- HUTSEN ZUZENKETA, ondoko dekretuarena: '141/2011 Dekretuaa, ekainaren 28koa, Transferentzien Bitariko Batzordeak 2011ko ekainaren 22an hartutako akordioa onartzen duena. Akordio hori Euskal Autonomia Erkidegoari jabetza intelektualari buruzko legeria betearaztearen arloan irailaren 28ko 3069/1980 Errege Dekretuaren bidez eskualdatu zitzaizkion Estatuko Administrazio Orokorraren zerbitzuak gehitzeari buruzkoa da'. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuHUTSEN ZUZENKETA, ondoko dekretuarena: "141/2011 Dekretuaa, ekainaren 28koa, Transferentzien Bitariko Batzordeak 2011ko ekainaren 22an hartutako akordioa onartzen duena. Akordio hori Euskal Autonomia Erkidegoari jabetza intelektualari buruzko legeria betearaztearen arloan irailaren 28ko 3069/1980 Errege Dekretuaren bidez eskualdatu zitzaizkion Estatuko Administrazio Orokorraren zerbitzuak gehitzeari buruzkoa da".
Identifikazioa
- Lurralde-eremua: Autonomiko
- Arau-maila: Dekretua
- Organo arau-emailea: ---
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 138
- Hurrenkera-zk.: 3651
- Xedapen-zk.: 141
- Xedapen-data: 2011/06/28
- Argitaratze-data: 2011/07/20
Gaikako eremua
- Gaia: Kultura eta Kirola; Administrazioaren antolamendua
- Azpigaia: Gobernua eta herri administrazioa
Testu legala
Euskal Herriko Agintaritzaren Aldizkaria arautzen duen abenduaren 23ko 217/2008 Dekretuaren 18.2.b) artikuluak dioenez, argitaratzeko bidalitako testuan dauden hutsak edo omisioak Jaurlaritzaren Idazkaritzako eta Legebiltzarrarekiko Harremanetarako Zuzendaritzak zuzenduko ditu, baldin eta nabarmenak badira, dokumentuen esanahia aldatzen ez badute, eta nahasbiderik ez sortzeko komeni bada. Zuzenketa egiteko eskaria testua argitaratzeko agindua eman duen organoak egingo du.
Modu horretako hutsak atzeman dira Transferentzien Bitariko Batzordearen 2011ko ekainaren 22ko Akordioa onartzen duen ekainaren 28ko 141/2011 Dekretuan (2011ko ekainaren 30eko EHAA, 124. zk.). Akordio hori Euskal Autonomia Erkidegoari jabetza intelektualari buruzko legeria betearaztearen arloan irailaren 28ko 3069/1980 Errege Dekretuaren bidez eskualdatu zitzaizkion Estatuko Administrazio Orokorraren zerbitzuak gehitzeari buruzkoa da.
Transferentzien Bitariko Batzordearen 2011ko ekainaren 22ko Akordioaren euskarazko bertsioan, B) ataleko 1. paragrafoaren c) idatzi-zatian, 3377 (5) orrialdeko azken-aurreko paragrafoan, honako hau dioenean:
Lurralde-erregistroaren jardunbidea zehaztea eta inskribatze-prozedurari eta erregistroen arteko koordinazio- eta informazio-neurriei buruzko arau komunen arloan Jabetza Intelektualaren Erregistroari buruzko Erregelamendu Orokorrarekin bat etorriz,
Honako hau esan behar du:
Lurralde-erregistroaren jardunbidea zehaztea, inskribatze-prozedurari eta erregistroen arteko koordinazio- eta informazio-neurriei buruzko arau komunak direla-eta Jabetza Intelektualaren Erregistroari buruzko Erregelamendu Orokorrak dionarekin bat etorriz.
Transferentzien Bitariko Batzordearen 2011ko ekainaren 22ko Akordioaren euskarazko bertsioan, B) ataleko 2. paragrafoaren a) idatzi-zatian, 3377 (6) orrialdeko lehen paragrafoan, honako hau dioenean:
Baimena ematea edo kentzea bakarrik edo nagusiki Euskal Autonomia Erkidegoan jardun nahi duten honako erakundeei edo erakunde-elkarteei, zeinak beren edo besteren izenean, zenbait egileren edo jabetza intelektualaren eskubideen beste titular batzuen kontura eta intereseko ustiapen-eskubideen edo ondare izaerako beste eskubide batzuen kudeaketan jarduten baitute,
Honako hau esan behar du:
Baimena ematea edo kentzea ustiapen-eskubideak nahiz ondare-izaerako beste eskubide batzuk, beren izenean edo besterenean, kudeatzera dedikatzeko asmoa duten erakunde edo erakunde-elkarteei, baldin eta bakarrik edo nagusiki Euskal Autonomia Erkidegoan jarduteko asmoa badute. Erakunde horiek dira egile baten baino gehiagoren edo jabetza intelektualeko eskubideen beste titular batzuen kontura eta interesen alde aritzen direnak.
Transferentzien Bitariko Batzordearen 2011ko ekainaren 22ko Akordioaren euskarazko bertsioan, B) ataleko 2. paragrafoaren c) idatzi-zatian, 3377 (6) orrialdeko hirugarren paragrafoan, honako hau dioenean:
Euskal Autonomia Erkidegoan diharduten duten kudeaketa-erakunde guztiek (...)
Honako hau esan behar du:
Euskal Autonomia Erkidegoan diharduten kudeaketa-erakunde guztiek (...)