Ongi etorri Legegunea atarira

Atal bakarra.–

Landa-inguruneko turismo-ostatuak arautu zituen maiatzaren 128/1996 Dekretuaren I. atalburuko 2., 3.2. eta 3.3. atalak aldatzea; 3. atalari beste lerroalde bat, bosgarrena, gehitzea; II. atalburuko 7., 8. eta 9. atalak eta IV. atalburuko 26.1. atala aldatzea. Honala geratuko dira guztiok:

«2. atala.– Modalitateak.

1. – Dekretu honetan zehazten diren turismo-ostatuetako zerbitzuak modalitate hauetakoak izango dira:

   1. Nekazaritza-turismoa.

   2. Landa-hotela.

   3. Landetxea.

   4. Landa-kanpina.

   5. Landa-apartamendua.

2. – Nakazalturismoko establezimenduek, administrazio baimena jaso ondoren, ostatu-zerbitzua logeletan eta/edo osoki lagatako eraikin batean eman ahal izango dute, betiere, ostaturako unitate hori nekazaritzako ustiapen baten barruan baldin badago.

3. – Aurreko lerroaldean zehaztutako modalitateetarako, kasua bada, ematen diren baimenek establezimenduaren titularra behartu egiten dute ostatua baimendutako erregimenaz ematera.»

   «3.2. atala.– Landa-hotelak hauek izango dira: landa-ingurunean kokatutako hotelak, eskualdeko edo tokiko arkitektura tradizionala, tipikoa, duten eraikinetan daudenak.

   Landa-hotelak hotelen araudian ezartzen denaren arabera arautuko dira.

   Establezimendu horiek 40 plaza edukiko dituzte, gehienez.»

   «3.3. atala.– Landetxea hau izango da: turismo-apartamendu eta oporretarako turismo–etxebizitza eta etxe partikularretako ostatuen eta landetxeen antolamendurako araudian jasotzen den modalitateren batean prezio baten truke ostatua ematen den establezimendua, landa inguruneko eraikin batean dagoena.

   Pisuak ez dira landetxetzat hartuko, eta, ondorioz, ez zaie dekretu hau aplikatuko. Hainbat solairuko eraikin bateko etxebizitza independenteak, mendiko arkitektura tradizionala edo landa inguruneko arkitektura propioa ez dutenak hartzen dira pisutzat.

   Landetxeeen edukiera, gehienez, hau izango da:

   1. etxebizitza partikularretako geletan, 12 plaza;

   2. oporretarako turismo etxebizitzetan, 10 plaza.

      Hala ere, oporretarako bi edo hiru turismo etxebizitzetako multzoen kasuan, gehienez 16 plaza eta 18 izango dituzte, hurrenez hurren.»

      .– Landa-apartamendua hau izango da: landa–ingurunean kokatutako turismorako apartamenduak, eskualdeko edo tokiko arkitektura tradizionala, tipikoa, duten eraikinetan daudenak.

      Establezimendu horiek 24 plaza edukiko dituzte, gehienez, eta turismo apartamenduen araudian ezartzen denaren arabera arautuko dira.

      «7. atala.– Establezimenduaren edukiera.

      1. – Nekazaritza-turismoko establezimenduak lau lagunentzako edukiera edukiko du gutxienez eta hamabirentzakoa, gehienez, ostatua logeletan ematen denean; ostatua eraikin batean ematen denean, berriz, hamarrekoa gehienez. Zenbaketa horretan ez dira kontutan hartuko ordezko oheak.

      2. – Aurreko lerroaldean esandakoa gorabehera, ostatua modalitate bietan batera emateko baimenen kasuan, establezimenduaren edukiera 16 plazakoa izango da, gehienez ere.

      3. – Ostatua emateko unitate bakoitzean, establezimenduaren izena, modalitatea, erregistro zenbakia eta unitate horretarako baimendutako edukiera adierazi beharko dira.»

         «8. atala.– Betekizun teknikoak.

      1. – Ostatua logeletan ematen duen nekazaritza-turismoko establezimenduak gutxienezko instalazio eta ekipamendu hauez hornituta egon beharko du:

         1. argindarra eta edateko ura —beroa eta hotza—, eguneko 24 orduetan;

         2. berogailua logeletan, komunetan, egongelan eta jantokian;

         3. etxebizitzan telefono bat;

         4. jantoki-gela bat, establezimenduaren gehienezko edukierarako egokia, lagun bakoitzeko metro karratu bateko azalera eduki beharko duela gutxienez;

         5. argi naturala logela guztietan;

         6. korridore eta eskailerek metro bat zabal izan beharko dute, gutxienez;

         7. logela bikoitzek 12 m.2-ko azalera eduki beharko dute gutxienez, eta indibidualek 7 m.2-koa, beti ere bainugela edo garbilekua bertan ez badago. Logelek, gutxienez, 2,5 metroko altuera izan beharko dute. Txapitulan egindako logeletan gutxienezko altuerak azaleraren %60a hartu behako du gutxienez;

         8. kanporako zuzeneko aireztatzea, hutsune bat edo batzuen bidez, hutsuneon gutxienezko azaleraren batuketa ezingo delarik izan 1,20 m.2-tik beherakoa, markoa kanpo dela, eta logelako oinaren azaleraren %8tik beherakoa. Leihoek kontraleihoak eduki beharko dituzte edo pertsianak, logela ilun geratzeko;

         9. establezimenduak bainugela oso bat eduki beharko du lau bezeroko, horiek bakarrik erabiltzekoa. Konketa, komuna, bainera eta bideta eduki beharko ditu, logela dagoen solairu berean egon beharko da, logeletatik gertu, bainugela logelen barruan dagoenean izan ezik; azken kasu horretan, logelean daudenek baino ezingo dute erabili;

         10. bainugela osoa logelaren barruan egonez gero, garbileku bat jarri ahalko da ordez, konketa, komuna eta dutxa-platerra edo bainera txiki batez osatua;

         11. logeletatik kanpo dauden bainugelen gutxienezeko azalera 4 m.2-koa izango da eta logeletan dauden bainugela edo garbilekuena 3 m.2-koa;

         12. logelek gutxienez elementu hauek eduki beharko dituzte: erropetarako armairu bat —enpotratua edo ez—, pertxak, aulki edo butaka bat edo gehiago, ohe-mahai bat argi-etengailu bat bertan edo hurrean duela, eta gaueko lanpara bat, eta ohe ondoko alfonbra bi;

         13. oheek somier bat, koltxoia —babesgarriaz—, burukoa, izarak, eta gutxienez manta bi eduki beharko dituzte;

         14. bezeroak eskatuz gero, ordezko ohe bi jarri ahalko dira logelako, logelen azalera ohe bakoitzeko %25ekoa baino handiagoa denean eskatutako gutxienezkoaren aldean;

         16. bezeroak eskatzen badu, urte bitik beherako umeentzat sehaska bat jarriko da, dohainik, edozein logelatan;

         17. logelak eta bainugelak egunero garbitu eta zaintzea bermatu beharko du titularrak;

         18. solairu bakoitzeko itzalgailu bat, eremu amankomunean argi eta garbi ikusteko moduan eta erraz hartzeko moduan, larrialditarako argi batzuekin batera, indarrean dauden legeetan agindutakoaz bat etorriz;

         19. lehen laguntzetarako botikina; eta

         20. Ibilgailuentzat zolatutako sarrera.

      2. – Ostatua eraikin bat osoki utziz ematen duten nekazaritza–turismoko establezimenduek ondoren azaltzen diren azalerak eta instalazio eta ekipamenduak eduki beharko dituzte, gutxienez:

         LOGELA GUTXIENEZKO AZALERAK

         Logela bikoitza 12 m.2

         Bakarkako logela 6 m.2

         Literak 4,5 m.2/laguneko

         JANTOKIA 1,5m.2/plaza

         GUTXIENEZ 10 m.2

         BAINUGELA

         Bainugela osoa EZ

         Garbilekua BAI

         Beste logela edo garbileku bat 6 plaza +

         Bainugelaren azalera 3,5 m.2

         Garbilekuaren azalera 3 m.2

         KORRIDOREEN ETA ESKAILEREN ZABALERAm 1

         Logelek, gutxienez, 2,5 metro garai izan beharko dute- Txapitulan egindako logeletan altuerak azaleraren %60a hartu behako du gutxienez.

         Zerbitzuak eta instalazioak:

         1. argindarra eta edateko ura —beroa eta hotza—, eguneko 24 orduetan;

         2. berogailua logeletan, komunetan, egongelan eta jantokian;

         3. ezkaratza, beti eduki beharko duela kanporako zuzeneko aireztatzea. Bertan, harraska eta sukaldea egon beharko dira, eta elikagaientzako eta tresnentzako nahikoa armairu; eta, gutxienez, su bi eta labea, hotzgailua eta erauzgailua, kanpaia edo kea ateratzeko edozelako beste sistema bat, bere funtzionamendua edozein dela ere;

         4. logelek kanporako zuzeneko aireztapena izango dute. Leihoek kontraleihoak eduki beharko dituzte edo pertsianak, logela ilun geratzeko;

         5. bainugela osoa logelaren barruan egonez gero, garbileku bat jarri ahalko da ordez;

         6. oheek somier bat, koltxoia —babesgarriaz—, burukoa, izarak, eta gutxienez manta bi eduki beharko dituzte;

         7. solairu bakoitzeko itzalgailu bat, eremu amankomunean argi eta garbi ikusteko moduan eta erraz hartzeko moduan, larrialditarako argi batzuekin batera, indarrean dauden legeetan agindutakoaz bat etorriz.

      3. – Arkitektura mailako baldintzak, establezimenduaren ezaugarri bereziak eta hotelaren funtzioak haietara egokitzeko komenigarritasuna kontutan hartuta, turismoaren alorrean eskudun den sailak instalazio eta ekipamenduaren alorrean lekapen batzuk eman ahalko ditu, hala eskatzen bazaio eta arrazoiak ematen bazaizkio. Dena dela, osasun, ingurugiro, industria-segurtasun, kanpo eta barruko isolamendu akustiko eta suaren kontrako babeserako araudia bete egin beharko da.»

         «9. atala.– Jarduerarako baimena emateko aurkeztu beharreko agiriak.

         Jarduera honetan aritzeko, interesatuek jarduerarako baimena eskatu beharko dute dekretu honen IV. atalburuan jarritako jardunbidearen arabera. Eskabidearekin batera, agiri hauek aurkeztu beharko dituzte:’

         1. establezimenduaren titularraren nortasunaren egiaztagiria;

         2. nekazaritzako ustiategi bat dagoela eta horren titularitatea nekazaritza-turismoa egin nahi duenak daukala egiaztatzen duen agiria. Ustiategiaren titularra pertsona juridikoa bada, eskatzaileak horren parte dela egiaztatu beharko du;

         3. nekazaritza-turismoa kokatzen den lurralde historikoko foru aldundiko nekazaritza sailak emandako agiria, eskatzailea nekazaritzako ustiategi baten titularra edo kotitularra dela edota partaidetza bat duela egiaztatzen duena eta ustiategia lurralde historikoko ustiategien erregistroan inskribatuta dagoela egiaztatzen duena;

         4. jabetzaren titularraren eta establezienduaren titularraren arteko kontratuaren —egonez gero— egiaztagiria, eta, behar izanez gero, jarduerarako baimena;

         5. ostatuaren kokapena eta ezaugarri arkitektonikoak zehazten dituzten txostena eta planoak, logelen kopurua eta ezaugarriak, bainugelak, elementu eta gune amankomunak, eta segurtasunaren alorrean eta suteak ekiditeko hartutako neurriak;

         6. ostatu-ematearen jarduera dela-eta .n alta eman izanaren egiaztagiria;

         7. erantzukizun zibilerako polizaren kopia, eta

         8. gutxienezko zerbitzuen eta zerbitzu osagarrien prezioei buruzko deklarazioa eta establezimendua irekita dagoen aldiarena.»

            «26.1. atala.– Lurralde ordezkari eskudunak espedientea osatu ondoren, Turismo zuzendariari igorriko dio; ondoren, egoki iritziz gero, nekazaritza-turismoko establezimendurako edo landa–kanpinerako baimena emango du, behar den modalitateetarako.»

            ALDIBATERAKO XEDAPENAK