Ongi etorri Legegunea atarira

1. – Ikastegiek, sail eta institutuek ordezkari batzuk izendatuko dituzte euren arlo zientifiko nagusian aurkezten diren hautagaiei botoa emateko: horiexek izango dira hautesleak.

   Hautesle izan ahalko dira EHUn jardunean dauden irakasle eta ikertzaile guztiak, albo batera utzita irakasle emerituak eta bisitariak.

2. – Hautagai aurkeztu ahal izango dira (hautagarri izango dira), euren sailari dagokion arlo zientifikorako, EHUn jardunean dauden unibertsitateko irakasle eta ikertzaile guztiak, alde batera utzita irakasle emeritu eta bisitariak.

   Jardunean egoteko baldintza bete beharko da bai deialdia egiten denean eta bai Gobernu Kontseiluak ordezkarien izendapena berresten duenean ere.

3. – Doktoregoko Azpibatzorderako hautagai izateko honako baldintzak bete beharko dira: batzordeko kidea izatea, unibertsitateko irakasleen kidegoetako irakasle doktorea izatea, gutxienez ikerketako seiurteko bat izatea aitortuta, edota Euskal Unibertsitate Sistemaren Kalitatea Ebaluatu eta Egiaztatzeko Agentziak emandako pareko ebaluazioa, eta bere gaitasunak eta historial akademikoak itzal handia izatea komunitate zientifikoan.

4. – Irakasle eta ikertzaileek lau urteko agintaldia izango dute.

1. – EHUn matrikulatuta dagoen edozein ikasle izan ahalko da hautagai.

2. – Doktoregoko Azpibatzordeko kide izateko beharrezko izango da EHUko hirugarren zikloko ikasketetan matrikulaturik egotea.

3. – Ikasleen agintaldia urtebetekoa izango da.

4. – Lehen, bigarren edo hirugarren zikloko ikasleek unibertsitatearekin daukaten loturaz bestelakoa dutenak ezin izango dira ikasleen aldetik aurkeztu.

1. – Honako kasuetan utziko dute kargua Akademi Antolakuntzako eta Doktoregoko Batzordeko ordezkariek:

   1. Eurek eskatuz gero.

   2. Batzordekideak uzten dionean bera hautatu zuenhautes-taldeko kidea izateari.

   3. Ikasleen ordezkaria izanez gero, unibertsitateko ikasle izateari uzten dionean.

   4. Gobernu Kontseiluak hala proposatzen duenean.

   5. Segidan hiru bilerari edo tarteka bost bilerari huts eginez gero.

2. – Batzordeko kideren batek kargua utziz gero, errektoreak edo hark bere ordez izendatzen duen errektoreordeak Gobernu Kontseiluari proposatuko dio karguan berrestea 11. artikuluko baldintzak betetzen dituen eta boto gehien lortu zituen hurrengo ordezkaria.

1. – Gobernu Kontseiluak Akademi Antolakuntzako eta Doktoregoko Batzorderako irakasleen hamabost ordezkariak hautatzeko, horietako hamar ikastegi, sail eta unibertsitate institutuek proposatuko dituzte, 9. artikuluan zehaztutako prozeduraren arabera, eta beste bost errektoreak proposatuko ditu.

2. – Ikasleen hiru ordezkarietatik, bi Klaustroan ikasleek dauzkaten ordezkariek aukeratuko dituzte, eta bestea errektoreak proposatuko du, 13. artikulutik 16. artikulura bitartean azaltzen den legez (artikulu biok barne).

1. – Prozesua bideratzeko batzorde bat eratuko da, honako osakideak izango dituena: Akademi Antolakuntzako errektoreordea (bera izango da batzordeko burua), idazkari nagusia eta hiru batzordekide. Hiru horietatik bi irakasle eta ikertzaileen ordezkariak izango dira (bat funtzionario doktorea izan beharko da) eta bestea ikasleen ordezkaria. Hiru batzordekideok zozketaz hautatuko dira Gobernu Kontseiluko kide guztien artetik.

2. – Hauek izango dira batzordearen eginkizunak: hauteskunde prozesua gainbegiratzea, egon daitezkeen hutsuneak betetzea, arautegi hau interpretatzea eta jar litezkeen erreklamazioak ebaztea.

Idazkaritza Nagusiak deia egingo du Akademi Antolakuntzako eta Doktoregoko Batzordeko kideen hauteskundeetarako. Ikastegiek, sailek eta unibertsitate institutuek proposatuko dituzte hautagaiak. Deialdia argitaratu egingo da, eta honakoak zehaztuko dira bertan:

1. Ikastegi, sail eta institutu bakoitza zein arlotakoa den, lehen xedapen iragankorrak dakarren eranskinaren arabera.

2. Ikastegi, sail edo institutuek zein epe daukaten Akademi Antolakuntzako Errektoreordetzara bidaltzeko hautesle izendatu duten pertsonaren izena.

3. Hautagarriek zein epe daukaten euren burua hautagai aurkezteko Ikerketa Errektoreordetzaren aurrean.

4. Botazioa: eguna eta lekua.

5. Hauteskunde Batzordearen osaera.

1. – 3.2. artikuluan aipatzen diren baldintzak betetzen dituzten unibertsitateko irakasleek (hautagarriek) Idazkaritza Nagusiak zehaztutako epean aurkeztu beharko dute kandidatura. Era berean, adierazi beharko dute zein saili atxikita dauden.

2. – Ikastegi, sail eta institutu bakoitzak Idazkaritza Nagusiaren deialdian zehaztutako epean proposatu beharko du ordezkaria.

   Epea behin igarota, Akademi Antolakuntzako Errektoreordetzak argitara emango du ikastegi, sail edo institutuek bost arlo zientifikoetarako hautesle izendatu dituzten pertsonen zerrenda, bai eta arlo bakoitzetik aurkeztu diren banan banako hautagaien zerrenda ere.

3. – Botazioaren egunean hautesle bakoitzak bere arloko hautagai bakarrari emango dio botoa.

Botoa ematea errazagoa izan dadin, ikastegi, sail eta unibertsitate institutuek izendatutako hautesleek aurretik eman ahal izango dute botoa, bozketa egunaren aurreko hiru egunetan, Campuseko Idazkaritzan horretarako izendatuko den pertsonaren aurrean, hori guztia hauteskunde arautegi orokorreko 7. artikuluan zehazten diren baldintzetan.

Botazioaren egunean hauteskunde mahai bat eratuko da campus bakoitzeko. Osakideak izango dira Campuseko Idazkaritzak izendatutako pertsona eta beste pertsona bi, campus bakoitzeko hautesle (ez hautagai) direnen artean zozketa publikoz hautatuak. Bozketa amaituta, aurretik emandako botoak boto kutxan sartuko dira, eta zenbatu egingo dira. Emaitzen akta eta espediente osoa Idazkaritza Nagusira bidaliko dira.

Idazkaritza Nagusiak amaierako aktan jasoko ditu emaitzak eta argitara emango du akta hori.

Jasotako botoen arabera, arlo zientifiko bakoitzean aurkeztutako hautagaien zerrenda egingo da.

Jasotako botoen arabera, arlo zientifiko bakoitzean aurkeztutako hautagaien zerrenda egingo da.

Unibertsitateko arlo zientifiko bakoitzetik bi ordezkari hautatuko dira Gobernu Kontseiluari proposatzeko.

Errektoreak edo hark bere ordez izendatzen duen errektoreordeak proposatuko dizkio Gobernu Kontseiluari zerrenda bakoitzeko lehen bi pertsonak (9. artikuluaren arabera egindako zerrendetakoak), arlo zientifiko bakoitzaren ordezkari izan daitezen AADBn.

Edozelan ere, proposatutako pertsonak ezin izango dira sail edo institutu berekoak izan. Zerrendako lehen bi pertsonak sail edo institutu berari atxikita egonez gero, proposatuko lirateke zerrendako lehena eta lehenengoaren sail edo institutu berekoa ez den hurrengoa.

Hainbanaketa suertatuz gero, Hauteskunde Batzordeak zozketaz hautatuko ditu ordezkariak.

Batzordeko beste bost kideak (bat alor bakoitzeko) errektoreak proposatuko dizkio Gobernu Kontseiluari, EHUn jardunean dauden irakasleen artetik aukeraturik, irakasle emeritu eta bisitariak alde batera utzita.

Proposamenaren bidez, errektoreak bermatuko du ikastegien antolakuntza akademikoan gaur egun arduraren bat daukaten pertsonak egotea batzordean.

Era berean, ikastegi, sail eta institutuek arlo zientifikoren batean ez balute ordezkaririk, Doktoregoko Azpibatzordean parte hartzeko baldintzak betetzen dituenik, errektoreak ordezkari bat proposatuko luke.

Era berean, batzordeak behar bezala funtziona dezan ziurtatzeko, errektoreak proposatu ahal izango dizkio Gobernu Kontseiluari ikastegi, sail eta institutuetako hautesleek proposatu ez dituzten gainerako kideak.

1. – Ikasleen ordezkari biak aukeratzeko kandidaturak Klaustroko Mahaiari aurkeztuko zaizkio, Klaustrorako deialdian horretarako zehaztuko den epean (EHUko Estatutuetako 238. artikuluan aipatzen da deialdi hori).

2. – Klaustrorako aztergaien zerrendan (ikus Estatuetako 238. art.) sartuko da AADBrako ikasleen ordezkarien hauteskundeei buruzko puntua.

3. – Kandidaturetan titularrak eta ordezkoak egon beharko dira.

Unibertsitateko Klaustroan ikasleek dauzkaten ordezkariak bakarrik izan ahalko dira hautesle.

Errektoreak, edo hark bere ordez izendatzen duen pertsonak, Gobernu Kontseiluari proposatuko dizkio, arlo bakoitzerako ordezkari, arlo zientifiko bakoitzean boto gehien lortu dituzten bi hautagaiak.

Edozelan ere, proposatutako hautagaiak EHUko titulu ofizialen batean egon beharko dira matrikulatuta.

Hainbanaketa egonez gero, Hauteskunde Batzordeak zozketaz hautatuko ditu ordezkariak.

Batzordeko beste ordezkaria errektoreak proposatuko dio Gobernu Kontseiluari, EHUko ikasleen artetik aukeraturik.

Era berean, batzordeak behar bezala funtziona dezan ziurtatzeko, errektoreak proposatu ahal izango dizkio Gobernu Kontseiluari ikasleen ordezkariek hautatu ez dituzten gainerako kideak.

Gobernu Kontseiluak berretsiko ditu ikastegi, sail eta unibertsitate institutuen eta errektorearen proposamenak, 11. eta 12. artikuluen arabera. Berretsi ezean, hauxe egingo da:

1. Berretsi ez den hautagaia ikastegi, sail eta unibertsitate institutuek aukeratuetako bat bada, dagokion arloko hurrengo hautagaia proposatuko zaio Gobernu Kontseiluari berresteko.

2. Berretsi gabeko hautagaia errektoreak proposatutakoa bada, errektoreak beste hautagai bat proposatuko du Kontseiluak berresteko.

1. – Gobernu Kontseiluak hautagaiak berretsi eta 15 eguneko epean Akademi Antolakuntzako eta Doktoregoko Batzorde berria eratuko da.

2. – Batzordea eratzean Doktoregoko Azpibatzordeko kideak hautatuko dira.