Ongi etorri Legegunea atarira

1. ¿ Euskal Autonomia Erkidegoko janari-manaiatzaileek elikagaien higiene eta segurtasunaren alorrean jarduera egoki eta zuzenak izan ditzaten behar duten prestakuntza arautzen du Dekretu honek, betiere, 202/2000 Errege Dekretuaren markoaren barruan.

2. ¿ Horretarako, elikagai-enpresek prestakuntza-programa egokiak prestatu eta egin beharko dituzte, Dekretu honetan xedatutakoaren arabera.

Aurreko artikuluan aipatutako ondorioetarako, elikagaien sektoreko enpresak bi taldetan sailkatuko dira:

1. ¿ Prestakuntza-plana beren langileen bitartez ematen duten elikagai-enpresak.

2. ¿ Prestakuntza emateko ahalmena ez duten elikagai-enpresak. Kasu horretan, baimena duten enpresa edo erakundeak kontratatu ahal izango dituzte prestakuntza planak edo jarduerak burutzeko.

1. ¿ Janari-maneiatzaileentzako prestakuntza-programak enpresak berak prestatu eta eman ditzake bere langileentzat edo, bestela, baimena duen enpresa edo erakunde bat kontrata dezake.

2. ¿ Arrisku handia duten maneiatzaileentzako prestakuntza Eusko Jaurlaritzako Osasun Sailak berak eman dezake. Hortaz, 202/2000 Errege Dekretuaren 2.3 artikuluaren arabera, hauek dira arrisku handia duten maneiatzaileak:

   1. Prestatutako janariak egin eta maneiatzen dituztenak kontsumitzaileari edo taldeei saltzeko, zerbitzu hori zuzenean emateko edo horniketarako.

   2. Pastelak eta gozokiak egin eta maneiatzen dituztenak kontsumitzaileari edo taldeei saltzeko, zerbitzu hori zuzenean emateko edo horniketarako.

   3. Epidemiologia-, zientzia- edo teknika-ezagutza berriak kontuan hartuta, osasun-agintaritzak finka dezan beste edozein jarduera. Aurrerantzean arriskutsutzat jotzen diren jarduerak Euskal Herriko Agintaritzaren Aldizkarian argitaratuko dira Osasun sailburuaren agindu baten bitartez.

      2. ¿ Aurreko paragrafoan aipatutako jarduerez bestelakoetan aritzen diren janari-maneiatzaileak arrisku gutxiagoko maneiatzailetzat joko dira dekretu honen ondorioetarako.

1. ¿ Beren langile diren janari-maneiatzaileei prestakuntza eman nahi dieten elikagai-enpresek prestakuntza-programa aurkeztu behar diote Osasun Saileko Osasun Publikoko Zuzendaritzari onar dezan.

2. ¿ Prestakuntza-programan hauek jasoko dira:

   1. Enpresaren izena, burutzen duen jarduera eta egoitza (nagusia eta besteak).

   2. Prestakuntzako jardueraren helburua, edukiak, iraupena eta metodologia eta zenbatean behin egingo den.

   3. Prestakuntza nortzuek jasoko duten (bai kontratu finkodunak bai aldi baterakoa dutenak).

   4. Giza baliabideen, baliabide materialen eta azpiegituren deskribapena. Horiek guztiek egokiak beharko dute izan janari-maneiatzaileentzako prestakuntza-jarduera behar bezala gauzatzeko.

   5. Prestakuntza prozesuaren edo prozesuen arduradunaren eta hezitzaileen identifikazioa eta lanbideko kualifikazioaren egiaztapena.

3. ¿ Osasun Publikoko Zuzendaritzak prestakuntza-programa enpresaren beharrei egokitzen zaien aztertuko du eta, hala badagokio, beharrezko aldaketak sartzeko eskatuko dio. Prestakuntza-plana enpresako autokontrol-sisteman sartuko da.

4. ¿ Osasun Publikoko Zuzendaritzak hiru hilabeteko epean emango du ebazpena.

1. ¿ Janari maneiatzaileentzako prestakuntza-programak besteentzat prestatzeko eta emateko baimena lortzeko, enpresek edo erakundeek zerikusia izan behar dute elikagaien sektorearekin edo horri zerbitzuak emateko sektorearekin.

2. ¿ Enpresa edo erakundeko titularrak edo legezko ordezkariak Osasun Publikoko Zuzendaritzan aurkeztuko du baimen-eskaria, zeinak honako hauek jasoko baititu:

   1. Enpresaren izena, burutzen duen jarduera eta egoitza (nagusia eta besteak).

   2. Elikagaien sektorearen barruan, janari-maneiatzaileen prestakuntza zein arlotara zuzenduta dagoen.

3. ¿ Enpresa edo erakundeak prestakuntza-programa orokor bat aurkeztuko du bere prestakuntza-eskaintzan sartzen den elikagaien azpisektore bakoitzerako. Bertan, hauek adieraziko dira:

   1. Prestakuntzako jardueraren helburua, edukiak, iraupena eta metodologia eta zenbatean behin egingo den.

   2. Giza baliabideen, baliabide materialen eta azpiegituren deskribapena. Horiek guztiek egokiak beharko dute izan janari-maneiatzaileentzako prestakuntza-jarduera behar bezala gauzatzeko.

   3. Prestakuntza prozesuaren edo prozesuen arduradunaren eta hezitzaileen identifikazioa eta lanbideko kualifikazioaren egiaztapena.

4. ¿ Osasun Publikoko Zuzendaritzak agiri horiek aztertu eta prestakuntza-eskaintzaren hartzaile izango diren enpresen beharretara egokitzen diren begiratuko du. Horrela ez bada, behar diren aldaketak sartzeko eskatuko du.

5. ¿ Osasun Publikoko Zuzendaritzak hiru hilabeteko epean emango du ebazpena.

6. ¿ Segidako hiru urtetan prestakuntza-jarduerarik egiten ez badu, enpresa edo erakundeari emandako baimena iraungi egingo da eta erregistroko inskribapena ofizioz ezabatuko da.

1. ¿ Elikagaien sektoreko lanbideko gaitasuna lortzea helburu duten ikastetxeek beren prestakuntza-programak onar ditzala eska diezaiokete Osasun Publikoko Zuzendaritzari. Horrela, prestakuntza hori amaitzen duten ikasleei higiene eta osasun alorrean janariak behar bezala erabiltzeko ezagutzak dituztela aitortuko zaie.

2. ¿ Ondorio horietarako, enpresa edo erakunde horiek Osasun Publikoko Zuzendaritzari bidaliko diote emandako prestakuntza-programei buruzko informazioa, datu hauekin batera:

   1. Enpresaren izena, burutzen duen jarduera eta egoitza (nagusia eta besteak).

   2. Prestakuntzako jardueraren helburua, edukiak, iraupena eta metodologia eta zenbatean behin egingo den.

   3. Giza baliabideen, baliabide materialen eta azpiegituren deskribapena. Horiek guztiek egokiak beharko dute izan janari-maneiatzaileentzako prestakuntza-jarduera behar bezala gauzatzeko.

   4. Prestakuntza prozesuaren edo prozesuen arduradunaren eta hezitzaileen identifikazioa eta lanbideko kualifikazioaren egiaztapena.

   5. Elikagaien sektorearen barruan, janari-maneiatzaileen prestakuntza zein arlotara zuzenduta dagoen.

3. ¿ Osasun Publikoko zuzendariak hiru hilabetean emango du ebazpena. Baimena emanez gero, urtero berritu beharko da.

Osasun Publikoko Zuzendaritzak erregistro bat osatuko du onartutako prestakuntza-programekin, janarien maneiatzaileentzako prestakuntza antolatu eta emateko baimena duten enpresa eta erakundeekin eta baimendutako ikastetxeekin, Dekretu honetako 4., 5. eta 6. artikuluetan xedatutakoaren arabera.

1. ¿ Osasun Publikoko Zuzendaritzak zeregin hauek izango ditu:

   1. Elikagaien enpresek eta baimendutako erakundeek emandako prestakuntza-programak kontrolatzea, maneiatzaileei prestakuntza egokia ematen ari zaiela egiaztatzeko.

   2. Janarien maneiatzaileek ikasitakoa betetzen duten begiratzea, higiene-arauak gordetzen dituzten egiaztatuz.

   3. Emandako prestakuntzari buruzko egiaztagiriak kontrolatzea.

2. ¿ Elikagaien sektoreko enpresetako arduradunek datu hauek jasotzen dituzten egiaztagiriak izango dituzte: maneiatzaileei emandako prestakuntza-programak zein motatakoak izan diren, zenbatero ematen diren eta, hala badagokio, maneiatze-praktiken ikuskapena.

3. ¿ Enpresek eta baimendutako erakundeek zeregin hauek beteko dituzte:

   1. Osasun Publikoko Zuzendaritzari jakinaraztea, zazpi egun balioduneko aurrerapenarekin, prestakuntza-jarduera non, zein egunetan eta zein ordutan egingo den eta nortzuk joango diren.

   2. Osasun Publikoko Zuzendaritzari baimenaren baldintzetan egiten den edozein aldaketa jakinaraztea.

4. ¿ Maneiatzaileak higiene-arauak bete ezik, osasun-agintaritzak neurriak hartuko ditu janarien segurtasuna eta osasungarritasuna bermatzeko.

5. ¿ Dekretu honetako 5. eta 6. artikuluetan baimenak emateko finkatzen diren eskakizunak bete ezik, emandako baimenek balioa galduko dute eta erregistroko inskripzioa ezabatu egingo da.

1. ¿ Prestakuntza 4. artikuluan xedatutakoaren arabera ematen duten elikagai-enpresek erregistro bat izango dute burututako prestakuntza-jarduera guztiekin, zein egunetan izan diren, nortzuek hartu duten eta zein programa eman duten adierazita.

2. ¿ Janari-maneiatzaileei prestakuntza-programak ematen dizkietenean, baimendutako enpresek eta erakundeek, Osasun Sailak edo 6. artikuluaren arabera onartutako ikastetxeek egiaztagiri bat emango diote parte-hartzaile bakoitzari, prestakuntza programa edo jarduera bakoitzeko, I. eranskinean eskaintzen den ereduaren arabera.

   Bakoitzari emandako agiri horrek prestakuntza-programa bakoitzean zehaztutako iraupena izango du (inoiz ez bost urtetik gorakoa) eta berritu egin beharko da prestakuntza eguneratzeko ikastaroa eginez.

Vitoria-Gasteizen, 2001eko urriaren 2an.

Lehendakaria,

JUAN JOSÉ IBARRETXE MARKUARTU.

Osasun sailburua,

GABRIEL M.ª INCLÁN IRÍBAR.