Ongi etorri Legegunea atarira

atala.- Xedea.- Euskal Autonomi Elkarteko establezimenduetan, landa-ingurunean prezio-bidez ematen diren turismo-ostatuetako zerbitzuak arautzea da dekretu honen xedea.

atala.- Modalitateak.

Dekretu honetan zehazten diren turismo-ostatuetako zerbitzuak modalitate hauetakoak izango dira:

1. Nekazalturismoa.

2. Landa-hotela.

3. Landa-etxea.

4. Landa-kanpina.

atala.- Definizioak.

Nekazal-turismotzat hau hartzen da: prezio-bidez, ostatu emateko zerbitzuak ¿jan-edanekin edo beste zerbitzu osagarri batzuekin nahiz gabe¿ landa-ingurunean dauden establezimenduetan ematea, hurrengo atalburuan araututako baldintzekin.

Landa-hotelak landa-ingurunean eta eskualdeko edo alderdiko arkitektura tradizionala eta betikoa gordetzen duten eraikinetan edo etxeetan jarritako hotelak izango dira.

Establezimendu horiek 50 lagunentzako lekua edukiko dute, gehienez ere.

Landa-hotelak hotel-establezimenduak arautzeko araudian jarritakoaz arautuko dira.

Landa-etxea hau izango da: Turismo­Apartamendu eta Oporretarako Turismo-Etxebizitza eta Etxe Partikularretako Ostatuen Antolamendua arautuko duen Araudian jasotzen den modalitateren batean prezio-bidez ostatua ematen den establezimendua, landa-inguruneko eraikin batean dagoena.

Establezimendu horiek 4 lagunentzako lekua edukiko dute gutxienez, eta 12 lagunentzakoa, gehienez.

Pisuak ez dira landa-etxetzat hartuko, eta, ondorioz, ez zaie dekretu hau aplikatuko. Hainbat solairutako eraikin bateko etxebizitza independienteak, mendiko arkitektura tradizonalak edo landa-inguruneko arkitektura propioa ez dutenak hartzen dira pisutzat.

Landa-kanpina hau izango da: nekazaritzako ustiategi barruan dauden eta ohiko bizileku diren baserrien eraskinetan edo jabetzetan dendak, aterpe mugikorrak, karabanak edo garraia daitezkeen antzeko elementuak dituzten instalazioak, beti ere, instalatzen diren elementuak bostetik gora ez badira, eta erabiltzaileak hogeitik gora ez badira.

Landa-kanpinen erregimen juridikoa dekretu honetan jasotzen da. Hala ere, landa-kanpinei Euskal Autonomi Elkarteko Kanpinen Antolamenduari buruzko martxoaren 16ko 41/1981 Dekretuaren X. atalburuan kanpinean daudenentzat jarritako eskubide eta betebeharren erregimen juridikoa ezar dakieke.

atala.- Establezimenduaren baldintzak.-

Nekazalturismoko establezimenduak nekazaritzako ustiategien barruan kokatu beharko dira, mendiko arkitektura tradizonala edo landa-inguruneko arkitektura propioa eduki beharko dute eta landa­gunean egon beharko dute.

Nekazaritzako ustiategitzat indarrean dagoen legerian ezarritakoa joko da.

Nekazalturismoko establezimendutzat hartuko da etxebizitzarako eta nekazaritzako ustiapenak eskatzen dituen beharrei erantzuteko den eraikina edo eraikinen multzoa.

Pisuek, dekretu honen 3. ataleko 3. idazatiaren azkeneko lerroaldean adierazitako moduan, ez dira nekazalturismoko establezimendutzat hartuko, eta, ondorioz, ez zaie dekretu hau aplikatuko.

Etxebizitzak eraikin guztia hartu beharko du, edo eraikinaren zati bat elementu amankomun baterako edo kalerako irteera propioa duela.

Establezimenduak jarduera eta zerbitzuak emateko baldintzak bete beharko ditu instalazio eta ekipamenduei dagokienez.

atala.- Jardueraren baldintzak.

Ezinbestekoa izango da nekazalturismoaren jarduera nekazariek egitea, nekazaritzat indarrean dagoen legeriak zehazten duena hartuko delarik.

Nekazaritza jarduerak egonkorra eta epe-mugarik gebekoa izan beharko du jarduera nekazalturismotzat jotzeko.

atala.- Baldintza subjetiboak

Nekazalturismoko establezimenduaren titularrak etxebizitzaren jabea izan beharko du, edo bestela, beste izaera edo baimen nahikoa eduki beharko du nekazalturismoan aritzeko.

atala.- Establezimenduaren edukiera.

Nekazalturismoko establezimenduak lau lagunentzako edukiera edukiko du gutxienez eta hamabi lagunentzakoa gehienez; zenbaketa horretan ordezko oheak ez dira hartuko kontutan.

atala.- Baldintza teknikoak.

Establezimenduak gutxienezko instalazio eta ekipamendu hauez hornituta egon beharko du:

1. Argindarra eta edateko ura ¿beroa eta hotza¿, eguneko 24 orduetan.

2. Berogailua logeletan, komunetan, egongelan eta jantokian.

3. Etxebizitzan telefono bat egongo da.

4. Jantoki-gela bat, establezimenduaren gehienezko edukierarako egokia, plaza bakoitzeko metro karratu bateko azalera eduki beharko duela gutxienez.

5. Eguzki-argia logela guztietan.

6. Korridore eta eskailerek gutxienez metro batekoak izan beharko dute zabaleran.

7. Logela bikoitzek 12 m2-ko azalera eduki beharko dute eta indibidualek 7 m2-koa gutxienez, beti ere bainugela edo garbigela bertan ez badago. Logelek gutxienez 2,5 m-ko altuera eduki beharko dute. Txapitulan egindako logeletan gutxienezko altuerak azaleraren %60a hartu behako du gutxienez.

8. Kanporako zuzeneko aireztatzea, hutsune bat edo batzuen bidez, hutsuneon gutxienezko azaleraren batuketa ezingo delarik izan 1,20 m2-tik beherakoa, markoa kanpo dela, eta logelako oinaren azaleraren %8tik beherakoa. Leihoek kontraleihoak eduki beharko dituzte edo pertsianak, logela ilun geratzeko.

9. Establezimenduak bainugela oso bat eduki beharko du lau laguneko, eta horiek bakarrik erabiltzeko. Konketa, komuna, bainera, eta bideta eduki beharko ditu, logela dagoen solairu berean egon beharko da, logeletatik gertu, bainugela logelen barruan dagoenean izan ezik; azken kasu horretan, logelean daudenek baino ezingo dute erabili.

10. Bainugela osoa logelaren barruan egonez gero, garbigela bat jarri ahalko da ordez, konketa, komuna eta dutxa-platerra edo bainera txiki batez osatua.

11. Logeletatik kanpo dauden bainugelen gutxienezeko azalera 4 m2-koa izango da eta logeletan dauden bainugela edo garbigelena 3 m2-koa.

12. Logelek gutxienez elementu hauek eduki beharko dituzte: erropetarako armairu bat ¿enpotratua edo ez¿, pertxak, aulki edo butaka bat edo gehiago, gau-mahai bat argi-etengailu bat bertan edo hurrean duela eta gaueko lanpara bat, eta ohe ondoko alfonbra bi.

13. Oheek somier bat, koltxoia ¿babesgarriaz¿, burukoa, izarak, eta gutxienez manta bi eduki beharko dituzte.

14. Bezeroak eskatuz gero, bi ordezko ohe jarri ahalko dira logelako, logelen azalera ohe bakoitzeko %25ekoa baino handiagoa denean, eskatutako gutxienezkoaren aldean.

16. Bezeroak eskatzen badu, bi urtetatik beherako umeentzat sehaska bat jarriko da edozein logelatan; dohainikoa izango da.

17. Logelak eta bainugelak egunero garbitu eta zaintzea bermatu beharko du titularrak.

18. Solairu bakoitzeko itzalgailu bat, eremu amankomunean argi eta garbi ikusteko moduan eta erraz hartzeko moduan, larrialditarako argi batzuekin batera; hori guztia indarrean dauden legeetan agindutakoaz bat etorriz.

19. Lehen laguntzetarako botikina.

20. Ibilgailuentzat zolatutako sarrera.

Arkitektura mailako baldintzak, establezimenduaren ezaugarri bereziak eta hotelaren funtzioak haietara egokitzeko komenigarritasuna kontutan hartuta, turismoaren alorrean eskudun den sailak instalazio eta ekipamenduaren alorrean lekapen batzuk eman ahalko ditu, hala eskatzen bazaio eta arrazoiak ematen bazaizkio. Dena dela, osasun, ingurugiro, industria-segurtasun, kanpo eta barruko isolamendu akustiko eta suaren kontrako babeserako araudia bete egin beharko da.

atala.- Jarduerari baimena emateko aurkeztu beharreko agiriak.

Nekazalturismoan aritzeko, interesatuek ihardunerako baimena eskatu beharko dute dekretu honen IV. atalburuan ezarritako ihardunbidearen arabera. Eskabidearekin batera agiri hauek aurkeztu beharko dituzte:

1. Establezimenduaren titularraren nortasunaren egiaztagiria.

2. Nekazaritzako ustiategi bat dagoela eta horren titularitatea nekazalturismoa egin nahi duenak daukala egiaztatzen duen agiria. Ustiategiaren titularra pertsona juridikoa bada, eskatzaileak horren parte dela egiaztatu beharko du.

3. Nekazalturismoa kokatzen den lurralde historikoko foru aldundiko nekazaritza sailak emandako agiria, eskatzailea nekazaritzako ustiategi baten titularra edo kotitularra dela edota partaidetza bat duela egiaztatzen duena eta ustiategia lurralde historikoko ustiategien erregistroan inskribatuta dagoela egiaztatzen duena.

4. Jabetzaren titularraren eta establezimenduaren titularraren arteko kontratuaren ¿egonez gero¿ egiaztagiria, eta, beharrezkoa bada, jarduerarako baimena.

5. Etxebizitzaren bizigarritasunari buruzko agiria.

6. Txostena, ostatuaren kokapena eta arkitektura-ezaugarriak, logelen kopurua eta ezaugarriak, bainugelak, eta elementu eta eremu amankomunak azaltzen dituena.

   E.I.Z.n alta eman izanaren egiaztagiria, ostatu ematearen jarduerari buruz.

7. Erantzukizun Zibilerako Polizaren kopia.

8. Gutxienezko zerbitzuen eta zerbitzu osagarrien prezioen deklarazioa eta establezimenduaren jardueraren aldiarena.

atala.- Zerbitzuak.

Nekazalturismoko establezimenduek gutxienez ostatua eta gosaria eman beharko dute. Horrez gain, aurrekoen prezioan sartu gabe, titularrak osagarrizko zerbitzu hauek eskein ditzake:

1. Janariak eta edariak.

2. Etxeko sukaldea erabiltzeko eskubidea. Sukalde-zerbitzuak elementu hauek edukiko ditu: su elektrikoa edo butanozkoa, hainbat surekin eta labearekin; hozgailua; baxera, mahai-tresnak, kristaleria, eta sukaldean eta garbiketan erabiltzeko tresnak, hori guztia establezimenduak ostatu emateko duen ahalmenaren arabera.

3. Ustiapenetik ateratato eskuzko lanak edo produktuak saltzea.

4. Garbitze eta lisatze zerbitzua. Zerbitzu hori ez badago, hiru egunetik gorako egonaldietan, zerbitzuaz baliatu ahal izateko bitartekoak eman baharko zaizkio erabiltzaileari, zerbitzu hori eskatzen badu.

5. Turismoko beste osagarriak.

6. Ondasunak gordetzea.

Aurreko idazatiko b), d) eta f) lerroaldietan azaldutako osagarrizko zerbitzuak establezimenduko bezeroek erabil ditzakete soil-soilik.

atala.- Egonaldiak.

Egonaldia 12:00etan hasiko eta amaituko da. Bezeroari inoiz ere ezingo zaio eskatu gela uztea ordu hori baino lehenago, kontrakorik adosten ez bada, behintzat.

Bezeroak logela ordu horretan uzten ez badu, egonaldia beste egun batez luzatzen duela usteko da.

Aurretik abisatzen ez bada, bezeroak logela 20:00ak baino lehen hartu beharko du aurrez esandako etorrera-egunean. Hala egiten ez badu, ordu horretatik aurrera logela beste bezero batzuei alokatu ahal izango zaie.

Ostatuaz eta beste zerbitzu batzuez baliatzeko aldia estableziemendu eta bezeroaren nahiz bere ordezkariaren artean hitzartutakoa izango da. Aurrez hitzartutako epea luzatu eta mozteko, establezimenduaren titularraren eta bezeroaren artean adostu beharko da.

atala.- Erreserbak.

Lekua erreserbatzen duten bezeroei aurrez ordaintzea eska diezaieke ostatuaren titularrak. Prezio hori emandako zerbitzuen ondorioz ateratzen den kontura izango da.

Erreserbatutako egonaldiaren guztirako prezioaren %25ekoa izango da aurrerakina.

Bezeroari nekazalturismoko establezimendurako erreserba sendesten zaionean, hitzartutako prezioa errespetatu egin beharko du titularrak, inoiz ere ezingo duelarik zenbateko hori igo.

atala.- Prezioak jakinaraztea eta informazioa ematea.

Turismoaren alorrean eskuduntza duen sailaren lurralde ordezkaritzei, ematen diren gutxienezko eta osagarrizko zerbitzuen prezioak jakinarazi beharko dizkiete establezimenduen titularrek.

Azkeneko jakinarazpenaren ondoren prezioak aldatu egiten badira, jendaurrean jarri aurretik eta aplikatu baino lehen, lekuan lekuko ordezkaritzari horren berri eman beharko zaio zigilua eman diezaion.

Establezimenduaren titularrak ezinbestekoa izango du bezeroa informatzea gutxienezko eta osagarrizko zerbitzuen prezioez, ostatu eman baino lehen.

Ematen diren zerbitzu guztien prezioek ahalik eta publizitate handiena eduki behar dute. Dena dela, prezioen zerrenda ¿kasuan kasuko ordezkaritzak zigilatua¿ euskeraz eta gazteleraz jarri beharko da, establezimenduaren sarreran, ikusteko moduan eta erabiltzaileak argi eta garbi irakurtzeko moduan; bereizita, ostatuko unitate bakoitzaren prezioak jarriko dira, zehaztuz, erabilera indibidualarena, bai eta emandako zerbitzu bakoitzarena ere.

Establezimeduek jendaurrean jarritako prezioak baino ezingo dizkiete kobratu erabiltzaileei.

atala.- Fakturazioa.

Bezeroek hartutako zerbitzuen prezioa establezimenduan bertan eta kobratzeko faktura aurkezteko unean ordaindu beharko dute, erreserban utzitako dirua kendu ondoren.

Bezeroari ordainagiria emango zaio, argi eta garbi eta zehatz mehatz; hartutako zerbitzuak izenekin edo klabez jarriko zaizkio, egunez egun eta kontzeptuka banatuta, beti ere zerga-legeak errespetatuz.

Ordainagirietan gutxienez datu hauek jarri beharko dira: bezeroaren izena, erabilitako logelaren identifikazioa, ostatu hartu duten lagunen kopurua eta etorrera eta joate egunak.

atala.- Erreklamazioen orria.

Nekazalturismoko establezimenduek erreklamazio-orriak eduki beharko dituzte bezeroei erakusteko. Orri horiek agerian iragarri beharko dira, arau honetan indarrean dagoen araudiak eskatzen duen moduan.

atala.- Bezeroen sartze eta irtetzeak.

Nekazalturismoko establezimendu guztiek bezeroen sartze eta irtetzeekiko kontrola eduki beharko dute, indarrean dagoen legediak eskatzen duen moduan.

atala.- Publizitatea.

Nekazalturismoko establezimenduek eskaintzen dituzten zerbitzu eta prezio, kokapen eta gainerako ezaugarriez komunikabideetan egiten duten publizitatea benetakoa izango da, ezingo du zalantza edo nahasbiderik sortu.

atala.- Sustapena.

Nekazalturismoko establezimenduen sustapen publikoak batez ere etxebizitzaren ezaugarriei eta inguruko gora-beherei buruzko informazio osoa eman beharko du.

Turismoaren alorrean eskudun den sailak, nekazalturismoko establezimenduen kualitateen sailkapen sistema bat aplikatzetik sortutako produktuak aitortuko ditu, sustatu ahal izateko.

atala.- Seinaleztapena.

Ostatutik hurbil dauden bide eta errepideetan jartzen diren seinaleak, arlo horretan indarrean dagoen legediak eskatzen duen moduan jarriko dira.

atala.- Baldintza subjetiboak.

Ostatu emateko jarduera hau, indarrean dagoen legediaren arabera nekazari izanik, atalburu honetan ezartzen diren baldintzak betetzen dituztenek egin ahalko dute.

atala.- Jarduerarako baimena emateko aurkeztu beharreko agiriak.

Jarduera honetan aritzeko, interesatuek jarduerarako baimena eskatu beharko dute dekretu honen IV. atalburuan jarritako jardunbidearen arabera. Eskabidearekin batera, agiri hauek aurkeztu beharko dituzte:

1. Establezimenduaren titularraren nortasunaren egiaztagiria.

2. Nekazaritzako ustiategi bat dagoela eta horren titularitatea nekazalturismoa egin nahi duenak daukala egiaztatzen duen agiria. Ustiategiaren titularra pertsona juridikoa bada, eskatzaileak horren parte dela egiaztatu beharko du.

3. Nekazalturismoa kokatzen den lurralde historikoko foru aldundiko nekazaritza sailak emandako agiria, eskatzailea nekazaritzako ustiategi baten titularra edo kotitularra dela edota partaidetza bat duela egiaztatzen duena eta ustiategia lurralde historikoko ustiategien erregistroan inskribatuta dagoela egiaztatzen duena.

4. Jabetzaren titularraren eta establezienduaren titularraren arteko kontratuaren ¿egonez gero¿ egiaztagiria, eta, beharrezkoa bada, jarduerarako baimena.

5. Baserriaren kokapena.

6. Kokapenaren 1:5.000 eskalako plano bat, hurren dauden komunikazio bideak azalduz.

7. Kanpinaren erabiltzaileentzat pentsatutako instalazioak azaltzen dituen txostena.

   E.I.Z.n alta eman izanaren egiaztagiria, ostatu-ematearen jarduerari buruz.

   1. Erantzukizun zibilerako polizaren kopia.

      9. Gutxienezko zerbitzuen eta zerbitzu osagarrien deklarazioa eta establezimenduaren jardunaldiarena.

atala.- Instalazioak.

Dekretu honetan aurrikusitako kanpamendu bat jarri nahi den lurrek instalazio hauek eduki beharko dituzte gutxienez.

1. akanpatzeko alde bat, gutxienez 350 m2-ko azalera duena eta gehienez ere 750 m2-ko luze-zabalera duena.

2. Ura edateko iturri bat, kanpoan eta kanpinean daudenentzat sarrera libreko aldean.

3. Garbileku bat, kokapen berean.

4. Egunero zaborrak biltzea; zaborretarako ontziak kanpinean zehar banatuta egongo dira.

5. Kanpinean daudenentzako higiene zerbitzuak, hau da, dutxak, konketak eta komunak; etxebizitzaren barruan egon daitezke edo kanpoan beren-beregi horretarako jarritakoak izan daitezke, kanpinaren erabiltzaileek baino ezingo dituztela erabili.

6. Titularraren etxean telefonoa egongo da, erabiltzailek erabili ahalko dutela.

7. Lehen laguntzetarako botikin bat.

8. Su itzalgailu bat.

atala.- Osasun arrazoiengatik jarritako debekua.

Abelzaintza edo granja-ustiapena duten baserrietan ezingo da kanpin modalitate hau jarri, baldin eta osasunaren alorreko arrazoiengatik inguruetan pertsonak kanpinetan egotea arriskutsu izan badaiteke. Osasunaren alorreko kontrolak une oro egin ditzake agintedun organoak, turismoaren alorrean eskudun den sailak eskatuta. Sail horrek, establezimenduak ez dituela baldintza egokiak betetzen ikusten badu, baimena ukatu edo kendu egin dezake, kasuan kasu.

atala.- Prezioak jakinaraztea.

Landa-kanpinen titularrek erabilgarri dauden zerbitzuak eta horiengatiko prezioak jakinarazi beharko dizkiote turismoaren alorrean eskuduntza duen sailari.

atala.- Eskabideak aurkeztea eta zuzentzea.

Eskabideak eta gainerako agiriak, establezimendua kokatuta dagoen lekuaren arabera, turismoaren alorrean eskuduntza duen sailaren lurralde ordezkaritzara bidali beharko dira.

Interesatuak, ihardunerako baimen eskabidea, nekazalturismoko establezimenduentzat 9. atalean edo landa­kanpinentzat 21. atalean eskatutako agiriekin batera aurkeztu ondoren, lurralde ordezkari eskudunak eskabidea osatua dagoen ala ez aztertuko du.

Eskabidea osatu gabe badago, lurralde ordezkari eskudunak errekerimendua egingo dio interesatuari hamar eguneko epean egindako akatsak zuzen ditzan; epe hori iraganda, akatsak zuzendu gabe baldin badaude, lurralde ordezkari eskudunak eskabidea artxibatu egingo du eta interesatuari jakinaraziko dio.

Lehenagotik turismoaren alorrean eskudun den sailari emandako agiriak ez dira berriz aurkeztu beharko; kasu horretan eskabidea, eguna eta agiriak zein organori aurkeztu zitzaizkion jarri beharko dira, azaroaren 26ko 30/1992 Legearen 35. ataleko f) idazatian eta abenduaren 17ko 2225/1993 Errege Dekretuaren 4. ataleko 2. idazatian jarritako moduan eta baldintzekin.

atala.- Ebazpena

Lurralde ordezkari eskudunak espedientea osatu ondoren, Turismo sailburuari igorriko dio; ondoren, egoki iritziz gero, nekazalturismokoestablezimendurako edo landa-kanpinerako baimena emango du.

Erabakia hartzeko epea hiru hilabetekoa izango da. Epe hori eskabidea aurkeztu zen egunetik hasiko da kontatzen eta aurreko ataleko 3. zenbakian adierazitako kasuan, interesatuak eskabidea behar den moduan betetzen duen egunetik.

Horretarako ezarritako epean Turismo sailburuak ez badu erabakirik hartzen, eskabidea ukatutzat jo beharko da.

atala.- Erregistroa.

Nekazalturismoko establezimenduak eta landa-kanpinak, baimenduak izan ondoren, Turismo Enpresen Erregistroan inskribatuko dira ofizioz, erregistro hori arautuko duen araudiak ezartzen duen moduan.

atala.- Erantzukizun zibilerako asegurua.

Nekazalturismoko establezimenduen eta landa-kanpinen titularrek erantzukizun zibilerako aseguru bat kontratatu beharko dute bere erantzunkizunekoak izan daitezkeen arriskuak bermatzeko. Gutxienez 10.000.000 PTAkoa izan beharko du aseguruak.

atala.- Funtsezko aldaketak.

Baimenduak izan diren nekazalturismoko establezimenduetan eta landa-kanpinetan funtsezko aldaketarik egiteko, turismoaren alorrean eskudun den sailari jakinarazi beharko zaio baimena eman dezan.

Dekretu honetan ezarritako ondorioetarako, funtsezko aldaketatzat hauek hartuko dira: landa-kanpinen edo nekazalturismoko establezimenduen ezaugarrietan nahiz azpiegiturako instalazioetan egiten den aldaketa oro, azaleran eta edukieran gora-beherak eragiten badituzte edota turismo-leku horiek izendatua zuten sailkapena aldatzea eskatzen badute.

Aurreko lerroaldean aipatutako establezimenduetan funtsezko aldaketak egiteko baimenerako jardunbidea atalburu honetan ezartzen dena izango da. Interesatuaren eskabidearen ondoren, lurralde ordezkaritza eskudunak 9. eta 21. ataletan adierazitako agirietatik derrigorrez zeintzuk aurkeztu behar dituen adieraziko dio interesatuari.

atala.- Arauak hausteagatiko erantzukizuna.

Araudi honetan agindutakoren kontra arau-hausterik egiten bada, administrazio mailako erantzukizuna sortuko da eta Turismoa Antolatzeari buruzko martxoaren 16ko 6/1994 Legean ezarritako zigorretatik bat edo batzuk jarriz gauzatuko da.

GEHIGARRIZKO XEDAPENA

Landa-ingurunean jartzen diren ostatuek, modalitate guztietakoek, eskubidea eta betebeharra edukiko dute sarrera nagusian plakak euskeraz eta gazteleraz jartzeko, agindu batez zehaztuko diren forma, neurri eta koloreetan.

ALDIBATERAKO XEDAPENAK