organikoaren xedapen gehigarri bakarrak aipatzen dituen jarduerak betetzen laguntzea, Eusko Jaurlaritzaren Justizia Sailari ahalik eta azkarren baliabide materialei eta ordutegi-betebeharrei buruzko dokumentazioa, baja, lizentzia, baimen eta oporrei buruzko dokumentazioa eta antzeko agiriak igorriz, baliabide pertsonal eta materialen kudeaketa hobea lortzeko xedez.

Bere homonimoekin koordinazioan jardutea.

Idazkariak Erregistro Zibileko pertsonalari emandako agindu eta jarraibideak bideratzea.

Idazkariari Erregistro Zibilean dauden gorabeheren berri ematea.

Idazkariak emandako jarraibideak kontuan izanik, Erregistro Zibileko langileen jarduerak antolatzea, jarduera horien jarraipena eginez.

Eusko Jaurlaritzako Justizia Sailari Akordio honen helburuen betetzeari buruzko informazioa eskaintzea hilero, edo hala eskatzen duen bakoitzean.

Eusko Jaurlaritzako Justizia Sailari jendeari erantzuteko eta arreta eskaintzeko denborak arindu eta hobetzeko neurriak proposatzea.

Antzeko beste edozein betebehar.

Fiskalburuaren zuzendaritzapean, Fiskaltzako bulegoko lana gainbegiratzea, bertako funtzionamendu egokia ziurtatuz.

Espediente, idazki eta dokumentuen eta espedienteen amaiera adierazten duten ebazpenen erregistroa eta banaketa gainbegiratzea.

Jaulkitako testuen erabilera egokia gainbegiratzea, testu librea delakoa bereziki zainduz.

Tramiteen egoera gainbegiratzea (lantzea, behin-betikoa).

Informatika-zerrenden lantzea gainbegiratzea.

Fiskaltzaren informatika-sisteman alta emanda dauden erabiltzaileak egungo plantilarekin bat datozela gainbegiratzea.

Informatikaren bitartez, zentzuzko denbora jakin batez geldirik agertzen diren espedienteak gainbegiratzea.

Agiri informatizatuen bilduman eredurik eza detektatzea, batzordeetako arduradun edo koordinatzaileari barne hartzea proposatuz.

Informatika-liburuak egin, eguneratu eta mantentzea.

Informazio kualifikatua eskaini eta eskatzea, telefonoz edo pertsonalki, pertsonen intimitatea errespetatzen dela ziurtatuz.

Fiskaltzara adskribitutako pertsonalak egin beharreko informazio-eskaintza gainbegiratzea.

Kexak, erreklamazioa eta iradokizunak dagozkion zerbitzu edo organoetara bideratzea eta betetzea.

Justizia Administrazioaren Zerbitzura dagoen pertsonalaren lekualdaketaren ondorioz, Eusko Jaurlaritzako Justizia Sailarekin dauden harremanetan Fiskalburuarekin lankidetzan jardutea, Eusko Jaurlaritzaren Justizia Sailari ahalik eta azkarren baliabide materialei eta ordutegi-betebeharrei buruzko dokumentazioa, baja, lizentzia, baimen eta oporrei buruzko dokumentazioa eta antzeko agiriak igorriz, baliabide pertsonal eta materialen kudeaketa hobea lortzeko xedez.

Fiskalburuak fiskaltzako pertsonalari emandako agindu eta jarraibideak bideratzea.

Fiskalburuari fiskaltzaren bulegoan dauden gorabeheren berri ematea.

Fiskalburuak emandako jarraibideak kontuan izanik, Fiskaltzako langileen jarduerak antolatzea, jarduera horien jarraipena eginez.

Eusko Jaurlaritzako Justizia Sailari Akordio honen helburuen betetzeari buruzko informazioa eskaintzea hilero, edo hala eskatzen duen bakoitzean.

Informazioa bi norabideetan bideratzea, organoko bulegoaren eta Eusko Jaurlaritzako informatika-arduradunaren artean, lurralde historiko bakoitzean.

Bere homonimoekin koordinazioan jardutea.

Jendearen informaziorako bulegoekin lankidetzan aritzea.

Eusko Jaurlaritzako Justizia Sailari Akordio honen helburuen betetzeari buruzko informazioa eskaintzea hilero, edo hala eskatzen duen bakoitzean.

Bere kidego organikoari dagozkionak, betebeharren zerrendan barne hartzen direnak.

Antzeko beste edozein betebehar.

Espediente, idazki eta dokumentuen erregistroa eta banaketa gainbegiratzea.

Kontsultarako zitazioen agenda koordinatu eta gainbegiratzea.

Jaulkitako testuen erabilera egokia gainbegiratzea, testu librea delakoa bereziki zainduz.

Informatika-zerrenden lantzea gainbegiratzea.

Organoaren informatika-sisteman alta emanda dauden erabiltzaileak egungo plantilarekin bat datozela gainbegiratzea.

Informatikaren bitartez, zentzuzko denbora jakin batez geldirik agertzen diren espedienteak gainbegiratzea.

Agiri informatizatuen bilduman eredurik eza detektatzea, batzordeetako arduradun edo koordinatzaileari barne hartzea proposatuz.

Informatika-liburuak egin, eguneratu eta mantentzea.

Informazioa bi norabideetan bideratzea, organoko bulegoaren eta Eusko Jaurlaritzako informatika-arduradunaren artean, lurralde historiko bakoitzean.

Organora adskribitutako pertsonalak egin beharreko informazio-eskaintza gainbegiratzea.

Kexak, erreklamazioa eta iradokizunak dagozkion zerbitzu edo organoetara bideratzea eta betetzea.

Justizia Administrazioaren Zerbitzura dagoen pertsonalaren lekualdaketaren ondorioz, Eusko Jaurlaritzako Justizia Sailarekin dauden harremanetan organoko zuzendariarekin lankidetzan jardutea, Eusko Jaurlaritzaren Justizia Sailari ahalik eta azkarren baliabide materialei eta ordutegi-betebeharrei buruzko dokumentazioa, baja, lizentzia, baimen eta oporrei buruzko dokumentazioa eta antzeko agiriak igorriz, baliabide pertsonal eta materialen kudeaketa hobea lortzeko xedez.

Organoko zuzendariak bertako pertsonalari emandako agindu eta jarraibideak bideratzea.

Organoko zuzendariari bertan dauden gorabeheren berri ematea.

Organoko zuzendariak emandako jarraibideak kontuan izanik, bulegoko langileen jarduerak antolatzea, jarduera horien jarraipena eginez.

Eusko Jaurlaritzako Justizia Sailari Akordio honen helburuen betetzeari buruzko informazioa eskaintzea hilero, edo hala eskatzen duen bakoitzean.

Bere homonimoekin koordinazioan jardutea.

Jendearen informaziorako bulegoekin lankidetzan aritzea.

Bere kidego organikoari dagozkionak, betebeharren zerrendan barne hartzen direnak.

Antzeko beste edozein betebehar.

Idazkariaren edo Fiskalburuaren zuzendaritzapean, eta hala dagokionean Koordinatzailearen ikuskaritzapean, Epailearen edo Presidentearen Zuzendaritza Gorenaren kalterik gabe, Idazkari Judizialen eta hauek egiten duten lanaren alboko lankide direnez gero, prozedura judizial konplexuenen tramitazioa kudeatzen dute, ebazpen judizial konplexuak landuz, halakotzat hartuz agiri informatizatuen bilduman agertzen ez direnak edota, bilduman agertu arren, beren testua erabat aldatu beharra dutenak, barne hartuta dauden prozeduraren tramite berezira egokitzeko xedez, zerbitzuaren funtzionamendu egokia ziurtatuz.

Organoari esleitutako espediente konplexuen tramitea kudeatzea, (kereilak, sumarioak; "judizio azkarrak» deiturikoak; presoa edo atxilotua duten kausak; askatasun-gabetzea edo kalte-ordainketa dakarten epai betearazleak, edo ondasun higigarri edo higiezinen gaineko exekuzioak oharpen, abal edo enkantea dakartenak; kontraesana duten prozedura zibilak; lehiaketa-prozesuak; exekuzio zibil konplexuak; kontraesana dakarten familia eskubideari buruzko prozedurak, kausak kalifikatzea ondoren erregistratu eta banatzeko; etab.).

Auzibidezko izapideak eskatzen dituen ebazpen judizial konplexuak lantzea, agiri informatizatuen bilduman agertzen ez badira, edo bertan agertu arren, beren testua erabat aldatu behar bada.

Esleitzen zaizkion prozeduretan auzibidezko izapideetarako aurreikusitako egoera-orri eta fase informatikoak mantendu eta eguneratzea.

Funtzionarioak landutako izapideen egoera (lantzen, behin-betikoa) kontrolatzea, aldatu eta ikusi ahal izateko.

Seinalamenduen agenda mantendu eta eguneratzea, esleituta dituen prozedurei dagokienez.

Presentzia judizialera zabaldu behar diren aktak eta konstantzia- eta komunikazio-dilijentziak baimentzea, Idazkariak gaitu dituenean.

Legeek esleitutako jakinarazpen-egintzak gauzatzea.

Izapidetzeko esleituta dituzten prozeduretan informazioa eskaintzea, pertsonen intimitatea eta jarduketen sekretua zainduz.

Koordinatzaileekin lankidetzan aritzea.

Araudi Organikoan edo testu juridikoan zehazten direnak.

Antzeko beste edozein betebehar.

Idazkariaren, Fiskalburuaren edo organoko Zuzendariaren zuzendaritzapean, eta Koordinatzailearen ikuskaritzapean, Epailearen edo Presidentearen Zuzendaritza Gorenaren kalterik gabe, ondokoa egingo du: erregistro-lanak, datuak informatika-sisteman sartu, aktak, txostenak, epaiak eta bestelako testuak idatzi, ebazpenak agiri-bilduma normalizatuaren arabera landu aldaketa handirik egin behar ez denean, eta oro har, auzibidezko izapideak egiten laguntzea.

Organoari esleitutako espediente ez konplexuen tramitea kudeatzea.

Organoari dagozkion espedienteak eta idazkiak erregistratzea, informatika-sistemak eskatzen dituen datuak sartuz, Abokatuak eta prokuradoreak barne.

Liburuak egiteko zerrendak ateratzea.

Erregistroa mantendu eta eguneratzea.

Epaiak eta errekurtsoak eta, azken finean, prozedura amaitzen duten ebazpenak eta exekuzioak informatikoki erregistratzea.

Agiri-bilduma normalizatuan barne hartutako ebazpenak lantzea, aldaketa handirik egin behar ez denean, edota minuta edo oharren bidez.

Esleitzen zaizkion prozeduretan auzibidezko izapideetarako aurreikusitako egoera-orri eta fase informatikoak mantendu eta eguneratzea.

Funtzionarioak landutako izapideen egoera (lantzen, behin-betikoa) kontrolatzea, aldatu eta ikusi ahal izateko.

Seinalamenduen agenda mantendu eta eguneratzea, esleituta dituen prozedurei dagokienez.

Bidaltzeak, zedulak eta dilijentziak lantzea.

Testigantzak eta ziurtagiriak lantzea.

Epaiak diktafonoaren, minutaren edo informatikaren bidez transkribatzea.

Aktak transkribatzea.

Txostenak eta bestelako testuak transkribatzea.

Izapidetzeko esleituta dituzten prozeduretan informazioa eskaintzea, pertsonen intimitatea eta jarduketen sekretua zainduz.

Koordinatzaileekin, Ofizialekin eta Agenteekin lankidetzan aritzea.

Araudi Organikoan edo testu juridikoan zehazten direnak.

Antzeko beste edozein betebehar.

Idazkariaren, Fiskalburuaren edo organoko Zuzendariaren zuzendaritzapean, eta Koordinatzailearen ikuskaritzapean, Epailearen edo Presidentearen Zuzendaritza Gorenaren kalterik gabe, ondokoa egingo du: informazioa telefonoz edo pertsonalki eskaini, agiriak eta korrespondentzia sailkatu eta erregistratu, zerrendak atera, espedienteak artxibatu eta fotokopiatu, judizioen zerrendak kudeatu, judizio aretoetan ordena mantendu, Idazkariak zuzenean edo dagokion arduradunaren bitartez esleitzen dizkion bahiketak eta gainerako dilijentziak burutu, bai eta legeak adierazten dituztenak ere.

Aretoa zaintzea.

Batzorde Judizialean parte hartzea, bere izaerak eskatzen dituen bahiketak eta gainerako egintzak burutuz, legeak esleitutako izaera eta ordezkaritzarekin.

Gainerako funtzionarioei dilijentzia judizialak egiten laguntzea, bere betebeharren barruan.

Organo judizialetik kanpo Idazkariak esleitutako jakinarazpen-egintzak burutzea.

Jendeari arreta eskaini eta telefonoa hartzea, eta horiek beren destinoetara bideratzea.

Informazio orokorra eskaintzea, eta agiriak eta inprimakiak, informazio-liburuxkak eta iradokizunak eta kexak egiteko orriak ematea, jendea hartzeko guneetan.

Organo judizialera bertaratzeko hitzordua duten pertsonei judizioen etendura, akta eta programatuta dauden gainerako jardueren berri ematea, ahal den biderik azkarrenaren bitartez.

Informazio eta Jendearen Arretarako eta Judizio Aretoak Kudeatzeko zerbitzuekin eta EAEko gainerako Zerbitzu komunekin lankidetzan aritzea, beharrezko informazio guztia eskainiz ala eskatuz, pertsonen intimitatea edo jarduketen sekretua ukitzen dutena izan ezik.

Artxibatzeko dauden espedienteak kudeatzea, Artxibo nagusiko Zerbitzu komunari igorri beharreko gai-zerrenda lortzea barne.

Barneko eta kanpoko mota guztietako agiriak eta korrespondentzia erregistratu, bideratu, banatu eta artxibatzea.

Prokuradoreen Jakinarazpenen Aretora igorri beharreko jakinarazpenen zerrenda landu eta kontrolatzea.

Komunikazio Egintzen Zerbitzu komunera igorri beharreko dilijentzien zerrenda landu eta kontrolatzea.

Prokuradoreen Jakinarazpenen Aretoak itzulitako jakinarazpenak informatikoki kontrolatzea.

Informazioa eta agiri-mota guztiak eskatu eta lortzea.

Organoaren Koordinatzaileekin, Ofizialekin eta Agenteekin lankidetzan aritzea.

Audio-bideo grabazio-erreprodukzioko gailuak, fotokopiagailuak, inprimagailuak, koadernagailuak eta antzekoak erabiltzea.

Agiriak, autoak, espedienteak eta epaibideak bideratzea, bai eta altzari txikiak eta makinaria eta horien elementuak zaintzea ere, betebeharraren premiak hala eskatzen duenean.

Araudi Organikoan edo testu juridikoan zehazten direnak.

Antzeko beste edozein betebehar.