- AGINDUA, 2010eko maiatzaren 19koa, Ekonomia eta Ogasuneko sailburuarena eta Enplegu eta Gizarte Gaietako sailburuarena, Enplegu eta Gizarte Gaietako Sailaren eta Osalan Laneko Segurtasun eta Osasunerako Euskal Erakunde Autonomoaren Kontratazio Mahaiak eratzen dituena. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 2010eko maiatzaren 19koa, Ekonomia eta Ogasuneko sailburuarena eta Enplegu eta Gizarte Gaietako sailburuarena, Enplegu eta Gizarte Gaietako Sailaren eta Osalan Laneko Segurtasun eta Osasunerako Euskal Erakunde Autonomoaren Kontratazio Mahaiak eratzen dituena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Enplegu eta Gizarte Gaietako Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 115
- Hurrenkera-zk.: 3051
- Xedapen-zk.: ---
- Xedapen-data: 2010/05/19
- Argitaratze-data: 2010/06/18
Gaikako eremua
- Gaia: Ogasun eta Ekonomía; Administrazioaren antolamendua
- Azpigaia: Ogasun; Sailak
Testu legala
Euskal Autonomia Erkidegoko Administrazioaren Kontratazio Erregimenari buruzko ekainaren 5eko 136/1996 Dekretuak 4. artikuluan xedatzen duenez, Sail bakoitzean eta, hala badagokio, Erakunde Autonomo bakoitzean Kontratazio Mahai bakar bat eratuko da, Ekonomia eta Ogasuneko sailburuaren eta Erakunde Autonomoa atxikia dagoen Saileko buruaren baterako Agindu bidez.
Euskal Autonomia Erkidegoaren Administrazioko Sailak sortu, kendu eta aldatzeari buruzko eta sail horien eginkizunak eta jarduera-arloak zehazteari buruzko Lehendakariaren maiatzaren 8ko 4/2009 eta uztailaren 30eko 20/2009 Dekretuen bitartez, Sailen egitura berrantolatu da, Kontratazio Mahaietan eragina izanik; horren ondorioz, sailen egungo Kontratazio Mahaiak indarreko egitura berrira egokitu beharko dira, adierazitako egunetik aurrera.
Horren arabera, eta Administrazio Kontratazioko Aholku Batzordeak txostena egin ondoren, honako hau
Araubide Juridiko eta Zerbitzuen Zuzendaritzari atxikia, Enplegu eta Gizarte Gaietako Sailaren Kontratazio Mahaia sortu da, Euskal Autonomia Erkidegoko Administrazioaren Kontratazio Erregimenari buruzko ekainaren 5eko 136/1996 Dekretuaren 7. eta 5. artikuluetan, hurrenez hurren, aurreikusitako funtzioak betetzeko eta bertan jasotako jardun-eremuarekin, Enplegu eta Gizarte Gaietako Sailaren kontrataziopeko espedienteei dagokienez.
Erreferentziako Kontratazio Mahaiak honako kide hauek izango ditu.
Presidentea: Sailaren Administrazio eta Zerbitzuen arduraduna; hutsuneen, absentzien edo gaixotasunen kasuetan, edo legezko beste arrazoiren bat izanez gero, Sailaren Aholkularitza Juridikoaren arduradunak ordezkatuko du.
Kontratua sustatu duen sailaren Zuzendaritzaren ordezkari bat.
Aholkulari Juridiko bat: teknikaria, zuzenbidean lizentziatua, Araubide Juridiko eta Zerbitzuen Zuzendaritzari atxikia.
Hiru ordezkari, bat Kontrol Ekonomikoko Bulegokoa, beste bat Ondare eta Kontratazio Zuzendaritzakoa, eta, beste bat, Informatika eta Telekomunikazio Zuzendaritzakoa; azken hori soilik ondasun eta zerbitzu informatikoei buruzko espedienteen kasuan. Ordezkariak dagozkien titularrek izendatuko dituzte.
Idazkaria: Araubide Juridiko eta Zerbitzuen Zuzendaritzaren kontratazioko arduraduna, hitzarekin eta botorik gabe; arduraduna ez dagoen kasuetan, Zuzendaritza bereko Kontratazioko teknikariak ordezkatuko du.
Zuzendaritzari atxikia, Osalan Laneko Segurtasun eta Osasunerako Euskal Erakunde Autonomoaren Kontratazio Mahaia sortu da, Euskal Autonomia Erkidegoko Administrazioaren Kontratazio Erregimenari buruzko ekainaren 5eko 136/1996 Dekretuaren 7. eta 5. artikuluetan, hurrenez hurren, aurreikusitako funtzioak betetzeko eta bertan jasotako jardun-eremuarekin, Erakunde Autonomoaren kontrataziopeko espedienteei dagokienez.
Erreferentziako Mahaiak honako kide hauek izango ditu.
Presidentea: Antolamendu, Administrazio eta Giza Baliabideen zuzendariordea. Hutsuneen, absentzien edo gaixotasunen kasuetan, edo legezko beste arrazoiren bat izanez gero, zuzendariorde teknikoak ordezkatuko du.
Kontratazioa eskatzen duen Zuzendariordetzaren ordezkari bat, horren titularrak izendatua.
Teknikari bat, zuzenbidean lizentziatua, Aholkularitza Juridikoari atxikia.
Hiru ordezkari, bat Kontrol Ekonomikoko Bulegokoa, beste bat Ondare eta Kontratazio Zuzendaritzakoa, eta, beste bat, Informatika eta Telekomunikazio Zuzendaritzakoa; azken hori soilik ondasun eta zerbitzu informatikoei buruzko espedienteen kasuan. Ordezkariak dagozkien titularrek izendatuko dituzte.
Idazkaria: Erakunde Autonomoaren Ekonomia eta Aurrekontu Kudeaketako teknikaria, hitzarekin eta botorik gabe. Hutsuneen, absentzien edo gaixotasunen kasuetan, edo legezko beste arrazoiren bat izanez gero, ekonomia- eta aurrekontu-kudeaketako arduradunak ordezkatuko du.
Ekainaren 5eko 136/1996 Dekretuaren 6.2 artikuluaren bigarren paragrafoan xedaturikoaren arabera, modu singularrean egin ez diren izendapenak eta agindu honetan aurreikusi ez diren ordezkapenak Enplegu eta Gizarte Gaietako sailburuak eta Osalan Laneko Segurtasun eta Osasunerako Euskal Erakunde Autonomoaren zuzendariak erabakiko dituzte, bakoitzak dagokion eskumen-eremuaren barruan. Izendapen horiek egitean izendatutako pertsonen arteko albait aldaketa gutxien egitea zainduko da, eta espedientean jasoko dira.
Justizia, Ekonomia, Lan eta Gizarte Segurantza Sailaren eta Euskal Estatistika Erakundearen Kontratazio Mahaiak sortzeari buruzko Ogasun eta Herri Administrazioko sailburuaren eta Justizia, Ekonomia, Lan eta Gizarte Segurantzako sailburuaren 1996ko uztailaren 12ko Agindua indargabetuta geratzen da.
Era berean, Etxebizitza eta Gizarte Gaietako Kontratazio Mahaia sortzeari buruzko Ogasun eta Herri Administrazioko sailburuaren eta Etxebizitza eta Gizarte Gaietako sailburuaren 2002ko urtarrilaren 22ko Agindua indargabetuta geratzen da.
EHAAn argitaratzen den biharamunean jarriko da indarrean agindu hau.
Vitoria-Gasteiz, 2010eko maiatzaren 19a.
Ekonomia eta Ogasuneko sailburua,
CARLOS AGUIRRE ARANA.
Enplegu eta Gizarte Gaietako sailburua,
GEMMA ZABALETA ARETA.
Gaiarekin lotutako edukiak
Arauaren historia (5)
- Aldatutakoa: AGINDUA, 2014ko apirilaren 29koa, Ogasun eta Finantzetako sailburuarena eta Enplegu eta Gizarte Politiketako sailburuarena, zeinaren bidez aldatzen baita Enplegu eta Gizarte Gaietako Sailaren eta Osalan Laneko Segurtasun eta Osasunerako Euskal Erakunde Au
- Indargabetzen du: AGINDUA, 2002ko urtarrilaren 22koa, Ogasun eta Herri Administrazio sailburuarena eta Etxebizitza eta Gizarte Gaietako sailburuarena, Etxebizitza eta Gizarte Gaietako saileko kontratazio mahaia sortzeko dena.
- Partzialki indargabetutakoa: AGINDUA, 2017ko apirilaren 24koa, Enplegu eta Gizarte Politiketako sailburuarena eta Ogasun eta Ekonomiako sailburuarena, zeinaren bidez izendatzen baitira Enplegu eta Gizarte Politiketako Saileko kontratazio-mahaiko kideak.
- Partzialki indargabetutakoa: AGINDUA, 2017ko maiatzaren 10ekoa, Lan eta Justiziako sailburuarena eta Ogasun eta Ekonomiako sailburuarena, zeinaren bidez ezartzen baitira Lan eta Justizia Sailaren eta Osalan-Laneko Segurtasun eta Osasunerako Euskal Erakundea Erakunde Autonomoaren Kont
- Indargabetzen du: AGINDUA, 1996ko uztailaren 12koa, Ogasun eta Herri Administrazio eta Justizi, Ekonomi, Lan eta Gizarte Segurantza sailburuena, Justizi, Ekonomi, Lan eta Gizarte Segurantza sailaren eta Euskal Estatistika Erakundearen kontratazio mahaiak sortzeko dena.