AGINDUA, 1998ko urriaren 19koa, Hezkuntza, Unibertsitate eta Ikerketa sailburuarena, araubide libreko ikasleentzat lehen eta bigarren mailako lanbide-heziketako irakaskuntza-frogen antolaketa arautzen duena.

AGINDUA, 1998ko urriaren 19koa, Hezkuntza, Unibertsitate eta Ikerketa sailburuarena, araubide libreko ikasleentzat lehen eta bigarren mailako lanbide-heziketako irakaskuntza-frogen antolaketa arautzen duena. - Legegunea: Euskal Herriko araudia - Eusko Jaurlaritza - Euskadi.eus

Arautegia

Inprimatu

Identifikazioa

Lurralde-eremua: Autonomiko
Arau-maila: Agindua
Organo arau-emailea: Hezkuntza, Unibertsitate eta Ikerketa Saila
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 219
Hurrenkera-zk.: 5146
Xedapen-zk.: 289
Xedapen-data: 1998/10/19
Argitaratze-data: 1998/11/17

Gaikako eremua

Gaia: Hezkuntza; Administrazioaren antolamendua
Azpigaia: Gobernua eta herri administrazioa

Deskribapenak

Testu legala

Aurkibidea erakutsiAurkibidea ezkutatu

- XEDATU DUT :
- AZKEN XEDAPENAK
  - Bigarrena. Aginduak eraginak izango ditu Euskal Herriko Agintaritzaren Aldizkarian argitaratu eta biharamunetik hasita.

LOGSEren ezarketaren ondorioz lehen mailako lanbide-heziketako irakaskuntzak kendu dira eta bigarren mailako lanbide-heziketako irakaskuntzak kentzeko bidean dira. Hori dela-eta, teknikari laguntzaile eta teknikari espezialista tituluak araubide librearen bidez lortzeko aukera ezarri behar da.

Horregatik, honakoa

XEDATU DUT :

Lehena.– Araubide libreko ikasleek egin beharreko frogak antolatuko dituzte lanbide-heziketako herri ikastetxeek. Froga horiek bigarren mailako lanbide-heziketako irakaskuntzako ikasgaiei buruzkoak izango dira, eta, hala behar izanez gero, sarbideko irakaskuntza osagaien mailako ikasgaiei buruzkoak.

Bigarrena. Ikastetxe bakoitzak berari edo atxikitako zentroei baimendutako bigarren mailako lanbide-heziketako espezialitateetako frogak antolatuko ditu. Irakaskuntza libreko araudiko ikasletzat hartuko dira bigarren mailako lanbide-heziketako ikasketak egiteko baldintzak bete eta araudi librea hartuaz ezarritako epean herri ikastetxeetan matrikulatzen direnak.

Hirugarrena. Era berean, ikastetxe guztiek, publiko nahiz pribatuek, lehen mailako lanbide-heziketa eta bigarren mailako lanbide-heziketako froga libreak antolatu beharko dituzte euren ikastetxean matrikulatuta egon eta ikasgairen bat gainditu barik ikasketak utzi dituzten ikasleentzat.

Laugarrena. Lehen mailako lanbide-heziketa, bigarren mailako lanbide-heziketa edo irakaskuntza osagaietako ikastaroak Euskal Autonomia Erkidegoan bukatu ondoren, aurreko atalek aipatutako frogak ikasturte bitan gordeko dira, ikasleek euren ikasketak bukatu ahal izan ditzaten.

Bosgarrena. Araubide libreko matrikula urtarrilaren bigarren hamabostaldian egingo da kasu guztietan. Frogak deialdi bitan egingo dira, ohikoa maiatzaren lehen hamabostaldian eta ohiz kanpokoa ekainaren bigarren hamabostaldian.

Seigarrena. Ikastetxe bakoitzeko ikasketa-buruak egingo du frogen egutegia. Egutegi hori iragarki-taulan jarriko da frogak hasi baino hamabost egun lehenago, gutxienez. Bertan adieraziko dira ikasgai bakoitzaren froga egiteko eguna, ordua eta gehienezko denbora. Frogak bakandu egingo dira, pilaketa ahalik eta gehien saihestuz.

Zazpigarrena. Ikasgai bakoitzeko epaimahaian mahaiburu bat eta kide bi egongo dira. Dagokion sailaren proposamena aztertu ondoren, ikastetxeko zuzendariak izendatuko ditu hirurak. Epaimahai horrek adituen aholkua ere eska dezake.

Epaimahaiak proposatu eta egin egingo ditu ikasgai bakoitzeko frogak, galdera-sorta ofizialak oinarritzat hartuz. Laugarren atalak aipatzen dituen ikasleen kasuan, ikastetxeak ikasgai bakoitzerako ezarri dituen curriculum-zehaztapenak hartu ahal izango ditu kontuan epaimahaiak. Ezarritako frogak gainditzeko, ikasleek ikasgaia behar beste menperatu beharko dute, eta epaimahaiak horrela epaituko ditu emaitzak. Emaitza horiek akta batean adieraziko dira, eta epaimahaikide guztiek sinatuko dute.

Zortzigarrena. Herri ikastetxearen zuzendaritzak, dagokion sailarekin ados jarrita, irakasleek ikasle libreak orientatzeko eta laguntzeko prozedura ezarriko du.

Bederatzigarrena. Ikasturte berean ikasle bat ezin izango da aldi berean araubide ofizialean eta librean matrikulatu.

Hamargarrena. Matrikulazio-inprimakiak, ebaluazio-aktak eta gainerako agiri akademiko-administratiboak ikasle ofizialentzat erabiltzen diren berberak izango dira, eta goi-buru guztietan adieraziko da argi eta garbi ikasle horiek irakaskuntza librean ari direla.

Hamaikagarrena. Hemeretzi urtetik gorako ikasleek ikasketa-planeko maila bat baino gehiagoko ikasgaien matrikula librea egin ahal izango dute ikasturte berean. Ezin izango da maila altuago bateko ikasgai bat kalifikatu ikasleak ez badu maila baxuagoko eta izen bereko ikasgaia gainditu. Lehen mailako lanbide-heziketatik datozen ikasleak ezin izango dira kalifikatu bigarren mailako lanbide-heziketako irakaskuntzetako ikasgaietan ez badute sarbideko irakaskuntza osagaien maila osorik gainditu.

Hamabigarrena. Ikasle libreak matrikulatu ahal diren ikasgaiak dagokien berezitasuna baimentzen duen Ministro Aginduan agertzen direnak baino ez dira.

Hamahirugarrena. Lanbide Heziketako zuzendariari baimena ematen diot Agindu hau aplikatzeko behar diren jarraibideak emateko.

AZKEN XEDAPENAK

Lehena.– Erabaki honek administrazio-bidea agortzen du, beraz, administrazio-auzigaietako errekurtsoa jar dezakezu Euskal Autonomia Erkidegoko Justizia Auzitegi Nagusiaren administrazio-auzigaietako aretoaren aurrean, erabakia jakinarazi eta biharamunetik hasita bi hileko epean. errekurtso hori jarri aurretik Hezkuntza, Unibertsitate eta Ikerketa Sailburuari jakinarazi behar diozu errekurtsoa jartzera zoazela (Herri Administrazioen Lege-Jaurbideari eta Guztientzako Administrazio Jardunbideari buruzko azaroaren 26ko 30/1992 Legeko 110.3 atala).

Bigarrena. Aginduak eraginak izango ditu Euskal Herriko Agintaritzaren Aldizkarian argitaratu eta biharamunetik hasita.

Vitoria-Gasteiz, 1998ko urriaren 19a.

Hezkuntza, Unibertsitate eta Ikerketa sailburua,

INAXIO OLIVERI ALBISU.

Gaiarekin lotutako edukiak

Arauaren historia (2)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.