Ongi etorri Legegunea atarira

Etxebizitza eta Gizarte Gaietako Sailaren Estatistikarako Organo Berezia sortzen da Dekretu honen bidez, eta haren antolamendua eta funtzionamendua ezartzen da, 180/1993 Dekretuaren (ekainaren 22koa da eta Jaurlaritzaren Sailen Estatistikarako Organo Bereziak arautzen ditu) xedapenei jarraiki.

Etxebizitza eta Gizarte Gaietako Sailaren Estatistikarako Organo Berezia pertsona bakarreko organoa da, zuzenean Zerbitzu zuzendariaren mende dagoena.

1. ¿ Etxebizitza eta Gizarte Gaietako Sailaren Estatistikarako Organo Berezia I. Klasekoa da bere eskumenei dagokienez. Horri jarraiki, 180/1993 Dekretuak klase horretako Estatistikarako Organo Bereziei esleitzen dizkien eskumen eta ahalmenak izango eta baliatuko ditu, honako hauek zehazki:

   1. Sailaren Estatistika Plana lantzea, Euskal Estatistika Planaren Proiekturako oinarri izango dena.

   2. Lankidetza Euskal Estatistika Erakundea / Instituto Vasco de Estadística erakundearekin Euskal Estatistika Plana eta Urteko Estatistika Planak lantzeko.

   3. Urteko Estatistika Planetan bilduriko estatistikak edo haien faseak lantzea, programa horietan ezarritako baldintzei jarraiki.

   4. Estatistika propioak lantzea ¿hots, Euskal Estatistika Planean edo Urteko Estatistika Programetan bildu gabeak¿, 4/1986 Legearen 8.1 artikuluan aurreikusitako baldintzetan.

   5. Beste erakundeekiko harremanak artikulu honetako c) eta d) idatz-zatietatik eratorritako estatistika-eginkizunen ondorioz, betiere 4/1986 Legearen 29.c) eta d) artikuluan ezarritakoa kontuan izanda.

   6. Informazioa lortzea bere eskumeneko estatistikak egiteko, 4/1986 Legearen 9. artikulutik 16.era bitartekoetan adierazitako baldintzetan.

   7. Artikulu honetako d) idatz-zatian aipaturiko estatistiken emaitzak argitaratu eta zabaltzea, baita Urteko Estatistika Programetan zehazten direnak ere, horien edukia aldez aurretik Euskal Estatistika Erakundea / Instituto Vasco de Estadística erakundeari jakinarazita.

   8. Bere sektore-eremuko estatistikako fitxategi-direktorioak lantzeko eta eguneratzeko parte hartzea, 4/1986 Legearen 29.i) artikuluan aurreikusitakoaren arabera.

   9. Etxebizitza eta Gizarte Gaietako Sailak interesgarritzat jotzen dituen proiektuak egitea, batez ere sektoreko eta azpisektoreko zerbitzuak, azterlanak eta azterketak, 180/1993 Dekretuaren 7.2 artikuluak ezarritako esparruan.

2. ¿ Etxebizitza eta Gizarte Gaietako Sailaren Estatistikarako Organo Bereziak bere eskumenak baliatuko ditu sail horren estatistika-premiei dagokienez zein atxikita dituen erakundeei dagokienez ¿Euskal Estatistika Erakundea alde batera utzita¿, estatistikak estatistika-datuen edo administrazio-datuen arabera landu behar badira ere.

3. ¿ Estatistikek eraginpean harturiko gaiei buruz adierazitako Sailaren organo eta instantziei legez esleituriko eskumenak errespetatuko ditu Etxebizitza eta Gizarte Gaietako Sailaren Estatistikarako Organo Bereziak. Organoak eskaturiko informazioa emango diote azken horiek Organoari berari, bere eskumenak balia ditzan.

Etxebizitza eta Gizarte Gaietako Sailaren Estatistikarako Organo Bereziak, behin 180/1993 Dekretuaren 4. artikuluan aurreikusitako Estatistikarako Organo Berezien Erregistroan erregistratu ondoren, Euskadiko Autonomia Erkidegoko Estatistikari buruzko bere jarduna estatistika-legeria gordez gauzatuko du, eta, batez ere, estatistika-sekretuari buruzko legeria gordez, beste organo edo erakundeekin izango dituen harremanetan, bere Sailari dagozkionekin edo atxikitakoekin izango dituenak barne.

1. ¿ Etxebizitza eta Gizarte Gaietako sailburua eskudun izango da Etxebizitza eta Gizarte Gaietako Sailaren Estatistikarako Organo Bereziak emandako egintzen aurka jarriko diren errekurtsoak aztertu eta ebazteko.

2. ¿ Errekurtso horien ebazpenak Euskal Estatistika Erakundea / Instituto Vasco de Estadística erakundearen aginduzko txostena izango du aurretik.

Vitoria-Gasteizen, 2006ko ekainaren 20an.

Lehendakaria,

JUAN JOSÉ IBARRETXE MARKUARTU.

Etxebizitza eta Gizarte Gaietako sailburua,

JAVIER MADRAZO LAVÍN.