Ongi etorri Legegunea atarira

Atari hau optimizatuta dago nabigatzaile hauentzat:

Euskadi.eus
Legegunea, Euskal araudiaren ataria
Euskadi.eus
  • 2/2009 DEKRETUA, urtarrilaren 13koa, Bitariko Transferentzia Batzordeak 2008ko abenduaren 11n hartutako Akordioa onesten duena. Akordio horren arabera, ikerketa eta garapen zientifiko nahiz teknikoko eta berrikuntzako funtzioak Euskal Autonomia Erkidegoari transferituko zaizkio. - Legegunea: Euskal Herriko araudia - Eusko Jaurlaritza - Euskadi.eus

Arautegia

Inprimatu

2/2009 DEKRETUA, urtarrilaren 13koa, Bitariko Transferentzia Batzordeak 2008ko abenduaren 11n hartutako Akordioa onesten duena. Akordio horren arabera, ikerketa eta garapen zientifiko nahiz teknikoko eta berrikuntzako funtzioak Euskal Autonomia Erkidegoari transferituko zaizkio.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Jaurlaritzaren Lehendakariordetza
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 12
  • Hurrenkera-zk.: 215
  • Xedapen-zk.: 2
  • Xedapen-data: 2009/01/13
  • Argitaratze-data: 2009/01/19

Gaikako eremua

  • Gaia: Ekonomi Jarduerak; Administrazioaren antolamendua; Hezkuntza
  • Azpigaia: Industria; Gobernua eta herri administrazioa
Deskribapenak

Testu legala

Irailaren 26ko 2339/1980 Errege Dekretuaren bidez Bitariko Transferentzia Batzordearen Akordio bat onartu zen, eta horren 2. artikuluan ezarritakoarekin bat etorriz, akordio horretan bertan zehazten diren formalizazio-izapideak betetze aldera, eta batzorde horren 2008ko abenduaren 11ko Akordioa, ikerketa eta garapen zientifiko nahiz teknikoko eta berrikuntzako funtzioak Euskal Autonomia Erkidegoari transferitzeari buruzkoa, urtarrilaren 9ko 3/2009 Errege Dekretuak bere horretan jasotzen duela ulertzen denez, dekretu honen helburua honako hau da: batetik, akordio hori onestea eta argitara emateko agintzea eta, bestetik, transferitutako funtzioak esleitzea.

Ondorioz, lehendakariordearen proposamenez, Lehendakaritzak onartuta eta Jaurlaritzaren Kontseiluak 2009ko urtarrilaren 13an egindako bilkuran aztertu eta onartu ondoren, hauxe

XEDATU DUT :
1. artikulua Bitariko Transferentzia Batzordeak ikerketa eta garapen zientifiko nahiz teknikoko eta berrikuntzako funtzioak Euskal Autonomia Erkidegoari transferitzeko 2008ko abenduaren 11n hartutako Akordioa onestea, urtarrilaren 9ko 3/2009 Errege Dekretuak ezarritako zehaztapenekin. Horrez gain, aipatu errege dekretua Euskal Herriko Agintaritzaren Aldizkarian osorik eta dekretu honen eranskin modura argitaratzeko agintzen dut.
2. artikulua Transferitutako funtzioak arloko eskumena duten sailei esleituko zaizkie.
AZKEN XEDAPENA

Dekretu hau Euskal Herriko Agintaritzaren Aldizkarian argitaratu eta hurrengo egunean sartuko da indarrean.

Vitoria-Gasteizen, 2009ko urtarrilaren 13an.

Lehendakaria,

JUAN JOSÉ IBARRETXE MARKUARTU.

Jaurlaritzaren lehendakariordea,

IDOIA ZENARRUTZABEITIA BELDARRAIN.

URTARRILAREN 13KO 2/2009 DEKRETUAREN ERANSKINA

3/2009 ERREGE DEKRETUA, urtarrilaren 9koa, ikerketa eta garapen zientifiko eta teknikoko nahiz berrikuntzako funtzioak Estatuko Administraziotik Euskal Autonomia Erkidegora transferitzeari buruzkoa.

Konstituzioaren 149.1.15 artikuluak ezartzen duenez, Estatuak dauka modu esklusiboan ikerketa zientifiko eta teknikoa oro har sustatu eta koordinatzeko eskumena.

Bestalde, Euskal Herriko Autonomia Estatutuko 10.16 artikuluak Euskal Autonomia Erkidegoari ematen dio ikerketa zientifiko eta teknikoko eskumen esklusiboa, Estatuarekin koordinatuta.

Hortaz, Konstituzioak zein Estatutuak aitortzen dutenez, ikerketa zientifiko eta teknikoari lotutako eskumen eta funtzioek izaera partekatua edo bateratua dute, betiere Konstituzioaren 44.2 artikuluak, interes orokorraren mesederako, zientzia eta ikerketa zientifiko nahiz teknikoa bultzatzeko botere publikoei ematen dien aginduaren esparruaren barruan.

Nolanahi ere, Estatuari, batik bat, honako hau dagokio: jardueren arteko koordinazio orokorra bermatzea, arloko arauekin bat etorriz, eta sustatze-lana egitea, estatuaren eskumen esklusibo diren beste esparru batzuetan arlo horrek duen interes orokorra aintzat hartuz. Era berean, Euskal Autonomia Erkidegoari, batik bat, bere funtzioak osotasunean betetzea dagokio, eskumenpean dituen jarduerak koordinatuz eta jarduera horien gainean interesa sustatuz.

Euskal Herriko Autonomia Estatutuko bigarren xedapen iragankorrean aurreikusitako Bitariko Batzordeak, 2008ko abenduaren 11n egindako batzarrean, honako akordio hau hartu zuen: ikerketa eta garapen zientifiko nahiz tekniko eta berrikuntza arloko funtzioak Estatuko Administraziotik Euskal Autonomia Erkidegora transferitzea; transferentzia hori gauzatzeko, Gobernuak errege dekretu bidezko onarpena eman beharko du.

Ondorioz, Euskal Herriko Autonomia Estatutuko bigarren xedapen iragankorren xedatutakoa betetzearren, Herri Administrazioetako Ministroak proposaturik, eta Ministroen Kontseiluak 2009ko urtarrilaren 9an egindako batzarrean eztabaidatu ostean, hauxe

XEDATU DUT :
1. artikulua Euskal Herriko Autonomia Estatutuko bigarren xedapen iragankorrean aurreikusitako Bitariko Batzordearen osoko bilkurak 2008ko abenduaren 11n egindako batzarrean hartutako Akordioa onartzen da. Akordio horren arabera, ikerketa eta garapen zientifiko nahiz teknikoko eta berrikuntzako funtzioak Estatuko Administraziotik Euskal Autonomia Erkidegora transferituko dira. Errege dekretu honen eranskinean transkribatuta dago akordioaren testua.
2. artikulua Ondorioz, Bitariko Batzordearen akordioan jasotako funtzioak Euskal Autonomia Erkidegoari transferitzen zaizkio, hain justu ere akordio horretan jasotako baldintza eta zehaztapenekin.
3. artikulua Bitariko Batzordearen akordioan zehaztutako egunetik aurrera izango du eragina transferentziak.

AZKEN XEDAPEN BAKARRA. Indarrean jartzea.

«Estatuko Aldizkari Ofizialean» eta «Euskal Herriko Agintaritzaren Aldizkarian» argitaratuko da errege dekretu hau, aldi berean; eta argitaratu eta hurrengo egunean hartuko du indarra.

Madrilen, 2009ko urtarrilaren 9an.

JUAN CARLOS, ERREGEA

Herri Administrazioetako ministroa,

ELENA SALGADO MÉNDEZ.

ERANSKINA

Antonio López Soto eta Begoña Pérez de Eulate González jaun-andreek, Euskal Herriko Autonomia Estatutuko bigarren xedapen iragankorrean aurreikusitako Bitariko Batzordeko idazkariek, honako hau

EGIAZTATU DUTE

Bitariko Batzordeak 2008ko abenduaren 11n egindako osoko bilkuran honako akordio hau hartu zuen: ikerketa eta garapen zientifiko eta teknikoko nahiz berrikuntzako funtzioak Estatuko Administraziotik Euskal Autonomia Erkidegora transferitzea, jarraian zehazten den eran:

  1. Transferentziaren oinarri diren Konstituzioaren eta Estatutuaren arauei buruzko erreferentzia.

    Konstituzioaren 149.1.15 artikuluak ezartzen duenez, Estatuak dauka modu esklusiboan ikerketa zientifiko eta teknikoa oro har sustatu eta koordinatzeko eskumena.

    Bestalde, Euskal Herriko Autonomia Estatutuko 10.16 artikuluak Euskal Autonomia Erkidegoari ematen dio ikerketa zientifiko eta teknikoko eskumen esklusiboa, Estatuarekin koordinatuta.

    Hortaz, Konstituzioak nahiz Estatutuak aitortzen dutenez, ikerketa zientifiko eta teknikoari lotutako eskumen eta funtzioek izaera partekatua edo bateratua dute, betiere Konstituzioaren 44.2 artikuluak zientzia eta ikerketa zientifiko eta teknikoa, interes orokorraren mesederako, bultzatzeko botere publikoei ematen dien aginduaren esparruaren barruan.

    Nolanahi ere, Estatuari, batik bat, honako hau dagokio: jardueren arteko koordinazio orokorra bermatzea, arloko arauekin bat etorriz, eta sustatze-lana egitea, Estatuaren eskumen esklusibo diren beste esparru batzuetan arlo horrek duen interes orokorra aintzat hartuz. Era berean, Euskal Autonomia Erkidegoari, batik bat, bere funtzioak osotasunean betetzea dagokio, eskumenpean dituen jarduerak koordinatuz eta jarduera horien gainean interesa sustatuz.

  2. Transferitzen diren funtzioak.

    Ikerketa eta garapen zientifiko eta teknikoko nahiz berrikuntzako funtzioak transferitzen zaizkio Euskal Autonomia Erkidegoari; hortaz, Autonomia Erkidegoak honako funtzio hauek bere gain hartzen ditu, bere lurralde-eremuaren barruan:

  1. Ikerketa eta garapen zientifiko eta teknologiko, industrial edo beste edozein eratakoa eta berrikuntza arautu, planifikatu, sustatu eta bultzatzea, Euskal Autonomia Erkidegoaren eskumenen esparruan.

  2. Ikerketa, garapen eta berrikuntzako programa eta proiektuak prestatu, onartu eta gauzatzea eta horien jarraipen eta kontrola egitea.

  3. Euskal Autonomia Erkidegoan egiten diren ikerketa eta garapen zientifiko nahiz teknologikoko eta berrikuntzako jarduerak koordinatzea, betiere Estatuko Administrazioari dagozkion eskumenak errespetatuta.

  1. Estatuko Administrazioari bakarrik dagozkion funtzioak.

    Ikerketa eta garapen zientifiko nahiz teknikoan eta berrikuntzan, honako funtzio hauek dagozkio Estatuko Administrazio Orokorrari:

  1. Estatuko lurralde osoan, ikerketa eta garapen zientifiko eta teknikoarekin eta berrikuntzarekin lotutako jarduerak orokorrean koordinatzea, Estatuan indarrean dauden koordinazio-arauen arabera.

  2. Estatuaren interes orokorreko ekintzei lotutako ikerketa zientifiko nahiz teknikoa bultzatu eta sustatzea.

  1. Erakundeen arteko lankidetza-erak.

    1. Estatuko Administrazioa eta Euskal Autonomia Erkidegokoa ondoko eremuetan arituko dira lankidetzan:

      1. Euskal Autonomia Erkidegoko ikerketa-azpiegitura sendotzea, Autonomia Erkidegoak ezarritako edo babestutako unitateei lagunduz; horretarako, ikerketa eta garapeneko eta berrikuntzako proiektuak finkatuko dira, unitate horiek gauzatu beharko dituztenak.

      2. Autonomia Erkidegoa edo Estatuko Administrazioa, eremu bakoitzeko erakunde eskumendunen bidez, ikerketa eta garapen zientifiko nahiz teknikoko eta berrikuntzako proiektuak planifikatzen eta gauzatzen elkarlanean arituko dira, bai eta proiektu horiek garatzeko mekanismoetan edo prozeduretan ere.

      3. Estatuko Administrazioaren eta Euskal Autonomia Erkidegoaren artean mekanismo egokiak sortuko dira honako helburu hauek betetzeko: informazioa elkarri etengabe ematea, ikerketa, garapen eta berrikuntzan zerbitzuak eta laguntza elkarri emateko bideak ezartzea eta nork bere gain hartutako funtzioak zuzen betetzen dituela bermatzea.

    2. Lankidetza bermatze aldera, Koordinazio Batzorde bat sortuko da, osaera paritarioa eta sei kide izango dituena: hiru Estatuko Administrazioak izendatuko ditu, eta, beste hirurak, Euskal Autonomia Erkidegoko Administrazioak. Batzorde horren eginkizunak eta funtzionamendu-araubidea bi administrazioen arteko hitzarmen baten bidez zehaztuko dira.

  2. Transferentziak eragindako aurrekontu-kredituak.

    Estatutik Euskal Autonomia Erkidegora funtzio horiek transferitzeak 2009. urtean estatuari eragiten dion urteko kostu osoa 1. zerrendan zehaztuta dago.

  3. Transferentzia indarrean sartzen den eguna.

    Akordio honen bidez onartu den transferentzia 2009ko urtarrilaren 1ean sartuko da indarrean.

    Eta jasota gera dadin, Madrilen, 2008ko abenduaren 11n, ematen dugu ziurtagiri hau.

    Bitariko Batzordeko idazkariak,

    ANTONIO LÓPEZ SOTO eta

    BEGOÑA PÉREZ DE EULATE GONZÁLEZ.

    1. ZERRENDA

    Estatuarentzako urteko kostu osoa (2009ko ekitaldiko dotazioak)

    1. ATALA. Zientzia eta Berrikuntza Ministerioa.

      Zerbitzua Programa Kapitulua Euroak, milakoetan

      06 000X 4 418.717,66

      06 000X 7 275.157,11

      hainbat 463B 6 36.497,94

      05 463B 7 372.253,95

      01 467C 7 77.106,12

      01 467C 8 211.299,55

      Guztira 1.391.032,33

Gaiarekin lotutako edukiak


Arauaren historia (2)

Eskumenak eta transferentziak (1)

Garrantzi juridikoko dokumentazioa (0)

Ez dago lotutako edukirik.