Ongi etorri Legegunea atarira

Euskadiko Ekoizpen Integraturako Koordinazio Batzordeak honako eginkizunok izango ditu:

1. Nekazaritzako produktu edo elikagai bakoitzaren arau teknikoak proposatzea.

2. Aldian-aldian laborantzako arau teknikoak aztertzea, eta berritze edo eta gehitze egokiak proposatzea.

3. Ekoizpen integratuaren erregulazioa, praktika eta sustapena hobetzeko egoki iritzitako neurriak proposatzea.

4. Ekoizpen integratuari buruzko informazioa eskuratzea autonomia-erkidegoetan, Estatuko administrazioan edo nazioarteko erakundeetan.

1. – Euskadiko Ekoizpen Integraturako Koordinazio Batzordearen burua, Nekazaritzako Elikagai Politika eta Industriarako zuzendaria, edo haren ordezkaria, izango da, eta, honakook osatuko dute:

   1. Eusko Jaurlaritzako Nekazaritza eta Arrantza Sailaren hiru ordezkarik.

   2. Hiru lurralde historikoetako foru aldundien ordezkari banak.

   3. Jarraipen eta egiaztapen entitatearen ordezkariak, batzordeburuorde arituko dena.

   4. Ekoizleen ordezkariak.

   5. Maneatzaileen edo/eta prestatzaileen ordezkariak.

   6. Kontsumitzaileen elkarteen ordezkariak.

2. – Kideetako bat idazkari izendatuko du batzordeburuak.

3. – Aztertu beharreko gaietako adituen aholkularitza eskatu ahal izango du Batzordeak.

4. – Aipatutako Batzordeko kide guztiek hitz egiteko eta botoa emateko eskubidea izango dute.

1. – Ekoizpen Integratuko Operadoreen Erregistroko liburuetan izena emandako ekoizleek, bai eta maneiatzaileek edo/eta prestatzaileek ere demokratikoki hautatuko dituzte euren artean Batzordeko ordezkariak, eta hautagaiak proposatuko dizkiote Nekazaritza eta Arrantza sailburuari izendatzeari begira.

   Kide guztiak, ordezkatzen dituzten sektoreei lotuta egongo dira, bai zuzenean bai ordezkatu behar dituzten jardueretan aritzen diren sozietateetako buruzagiak direnez.

   Nolanahi ere, pertsona berak, fisikoa nahiz juridikoa, ezin izango du ordezkaritza bikoitza izan Batzordean, ez zuzenean, ez menpeko enpresen edo bazkideen bitartez.

   Inskribatutako enpresa bateko buruzagiak diren aldetik hautatutako batzordekideek, enpresa horretako buruzagi izateari utziz gero, batzordekide izateari ere utziko diote, nahiz eta sektoreari lotuta jarraitu beste enpresa batean. Horrelakoetan, ordezkoa izendatuko da barne-jardunbiderako arautegian ezarritako moduan.

2. – Behar bezala erroldaturik dauden eta Euskal Autonomia Erkidegoko hiru lurralde historikoetan diharduten kontsumitzaileen elkarteek edo elkartzen horien federazioek, euren ordezkari batzordekidea izendatzeko proposatuko diote Nekazaritza eta Arrantza sailburuari.

3. – Halaber, Jarraipen eta Egiaztapen Entitateak eta foru aldundiek euren ordezkariak izendatzeko proposatuko diote Nekazaritza eta Arrantza sailburuari.

4. – Eusko Jaurlaritzaren Nekazaritza eta Arrantza sailburuak agindu bidez izendatuko ditu batzordekideak.

5. – Huts, ausentzia, gaixotasuna edo legez onetsitako bestelako egoera gertatuz gero, ordezkatzen dituzten entitateek horretarako izendatutakoek ordezkatuko dituzte batzordekideak. Izendapen hori idazkariari egiaztatu beharko zaio dagokion bilkura egin aurretik.

6. – Batzordekideen agintaldia 4 urtekoa izango da, eta horien buruan berriz ere hautatuak izan daitezke.

1. – Euskadiko Ekoizpen Integraturako Koordinazio Batzordeko buruari honako hauek dagozkio:

   1. Batzordearen ordezkari aritzea.

   2. Batzordearen osoko bilkuretarako eztabaidetan buru izatea eta eztabaidak zuzentzea.

   3. Osoko bilkuretarako deialdia egitea eta gai-zerrenda jartzea.

   4. Bilkuretan buru aritzea, eztabaiden nondik norakoa bideratzea, eta, eztabaidok bertan behera uztea, horretarako arrazoiak egonez gero.

   5. Berdinketarik izanez gero, kalitatezko botoa ematea.

   6. Batzordeak hartutako erabakiak bete eta betearaztea.

   7. Legeak betearaztea.

   8. Batzordearen aktak eta akordioen ziurtagiriak bisatzea.

   9. Batzordeak esleitzen dizkion gainerako guztiak, edo batzordeburuari berez dagozkionak.

2. – Buruordeak buruaren eginkizunak beteko ditu burua ez badago, gaixorik badago edo beste arrazoi bat dela bide, beti ere behar bezala egiaztatuta.

3. – Batzordeko idazkariak honakook egingo ditu:

   1. Batzordearen baitan proposatutako epeak eta helburuak bete daitezen saiatzea.

   2. Bilkuretarako eta batzordekideei deia egitea, batzordeburuak aginduta.

   3. Batzordekideen komunikazio-ekintzak jasotzea, hau da, jakinarazpenak, datu-eskaerak, zuzenketak edo ezagutu behar dituen beste edozein idazki.

   4. Aztergaiak bideratzea eta bilkuretako aktak idaztea eta onartzea.

   5. Kontsulta eta onartutako erabaki eta akordioen ziurtagiriak egitea.

   6. Idazkariari berez dagozkion eginkizunak.

4. – Batzordeko kideen eginkizunak honako hauek dira:

   1. Deialdiaren berri izatea, bilkura egin baino berrogeita zortzi ordu aurretik, gutxienez, bilkuren gai-zerrendarekin eta aztertu beharreko gaiei buruzko informazioarekin.

   2. Bilkuretako eztabaidetan parte hartzea.

   3. Botoa emateko eskubidea erabiltzea eta boto partikularra ematea, bai eta botoaren nondik norakoa eta arrazoiak adieraztea ere.

   4. Eskaerak eta galderak egitea.

   5. Izendatutako eginkizunak betetzeko beharrezkoa den informazioa eskuratzea.

   6. Batzordekideei berez dagozkien eginkizunak.

1. – Batzordekideek ezartzen duten maiztasunez egingo dira Batzordearen bilkura arruntak, beti ere batzordeburuak deialdia eginik, eta gutxienez hiru hilabetean behin. Horrez gain, bilkura berezia egin ahal izango da, batzordeburuak aparteko deialdia egiten badu, edo batzordekideen herenak gutxienez horrela egiteko eskatzen badu. Nolanahi ere, Batzordeak elkartzea izango du batzordekide guztiak baldin badaude eta aho batez horrela erabakitzen badute.

2. – Bilkuren jardun-araubidea eta erabakiak hartzekoa barne-jardunbiderako arautegian zehaztuko dira.

1. – Otsailaren 13ko 31/2001 Dekretuaren 9. artikuluaren laugarren idatz-zatian zehaztutakoaren arabera, Koordinazio Batzordeak Batzorde Tekniko bat sortuko du nekazaritzako produktu edo elikagai bakoitzerako. Batzorde Teknikoa honakook osatuko dute:

   • Nekazaritza eta Arrantza Saileko teknikari batek.

   • Foru aldundien teknikari banak.

   • Jarraipen eta Egiaztapen Entitateko teknikari batek.

   • Azpisektoreko hiru ordezkarik, jorratu behar den nekazaritzako produktuan edo elikagaian adituak.

2. – Batzorde tekniko bakoitzak, jorratu beharreko gaietako adituen aholkularitza eskatu ahal izango du.

3. – Batzorde tekniko bakoitzari dagokio nekazaritzako produktu edo elikagai bakoitzaren arau teknikoa Batzordeari proposatzea, onartzeari begira. Arau teknikoak honako hauek izango ditu gutxienez:

   1. Produktua Ekoizpen Integratukotzat jotzeko ezinbestean bete behar diren jokabideak ekoizpen, prestatze edo erabilpenari dagokienez.

   2. Kaltegarriak direnez, debekatuta dauden jokabideak.

   3. Gomendagarritzat joak izanik, epe ertainean nahitaezko bihurtuko diren jokabideak.

   4. Produktuaren aztarnagarritasuna bermatzeko beharrezkoa den informazio guztia, eta, bereziki, landa-koadernoetan jaso beharrekoa, eta koadernook betetzeko eskakizunak.

4. – Urtero, aurreko uzta-kanpaina ikusita, eta, egokia baderitzo, batzorde tekniko bakoitzak arau teknikoak berraztertuko eta eguneratuko ditu, eta egoki diren aldaketak proposatuko dizkio Batzordeari.

5. – Bestalde, Koordinazio Batzordeak batzorde teknikoak sortu ahal izango ditu produktu ezberdinen alderdi komunak aztertzeko.