- EBAZPENA, 2008ko maiatzaren 12koa, Euskal Herriko Unibertsitateko idazkari nagusiarena, Estatutuen 241. artikulua apirilaren 12ko 4/2007 Legeak, Unibertsitateen 6/2001 Lege Organikoa aldarazten duenak, 15.2 artikulurako ezarri duen idazkerara egokitzeko erabakia Euskal Herriko Agintaritzaren Aldizkarian argitaratzeko agindua emateko dena. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuEBAZPENA, 2008ko maiatzaren 12koa, Euskal Herriko Unibertsitateko idazkari nagusiarena, Estatutuen 241. artikulua apirilaren 12ko 4/2007 Legeak, Unibertsitateen 6/2001 Lege Organikoa aldarazten duenak, 15.2 artikulurako ezarri duen idazkerara egokitzeko erabakia Euskal Herriko Agintaritzaren Aldizkarian argitaratzeko agindua emateko dena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Euskal Herriko Unibertsitatea
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 109
- Hurrenkera-zk.: 3534
- Xedapen-zk.: ---
- Xedapen-data: 2008/05/12
- Argitaratze-data: 2008/06/10
Gaikako eremua
- Gaia: Administrazioaren antolamendua; Ogasun eta Ekonomía
- Azpigaia: Gobernua eta herri administrazioa; Sailak; Ekonomia
Testu legala
UPV/EHUko Estatutuetako 241. artikuluan araututa dago Gobernu Kontseiluaren osaera apirilaren 12ko 6/2001 Legeak, Unibertsitateenak, 15. artikuluan zehaztutakoari jarraituz.
Lege horretako 15. artikulua aldarazi egin du apirilaren 12ko 4/2007 Legeak, eta, beraz, egokitu egin behar da legeko zortzigarren xedapen gehigarrian zehaztutako prozedurari jarraituz. Horren arabera, Gobernu Kontseiluari dagokio arauan zehaztutakoa betetzeko beharrezko den arautegia onartzea, harik eta Estatutuak egokitu arte.
Horrela, bada, Gobernu Kontseiluaren funtzionamenduari buruzko arautegian arauak garatzeko zehaztutako prozeduraren babesean, Gobernu Kontseiluak, 2008ko apirilaren 10ean egindako bileran, onartu egin zuen Estatutuetako 241. artikulua egokitzea Unibertsitateen Lege Organikoko 15. artikuluaren idazkera berrira. Egokitzapena eranskinean jasokoa da.
Azkenik, UPV/EHUko Estatutuetako 258.1.d) atalak dio, idazkari nagusiak bermatu behar duela UPV/EHUko erabakiak argitaratzea; bestalde, otsailaren 25eko 3/2004 Legeak, Euskal Unibertsitate Sistemaren buruzkoak, 10.2 artikuluan dio antolaketaren eta jarduteko moduaren gainean unibertsitateak emandako arauak Euskal Herriko Agintaritzaren Aldizkari Ofizialean argitaratuko direla eta ez direla indarrean jarriko harik eta testuak oso-osorik argitaratu arte.
Hori guztia kontuan hartuta, honakoa
Leioa, 2008ko maiatzaren 12a.
UPV/EHUko idazkari nagusia,
IÑAKI ESPARZA LEIBAR.
ERABAKIA, 2008KO APIRILAREN 10EKOA, UPV/EHUko GOBERNU KONTSEILUARENA, ESTATUTUEN 241. ARTIKULUA APIRILAREN 12KO 4/2007 LEGEAK, UNIBERTSITATEEN 6/2001 LEGE ORGANIKOA ALDARAZTEN DUENAK, 15.2 ARTIKULURAKO EZARRI DUEN IDAZKERARA EGOKITZEKOA.
Apirilaren 12ko 4/2007 Legeak aldarazi egin ditu abenduaren 21eko 6/2001 Lege Organikoko hainbat manu, batzuk unibertsitateen gobernu organoei buruzkoak. Horietako batek Gobernu Kontseiluaren osaerari eragiten dio. ULOren 15.2 artikuluari honako idazkera eman zaio:
Hauek izango dira Gobernu Kontseiluaren osakideak: errektorea, Kontseiluaren buru izango dena; idazkari nagusia, Kontseiluaren idazkari ere izango dena; gerentea; eta beste berrogeita hamar kide, gehien dela. Beste hauek ere izango dira kide: errektoreordeak, unibertsitateko kideen ordezkariak (Klaustroko taldeen osaerari jarraituz), dekano eta zuzendarien ordezkariak, Estatutuei jarraituz. Gainera, Estatutuetan jasota baldin badago, Gobernu Kontseiluko kide izan ahalko dira Gizarte Kontseiluko 3 kide, unibertsitateko kide ez direnak (jatorrizkoa gaztelaniaz).
Artikulu horren ondorioz indarrik gabe geratu da Estatutuetako 241.1 artikuluaren zati bat, 6/2001 Legean zehaztutakoari jarraituz idatzia. Horrela, bada, Estatutuen arabera hauek dira Gobernu Kontseiluaren osakideak: errektorea, Kontseiluko buru izango dena; idazkari nagusia, Kontseiluko idazkaria ere izango dena; gerentea; beste 34 kide, honetara banatuak:
Unibertsitateko Klaustroak hautatutako 14 kide (% 40). Horietatik 6 (% 42,8) funtzionario doktoreak izango dira; beste 3 (% 21,4), gainerako irakasle kategorietakoak; 3 kide (% 21,4) ikasleak izango dira; beste 2 (% 14,2) administrazio eta zerbitzuetako langileak izango dira. Talde bakoitzak bere ordezkariak hautatuko ditu bere baitako kideen artetik.
10 kide (% 29,7) Unibertsitateko Klaustroak hautatuko ditu. Horietatik 6 (% 60) fakultateetako dekanoak edo eskoletako zuzendariak izango dira, 3 (% 30) saileko zuzendariak izango dira eta 1 (% 10) unibertsitateko ikerketa institutu bateko zuzendaria izango da.
10 kide (% 29,7) errektoreak izendatuko ditu, beti ere Gobernu Kontseiluan campusak, ikastegiak eta unibertsitateko talde guztiak modu orekatuan ordezkatuta egotea bilatuz. Honakoak izendatu beharko ditu ezinbestean: campuseko errektoreordeak, unibertsitate eskolako irakasle titular ez doktore bat, irakasle kontratatu bat, administrazio eta zerbitzuetako langile bat eta ikasle bat.
Bestalde, artikulu horretako 2. puntuan jasota dago kide horiez gain, Gobernu Kontseiluan unibertsitatekoak ez diren Gizarte Kontseiluko hiru kide egongo direla.
Manuaren idazkera berriari jarraituz, errektoreari kendu egin zaio Gobernu Kontseiluko kideen % 30a aukeratzeko aukera, baina, bestalde, errektoreordeak Gobernu Kontseiluko kide izango dira. Horrez gain, unibertsitateak askatasuna izango du zehazteko ehuneko zenbatekoa izango den Unibertsitateko Klaustroko taldeen eta zuzendari eta dekanoen ordezkaritza; izan ere, legearen idazkera berrian “Estatutuetan zehaztutakoari jarraituz» egingo dela dio. Horrez gain, idazkera berrian dio Estatutuetan jaso ahal izango dela unibertsitatekoak ez diren Gizarte Kontseiluko hiru kide Gobernu Kontseiluan izateko.
Apirilaren 12ko 4/2007 Legeak, xedapen iragankorretatik zortzigarrenean, ahalmena ematen dio Gobernu Kontseiluari Legean zehaztutakoa betearazteko beharrezko diren arautegiak onartzeko, eta, horren babesean, egungo Estatutuetan gutxieneko aldaketa batzuk egitea proposatzen dugu, hau da, 241. artikulua oinarri hartuta, LOUren 15. artikuluarekin zuzen-zuzenean bat ez datozenak baino ez aldatzea, ezinezkoa baita bi arauak bateragarri egiten dituen irakurketa egitea.
Estatutuak eta Arautegiak Garatzeko Batzordeak eman zuen proposamen honi buruzko iritzia 2008ko otsailaren 14an egindako bileran, eta Gobernu Kontseiluari 2008ko otsailaren 28an aurkeztu zitzaion, eta ez da emendakinik egin.
Horregatik guztiagatik, idazkari nagusiaren proposamenari jarraituz, Gobernu Kontseiluak honakoa
“241. artikulua.– 1.– Hauek izango dira Gobernu Kontseiluaren osakideak: errektorea, Kontseiluko buru izango dena; idazkari nagusia, Kontseiluko idazkaria ere izango dena; gerentea; beste 34 kide, honetara banatuak:
6 errektoreorde, errektoreak izendatuak.
Unibertsitateko Klaustroak hautatutako 18 kide. Horietatik 7 unibertsitatearekin lotura iraunkorra duten irakasle doktoreen ordezkariak izango dira; beste 4, gainerako irakasle eta ikerlarien ordezkariak; 4, ikasleen ordezkariak; eta 3, administrazio eta zerbitzuetako langileen ordezkariak. Kidego bakoitzak bere ordezkariak hautatuko ditu bere baitako kideen artetik.
10 kide dekano eta zuzendarien ordezkariak izango dira, Unibertsitateko Klaustroak hautatuak eta era honetara banatuta: 6, fakultateetako dekanoak edo eskoletako zuzendariak; 3, saileko zuzendariak; eta 1, unibertsitateko ikerketa institutu bateko zuzendaria.
– Gainera, Gobernu Kontseiluan unibertsitatekoak ez diren Gizarte Kontseiluko hiru kide egongo dira».
Leioa, 2008ko apirilaren 10a.
Errektorea,
JUAN IGNACIO PÉREZ IGLESIAS.
Idazkari nagusia,
IÑAKI ESPARZA LEIBAR.