Ongi etorri Legegunea atarira

Euskal Herriko Poliziari buruzko uztailaren 17ko 4/1992 Legeak (abuztuaren 11ko EHAA, 155 zenbakiduna) Aldibaterako Xedapenetatik Hirugarrenean adierazten duenez, legeak indarra hartzen duenetik (1992ko abuztuaren 12a) hasi eta bost urteko epean «Herrizaingo Sailak lanpostuak sailkatu, lanpostuzerrendak taiutu eta onetsiko ditu, eta Ertzaintzaren ordainketa-araubidea lege honetan ohartemandakoaren arabera egokituko du», eta horregatik jarraitzen du indarrean, orain arte eta denboran zehar sortutako premietara egokitzeko ezarri zaizkion aldaketekin, Ertzaintzako plantilaren egitura onartzen duen Herrizaingo Sailaren 1988ko urtarrilaren 18ko Aginduak. Gaurregun aurrera jarraitzen du Ertzaintzaren zabalkundeak Euskal Autonomi Elkarteko lurraldean, eta azterlanak egiten ari dira ertzainen banaketa Autonomi Elkarteko herritarren segurtasunerako politikaren beharrei egokitzeko, horren ondorioz, zenbait destino kendu eta beste berri batzuk sortzeko premia sortzen dela. Aldaketa honen bidez, alde batetik Euskal Herriko Poliziari buruzko Legearen Aldibaterako Xedapenetatik Hirugarreneko bigarrenean xedatutakoa ere bete nahi da, hau da, urtebeteren barruan Ertzaintzako lanarierroldeaizendapen libreko lantokien gehienerako hainbatekoa ehuneko hamarrekora doitzeko egokitzea; eta bestetik, lanpostuen zerrendak onartzean Euskal Herriko Poliziari buruzko Legean ohartemandako guztia indarrean jartzerik ez dagoen bitarterako, merituen lehiaketa ezartzen da lanpostu batzuk betetzeko, eta horiek bete ahal izateko betebeharrak ere ezartzen dira. Hori dela eta, eta Euskal Herriko Poliziari buruzko uztailaren 17ko 4/1992 Legearen 107.2 atalean jasotako eskuduntzaz baliatuz, honako hauXEDATU DUT: 1. atala.- 1.- «Plentziako Azpikomisaldegia» Unitateari dagozkion 175 eta 176 egitura kodeak dituzten lanpostuak «Getxoko Ertzainetxea» Unitateari dagozkion 170 eta 172 zenbakiko kodeak dituzten lanpostuetan ezartzea, hurrenezhurren. 2.- «Oñatiko Azpikomisaldegia» Unitateari dagozkion 144 eta 145 egitura kodeak dituzten lanpostuak «Bergarako Ertzainetxea» Unitateari dagozkion 139 eta 141 zenbakiko kodeak dituzten lanpostuetan ezartzea, hurrenezhurren. 3.- Joko Unitateari dagozkion 003, 004 eta 005 egitura kodeak dituzten lanpostuak Unitate berorri dagozkion 006, 007 eta 008 zenbakiko kodeak dituzten lanpostuetan ezartzea, hurrenezhurren. 4.- Ezarketa horiek ondorio guztietarako egiten dira, baita destinoan duten antzinatasunari dagokionerako ere. 2. atala.- Ertzaintzako lanari-erroldearen egituratikI eraskinean jasotako lanpostuak kentzea. 3. atala.- Ertzaintzako lanari-erroldearen egituran II eraskinean jasotako lanpostuak sortzea, lanpostu bakoitza bete eta bertan jarraitzeko betebeharrei dagokienez, «espezialitatea» eta «sarrera-bidea» zutabeetan adierazitakoak jokatuko duelarik. 4. atala.- 297 eta 307 bitarteko, biak barne, egitura kode zenbakia duten lanpostuei dagozkien Unitateen izenaren ordez «Ertzaintzaren Zuzendaritza» Unitatearena ezartzea. 5. atala.- Aurreko ataletan xedatutakoaren ondorioz, lanpostu zerrendak III eraskinean jasotako moduan gelditzen dira. GEHIGARRIZKO XEDAPENAK Lehenengoa.- 1.- Destinoak betetzeko deialdi publikoetan aurrez Talde Mugikorra Unitatekoak diren 032 eta 038 bitarteko, biak barne, egitura kodeko lanpostuez jabetu diren funtzionariak 361 eta 363 egitura kodeko, biak barne, lanpostu berrietara atxikita geldituko dira behin-behingoz, duten mailaren arabera, horrela beteta geldituko direlarik. 2.- behin-behingoz atxikita gelditzen diren funtzionariok ez dute derrigorrez parte hartu beharrik izango Ertzaintza Vitoria-Gasteizen zabaltzen den bitartean egin daitezen lanpostuak betetzeko deialdietan, eta horietan behin-behingoz betetzen dituzten lanpostuak eskatu ahal izango dituzte. 3.- Behin-behineko atxekipen horiek Ertzaintza Vitoria-Gasteizen zabaltzen denean baliorik gabe geldituko dira eta baita lehenago ere Euskal Herriko Poliziari buruzko Legean jasotako arrazoietakoren bat ematen bada. Bigarrena.- 1.- Ertzaintzaren lanari-erroldearen egituratik aintzinatasun kalifikazioko lanpostuak kentzeak lanpostu horiek azkenengoz bete dituzten titularrengan bakarrik izango du eragina. 2.- Halere, eta 1. atalean eta Xedapen Gehigarrietatik Lehenengoan ohartemandakoaren kaltetan gabe, destinoak betetzeko deialdi publikoetan aurrez aintzinatasun kalifikazioko lanpostuez jabetu diren funtzionariek eman zitzaizkien destino berorietan jarraituko dute Ertzaintza Vitoria-Gasteizen zabaltzen ez den artean, edo lehenago, Euskal Herriko Poliziari buruzko Legean jasotako arrazoietako bategatik lanpostutik ken ez ditzaten artean. Bien bitarte hortan ez dira lanpostu horiek ezabatuko. ALDIBATERAKO XEDAPENA Gehigarrizko Xedapenetan ohartemandakoaren kaltetan gabe, 2. atalean jasotzen den Ertzaintzako lanarierroldearen egituratik lanpostuak kentze hori ez da egingo Herrizaingo Sailak egin dezan destinoak betetzeko hurrengo deialdia erabaki arte; horretan, eragindakoek lehentasuna izango dute herri berean dauden lanpostu hutsetaz jabetzeko. INDARGABETZE XEDAPENA Indargabe gelditzen dira Ertzaintzako lanarierroldearen egitura onartu zuen 1988ko urtarrilaren 18ko Agindua, eta ondoren izan dituen aldaketak ere, Agindu honetan xedatutakoaren aurkakoak izan daitezen guztian. AZKEN XEDAPENA Agindu honek EHAAn argitara dadin egunaren biharamunean hartuko du indarra. Vitoria-Gasteiz, 1993ko uztailak 15. Herrizaingo Sailburua, JUAN MARIA ATUTXA MENDIOLA.