- EBAZPENA, 2012ko martxoaren 15ekoa, Gizarte Zerbitzuetako zuzendariarena; honen bidez, Gizarte Zerbitzuen Euskal Sistemako Prestazio eta Zerbitzuen Karterako dekretu-proiektua jendaurrean jarriko da. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuEBAZPENA, 2012ko martxoaren 15ekoa, Gizarte Zerbitzuetako zuzendariarena; honen bidez, Gizarte Zerbitzuen Euskal Sistemako Prestazio eta Zerbitzuen Karterako dekretu-proiektua jendaurrean jarriko da.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Enplegu eta Gizarte Gaietako Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 54
- Hurrenkera-zk.: 1265
- Xedapen-zk.: ---
- Xedapen-data: 2012/03/15
- Argitaratze-data: 2012/03/15
Gaikako eremua
- Gaia: Administrazioaren antolamendua; Gizarte gaiak eta emplegua; Ingurune naturala eta etxebizitza
- Azpigaia: Gizarte Gaiak; Hirigintza eta etxebizita; Gobernua eta herri administrazioa
Testu legala
Enplegu eta Gizarte Gaietako sailburuaren 2012ko otsailaren 15eko Aginduaren bidez, Gizarte Zerbitzuen Euskal Sistemako Prestazio eta Zerbitzuen Karterako dekretu-proiektua lantzeko prozedurari hasiera ematea onartu zen.
Xedapen orokorrak egiteko prozedurari buruzko abenduaren 22ko 8/2003 Legearen 8.1 artikuluan xedatutakoaren arabera, herritarren eskubide eta interes legitimoak eraginpean hartzen dituzten xedapen orokorrei entzunaldiaren izapidea aplikatuko zaie. Halaber, eta xedapenen izaerak aholkatzen duenean, jendaurrean jarriko dira.
Ildo horretan, Gizarte Zerbitzuen Euskal Sistemako Prestazio eta Zerbitzuen Karterako dekretu-proiektua jendaurrean jarriko da, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera kontatzen hasita 2012ko apirilaren 30era arte.
Aurreko guztia dela-eta, honako hau
Lehenengoa Gizarte Zerbitzuen Euskal Sistemako Prestazio eta Zerbitzuen Karterako dekretu-proiektua jendaurrean jartzea, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera kontatzen hasita 2012ko apirilaren 30era arte.
Bigarren. Aurreko paragrafoan xedatutakoaren ondorioetarako, eta alegazioak aurkezteko, Gizarte Zerbitzuen Euskal Sistemako Prestazio eta Zerbitzuen Karterako dekretu-proiektuaren edukia Enplegu eta Gizarte Gaietako Sailaren Gizarte Zerbitzuetako Zuzendaritzan (helbidea: Donostia kalea, 1, Vitoria-Gasteiz), Eusko Jaurlaritzaren egoitza elektronikoan (www.euskadi.net), Enplegu eta Gizarte Gaietako Sailaren atarian (www.gizartelan.ejgv.euskadi.net) eta Irekiaren atarian (www.irekia.euskadi.net) egongo da eskuragarri.
Vitoria-Gasteiz, 2012ko martxoaren 15a.
Gizarte Zerbitzuen zuzendaria,
IÑAKI mirena MÚGICA FLORES.