Ongi etorri Legegunea atarira

Dekretu honen helburua da Lanbide Heziketako Gaitasuna eta Kalitatea Ebaluatzeko Euskal Agentzia sortzea, Euskal Planak proposatutako Lanbide Heziketa Sistema ebaluatzeko arduratzen den erakundea izan dadin, Lanbide Heziketako Euskal Planak aurreikusten duen bezala.

Lanbide Heziketako Gaitasuna eta Kalitatea Ebaluatzeko Euskal Agentzia Hezkuntza, Unibertsitate eta Ikerketa Saileko Lanbide Heziketako Zuzendaritzari atxikia geratzen da eta Lanbide Heziketako Euskal Kontseiluaren menpe dago Dekretu honetan zehazten diren funtzioak garatzeko.

Lanbide Heziketako gaitasuna eta kalitatea ebaluatzeko Euskal Agentziaren eginkizunak eremu hauetan garatuko dira:

1. Biztanleria aktibo okupatuaren eta langabearen lanbide gaitasuna ebaluatzea.

2. Lanbide Heziketako Euskal Planak aurreikusitako Lanbide Heziketa Sistemaren kalitatea hobetzea. Horri begira, sistema osatzen duten azpiko sistemak ebaluatuko dira.

Lanbide Heziketako Gaitasuna eta Kalitatea Ebaluatzeko Euskal Agentziak eginkizun hauek izango ditu:

1. Indarreko araudiarekin bat eta Koalifikazio eta Lanbide Heziketako Institutuarekin lankidetzan, lanbide gaitasuna ebaluatzeko sistema definitzea eta garatzea.

2. Lanbide Heziketako Institutuak ezarritako irizpideekin bat, lanbide gaitasunak eta koalifikazioak ebalua eta egiazta ditzaketen zentroak, entitateak eta erakundeak homologatzea, ezarriko den araudiaren arabera.

3. Prestakuntza zentro eta erakunde homologatuekin lankidetzan aritzea, pertsonek lortutako lanbide gaitasunaren ebaluazio egitura inplementatzeko.

4. Lanbide Heziketa Sistemaren kalitatea ziurtatzeko behar diren egiaztatze-gailuen jarraipena definitzea, ezartzea eta burutzea.

Lanbide Heziketako Gaitasuna eta Kalitatea Ebaluatzeko Euskal Agentziaren eginkizunak hauek izango dira:

1. Lanbide Heziketa Sistema osoari ezarriko zaion kalitatea ebaluatzeko eredua definitzea eta bere erabilera garatzea, koordinatzea eta gainbegiratzea.

2. Lanbide Heziketa Sistemaren kalitatea sustatzeko politika definitzea eta abian jartzea. Horretarako, gogobetekotzat har daitezkeen kalitate neurriak, faktoreak eta mailak ezarriko dira. Halaber, kalitatea adieraziko duen sistema sortu egingo da Lanbide Heziketa Sistemaren eragimen eta eraginkortasun maila ebaluatzen utziko duena, aurreko atalean aipatutako kalitate ereduaren arabera. Ekintza hauek beste erakunde eta administrazio batzuekiko lankidetzan burutu daitezke.

3. Lanbide Heziketa Sistemaren zentro eta erakundeei beren kudeatze kalitate mailak ebaluatzeko eta auto-kontrola egiteko gaitzen dituen prozedurak eta tresnak ematea, baita kudeatze horren kalitate mailak barrutik egiaztatzeko prozedurak eta tresnak ere.

4. Lanbide Heziketa Sistemaren zentro eta erakundeei laguntza teknikoa ematea, kudeaketa hobetzeko.

5. Lanbide Heziketa Sistemaren ebaluazio orokorra egitea eta, zehazki, bertan sartutako aldaketa eta izaera orokorreko berrikuntzen eragin eta emaitzena.

   Eginkizun hauek ondorengo ezarpen eremu batean edo bietan garatuko dira:

   1. ¿ Prestakuntza zentro bakoitzaren eta Lanbide Heziketa Sisteman parte hartzen duten gainontzeko subjektuen kudeatze kalitatea ebaluatzea. Beste batzuen artean hauek hartuko ditu barnean:

      • Prestakuntza zentroaren eta Lanbide Heziketa Sisteman parte hartzen duten gainontzeko pertsonen prestakuntza prozesuaren kalitatea ebaluatzea.

      • Giza baliabideen eta baliabide materialen kudeaketa ebaluatzea.

      • Prestakuntza prozesu beraren albokideak diren prozesuak ebaluatzea.

      • Koalifikazioen indarraldia ebaluatzea.

      • Titulazioen indarraldia ebaluatzea.

   2. ¿ Sistemaren ebaluazio orokorra, prestakuntza zentro bakoitzaren eta Lanbide Heziketa Sisteman parte hartzen duten gainontzeko zentro bakoitzaren ebaluazioak sartzearen bidez. Ebaluazio honek ondorengo gaiak aztertzea dakar:

      • Zentroen kudeaketaren kalitate maila.

      • Lanbide Heziketako Euskal Planean zehaztutako helburuak betetzea.

      • Berariazko, Lanerako eta Etengabeko Lanbide Heziketaren eskaintza egokitzea, ekoizpen sistemaren beharren arabera.

      • Emandako prestakuntza eta eskatutako lanbide gaitasunak bat etortzea.

1. ¿ Eginkizun horietaz gain, Lanbide Heziketaren Gaitasuna eta Kalitatea Ebaluatzeko Euskal Agentziak egiaztagiriak sinatzeko erakunde-ardura ere izango du, beti ere araudi ezargarriaren arabera. Era berean, Lanbide Lorpenen Erregistroaren ardura ere izango du. Erregistroaren bidez, egiaztagiriak gorde eta artxibatuko dira.

2. ¿ Aurreko artikuluetan adierazitako eginkizunez gainera, Lanbide Heziketaren Gaitasuna eta Kalitatea Ebaluatzeko Euskal Agentziak txostenak eta ikerketak egin ditzake, baita egokiak uste dituzten proposamenak eskumeneko erakundeei jakinarazi ere, Lanbide Heziketa Sistemaren kalitatea hobetzeko eta Sistema horri lotuta dagoen prestakuntza ebaluatzeko.

3. ¿ Halaber, bestelako lege xedapenek agintzen dizkio eginkizun guztiak garatuko ditu edo Lanbide Heziketaren Euskal Plana burutzeko zereginetan ari diren sailek agintzen dizkietenak. Era berean, Lanbide Heziketako Euskal Kontseiluak egokitzat hartzen dituen ikerketak eta proposamenak egiteko euskarri teknikoa ere izango da Agentzia.

Lanbide Heziketaren Gaitasuna eta Kalitatea Ebaluatzeko Euskal Agentziaren berezko eginkizunak betetzeko hiru areatan egituratuko da:

• Gaitasuna ebaluatzeko area.

• Kalitatearen area.

• Egiaztatze eta erregistro area.

Gaitasuna ebaluatzeko areari dagokio biztanleria aktibo okupatu eta langabearen gaitasuna ebaluatzeko sistema definitzea eta Dekretu honen 4. artikuluan zehaztutako funtzioak garatzea.

Kalitatearen areari dagokio Lanbide Heziketa Sistemaren kalitatea hobetzeko zaintzea, baita Dekretu honen 5. artikuluan zehaztutako funtzioak garatzea ere.

Egiaztatze eta erregistro areari dagokio behar diren ziurtagiriak ematea, ezarri beharreko araudiaren arabera, eta Lanbide Lorpen Erregistroaren zaintza eta artxibatzeari atxikitako lanak.

Lanbide Heziketako Gaitasuna eta Kalitatea Ebaluatzeko Euskal Agentziak areen lanak koordinatu eta zuzenduko dituen arduraduna izango den zuzendaria edukiko du.

Hezkuntza, Unibertsitate eta Ikerketa Sailak Lanbide Heziketako Gaitasuna eta Kalitatea Ebaluatzeko Euskal Agentziari dagozkion partidak jarriko ditu urtero, bere aurrekontuen barruan.

Lanbide Heziketaren Euskal Kontseiluak Lanbide Heziketako gaitasuna eta kalitatea ebaluatzeko Euskal Agentziari atxikitako funtzioen jarraipena egingo du, hala agintzen duelako Kontseilua arautzen duen araudiak. Jarraipena egiteko beharrezkotzat jotzen dituen txostenak eta ikerketak eskatu ahal izango dizkio Agentziari.

Vitoria-Gasteizen, 2001eko apirilaren 3an.

Lehendakaria,

JUAN JOSE IBARRETXE MARKUARTU.

Hezkuntza, Unibertsitate eta Ikerketa sailburua,

INAXIO OLIVERI ALBISU.

Industria, Merkataritza eta Turismo sailburua,

JOSU JON IMAZ SAN MIGUEL.

Justizia, Lan eta Gizarte Segurantza sailburua,

SABIN INTXAURRAGA MENDIBIL.