Ongi etorri Legegunea atarira

1. ¿ Akordio honen helburua honako hau da: Euskal Autonomia Erkidegoko Justizia Administrazioaren zerbitzupeko Funtzionarioen lan-baldintzak arautzea, langileen lan-harremanen garapen normala erraztuz.

2. ¿ Era berean, Justizia Bulego Berria Euskal Autonomia Erkidegoan ezartzeko prozesua garatzeko baldintzak ezarri nahi ditu, bai antolamenduari dagokionez, bai langileen kudeaketari dagokionez.

Akordio hau Euskal Autonomia Erkidego osoan aplikatuko da.

1. ¿ Akordio hau, bertan ezarritako baldintzen arabera, Auzitegiko Medikuen Kidegoa, Prozesu eta Administrazio Kudeaketako Kidegoa edo Eskala, Prozesu eta Administrazio Izapidetzako Kidegoa edo Eskala, Laguntza Judizialeko Kidegoa eta Laborategiko Laguntzaileen Kidegoa osatzen duten karrerako Funtzionarioei aplikatuko zaie. Langile horiek guztiak Justizia Administrazioaren zerbitzupekoak dira.

2. ¿ Auzitegiko Medikuen Kidegoaren kasuan, gainera, honako hauetan ezarritakoa aplikatuko da: abenduaren 1eko 328/1998 Dekretuan ¿Auzitegiko Medikuntzako Euskal Erakundea sortzeari buruzkoa¿ eta dagokion Lanpostu Zerrendan ¿adierazitako Dekretuak onartu zuen (1998ko abenduaren 15eko EHAA, 238. zenbakia) eta urtarrilaren 28ko 12/2003 Dekretuaren bitartez (2003ko otsailaren 6ko EHAA, 25. zenbakia) egindako ondorengo aldaketetan, eta azaroaren 14ko 223/2006 Dekretuan (2006ko azaroaren 28ko EHAA, 227. zenbakia) ezarritakoa.

3. ¿ Halaber, Akordioan ezartzen diren baldintzei jarraiki, honako hauei buruzko aurreikuspenak aplikatuko zaizkie Bitarteko Funtzionarioei:

   1. Lansariak eta lanaldia.

   2. Lizentziak, baimenak eta oporrak, betiere dagokion artikuluan biltzen den arautegiaren arabera.

   3. Osasun-azterketak eta istripu-aseguruak, bizitza-aseguruak eta erantzukizun zibileko aseguruak.

      17. artikuluan arautzen diren nominaren aurreikuspenak eta 21. artikuluan aurreikusitako gizarte-ekintza banatzearen ondoriozko laguntza ekonomikoak.

   4. Euskalduntzea eta alfabetatzea, IX. tituluan ezarritako baldintzen arabera.

   5. Bereziki langile horiei buruzkoa den beste edozein.

1. ¿ Akordioa beharrezkoa eta zatiezina izango da ondorio guztietarako, bertan itundutako baldintzek osotasun organiko bakarra eratuko baitute.

2. ¿ Bereziki, aplikazio praktikoari begira, itundutako baldintzak osotasunari oro har eta batera lotutzat hartuko dira. Horrenbestez, baldintza horiek ezin izango dira berriro negoziatu osotasunetik eta testuingurutik kanpo. Gainera, ezinezkoa izango da artikulu batzuk soilik aplikatzea, gainerakoak baztertuz, baizik eta Akordioa osotasunean ezarri eta bete beharko da.

Akordioan ezarritako baldintzen edukia, esanahia eta hedadura Akordioaren osotasuna kontuan hartuta interpretatu ulertu eta aplikatu beharko dira; era horretan, zerbait jaso gabe geratu bada, hutsuneak, iluntasunak edo anbiguotasunak badaude, ezin izango da itundutakoaren esanahi zuzena nahastu.

Akordio hau sinatu duten alderdiek konpromisoa hartu dute elkarrizketa-bidea agortzeko beste edozein neurri edo jarrera gatazkatsu kolektibo hartu aurretik.

1. ¿ Akordio hau sinatu duten alderdiek konpromisoa hartu dute akordioa berehala eta zuzenean aplikatzeko eta bertako testuan itundutako baldintzak alda ditzaketen gaiak ez sustatzeko.

2. ¿ Akordio honetako artikuluak eta xedapenak aplikatuko dira beste edozein artikulu edo xedapen aplikatu aurretik, eta Akordioan aurreikusi ez denari dagokionez, Akordio hau aplikatu ordez dagokion indarreko araudia aplikatuko da.

1. ¿ Lan-egutegiaren arabera banatuko da lanaldia eta finkatuko da ordutegia. Lan-egutegia urtero onartu beharko du Giza Baliabideen Zuzendaritzak Euskal Autonomia Erkidegoaren eremuan, betiere Botere Judizialaren Kontseilu Orokorrak aldeko txostena egin ondoren eta Botere Judizialaren uztailaren 1eko 6/1985 Lege Organikoaren 500.4 artikuluan ¿abenduaren 23ko 19/2003 Lege Organikoak emandako idazketa berrian- ezarritakoaren arabera.

2. ¿ Euskal Autonomia Erkidegoan destinoa duten Justizia Administrazioko Zerbitzupeko Funtzionarioen lanaldia banatu eta horien ordutegiak zehaztu ahal izateko aukerak adierazten du autoantolamendurako ahalmena dutela, azken helburua honako hau izanik: unitate eta zerbitzuei esleitutako helburuak modu eraginkorrean eta efizientean betetzeko neurri egokiak ezartzea, herritarrak hobeto artatzea eta zerbitzu publikoek ondo funtziona dezatela. Langileen lan-baldintzak hobetzeko nahiak bat etorri beharko du interes orokorrak asebetetzearekin.

3. ¿ 2005eko uztailaren 15eko Ebazpenak, Justiziako Estatuko Idazkaritzarena, Justizia Administrazioko Zerbitzupeko Langile guztien lanaldi orokorraren iraupena arautzen du, baita dedikazio bereziko lanaldiarena ere (2005eko abuztuaren 10eko BOE, 190. zenbakia).

4. ¿ Giza Baliabideen Zuzendaritzak urtero (otsailaren 28a baino lehen) onartuko du lan-egutegia, Botere Judizialaren Kontseilu Orokorrak aldeko txostena eman ondoren eta Sindikatuekin negoziatu ondoren. Zuzendaritzak jendaurrean jarriko du Euskal Autonomia Erkidegoaren Justizia Administrazioaren bulego guztietan, akordio honen eraginpekoak direnetan.

1. ¿ Lanaldia 1.625 ordukoa izango da urtean, eta bederatzi baimen-egun lan egindakotzat hartuko dira ¿lan efektiboko 1.557 ordu urtean, Euskal Autonomia Erkidegoaren Administrazio Orokorraren egutegiaren zenbaketaren arabera¿. Langileek etengabeko lanaldian lan egingo dute.

2. ¿ Urteko lanaldia lan efektibokoa izango da; hortaz, langilea bere lanpostuan egongo da dagokion egutegian ezartzen den ohiko lanaldiaren hasieran eta lanaldia amaitu arte.

3. ¿ Tokiko jaiegunen eta baliatutako oporraldien banaketaren arabera, 1.557 orduko urteko lanaldia bete arteko gehiegizko ordu kopurua Sindikatuekin lan-egutegian negoziatzen den moduan baliatuko da. Ordu libreen urteko zenbaketak eta ordu horiek hartzeko aukera Lan Egutegian arautuko dira.

1. ¿ Bulego Judizialetako, Fiskaltzetako eta Justizia Administrazioko Zerbitzuetako lanaldiaren gehienezko iraupena lan efektiboko hogeita hamazazpi ordu eta erdikoa izango da batez besteko urteko zenbaketan.

2. ¿ Ordutegiaren zati finkoa, nahitaezko presentziakoa, bost ordu eta hogeita hamar minutukoa izango da egun bakoitzean eta goizeko zortzi eta erdietatik eguerdiko ordu bietara bitarteko ordutegian egingo da, astelehenetik ostiralera.

3. ¿ Ordutegiaren zati malgua 07:30etik 17:00etara bitarteko ordutegian banatuko da. Ordutegi horren zatia osatuko dutenak honako hauek dira: ordutegiaren zati finkoa ¿bost ordu eta hogeita hamar minutu egunean- eta lanaldiaren gainerakoa ¿zazpi ordu eta hogeita hamar minutu egunean- hilabeteko zenbaketan. Hori guztia Lan Egutegian bilduko da, eta hor ezarriko dira, hilabete bakoitzean dauden jaiegunak kontuan hartuta, nahitaez bete behar diren hilabeteko zenbaketak.

4. ¿ Lanaldiak irauten duen bitartean, lanaldi hori hasi eta bigarren ordutik aurrera atsedenaldi bakar bat egin ahal izango da egunean. Atsedenaldi hori hogeita hamar minutukoa izango da, eta lan efektibo gisa zenbatuko da. Atsedenaldi hori ezin izango da dirutan ordaindu, ezta metatu ere ondoren baliatzeko. Gauzak horrela, lantokiko arduradunak zainduko du atsedenaldiak irauten duen bitartean jendeari arreta emateko zerbitzua eta lantoki bakoitzeko funtzionamendurako baldintza orokorrak behar bezala bermatzen direla; eta horretarako, behar izanez gero, ekitatearen printzipioari jarraiki antolatuko ditu txandak.

5. ¿ Abenduaren 23ko 19/2003 Lege Organikoak aldatzen duen uztailaren 1eko 6/1985 Lege Organikoaren IV. tituluaren II. kapituluaren arabera, Lanpostu Zerrendek aurreikusi ahal izango dute hainbat lantokitan ordutegi bereziak egitea, betiere jurisdikzio-arloko hainbat zerbitzuk edo organok horrelakorik gomendatzen badute.

6. ¿ Udaldiak irauten duen bitartean, udako lanaldi murriztua ezarri ahal izango da, lan efektiboko egutegiaren eta urteko lanaldiaren arabera.

7. ¿ Organo Judizialetan, Bulego Judizialetan eta Zerbitzu Judizialetan jendeari eta profesionalei arreta emateko ordutegia 09:00etatik 14:00etara bitartekoa izango da; nolanahi ere, BJLOren 188. artikuluan ezarritakoa kontuan hartuta entzunaldi publikorako finkatutako ordutegia errespetatuko da. Ordutegi hori lantokietako kanpoaldean jarriko da argi eta garbi toki nagusi batean. Hori gorabehera, Herritarrei Laguntzeko Zerbitzuetan, Dokumentuak aurkezteko Erregistroetan eta hiru lanpostutik gorako plantilla duten Erregistro zibiletan dagokion txandakatze-mekanismoen bitartez bermatuko da 09:00etatik 15:00etara behar adina langile egongo dela jendeari arreta emateko. Herritarrei Laguntzeko Zerbitzua eta Dokumentuak aurkezteko Erregistroa leku berean badaude, Zerbitzu horietako langileei unitate bakar gisa aplikatuko zaie txandakatzea.

8. ¿ Larunbatak ez dira kontuan hartuko ordutegi malgurako; izan ere, Euskadiko Bulego Judizialak itxita egoten dira larunbatetan. Hori guztia alde batera utzi gabe BJLOren 182.1 artikuluaren bigarren paragrafoak ezartzen duena, hau da, Araudiaren bitartez larunbatak gaitzea jardun judizialetarako. Era berean, araubide hori ulertuko da larunbatetan arreta eman behar zaien zerbitzuak eta guardia-zerbitzuan egon beharko luketen jurisdikzio-arloko organoak eta Justizia Administrazioaren bestelako zerbitzuak alde batera utzi gabe, betiere BJLOren 501. artikuluan ezarritakoaren arabera.

1. ¿ Salbuespen gisa, eta interesdunak posta ziurtatuaren bitartez Giza Baliabideen Zuzendaritzari eskaera idatzia egin ondoren, adierazitako Zuzendaritzak baimena eman ahal izango die familia- eta lan-bizitza bateragarri egiteko premiari erantzuteko egun bakoitzean ordutegi finkoaren zati bateko ordu bat aldatzeko ondoren azalduko diren adin-tarteetako legezko seme-alabak dituzten aita, ama eta tutoreei, baita ondorengoak dituztenei ere:

   1. Hamabi urtetik beherakoak dituztenei edo

   2. Adin mugarik gabe, baita aurreko ahaideentzat ere, urritu fisiko edo psikikoen kasuetan.

2. ¿ Adierazitako baimenak dagokion igoera ekarriko du lanaldiaren zati malguan ezarritako eguneko lanaldia bere osotasunean osatu arte.

1. ¿ Indarrean dagoen legedia garatzeko, Giza Baliabideak Antolatzeko zuzendariak, 1997ko irailaren 8an, Euskal Autonomia Erkidegoaren Justizia Administrazioaren eremuan ezarrita dauden lanaldia eta ordutegiak betetzeko kontrol-sistemari buruzko Instrukzioa eman zuen (H.1/97 Instrukzioa). Instrukzio horrek kontrolerako mekanizatutako baliabideak erabiltzeko eta gertakariak egiaztatzeko arau egokiak bilduko ditu. Halaber, baliabide mekanizatu horiek jarri ez diren egoitza judizialetako kontrol-sistema ezarriko dute.

2. ¿ Ordutegia betetzeko ohiko kontrolez gain, Giza Baliabideen Zuzendaritzak presentziako kontrol zehatzak edo unean unekoak egin ahal izango ditu egokitzat jotzen dituen bitartekoen bidez, Euskal Autonomia Erkidegoan dauden organo judizialetarako bisita-erregimen bat ezarriz, eremu jakin horretan ezarrita dauden lanaldia eta ordutegiak zehatz-mehatz betetzeko helburuarekin.

3. ¿ Ordutegia egiaztatutako arrazoirik gabe ez betetzeaz gain, fitxatzeko betebeharrari edota funtzionarioak txartel magnetikoa erabiltzeari iruzur egiteak indarreko araudian eta akordio honetan jasotakoa eta sor litezkeen gainerako erantzukizunak ezartzea ekarriko du.

1. ¿ Oporrak emateari dagokionez, gaur egungo egoerari eutsiko zaio. Egoera hori Giza Baliabideen zuzendariak 2004ko apirilaren 2an emandako Ebazpenak arautu zuen. Ebazpen horren bitartez ezarri zen Justizia Administrazioaren Zerbitzupeko Funtzionarioei oporrak emateko prozedura eta horiek baliatzeko modua. Adierazitako ebazpenean lehentasuna ematen zaio organo judizial bakoitzak adostutako akordioari, eta opor-egun gehiago emango dira antzinatasunaren arabera, Botere Judizialaren Lege Organikoa aldatzen duen 19/2003 Lege Organikoan biltzen denari jarraiki. Ebazpen hori I. eranskinean gehitu da.

2. ¿ Horretaz gain, alderdi sinatzaileek konpromisoa hartu dute formula bat negoziatzeko, zerbitzu publikoa kaltetu gabe oporren eraginpeko zerbitzuetan, bereziki Bake Epaitegietan, ordezkapenak egiteko aukera izateko, Giza Baliabideen Zuzendaritzak baloratutako egoeretan.

1. ¿ Giza Baliabideen zuzendariaren 2005eko urtarrilaren 10eko Ebazpena, Lizentziak eta Baimenak hartzeko Erari buruzkoa ¿2005eko apirilaren 5eko EHAA, 63. zenbakia¿, aplikatuko da. Ebazpen hura sindikatuekiko aldez aurreko negoziazioaren eta akordioaren emaitza izan zen negoziazio-mahaian, lan-baldintzei buruzko etorkizuneko akordio globalaren osagai gisa. Ebazpen horri gaiaren inguruan Autonomia Erkidegoko Administrazio Orokorraren Lan Baldintzei buruzko Akordioan sortzen diren aldaketa guztiak erantsiko zaizkio.

2. ¿ Giza Baliabideen Zuzendaritzak sindikatuekin negoziatuko ditu Lizentziak eta Baimenak emateko Prozedurari buruzko Jarraibideak, lana eta familia bateragarri egiteko irizpidearekin.

1. ¿ Eusko Jaurlaritza Itzarri-BASEko Sustatzaile eta Kide Babeslea da.

2. ¿ Itzarri-BASE eratu da Euskal Autonomia Erkidegoko Administrazioaren zerbitzupeko enplegatu guztientzako Erakunde gisa, baita Administrazioaren Erakunde Autonomoentzako, Zuzenbide Pribatuko Entitate Publikoentzako eta Administrazioaren menpeko Sozietate Publikoentzako ere, eta Gizarte-aurreikuspen osagarrirako, enplegurako eta ekarpen mugaturako sistema bat kudeatzeko erantzukizuna du.

3. ¿ Akordio hau sinatu duten alderdiek adostu dute Gizarte Ekintza Osagarrirako Sistema hori hedatzea eta finkatzea, bai etorkizunean erosteko ahalmenak bermatuko dituelako, bai epe luzean aurreztea ekarriko duelako, eta inbertitzeko erabili ahal izango delako. Horregatik, kide babesleek egindako ekarpenak lansaritzat hartzen direla alde batera utzita, bazkide arruntek Itzarri¿BASEra borondatezko ekarpenak egitea erraztuko duten prozedurak ezarriko dira.

1. ¿ Euskal Autonomia Erkidegoaren Administrazioak istripu-polizaren estaldurak gordeko ditu, honako kapital hauen arabera:

   1. Heriotzagatik: 30.000 euro.

   2. Guztizko Baliaezintasun Iraunkorragatik: 30.000 euro.

   3. Erabateko Baliaezintasun Iraunkorragatik: 30.000 euro.

   4. Baliaezintasun Iraunkor Partzialagatik: 30.000 euro gehienez, baremoaren arabera.

2. ¿ Akordio honen eremuan bildutako langileak erantzukizun zibilaren polizarekin aseguratuta daude. Poliza hori Autonomia Erkidegoko Administrazioak sinatu zuen Euskal Autonomia Erkidegoko Administrazioaren eta bere Erakunde Autonomoen, ordezkarien, langileen eta menpekoen alde, beren eginkizunetan nahiz lanbidezko jardunean ari direnen alde. Poliza horren zenbatekoa 6 milioi eurokoa da gehienez hirugarrenei egindako kalteak ordaintzeko, eta Administrazioko langileen lanbideko erantzukizunaren ondorioz sortutako kalteak direnean, 600.000 eurokoa da gehienez.

3. ¿ Administrazioak gorde egingo du bizitza-aseguruari eta erabateko baliaezintasun iraunkorreko aseguruari dagokion poliza, eta poliza horren gehienezko estalduraren guztizkoa 30.000 eurokoa izango da.

4. ¿ Aseguruaren polizek babesten duten gertakariren bat jazotzen bada, Administrazioak konpromisoa hartu du onuradunei horren berri emateko eta dagozkion eskumenez baliatuz, dagokion zenbateko osoa ahalik eta azkarren kobratzeko behar diren kudeaketak egiten laguntzeko.

1. ¿ Jarduneko langileek ¿egungo aurrekontuko diru-izendapenen barruan- eskubidea izango dute aurrerakinak jasotzeko, inolako interesik gabe, hileko soldata likidoaren % 100eraino, betiere kontratu-harremana hasitako hilabetea bukatu aurretik ez dela amaituko aurreikusten bada. Aipatutako aurrerakina eskatutako hilabeteari dagokion nominan eman beharko da.

2. ¿ Halaber, hilabete bakoitzean edonolako atxikipena egiten zaien langileei dagokienez, hileko aurrerakinaren gehienezko zenbatekoa honako hau izango da: hileko soldata likidoaren % 100ekoa arestian aipatutako atxikipena kenduta.

1. ¿ Akordio honen eremuan bilduta dauden jarduneko langileek eskubidea izango dute nominaren aurrerapen bat jasotzeko, betiere ondoren azalduko den araudiarekin bat etorriz.

2. ¿ Honako hau hartuko da nominaren aurrerapentzat: egin ez den lanari dagozkion lansarien konturako zenbatekoak ordaintzea.

3. ¿ Nominaren aurrerapena lortzeko nahitaezkoa izango da «premia larri» gisa kalifikatutako zirkunstantzietako bat egotea.

4. ¿ Premia larriak.¿ Honako hauek hartzen dira halakotzat:

   1. Eskatzailearen ezkontza, edo bikotekidearekin era egonkorrean bizitzen hastea, Izatezko Bikoteen Erregistroak emandako erregistratze-ziurtagiriaren bitartez egiaztatua, betiere Izatezko Bikoteak Arautzeko maiatzaren 7ko 2/2003 Legean ezarritakoaren arabera.

   2. Eskatzailea dibortziatzea, banantzea, edo ezkontza baliogabetzea.

   3. Ezkontidearen eta lehen mailako zuzeneko ondorengoen heriotza.

   4. Lehen mailako zuzeneko ondorengoen jaiotza, edo adopzioaren edo harreraren kasuak.

   5. Eskatzailearen, edo horren ezkontidearen, edo seme-alaben, edo harreran hartutako adingabeen gaixotasuna edo ebakuntza.

   6. Ohiko etxebizitza erostea eta banku-kredituak amortizatzea ohiko etxebizitza erosteagatik. Kasu horretan, aurrerapenaren zenbatekoa 10.300 eurorainokoa izan daiteke, eta itzultzeko gehienezko epea 48 hileko soldatetakoa izango da.

   7. Etxebizitza zaintzeko beharrezkoak eta nahitaezkoak diren lanak egitea.

   8. Lana egiten den herrira aldatzea bizilekua.

   9. Ohiko etxebizitzarako altzariak erostea.

   10. Eskatzaileak, haren ezkontideak, seme-alabek edo haren kargura dauden pertsonek ikastetxe ofizialetan egiten dituzten ikasketek eragindako matrikula-gastuak.

   11. Ibilgailua erostea. Langileak ibilgailua lan-tresna gisa erabiltzen duelako erosi behar badu ibilgailua, aurretiaz justifikatuta gauzatu beharko du. Kasu horretan, aurrerapenaren zenbatekoa 6.200 eurorainokoa izan daiteke, eta itzultzeko gehienezko epea 36 hileko soldatetakoa izango da.

   12. Kalifikazio hori izan dezaketen antzeko beste zirkunstantzia batzuk.

5. ¿ Hainbat kasutarako emango diren nominaren aurrerapenen gehienezko zenbatekoa 4.800 eurokoa izango da. Nolanahi ere, adierazitako idatz-zatian aurreikusitako e), f), g), h), i), j), k) eta l) kasuetan, emango den zenbatekoa, adierazitako gehienezko mugaren barruan, gastuen ziurtagirietan azaltzen den zenbatekoak ezarriko du. Ziurtagiri horiek premia larria egiaztatzeko dokumentu gisa gehitu beharko dizkio eskatzaileak eskabide-orriari.

6. ¿ Dirua itzultzeko gehienezko epea hogeita lau hileko soldatetakoa izango da, aurrerapena eman eta hurrengo hilabetetik zenbatzen hasita. Aurrerapen horiek ez dute interesik sortuko eta gehienezko gisa ezarritako epea bete baino lehen itzuli ahal izango dira. Nolanahi ere, Pertsona Fisikoen Errenta Zergari dagokionez, gauzatan emandako lansaritzat hartuko da, diruaren legezko interesaren arabera.

7. ¿ Ezin izango da nominaren beste aurrerapenik eman aurretik hartutako mota bereko konpromisoak kitatu arte. Halaber, gutxienez sei hilabeteko epea igaro beharko du nominaren aurrerapen bat ordaindu eta beste bat eskatu artean. Nolanahi ere, f) eta g) idatz-zatietan biltzen diren kausak ez dira bateragarriak izango euren artean, eta aurrerapen bakar bat emateko eskubidea emango dute hamar urteko epean. Ibilgailua erosteari buruzko kasuari dagokionez, arrazoi beragatik ezin izango da beste aurrerapen bat eman aurrekoa eman eta bost urte igaro arte.

8. ¿ Nominaren aurrerapenen onuradunen administrazio-egoera edo zirkunstantziak aldatzen badira, eta zirkunstantzia horiek sei hilabetetik gorako eperako nominari baja ematea eragiten badute, emandako nominaren aurrerapen osoa itzuli beharko dute.

9. ¿ Izapidetzeari dagokionez, nominaren aurrerapenen eskabide-orriak aurkezteko gehienezko epea bi hilabetekoa izango da gertakari eragilea jazo zenetik zenbatzen hasita. Nolanahi ere, salbuespenezko kasuetan, gertakari eragilea jazo aurreko hilean aurkeztutako eskabide-orriak onartu ahal izango dira, betiere dagozkion egiaztagiriak bi hilabeteko gehienezko epean aurkezten badira, nominaren aurrerapena eman denetik zenbatzen hasita, behar bezala egiaztatutako kasuetan salbu. Konpromiso hori ez betetzeak aurrerapena kentzea lekarke.

10. ¿ Nominaren aurrerapena idazki bidez, posta ziurtatuaren bitartez, eskatuko zaio Giza Baliabideen Zuzendaritzari, eta aurreko paragrafoan ezarritakoa betetzeko, Zuzendaritzak eskaeretan adierazi beharko du eskaera noiz jaso zuen.

1. ¿ Justizia Administrazioaren zerbitzupeko Langileek borondatezko erretiroagatiko kalte-ordaina eskuratzeko eskubidea izango dute, prestazio pasiboei ekarriko dien gutxitzearen konpentsazio gisa. Eskala honen arabera ezarriko da kalte-ordainaren zenbatekoa:

   Adina Hileko kopurua

   60 urterekin 18 hileko

   61 urterekin 14 hileko

   62 urterekin 10 hileko

   63 urterekin 6 hileko

   64 urterekin 3 hileko

2. ¿ Kalte-ordain hori jasotzeko nahitaezkoa izango da Euskal Autonomia Erkidegoan plaza gordetzea eragiten duen jarduneko zerbitzuan edo administrazio-egoeran hamar urtez jardun izana eskatzaileak.

3. ¿ Eskala horren arabera, kasu bakoitzean ordaindu beharko litzaiokeen hileko kopurua zehaztearren, kontuan hartuko da borondatezko erretiroa hartzen duenean langileak duen adina.

4. ¿ Kalte-ordaina osatzen duen hileko bakoitza langileak borondatezko erretiroa hartzen duenean interesdunak esleituta daukan urteko lansari gordinaren hamabirenaren parekoa izango da.

5. ¿ Eskatutako erretiroa hartu baino hiru hilabete lehenago gutxienez aurkeztu beharko du eskaera interesdunak.

6. ¿ Eskumeneko erakundeak emandako Erretiro Erabakia interesdunak aurkezten duenean ordainduko da kalte-ordaina. Erabaki horretan azalduko da interesdunari baimena ematen zaiola aurretiazko erretiroa hartzeko, eta noiztik aurrera izango dituen ondorioak.

Euskal Autonomia Erkidegoaren Administrazio Orokorraren Mahai Orokorrak hartzen dituen Erabakiek edo Titulu honetako 15., 16., 17., 18. eta 19. artikuluetan biltzen diren gaiei buruzko (gizarte-aurreikuspena, istripu-asegurua, bizitza-asegurua eta erantzukizun zibileko asegurua; nominaren aurrerakinak; nominaren aurrerapenak eta borondatezko erretiroagatiko kalte-ordainak) alderdien gainean Eusko Jaurlaritzak erabakitzen dituen neurriek artikulu horretako edukia aldatuko dute, arestian aipatutako akordioen testuaren, edo hala badagokio, neurrien arabera.

1. ¿ Fondo Sozial bat eratu da Gizarte Ekintzako laguntzetarako. Fondo hori hirurogei mila ehun eta bat (60.101,00) eurokoa da, onuradunaren urteko lansari gordinen gainean ehuneko 7ko (% 7) kalte-ordaina gertatzen den kasuetarako. Horretarako, Batzorde Tekniko bat eratuko da. Batzorde hori Giza Baliabideen Zuzendaritzak eta Akordio hau sinatu duten Sindikatuek osatuko dute eta aurkeztutako eskaerak barematu eta emateko proposamen bat egingo du.

2. ¿ Hori gorabehera, eta salbuespen gisa, 2007ko Gizarte Ekintzarako 120.000 euro emango dira.

3. ¿ Fondo Sozialaren finantzaketatik kanpo geldituko dira, sorospenen artean, Gizarte Segurantzak edo prebentzioko beste sistema publikoren batek medikuntza eta farmaziako sorospenaren barruan betetzen dituen tratamenduak eta interbentzioak. Baina, biziki larriak eta lehenbailehen bete beharrekoak salbuespen izan daitezke, eta artikulu honetan aurreikusitako Batzordeari dagokio horiek erabakitzea.

Justizia, Lan eta Gizarte Segurantza Sailak eta Sindikatuek, Laneko Osasunari eta Segurtasunari buruzko araudia betez, konpromisoa hartu dute nahitaezko Prebentzio Plana egiteko. Plan horretan honako hauek bilduko dira: berezko Prebentzio Zerbitzua sortzea, laneko edozein jazarpen motaren aurkako prozedura idaztea eta abian jartzea; Arrisku Ebaluazioak egitea, Arrisku Psikosozialak barne, eta Larrialdi eta Ebakuazio Planak egitea.

Justizia, Lan eta Gizarte Segurantza Sailak Prebentzio Zerbitzu bat eratuko du. Era berean, Sindikatuei kontsulta egin ondoren, lan-arriskuen prebentzioaren betebeharra betetzeko eratu edo itundu behar den prebentzio-zerbitzu mota ezarriko du. Bi alderdiek lehentasunezkotzat jotzen dute Prebentzio Plan Integratua garatzea indarreko ezinbesteko legedia betetzeko.

Prebentzio Delegatuei dagokie kontsulta egitea eta parte hartzea prebentzioari dagokionez, betiere Segurtasun eta Osasun Batzordeari eta Langileen Batzordeei eta Delegatu Sindikalei emandako eskumenak alde batera utzi gabe.

1. ¿ Justizia Administrazioaren zerbitzupeko langileek, lanlekuko segurtasuna eta osasuna dela-eta, babes eraginkorra izateko eskubidea dute. Eskubide horrek aditzera ematen du Justizia Sailak betebehar hori duela adierazitako babesa lortzeko.

2. ¿ Prebentzio Zerbitzua eratzen denean, Zerbitzu horrek Administrazioari dagokion babeserako betebeharra betetzen ote den zainduko du; horretarako aholkuak eta laguntza emango dizkie Administrazioari, langileei eta horien ordezkariei, baita ordezkaritza-organo espezializatuei ere.

3. ¿ Informaziorako, kontsultarako, partaidetzarako, prebentzioari buruzko prestakuntzarako, osasun-egoeraren zaintzarako eta berehalako arrisku larriaren kasuan, lan-jarduera eteteko eskubideak segurtasunari eta osasunari dagokionez, langileek lanlekuan egiazko babesa edukitzeko eskubidearen zati bat dira.

4. ¿ Justizia, Lan eta Gizarte Segurantza Sailak eta Justizia Administrazioaren zerbitzupeko langileek lanbide-arriskuen prebentzioari buruz indarrean dagoen araudian ezarritako betebeharrak bete beharko dituzte, baita Akordio honetan ezarritakoak ere.

1. ¿ Langileen ordezkariak edo delegatu sindikalak ez izanda ere, Langileen Batzordeek hautatzen dituzten langileak izan daitezke Prebentzio Delegatuak, betiere aplika daitekeen legedian ezarritako kopuruaren arabera.

2. ¿ Prebentzio Delegatuek lan-arriskuen prebentzioari buruzko eginkizunak betetzeko ematen duten denbora, ordezkaritza-eginkizunak betetzeko denboratzat hartuko da, aplika daitekeen eta Eskubide Sindikalen Akordio Markoan aurreikusitako hileko ordu-kreditu ordaindua erabiltzeari dagokionez. Aurrekoa gorabehera, Segurtasun eta Osasun Batzordearen eta Giza Baliabideen Zuzendaritzak arrisku-prebentzioaren alorrean egindako bilera guztiei dagokien denbora egiaz lan egindako denboratzat hartuko da, aipatutako ordu-kreditua alde batera utzita.

3. ¿ Prebentzio Delegatuek beren eginkizunak betetzeko behar dituzten prebentzio-alorreko baliabide eta prestakuntza guztiak jarriko ditu Giza Baliabideen Zuzendaritzak haien eskura. Prestakuntzan emandako denbora lan-denboratzat hartuko da ondorio guztietarako.

1. ¿ Segurtasun eta Osasun Batzordea parte hartzeko kide anitzeko organo paritarioa da. Batzordearen eginkizuna honako hau da: arriskuen prebentzioari dagokionez, enpresari modu erregularrean eta aldizka proposamenak egitea eta jardunei buruz kontsultatzea. Jardunak honako hauek dira: arriskuak atzematea eta ebaluatzea, prebentziorako neurriak eta planak, larrialdiaren eta lehen laguntzei buruzko planak, prestakuntza-plana, langileen osasuna zaintzea, eta abar.

2. ¿ Euskal Autonomia Erkidegoko Lurralde Historiko bakoitzak Segurtasun eta Osasun Batzorde bat dauka Justizia Administrazioaren zerbitzupeko Langileen eremuan. Batzorde bakoitza Justizia, Lan eta Gizarte Segurantza Sailak eta Sindikatuek, kopuru berean, osatzen dute. Alderdi sindikalaren kideak aukeratzeko proportzionaltasunaren printzipioa hartuko da kontuan, eta Akordio honen eremuan ordezkaritza duten sindikatu guztien presentzia bermatuko da, eta subsidiarioki, Sindikatuek proposatuko dituzte. Probintzia mailan duten ordezkaritzaren arabera aukeratuko dira. Lan-arriskuen prebentzioari buruzko araudiarekin bat etorriz, langile kopuruaren arabera ezarritako eskala aintzat hartuta izendatuko dira; hain zuzen ere, Bizkaiari 5 delegatu dagozkio, Gipuzkoari 4 eta Arabari 3. Bestalde, Segurtasun eta Osasun Batzordeen bilerei, haien funtzionamenduari eta erabakiak hartzeari buruzko araubidea ¿bakarra eta erkidea izango da guztientzat- Batzorde horiek eratzeko Aktan araututa dago.

3. ¿ Era berean, Zentroen arteko Segurtasun eta Osasun Batzorde bat dago. Batzorde horren osaerarako eta funtzionamendurako araubidea Lurraldeetako Batzordeetako araubidearen berdina da. Batzorde horren eginkizuna gai orokorrak eta Lurralde Batzordeen markoa gainditzen dutenak lantzea da.

1. ¿ Giza Baliabideen Zuzendaritzak aldizkako osasun-azterketak egingo dizkie Akordio honen aplikazio-eremuan bilduta dauden Langileei, ondoren azalduko diren idatz-zatietan zehaztuko denaren arabera:

   1. Aldez aurretik edo lanera sartzerakoan egin beharreko azterketa: nahitaezkoa izango da eta Justizia Administrazioaren zerbitzupeko langilea onartu aurretik egingo da.

   2. Aldizkako azterketa arrunta urtean behin: egokitzat jotzen diren langileei egingo zaie, baldin eta langileak betetzen duen lanpostuan haren osasunerako arrisku-faktoreak badaude. Osasun-azterketak bereziki kontuan hartuko ditu atzemandako arriskuari buruzko faktore bereziak, hau da, arrisku-faktoreak kontrolatuko ditu. Halaber, osasun-azterketa egingo zaio eskatzen duen langile orori.

   3. Aldizkako azterketa hiru urtean behin. Akordio honen eraginpeko langile guztiei egingo zaie, haien osasunerako, zuzenean edo berehala, eraginik izan ala ez.

2. ¿ Urtean behin egiten diren azterketa arruntak ez ezik hiru urtean behin egiten direnak ere borondatezkoak izango dira, indarreko legedi orokorra alde batera utzi gabe; legedi hori aplikatu nahi bada, Segurtasun eta Osasun Batzordeari jakinarazi beharko zaio aurretiaz.

3. ¿ Giza Baliabideen Zuzendaritzak aurretiaz jakinaraziko dizkio Segurtasun eta Osasun Batzordeari egin nahi dituen probak.

4. ¿ Dena dela, Giza Baliabideen Zuzendaritzak erabateko ahalmena eta eskumena izango du osasun-azterketak planifikatzeari, antolatzeari eta gauzatzeari dagokionez.

5. ¿ Osasun-azterketen kopia bana emango zaie interesdunei.

Akordio honen eraginpeko Langileen arrisku psikosozialak atzemateko prozedura bati ekingo zaio, baita jardun-prozedurei ere lan-jazarpenaren salaketak dauden kasuetan ere. Prozedura horiek Segurtasun eta Osasun Batzordeari kontsultatuko zaizkio.

1. ¿ Honako hau hartzen da Prestakuntzatzat: Zerbitzu publikoa eta langileen garapena hobetuko duten ezagutzak, portaerak, jarrerak eta balioak lortzeko, atxikitzeko eta transferitzeko planifikatutako ikaskuntza.

2. ¿ Euskadiko Justizia Administrazioaren zerbitzupeko Langileen Prestakuntzak lanpostu bakoitzaren premiei erantzungo die, Lanpostu Zerrendak eta lanpostuak betetzeko eta Administrazioaren barnean lanpostuz igotzeko sistemak ezarrita egotea abiaburutzat hartuta.

Prestakuntza jasotzeko aukera bera izango dute langile guztiek. Aukera hori arautu egin beharko da irizpide objektiboetatik abiatuta eta honako hauek kontuan hartuta: egonkortasuna, destinoa, ikasketa-ekintzen aprobetxamendu pertsonala eta bizitza pertsonala, lan- eta familia-bizitza bateragarria izatea, betiere familia-kargak dituzten langileek prestakuntzarako aukera izan dezaten lagunduz.

1. ¿ Prestakuntza-ekintzak aurretiaz ezarritako plangintzaren araberakoak izango dira, Plangintza hori prestakuntza-premien azterketak, eta erakundeak ezarritako helburuak nahiz lehentasunak kontuan hartuta ezarriko da. Nolanahi ere, Kidego guztietako Langileei bideratutako prestakuntza-ekintzak izango dituzte planek eta horietarako eskubidea izateko berdintasuna bermatzeko neurriak jarriko dituzte, aurreko artikuluan ezarritakoaren arabera.

2. ¿ Giza Baliabideen Zuzendaritzak, aurrekontu-baliabideen barnean, gauzatu eta antolatuko ditu prestakuntza-ekintzak eta Sindikatuei aurkeztuko dizkie.

3. ¿ Prestakuntza-ekintzen garapena ebaluatu egingo da, bai ikasleen asebetetze-maila, bai prestakuntza-programen kalitatea, eta ezagutzei eta trebetasunei dagokienez, lortutako maila, baita dagozkion lanpostuetan aplikatzeko aukera ere; horrek esan nahi du ematen den zerbitzua nabarmen hobetu ote den eta ekintzen eraginkortasuna ebaluatuko dela.

Prestakuntzarekin batera, eta aldaketaren kudeaketa egokia izan dadin, aldaketaren irismenari, aldaketa horrek Langileengan izango dituen eraginei eta ezarpen-proiektu zehatzari buruz Epai Barruti guztietan informatzeko eta komunikatzeko prozedurari ekingo dio Justizia Sailburuordetzak.

Giza Baliabideen Zuzendaritzak Sindikatuekin negoziatuko ditu lanpostuak emateko prozesuak eta Administrazioaren Lan Eskaintzan eta lekualdatze-lehiaketatan aurkeztu behar den lanpostu hutsen kopurua; azken batean, prozesu guztietan negoziatzeko konpromisoa hartuko du.

Giza Baliabideen Zuzendaritzak konpromisoa hartu du aldi baterako langileen ehunekoa % 6ra murrizteko, Antolamendu Plan berriaren ezarpena amaitzeko eta Justizia Ministerioari eskatzeko % 8ko kopurua gainditzen den bakoitzean Lan Eskaintza Publikoa egiteko.

1. ¿ Zerbitzuari aplikatu ahal zaizkion printzipioak eta Bulego Judizialetan, Fiskaltzetan, Auzitegiko Medikuntzako Euskal Erakundean (AMEE) eta Zerbitzu Erkideetan bete behar direnak eta Akordio hau sinatu dutenek beren gain hartu dituztenak honako hauek dira:

   1. Zerbitzua jasoko duenari bideratzea.

   2. Etengabeko hobekuntza.

   3. Zerbitzua modu egokian betetzeko betebeharrak ezartzea.

2. ¿ Justiziak herritarrei eskaintzen dien zerbitzu publikoa hobetzeari dagokionez, bulego judizialek, fiskaltzek eta Auzitegiko Medikuntzako Euskal Erakundeak (AMEE) arreta berezia eskainiko diete honako gai hauei:

   1. Euskal Autonomia Erkidegoko hizkuntza ofizialen artetik herritarrak aukeratzen duen hizkuntzan informatzea eta komunikatzea.

   2. Dokumentazioa bi hizkuntzatan egongo da.

   3. Herritarren zirkunstantzia psikologiko, sozial eta kulturaletara egokitutako arreta emango zaie, eta arreta berezia emango zaie delituaren biktimei, adingabeei, ezgaituei eta etorkinei.

   4. Egoitza judizialetara bertaratzen diren herritarrei puntualtasunez emango zaie arreta, eta ahalik eta lasterren jakinaraziko zaie egoitzara bertaratzea aurreikusita zuten jarduerak bertan behera uzten badira, herritarrak bertara etortzea saihesteko, eta bertan behera uzte hori eragin duten kausen berri emango zaie.

   5. Kexak, erreklamazioak eta iradokizunak jasotzea.

   6. Kudeatzaileek, Izapidetzaileek, Laborategiko Langileek, Laguntza-emaile Judizialek eta Auzitegiko Medikuek esku hartzen duten jardueretan izapidetzea arina izango da, prozedura-bultzatzeetan indarreko araudian aurreikusitako epeak bete ahal izateko.

   7. Zerbitzua betetzeari dagokionez, beste edozein baldintzaren aurretik zerbitzua bideratuko zaion herritarraren pertsona hartuko da kontuan, Justiziaren aurrean Herritarrek dituzten Eskubideen Gutunaren printzipioak betez. Adierazitako Gutuna Diputatuen Kongresuko osoko Bilkuran onartu zuten, Ez-legezko Proposamen gisa, 2002ko apirilaren 22an. Hortaz, Akordio honetan bi alderdien arteko esanbidezko konpromisoa, hau da, herritarrek modu pertsonalean edo bitartezko jakinarazpenen bidez jasotzen duten tratuari buruz eta prozesuan erabakitzen diren asmoei, eskubideei eta interesei buruz hartutako konpromisoa biltzen da.

3. ¿ Euskal Autonomia Erkidegoan ezarritako Kudeaketa Sistemetatik lortutako esperientzia kontuan hartuta, ondorioztatzen da zerbitzuaren betebeharrak hiru alderditan biltzen direla batez ere. Alderdiak honako hauek dira:

   1. Herritarrei erantzuna emateko denbora.

   2. Informazio zehatza, argia eta egokia, intimitate pertsonala eta jarduera judizialen sekretua errespetatuz.

   3. Zerbitzuaren gauzatze tekniko egokia edo behar bezalakoa.

4. ¿ Orobat, zerbitzuaren betebeharrak zehaztasunez eta xehetasunez ezartzeak, helburu orokorrak betez, hobekuntza nabarmena izan du, zeren kudeaketarako sistema modernoak ezarri ahal izateko oinarri sendoa sortu baitu, eraginkortasunezko eta efizientziazko printzipioak aplikatuz.

5. ¿ Helburuak ezarritakoan eta zerbitzua zehaztutakoan, zerbitzuaren konpromisoak eta erantzukizunak finkatuko dira, zerbitzuaren kalitatea eta horren hobekuntza identifikatzea ahalbidetuko duten adierazleak ezarriko dira, helburu orokorrei edo lehen mailakoei dagokienez.

6. ¿ Horretarako, bulego judizialak, fiskaltzak eta Auzitegiko Medikuntzako Euskal Erakundea (AMEE) diseinatzeko eta antolatzeko arreta berezia eskainiko zaio zerbitzuaren etengabeko hobekuntzari, baita bulego horiek biltzen dituzten langileen lan-baldintzak hobetzeari ere; zeren antolamendua hobetzen bada, lan-esparrua seguruagoa eta partehartzaileagoa izango baita, eta langilea Justizia Administrazioaren helburu orokorretan onartuagoa sentituko da.

Bulego Judizial Berriaren ezarpena laguntze aldera, eta, horrela, antolakuntza-aldaketaren kudeaketa egokia lortze aldera, Barruti Judizial Bakoitzean Hobekuntza Talde bat ezarriko da, Administrazioek eta langileek osatua, eta Idazkari Judizialen lankidetza izango du.

1. ¿ Akordio hau sinatu duten alderdiek konpromisoa hartu dute aho batez lan egiteko Bulego Judizialen eta Fiskaltzen Antolamendu Plana eratzeko antolamendu-eredua hobetzeko eta ezartzeko. Plan hori Justizia Administrazioarekiko Harremanen Zuzendaritzak egin zuen eta aurreikusi da 2007. urtetik 2009. urtera bitarteko aldian ezarriko dela. Diseinatutako ereduak sistema malgu bat aukeratu du. Sistema horrek ahalbidetuko du Bulego Judizial bakoitza Justizia Administrazioaren edozein premiatara egokitzea.

2. ¿ Erakunde horri aplikatu ahal zaizkion printzipioak honako hauek dira:

   1. Komunikazioa.

   2. Parte-hartzea.

   3. Prestakuntza.

   4. Konpromisoa eta motibazioa.

3. ¿ Era berean, ezaugarriak honako hauek izango dira:

   1. Talde-lana.

   2. Homogeneotasuna zerbitzu mota bakoitzean.

   3. Zerbitzuaren funtzionamenduaren kontrola.

   4. Hierarkia funtzionala.

   5. Antolamendurako malgutasuna.

   6. Profesionaltasuna, erantzukizuna eta lanpostuari lotutako gaitasuna.

4. ¿ Barruti judizial eta zerbitzu guztietan funtzionarioek modu homogeneoan lan egingo dute, ezarritako irizpideen arabera, eta horrek jardunak batzea ekarriko du, eta azken batean, segurtasun handiagoa funtzionarioen jardueran. Funtzionarioek jakingo dute zein diren haien zereginak eta erantzukizunak.

5. ¿ Horretaz gain, jarduera-kontrol gisa adierazleak erabiltzeak hobekuntza ekarriko dio funtzionarioen lanari. Eredu berriak ahalbidetuko du edozein arazo sortu bezain laster atzematea eta erakundea non huts egiten ari den jakitea, baita arazo hori konpontzeko moduak zein diren eta Lan Taldeek atzerapenak nola irents daitezkeen atzematea ere.

6. ¿ Kalitatearen kudeaketak ahalbidetuko du, halaber, funtzionarioen ekimenak bideratzea gai garrantzitsuak aztertzeko egiten diren bileretara. Kudeaketa ez da oinarrituko borondate onean edo jarrera pertsonalen aniztasunean, baizik eta dokumentatutako eta egiaztatutako eta aldian-aldian berrikus daitezkeen irizpideen erabileran oinarrituko da.

7. ¿ Prozedura judizialak izapidetzerakoan, euskal herritarrek euskara erabili ahal izatea eta bi hizkuntza ofizialetako edozein erabili ahal izatea bermatzeko, hizkuntza-irizpidea antolamendu-elementua izango da, lan-talde elebidunak sortuko baitira, bi hizkuntza ofizialetan izapidetzeko gai izango direnak.

8. ¿ Akordio hau sinatu duten alderdiek konpromisoa hartu dute, halaber, Zerbitzu Erkideetako lan-ekipo eta lan-taldeetan funtzionarioek ekipoan lan egin dezaten. Diseinatutako antolamendu berrian, lana ez da funtzionario jakin baten esku egongo, baizik eta talde jakin bati emango zaio, eta talde horrek osotasunaren erantzukizuna izango du ¿diziplina-erantzukizunarena salbu, erantzukizun hori indibiduala izango baita¿.

1. ¿ Botere Judizialaren Lege Organikoaren (BJLO) 521.3.A) artikuluaren arabera, honako hau hartuko da destino-zentrotzat:

   1. Prozesu Zerbitzu Erkide bakoitza.

   2. Udalerri bereko jurisdikzio-ordena bereko partaide diren pertsona bakarreko organoei Zuzeneko Laguntza emateko Prozesu Unitate multzoa.

   3. Udalerri berean dauden kide anitzeko organo judizialei Zuzeneko Laguntza emateko Prozesu Unitate multzoa.

   4. Erregistro Zibil Bakarrak.

   5. Fiskaltza bakoitza edo horien Adskripzioak.

   6. Auzitegiko Medikuntza Erakundeak sortzeko arauak zehazten dituenak.

   7. Epailetzako Mutualitate Orokorra.

      7.000 biztanletik gorako edo kopuru horretatik beherako biztanle kopuruko Bake Epaitegiei babesa ematen dien Bulego Judizial bakoitza, betiere plantillan funtzionarioak badituzte.

2. ¿ Dimentsio horri esker, malgutasuna handiagoa izan daiteke. Horrela bada, Zerbitzu Erkideetan, destino-zentroa bulego hau osorik izango da, bulego hori ataletan edo ekipoetan banatuta dagoen ala ez kontuan izan gabe.

3. ¿ Azkenik, funtzionamenduaren balioaniztasunari dagokionez, adierazi behar da hainbat barruti judizialetan, funtzionarioek laguntza eskainiko dietela ¿Prozesu Zerbitzu Erkide Orokorrak, berez eskaintzen duen laguntzaren zati gisa¿ destinoa duten zerbitzuko eginkizunei eta gainerako unitate edo zerbitzuei, edo horien guztien multzoari.

1. ¿ BJLO Legearen 436. eta 437. artikuluen arabera, bi unitate mota daude Bulego Judizialean: Zuzeneko Laguntzarako Prozesu Unitateak eta Prozesu Zerbitzu Erkideak. Lehenengo unitateek jurisdikzio-organoa osatzen dute organo horren titularrarekin batera, Zerbitzu Erkideak ez baitaude jurisdikzio-organoetan bilduta. Unitate horiek Idazkari Judizialen Kidegoko funtzionarioek zuzenduko dituzte. Antolamendu Plan osoan Bulego Judizialaren aipatutako unitate motak bereiziko dira.

2. ¿ Organo Judizialei Zuzeneko Laguntza emateko Prozesu Unitateek urriaren 18ko JUS 3244/2005 Aginduan ezarritako funtzionarioen oinarrizko zuzkidura dute. Justizia, Lan eta Gizarte Segurantza Sailaren iritziz, funtzionarioen oinarrizko kopurua gehiegizkoa bada, eta horrek Zerbitzu Erkideen gaitasuna mugatzen badu, adierazitako Sailak konpromisoa hartu du kopuru hori murrizteko.

3. ¿ BJLO Legearen 438. artikuluan azaltzen diren bulegoen tipologiaren barruan, aipatu diren Zerbitzu Erkideak diseinatzeari, sortzeari eta antolatzeari dagokionez, Euskal Autonomia Erkidegoak esleituta daukan eskumena betearazten dute zerbitzu horiek.

   Hasiera batean, eta alde batera utzi gabe Borondatezko Jurisdikzioari buruzko araudiak ¿legebiltzarrak izapidetzeko dago¿ etorkizunean gomenda dezakeela edo ez gai horri buruzko Zerbitzu Erkide bat sortzea hiru hiriburuetan, hiru zerbitzu mota diseinatu dira:

   1. Prozesu Zerbitzu Erkide Orokorra.

   2. Antolamendurako Prozesu Zerbitzu Erkidea.

   3. Betearazteko Prozesu Zerbitzu Erkidea.

      Tipologia horiek barruti judizial jakin bakoitzaren errealitatera eramaten direnean, beste zerbitzu mota batzuk lortuko dira. Zerbitzu horiek, batzuetan, Orokorra eta Betearazlea bilduko dituzte, edota Antolamendurakoa eta Betearazlea. Zenbait barruti judizialetan, esate baterako Bilbokoan, hainbat Antolamendu Zerbitzu sortu ahal izango dira, instantzien edo gaien arabera sailkatuak.

4. ¿ Aparteko aipamena eskatzen du Prozesu Zerbitzu Erkide Orokorrak. Zerbitzu horren jardueraren edukiaren zati handia gaur egun ezarrita dago barruti judizial guztietan. Berritasun gisa, hiriburuetan eta Barakaldon, Zerbitzu hori integrala izango da organo, zerbitzu eta jurisdikzio guztientzat, edozein izanik ere eraginpeko bulegoa, Erregistro Zibila, Fiskaltza eta Auzitegiko Medikuntzako Euskal Erakundea (AMEE) barne. Era berean, Zerbitzu horrek antolatuko du Laguntza Judizialeko Kidegoetako funtzionarioak barruti judizial osoko Judizio Aretoetara bertaratzeko modua.

5. ¿ Bulego Judizial horietaz gain, badaude beste batzuk judizialak ez direnak, hala nola Fiskaltzak eta Auzitegiko Medikuntzako Euskal Erakundea (AMEE), probintzia-eremukoak eta egoitzak hiriburuetan dituztenak, Bizkaian izan ezik; kasu horretan Bilboko egoitzaz gain, Barakaldon Fiskaltzaren Adskripzio bat baitago eta Auzitegiko Medikuntzako Euskal Erakundearen Zuzendariordetza bat Bizkaian.

6. ¿ Zerbitzu Erkideak, hedaduraren arabera, ataletan banatu ahal izango dira, eta atalak, barnean, lan ekipoetan antolatu ahal izango dira, Justizia Administrazioarekiko Harremanen Zuzendaritzak emandako arauaren ¿arau horri jarraiki zehaztuko da barruti judizial bakoitzaren antolamendua- eta onartzen den Funtzionamendu Protokoloaren arabera. Hori guztia Giza Baliabideen Zuzendaritzaren eskumenak, hala nola langileak berriz antolatzeari, funtzionarioen adskripzioari buruzkoak, eta urriaren 18ko 315/2005 Dekretuak esleitutako gainerako eskumenak alde batera utzi gabe. Adierazitako Dekretuaren bitartez Justizia, Lan eta Gizarte Segurantza Sailaren egitura organiko eta funtzionala ezarri zen.

1. ¿ Antolamenduaren aldaketa ¿legebiltzarrak izapidetzeko dauden legezko aldaketak onartutakoan gauzatuko da¿ eta Antolamenduaren eta Lanpostu Zerrendaren Ereduaren onarpena modu sekuentzialean eta pixkanaka-pixkanaka egingo dira langileak egokituz, informatika-aplikazio berria (Justizia.Bat 2) ezarriz, eta egungo eraikin judizialen gune fisikoak berriz egokituz.

2. ¿ Hori guztia hainbat fasetan egingo da:

1. fasean: Gasteiz eta Tolosa eta 2 Epaitegi dituzten Barruti Judizialak: Amurrio, Azpeitia eta Balmaseda.

2. fasean: Irun, Bergara, Getxo eta Barakaldo.

3. fasean: Gernika, Durango, Eibar, Donostia eta Bilboko kide anitzeko organoak.

4. fasean: Bilboko pertsona bakarreko organoak.

   Fiskaltza hiriburu bakoitzean ezarriko da, eta Barakaldon sekuentzia berean.

1. ¿ Bulego Judizial berriaren oinarrizko tresnak honako hauek dira: espediente digitala ezartzea eta informatika-aplikazio berria ¿Justizia.Bat izenekoa¿ jartzea. Aplikazio berri hori web ingurune bati erantsita egongo da, eta sinadura elektronikoa erabiltzea ahalbidetuko du. Hain zuzen ere, aplikazio horrek honako hauek lortu nahi ditu:

   1. Integrala izatea, Euskadiko eremu geografiko osoa eta zerbitzu guztiak beteko baititu, datu kudeaketarako sistema berean txertatutako informazioarekin.

   2. Herritarrentzako zerbitzua nabarmen hobetzea.

   3. Profesionalekiko integrazioa eta kanpoarekin komunikatzeko ahalmena.

   4. Segurtasun- eta politika-sistema indartsuak.

   5. Multimedia-elementuak sartzea.

   6. Sinadura elektroniko aitortua sartzea eguneko laneko elementu gisa.

   7. Izapideak bi hizkuntzatan egitea.

   8. Diseinuaren malgutasuna, lege-aldaketetara egokitzea ahalbidetuko duena.

   9. Bulego Judizial Berria sartzea.

2. ¿ Horretaz gain, Akordio honetan biltzen da bi alderdiek konpromisoa hartuko dutela informatika-aplikazioaren errendimendua, datuen kudeaketari eta prozesua izapidetzeari dagokionez, ezin hobea izan dadin behar diren baldintzak betetzen ote diren zaintzeko. Funtzionarioek behar bezala erabili behar dute aplikazio hori, aurrerantzean egingo diren erregistroetarako behar diren datu guztiak sartuz, izapide horretarako egokiak diren dokumentu arautuak erabiliz eta jaulkiz, dokumentuak itxiz, prozeduraren faseak eta egoerak modu zorrotzean eguneratuz, aplikazio horretan, iter prozeduraren urratsak bilduz, bulego batetik beste batera igarotzea adierazten dute, eta horren ondoriozko erantzukizunen lekualdatzea eta abar. Horretarako, informatika-tresnei buruzko Erabiltzailearen Eskuliburu egokia egingo da, tresna horien erabilera homogeneoa eta neurrikoa ahalbidetzen duena.

3. ¿ Aurretiaz esandakoak ahalbidetuko du bulegoen, horien estatistiken eta lan-kargen egoeraren datu eguneratuak edukitzea; profesionalek prozedura zehatzei buruzko informazioa lortzea ahalbidetzea eta dagokion unitatearen edo zerbitzuaren jarduera kontrolatzea modu eraginkorrean.

4. ¿ Kalitatearen kontrolen eta ataletako kudeatzaile arduradunen ikuskapenaren bitartez, errealitatearen egokitzapenaren jarraipen zorrotza egingo da informatika-tresna horren bidez.

5. ¿ Aplikazio informatiko berriak ahalbidetuko du langile talde bati multzoan ematea zereginak, espedienteak edo lan-kargak. Talde horrek egunero ikusi ahal izango du bere «sarrera erretiluan» sartu dena, beste bulego batzuetatik etorri dena edo dagokion idazkariak agindutakoa, eta dokumentuak egindakoan, epaileak edo idazkariak sinatzeko bidaliko ditu.

1. ¿ BJLO Legeak nabarmen aldatuko du Idazkari Judizialen Kidegoa, egitura hierarkikoaren arabera eratuko da eta alderdi tekniko eta prozesalari dagokionez, Bulego Judizial guztiak zuzenduko ditu. Idazkari Judizialen Kidegoen Araudi Organikoaren ¿abenduaren 30eko 1608/2005 Errege Dekretuak onartu zuen¿ 8. artikuluan aurreikusten da Jardun Protokoloak daudela Prozeduran eta protokolo horiek nahitaez bete behar dituztela eremu horretako funtzionarioek.

2. ¿ Gobernuko idazkariari dagokio Protokolo horiek onartzea, eta Koordinatzaileak proposatutakoan onartuko ditu. Koordinatzaileak Zerbitzu Erkideetako Zuzendarien proposamenak jaso ahal izango ditu. Protokolo horrek honako hauek bildu edo errespetatu beharko ditu, kasuen arabera: Justizia, Lan eta Gizarte Segurantza Sailak giza baliabideei eta baliabide materialei, edo Zerbitzuaren edo Unitatearen antolamenduari eta diseinuari buruz ematen dituen argibideak. Horiek guztiak Lanpostu Zerrendetan funtzionarioei esleitzen zaizkien eginkizunei ere aplikatuko zaizkie. Protokoloen eta Argibideen edukiek Justizia Administrazioaren zerbitzupeko Langileen lan-baldintzei, aurretik zehaztu gabe daudenei, eragin ahal badiete, Justizia, Lan eta Gizarte Segurantza Sailak ildo bat sustatuko du Akordio hau sinatu duten Sindikatuek informazioa lortzeko eta alegazioak egiteko.

3. ¿ Protokolo horrek behar diren neurri jakinak ezarriko ditu bulego judizialetako prozesu-lanaren kalitatea kontrolatzen ote den egiaztatzeko. Kontrol hori Zerbitzuaren zuzendariak egingo du dagokion Ataleko Kudeatzaile Arduradunaren laguntzarekin. Bi alderdi sinatzaileek onartzen dute kalitatearen kudeaketa eta kontrol hori sartzea Justizia Administrazioak herritarrei eskaintzen dien zerbitzu publikoa hobetzeko bitarteko gisa.

1. ¿ Justizia Administrazioaren hizkuntza-normalizazioaren prozesuaren gertaera garrantzitsuenetako bat 117/2001 Dekretua promulgatzea izan zen. Dekretu horretan Euskal Autonomia Erkidegoaren Justizia Administrazioaren hizkuntza-normalizaziora bideratutako neurri homogeneo multzo bat definitzen da. Dekretu hori eremu honetan garatu diren ekintzen lege-esparrua izan da.

2. ¿ Botere Judizialaren Lege Organikoa aldatutakoan, lanpostuari ezartzen zaizkion eginkizunak eta zereginak kontuan hartuta, euskara jakitea funtsezko baldintza duten lanpostuak ezarri ahal izan dira. Horregatik, nahitaezkoa da prozesu hori arautuko duen Dekretu berri bat onartzea. Dekretu horrek lanpostuak hizkuntzaren arabera ordenatzeko plangintzaren oinarri juridikoa eratzen du.

3. ¿ Horretarako, eta Dekretuaren zirriborro berria idazteko, Konstituzio Auzitegiak denbora-tarte horretan eman dituen Ebazpenak hartu dira kontuan, bai Euskal Autonomia Erkidegoko Justizia Administrazioaren Hizkuntza Normalizaziorako Neurriei buruzko 117/2001 Dekretuaren aurka aurkeztutako eskumen-gatazka positiboari buruz emandakoa, bai 63/1998 Dekretuaren aurka aurkeztutako eskumen-gatazka positiboari buruzkoa. Azken Dekretu horren bitartez Justiziaren Zerbitzu Publikoa Betetzea Modernizatzeari buruz Sindikatuekin sinatutako Akordioa eta horrek Justizia Administrazioaren zerbitzupeko Langileen Lan Baldintzetan izan zuen eragina onartu zen.

4. ¿ Etorkizuneko Dekretu arautzailearen arabera, 2. hizkuntza-eskakizuna Laguntza Judizialeko Kidegoari, Prozesu eta Administrazio Izapidetzako Kidegoari eta Laborategiko Laguntzaileen Kidegoari ezarriko zaie, 3. hizkuntza-eskakizuna, berriz, Prozesu eta Administrazio Kudeaketako Kidegoari eta Auzitegi Medikuen Kidegoari. Horrek ekarriko du hizkuntza-eskakizun lotesleak eta geroratuak aplikatu behar izatea, eta euskara Prozesu Zerbitzu Erkide berriak antolatzeko elementu gisa aplikatuko da.

5. ¿ Bertan bildutako neurrien eraginkortasuna bermatzearren, alderdi sinatzaileek Justizia Administrazioaren zerbitzupeko langileen Hizkuntza Normalizatzeko Planarekiko inplikazioa sustatzeko konpromisoa hartu dute. Plan horren bitartez, aplikatu beharreko metodologiatik haratago, ziurtatuko da planaren aplikazioaldian ¿10 urte Lanpostu Zerrenda onartzen denetik¿ euskararen ezagutza derrigorrezko baldintza gisa duten lanpostuak beteko direla, lanpostuei dagozkien eginkizunen arabera eta maila soziolinguistikoaren arabera barruti judizial bakoitzean aplikatu beharreko proportzioaren arabera.

6. ¿ Dekretu hori aintzat hartuta, lanpostuetako hizkuntza-eskakizunak esleitzeko proposamena gauzatuko da berariazko Lanpostu Zerrendan; horretaz gain, Prozesu eta Administrazio Kidegoarentzat, Prozesu eta Administrazio Izapidetzako Kidegoarentzat eta Laborategiko Laguntzaile eta Laguntza Judizialeko Kidegoentzat nahitaezkoak izango diren datak ere gauzatuko dira.

7. ¿ Auzitegiko Medikuei dagokienez, honako hauen bitartez onartu zen: abenduaren 1eko 328/1998 Dekretuaren ¿Auzitegiko Medikuntzako Euskal Erakundea sortu zen¿ eta dagokion Lanpostu Zerrendaren ¿adierazitako Dekretuak onartu zuen (1998ko abenduaren 15eko EHAA, 238. zenbakia) eta urtarrilaren 28ko 12/2003 Dekretuaren bitartez (2003ko otsailaren 6ko EHAA, 25. zenbakia) egindako ondorengo aldaketen, eta azaroaren 14ko 223/2006 Dekretuaren (2006ko azaroaren 28ko EHAA, 227. zenbakia) bitartez. Horietan guztietan esleitu ziren zuzkidurak Hizkuntza Eskakizunarekin.

8. ¿ Proposamen horiek egiteko eta herritarrek Justizia Administrazioarekin euskaraz jardun ahal izateko duten eskubidea ¿alderdi sinatzaileek hartutako konpromisoa¿ bermatzearren, alde batetik, lehentasunezko organoak, zerbitzuak eta unitateak daude, eta bestetik, lehentasunezkoak ez direnak, betiere honako irizpide hauen arabera:

   1. Langileek herritarrekin duten zuzeneko harremana.

   2. Organoa, zerbitzua edo unitatea dagoen barruti judizialean hizkuntza hori zenbat jendek erabiltzen duen.

      Derrigorrezko hizkuntza-eskakizuna duten lanpostuen proportzioa honako parametro hauei lotuta dago: lanpostuaren erantzukizun mailari, lanpostuan bete behar diren eginkizun eta zereginei eta dagokion barruti judizialean euskaraz hitz egiten dakiten herritarren ehunekoari.

9. ¿ Honako hauek hartzen dira lehentasunezko unitatetzat: Erregistro Zibilak, Jendearentzako Arreta Bulegoak eta Komunikazio Ekintzetarako Zerbitzu Erkideak (KEZE), baita eginkizun nagusia herritarrei arreta ematea ¿bai ahoz, bai idatziz- duten unitateak eta euskara dakiten herritarren ehunekoa % 50etik gorakoa den Barruti Judizialak ere. Lehentasunezko unitateen kasuan, Nahitaez Betebeharreko Indizea (NBI) egiaztatzeko erritmoa honako hau izango da: % 50 planaren hasieran, % 75 lehenengo fasearen amaieran, eta % 100 planaren amaieran.

10. ¿ Honako hauek hartuko dira lehentasunezkoak ez diren unitatetzat:

    1. Unitate Orokorrak: gainerako zerbitzuak, Unitateak edo Azpiunitateak, lehentasunezko eta berezi gisa ezarritakoak salbu.

    2. Unitate Bereziak: herritarrekin harreman gutxien duten unitateak dira ¿Artxiboak, Patologia Zerbitzuak, Mezularitza, eta abar-, dagokion Barruti Judizialeko zenbat herritarrek dakiten euskara kontuan izan gabe¿.

1. ¿ Era berean, Euskal Autonomia Erkidegoko Justizia Administrazioaren Hizkuntza Normalizaziorako Plan Orokorrak hizkuntza-normalizazioari buruz egiten diren ekintza guztiak bilduko ditu. Plan horren helburua honako hau da: lan horrek iraungo duen hamar urteetako ildoak ezartzea; horretaz gain, modu eraginkorrean eta ongi aritzeko behar diren tresnak eskaintzea, adierazitako Planean proposatuko diren ekintzak gauzatzearen ondorioz itundutako helburuak lortzeko.

2. ¿ Autonomia Estatutuan eta Euskararen erabilera Normalizatzeko Oinarrizko Legean onartzen den euskararen ofizialtasuna eta herritarrek Euskal Autonomia Erkidegoko Justizia Administrazioarekiko harremanetan euskara erabiltzeko duten eskubidea egiaz betetzeko, bi alderdi sinatzaileek konpromisoa hartu dute normalizazio-prozesua bultzatzeko eremu horretan; eta hortaz, Justizia Administraziorako Hizkuntza Normalizatzeko Plan Orokorra bultzatzeko.

3. ¿ Horretarako, bi alderdiek konpromisoa hartu dute Plan horretan ezarritako helburu estrategikoak bultzatzeko. Helburuak honako hauek dira:

   1. Euskarari ematen zaion garrantzia areagotzea eta hedatzea.

   2. Herritarrek eta profesionalek zerbitzuak euskaraz erabiltzea sustatzea, eskaintza handituz.

   3. Justizia Administrazioaren zerbitzupeko Funtzionarioek euskara erabil dezaten azpimarratzea.

4. ¿ Helburuak ezarritakoan, helburu horietako bakoitzetik abiatuta, hainbat estrategia-ildo definitu dira, baita horiei dagozkien ekintza zehatzak eta ekintza horiek gauzatzeko epeak ere. Horrek guztiak Jardun Plana osatzen du.

5. ¿ Ekintza horiek lortzeko Justizia Administrazioarekiko Harremanetarako Zuzendaritzak diseinatutako egutegia sustatuko da. Egutegi hori izango da lan-tresna eta bertan ekintza jakin guztiak eta ekintza horiek betetzeko aurreikusitako epeak bilduko dira.

6. ¿ Hizkuntza Normalizaziorako Plan horri (hamar urteko iraupena izango du) jarraipena egiteko eta hura ebaluatzeko, lehenengo bost urteak igarotakoan ebaluazio global bat egingo da. Horretarako, Ebaluazio Batzorde bat eratuko da. Batzorde hori Justizia Administrazioarekiko Harremanetarako Zuzendaritzaren eta Hizkuntza Politika Sailburuordetzaren langileek ¿teknikariak nahiz zuzendariak- osatuko dute.

7. ¿ Ebaluazio horren helburua honako hau da: Planaren garapena eta helburu orokorrak eta bereziak, bai euskararen erabilerari dagozkionak, bai Planean ezartzen diren jarduerei dagozkionak, zenbateraino bete ote diren balioztatzea, betiere berariazko aldaketak egiteko Planaren gehienezko eraginkortasuna lortzearren.

8. ¿ Plan horretan zehazten diren ekintza guztiekin lortu nahi dena zera da: euskara zerbitzuko hizkuntza gisa erabiltzea eta sustatzea, eta horrela, Euskal Autonomia Erkidegoko herritarren hizkuntza-eskubideak bermatu ahal izatea. Dena dela, Erkidegoaren berezko hizkuntza lan-hizkuntza gisa erabiltzea ere sustatuko da pixkanaka-pixkanaka.

9. ¿ Hizkuntza Normalizaziorako Prozesuaren De-kretuan ezarritako irizpideak aplikatzearen ondorioz, ondorengo 10 urteetarako lanpostu/zuzkidura kopuruaren aurreikuspena egin da eta lanpostu horiei ondoren azalduko diren derrigorrezkotasun-datak ezarriko zaizkie:

   EAEKO derrigorrezkotasun- Derrigorrezkotasun- Derrigorrezkotasun- Derrigorrezkotasun-

   datak, guztira datak 2007 datak 2012 datak 2017

   Kudeatzaileak (2) 606/251 75 82 94

   Izapidetzaileak 870/365 110 118 137

   Laguntza Judiziala 412/168 50 55 63

   Guztira (1) 1.888/784 235 255 294

   (1) 2007. urteari dagokion Aurrekontu Plantilla.

   (2) Kudeatzaileak eta Kudeatzaile arduradunak.

   • Ehuneko horiek biztanleei eta etxebizitzari buruzko egungo erroldaren arabera egin dira, eta Planaren indarraldiak irauten duen bitartean igoko dira, gerta litekeen indize soziolinguistikoaren aldaketa kontuan hartuta.

     Auzitegiko Medikuen Kidegoaren kasuan, hizkuntza-eskakizuna duten lanpostuen kopurua eta geroratutako derrigorrezkotasun-data honako hau da:

     Zuzkidura kopurua Zuzkidura kopurua Zuzkidura kopurua

     Araban Bizkaian Gipuzkoan

     Auzitegiko medikuak 5 urtetan 1 4: 5 urtetan 2, eta 10 urtetan 2 2: 5 urtetan 1, eta 10 urtetan 1

10. ¿ Esleitutako derrigorrezkotasun-datak, Sindikatuekin negoziatu ondoren, aldatu eta egokitu ahal izango dira Lanpostu Zerrendan (LZ), baldin eta lanpostu horiek betetzen dituzten funtzionario titularrek dagokien hizkuntza-eskakizuna egiaztatuta badaukate edo esleitutako daten aurretik egiaztatzen badute. Halaber, Lanpostu Zerrendan egin litezkeen aldaketek arestian adierazitako derrigorrezkotasun-data duten lanpostuen guztizko kopuruan eragina izan dezakete. Aldaketa hori Lanpostu Zerrendaren hurreneko aldaketari lotuta egongo da beti.

11. ¿ Ezarritako helburuak eta Plana pixkanaka ezartzea eta funtzionarioen egungo gaitasuna bateragarriak izateko geroratutako derrigortasuna duten lanpostuetako funtzionario titularrak liberatzeko konpromisoa hartu da mugaeguna iristen denean dagokien hizkuntza-eskakizuna lortzeko aukera izan dezaten; Ataleko Arduradunen kasua salbuespena izango da.

12. ¿ Era berean, lanpostuari dagokion hizkuntza-eskakizuna lortu duten langileen prestakuntzarako baimena emango da, bi orduko ikastaroen bidez, lanpostua betetzeko beharrezkoa dena baino maila bat goragoko eskakizuna lortzeko, eta geroratutako hizkuntza-eskakizuna duten arduradunak liberatzekoa, 2 edo 3 urte igaro ondoren.

13. ¿ Edonola ere, zerbitzuaren eta aurrekontuaren diru-baliabideen premiak hartuko dira kontuan.

14. ¿ Hizkuntza-normalizaziorako jardunen proposamen bat egingo da urtero, eraginpeko lanpostuak zehaztuz.

15. ¿ Lanpostu Zerrendan ezarriko dira hizkuntza-eskakizun jakin bat duten langileek berehala bete behar dituzten lanpostuak, euskaldunduta edo euskalduntze-fasean dauden langileen lankidetzarekin.

16. ¿ Bulego Judizial Berria ezartzearekin batera lan-talde elebidunak sortuko dira, eta horiek bi hizkuntza ofizialetan egingo dituzte izapideak. Lan-talde horiek beren Kidegoari dagokion Hizkuntza Eskakizuna duten langileek osatuko dituzte. Talde horietako kideek produkzioagatiko lansari osagarria jasoko dute horrek eragin lezakeen lan-karga kuantitatiboagatik eta kualitatiboagatik, betiere kide horien lanpostuen hizkuntza-eskakizuna amaitutako derrigorrezkotasun-datarekin azaltzen bada Lanpostu Zerrendan.

17. ¿ Derrigorrezko hizkuntza-eskakizunaren esleipenaren eraginpeko zuzkiduren titularrek egiaztatu egin beharko dute Lanpostu Zerrendan azaltzen den egunerako. Horretarako, apirilaren 15eko 86/1997 Dekretuaren 42. artikulutik 52. artikulura bitarte aurreikusitako hobari-erregimena aplikatu ahal izango da. Dekretu horren bitartez, Euskal Autonomia Erkidegoko Administrazio Publikoetan Euskararen Erabilera Normalizatzeko Prozesua arautu zen.

Plan Orokorrak eratutako erreferentzia-esparrutik abiatuta, Erabilera Planak definituko dira Barruti Judizial bakoitzean. Erabilera Plan horietan Planean biltzen diren alderdiak zehaztuko dira sakontasunez, eta Plan horiek egiteko eta ezartzeko Sindikatu sinatzaileen eta lurralde-eremu horretako langileen egiazko partaidetza eskatuko da.

1. ¿ Deialdi orokorra ¿ Normalean maiatzaren amaieran argitaratuko da:

   1.¿ 2 orduko ikastaroak: Lanorduetan.

   Lanetik kanpoko ordutegian.

   4. Hizkuntza-eskakizunaren berariazko prestakuntza.

   2.¿ Ikastaro trinkoak: 5 ordukoak, euskaltegian.

   Barnetegian.

   3.¿ Udako ikastaroak.

   4.¿ Autoikaskuntza-ikastaroa: Hurrengo deialditik aurrera [2007-2008] eskainiko da eta beste ikastaro mota bat egiteko ezintasuna behar bezala egiaztatzen den kasuetan emango da. Modalitate horren kostua Administrazioak eta langileak ordainduko dute. Justizia Administrazioarekiko Harremanetarako Zuzendaritzak kostuaren % 70eraino hartuko du bere gain, eta ondorioz, gainerakoa ikastaroa jasotzen duen funtzionarioak ordaindu beharko du, Zuzendaritza horrek zuzenean antolatu ez duen prestakuntza-jarduera bat delako. Horretarako, 100.000,00 euroko gehienezko aurrekontu-partida bat gordeko da urte bakoitzean.

2. ¿ Deialdi osagarria.¿ Abenduaren hasiera inguruan argitaratuko da, eta otsailean hasiko da.

   1.¿ 2 orduko modulua modulu trinkora aldatzea edo alderantziz.

1. ¿ Justizia Administrazioaren zerbitzupeko Kidegoetako lanpostuei dagozkien egitekoak lanpostu orokor eta berezien katalogoan sartzen diren kasuei buruzkoak izango dira, eta aurreikusten den antolakuntza berrirako egokituko dira, eginkizunen espezializazioa, norbere lanarekiko ardura, malgutasuna eta balio-aniztasuna bultzatuz, herritarrei eta profesionalei bi hizkuntza ofizialetan arreta emateaz gainera.

2. ¿ Abenduaren 23ko 19/2003 Lege Organikoak diseinatutako aldaketak aldatu egin ditu Prozesu eta Administrazio Kudeaketako Kidegoei eta Laguntza Judizialari esleitutako eginkizunak, esate baterako:

   1. Araudi berriak bereizi egiten ditu funtzionarioen kolektiboei esleitutako eginkizunak eta zereginak, bereziki antzinako ofizialek eta auxiliarrek egiten zituzten zereginen arteko bereizketa eztabaidatua.

   2. Orain arte eskuordetzaz egiten zituzten hainbat jardun gaur egun berezko ahalmentzat hartzen zaizkie.

   3. Kudeatzaileen eginkizunak igo egin dira, baita Kidegoaren titulazioa ere, orain kudeatzaileak diplomadunak izango dira, hau da, erdi-mailako teknikariak.

   4. Izapidetzaileei eta laguntza-emaileei ere igo zaie titulazioa. Horiek ere administrazioko langileak dira, baina eginkizun desberdinak dituzte.

   5. Aldi berean, bitarteko burutzak sortzeko aukera dago. Burutza horiek hiru Kidegoetako funtzionarioek beteko dituzte, kasuen arabera.

3. ¿ Botere Judizialaren Lege Organikoaren 476., 477. eta 478. artikuluetan Kudeaketako, Izapidetzako eta Laguntza Judizialeko Kidegoei, hurrenez hurren, esleitutako eginkizunak eta zereginak ezartzen dira. Zeregin horiek dagozkien monografietan azalduko dira, baita lanpostuaren arabera, funtzionarioek bete behar dituzten antzeko zeregin jakinak ere.

4. ¿ Funtzionario horiek betetzen dituzten eskuduntzez gain ¿aipatutako artikulu eta monografikoetan biltzen dira¿, aipagarria da kudeatzaileak bete behar duen paper ezberdina zerbitzuak eta atalak banatzen diren talde eta ekipoetan. Kudeatzaileari goragoko mailako jarduera prozesu-parte hartzea dagokio, prozesua kudeatu beharko du eta kontuan izango du lan-banaketa zehatz baten esleipena lan-taldeari edo lan-ekipoari egingo zaiola, eta ez modu indibidualean ezarritako funtzionarioei. Halaber, kudeatzaileak bere jarduera hedatuko du izapidetzaileek edo, hala badagokio, laguntza-emaileek egindako lanarekin zerikusia duten alderdietara. Kudeatzaileak bere taldeak egindako lanaren buru izango dira, idazkariaren zuzendaritza prozesala alde batera utzi gabe.

5. ¿ Era berean, kudeatzaileak hainbat kontrol egingo ditu, lana banatuko du izapidetzaileen eta laguntza-emaileen artean, prozesuaren alderdiei buruz funtzionario horiek egiten dizkieten kontsultak artatuko ditu, zailtasun berezia duten prozesuen izapideak egingo ditu modu pertsonalean, idazkiak eta dokumentuak banatuko ditu, agerraldiak eta oharrak sinatuko ditu, kanpoko beste datu-baseetara eta antzeko beste batzuetara kontsultak egingo ditu.

6. ¿ Izapidetzaileek, bestalde, Kidego guztiei eragiten dien prozesu-kudeaketa babesteko jarduerak egingo dituzte, betetzen duten lanpostuaren espezializazio-mailaren arabera, hierarkia-printzipiopean. Prozesuen izapidetzearen esleipenak onartzen du praktikan jada egiten duena, ebazpenak, aktak, idazkiak, zedulak eta gainerako dokumentuak egiten baitituzte. Era berean, autoak sortzea, posta eta dokumentuen kopiak erregistratzea eta banatzea dagokie, baita indarreko araudian eta monografietan aurreikusitako gainerako eginkizunak eta zereginak gauzatzea ere.

7. ¿ Laguntza Judizialerako Kidegoari dagokionez, oro har, Zerbitzu Erkideetan izango du destinoa eta Laguntza Unitateei eta beste zerbitzu batzuei laguntza emango die aurreikusitako eginkizun eta zeregin guztietan, eta bereziki honako gai hauei emango diete garrantzia: alderdiekin, profesionalekin, ekintza judizialetarako deitutako beste pertsona batzuekin, eta oro har herritarrekin dituzten kanpoko komunikazioei, jendearentzako arretari, baliabide teknikoen kontrolari, eta baliabide horiek komunikazioetan erabiltzeari, artxiboari eta antzeko beste batzuei.

8. ¿ Hortaz, esleitutako eginkizunei esker, Kidegoak gero eta espezializatuago egongo dira, erantzukizun jakinak esleituko zaizkie, eta azken batean, Justizia Administrazioaren zerbitzu publikoa betetzen duen funtzionario bakoitzaren rolen formulario berria egingo da.

Egiteko horiek Giza Baliabideen Zuzendaritza taxutzen ari den monografietan sartuko dira, bai lanpostu orokorretan, bai arduraren edo euskararen ezagutzari lotutako eginkizun berezien ondorioz ¿egiteko osagarriak betetzea dakarte, hizkuntza dela-eta¿ bereziak diren lanpostuetan.

1. ¿ Lanpostu Zerrendetan (LZ) lanpostuaren edukia edo lanpostua betetzeko eskatzen diren betebeharrak azalduko dira.

2. ¿ Lanpostu orokorrak:

1. ¿ Laguntza Judizialeko Kidegoa:

   1. Betebeharrak: bat ere ez.

   2. Eska daitezkeen berariazko ezaguerak: bat ere ez.

   3. Merituak: euskara ¿lanpostuak derrigorrezkotasun-datarik ez badu- eta informatika aurreratua.

2. ¿ Prozesu eta Administrazio Izapidetzako Kidegoa:

   1. Betebeharrak: bat ere ez.

   2. Eska daitezkeen berariazko ezaguerak: bat ere ez.

   3. Merituak: euskara ¿lanpostuak derrigorrezkotasun-datarik ez badu- eta informatika aurreratua.

3. ¿ Prozesu eta Administrazio Kudeaketako Kidegoa.

   1. Betebeharrak: bat ere ez.

   2. Eska daitezkeen berariazko ezaguerak: bat ere ez.

   3. Merituak: euskara ¿lanpostuak derrigorrezkotasun-datarik ez badu- eta informatika aurreratua.

      3. ¿ Lanpostu bereziak:

      1. ¿ Laguntza Judizialeko Kidegoa:

         1. Betebeharrak: hizkuntza-eskakizuna.

         2. Eska daitezkeen berariazko ezaguerak: informatika aurreratua.

         3. Merituak: lanpostuen ezaugarrietarako egokiak direnak, lanbide-ezaguerak, esperientzia, ikasketak, titulazioa eta lanpostua betetzeko egokitasuna bermatzen duten gainerako baldintzak.

      2. ¿ Prozesu eta Administrazio Izapidetzako Kidegoa:

         1. Betebeharrak: hizkuntza-eskakizuna.

         2. Eska daitezkeen berariazko ezaguerak: informatika aurreratua.

         3. Merituak: lanpostuen ezaugarrietarako egokiak direnak, lanbide-ezaguerak, esperientzia, ikasketak, titulazioa eta lanpostua betetzeko egokitasuna bermatzen duten gainerako baldintzak.

      3. ¿ Prozesu eta Administrazio Kudeaketako Kidegoa:

         1. Betebeharrak: hizkuntza-eskakizuna.

         2. Eska daitezkeen berariazko ezaguerak: informatika aurreratua.

         3. Merituak: lanpostuen ezaugarrietarako egokiak direnak, lanbide-ezaguerak, esperientzia, ikasketak, titulazioa eta lanpostua betetzeko egokitasuna bermatzen duten gainerako baldintzak.

      4. ¿ Ataleko arduradunak:

         1.¿ Arduraduna (A):

         1. Betebeharrak: hizkuntza-eskakizuna, derrigorrezkotasun-datarekin, eta hiru urteko esperientzia Kidegoan.

         2. Eska daitezkeen berariazko ezaguerak: informatika aurreratua, estatistikari edota kontabilitateari buruzko ezaguerak.

         3. Merituak: lanpostuen ezaugarrietarako egokiak direnak, lanbide-ezaguerak, esperientzia, ikasketak, titulazioa eta lanpostua betetzeko egokitasuna bermatzen duten gainerako baldintzak.

            2.¿ Arduraduna (B):

         1. Eska daitezkeen berariazko ezaguerak: informatika aurreratua, estatistikari edota kontabilitateari buruzko ezaguerak.

         2. Merituak: lanpostuen ezaugarrietarako egokiak direnak, lanbide-ezaguerak, esperientzia, ikasketak, titulazioa eta lanpostua betetzeko egokitasuna bermatzen duten gainerako baldintzak.

1. ¿ Betebeharreko lanpostuen balorazio-prozesuaren ondorioz, Administrazio Orokorrarekiko ordainsari-baliokidetasuna sortuko da ondoren azalduko den eran eta epeetan, Administrazioak erabilitako antzeko parametroetan oinarrituko dela kontuan hartuta, horrek erraztuko du bi kolektiboen arteko eginkizunak eta zereginak eta gainerako lan-baldintzak alderatzea. Balorazioa aldez aurretik definitutako Gidaliburu batean oinarrituko da, Euskal Autonomia Erkidegoko Administrazio Orokorrean Analisi Funtzionalen ezarpenaren ondoriozko irizpideekin bat eginez.

2. ¿ Jarraian eta arian-arian egingo da balorazioa, Bulego Judizialaren egitura berriak Barruti Judizial bakoitzean ezartzen diren bitartean. Horrela bada, lanpostuak definitutakoan, eta lehenengo fasea ¿Gasteizko eta Tolosako Bulego Judizialak (bi Epaitegirekin) eta Barruti Judizialak: Amurrio, Azpeitia eta Balmaseda- abian jarritakoan, baloratu egingo dira, horietatik lortutako emaitzak eta dagozkien ondorio ekonomikoak langile horiei aplikatuz lanpostuak definitzen direnetik eta bulego ofizial berriak martxan jartzen direnetik aurrera. Barruti Judizial bakoitzean ezartzeko gainerako faseetan, berdin jokatuko da.

3. ¿ Ezarpenaren azken fasean, ordura arte egindako balorazioen emaitzak behar beste ezagutuko direla kontuan hartuta, ezartzen den azken barruti judizialari aplikatuko zaizkio balorazioak, eta, behin-behineko balorazio gisa, aurretik ezarritako azken barruti judizialari esleitutako balio berberak aplikatuko zaizkio.

4. ¿ Behin barruti judizial guztietan balorazio-prozesua amaitu eta gero, azken doiketa egingo da, fase guztietako ezarpenen emaitzen arteko homogeneotasuna bermatze aldera.

5. ¿ Hasiera batean aurreikusten da 2008ko hasieran-edo hasiko dela Bulego Judiziala ezartzen, behin Botere Judizialaren Lege Organikoak eskatutako elkarren ondorengo txostenak gainditu ostean, eta 2009ko udaberrian edo uda inguruan amaituko da.

6. ¿ Eusko Jaurlaritzak konpromisoa hartu du balorazio-prozesutik ondoriozta daitezkeen konpromiso ekonomikoak betetzeko, behar diren urteko aurrekontu-atalak hornitzeko.

Igoera hori Euskal Autonomia Erkidegoko Negoziazio Mahai Orokorrean adosten diren balditzen eta garaiaren arabera aplikatuko da, edo Eusko Jaurlaritzak Administrazio Orokor guztirako ezartzen duen bezala.

Akordio honetan ezarritako helburuen ondorioz ¿giza baliabideak eta baliabide materialak hobeto erabiliz, Justizia Administrazioaren kalitatea eta efizientzia hazi nahi dute; izan ere, Akordio honen eremuaren eraginpeko Langileek nahitaez bete behar dute (horrek ezartzen du langile horien lan-baldintzak aldatzea)¿ eta Euskal Autonomia Erkidegoaren Administrazio Orokorreko langileen lansaria parekatzeko prozeduraren ondorioz, autonomia-mailako osagarri iragankorra ezarri da eta honako kontzeptu hauek izango ditu:

1. % 7,25eko igoera jasotako lansari guztien gainean. Kidegoen, kategorien eta destinoaren araberako igoeraren zenbatekoa III. eranskinean bilduta dago.

   1.¿ Igoera hori Justizia Administrazioaren zerbitzupeko Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko Kidegoetako karrerako edo bitarteko funtzionarioak, Euskal Autonomia Erkidegoan dauden organo eta zerbitzuetan beren zerbitzuak betetzen dituztenak, ordaintzera bideratuta dago.

   2.¿ Igoera honela ordainduko da: % 65 Akordioa sinatzen denean, eta gainerako % 35a Sailak proposatzen dituenean Sindikatuekin negoziatutako Lanpostu Zerrendak (LZ). Lanpostu Zerrenden hasierako onarpena aurreikusitako epean ¿2008ko urtarrila baino lehen¿ egin dadin, bi alderdi sinatzaileek konpromisoa hartu dute 2007an aipatutako zerrenda lehentasunezko egin, negoziatu eta tramitatzeko.

2. Autonomia-mailako osagarri iragankorrari 60.101 euroko zenbatekoa gehituko zaio.

   1.¿ Zenbateko hori zati berdinetan banatuko da Justizia Administrazioaren zerbitzupeko Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko Kidegoetako karrerako edo bitarteko funtzionario guztien ¿Euskal Autonomia Erkidegoan dauden organo eta zerbitzuetan beren zerbitzuak betetzen dituztenak- artean.

   2.¿ Funtzionario bakoitzari esleitutako zenbateko guztizkoaren batura 31,83 eurokoa izango da.

1. ¿ % 0,5eko igoera ezarri da berdinketa-osagarri gisa.

2. ¿ Osagarri hori Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko Kidegoetako funtzionario guztiek jasoko dute, baldin eta funtzionario horien destino-osagarria lau puntutik beherakoa bada. Funtzionario guztiei bermatuko zaie gutxieneko hori jasoko dutela.

1. ¿ Aparteko ordainsarien zenbatekoa: Aparteko ordainsarien zenbatekoa Autonomia Erkidegoko Negoziazio Mahai Orokorrean adostu bezala aplikatuko da, edo Eusko Jaurlaritzak Administrazio Orokor guztirako ezartzen duen bezala. Zenbateko hori IV. eranskinean bilduta dago.

2. ¿ Artikulu honetan biltzen diren igoerak Auzitegiko Medikuei eta Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko Kidegoetako funtzionario guziei aplikatuko zaizkie.

Auzitegiko Medikuei, Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko Kidegoetako karrerako funtzionarioei Justizia Ministerioak ezarritako berariazko hirurtekoen zenbatekoak Eusko Jaurlaritzak autonomia-mailako funtzionarioei ordaintzen dizkien zenbatekoak baino altuagoak badira, haiek aplikatzen jarraituko da, eta gainerako lansari osagarrietan ez da inolako irensterik gauzatuko.

1. ¿ Eusko Jaurlaritzak, Justizia Administrazioaren zerbitzupeko bitarteko Funtzionarioek egiten duten lanaren garrantziaz jabetuta, egonkortze-osagarria ordainduko du; zenbatekoa Administrazio Orokorreko bitarteko langileen produktibitate-osagarrirako ezarritako eran eta aldizkakotasunaren eta zenbatekoaren arabera ordainduko da.

2. ¿ Osagarri hori Justizia Administrazioaren zerbitzupeko Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko Kidegoetako bitarteko funtzionarioak, Euskal Autonomia Erkidegoan dauden organo eta zerbitzuetan beren zerbitzuak betetzen dituztenak, ordaintzera bideratuta dago.

3. ¿ Osagarri hori eskatzeko prozedurari interesdunak eskatzen duenean emango zaio hasiera. Interesdunak bi hilabeteko gehienezko epe luzaezinean aurkeztu beharko du eskaera hori, betiere Akordio hau Euskal Herriko Agintaritza Aldizkarian argitaratzen denetik edota bakoitzak bere gain hartzen duenetik zenbatzen hasita.

1. ¿ Kontzeptu hori Justiziaren zerbitzupeko Prozesu eta Administrazio Kudeaketako, Prozesu eta Administrazio Izapidetzako eta Laguntza Judizialeko eta Laborategiko langileen Kidegoetako karrerako edo bitarteko funtzionarioei gaur egun ordaintzen zaien osagarriari jasotzeari buruzkoa da, helburu berak eta sortzapenerako baldintzak gordeko zaizkie, baita helburu horiek bete direla egiaztatzen duten dokumentuak ere.

2. ¿ Osagarri horrek honako helburu hauek izango ditu:

   1. Ezartzen diren ordutegi-mailako betebeharrak eta kontrolerako ezartzen diren mekanismoak betetzea. Helburu hori bete izanaren adierazlea ordutegi-kontroleko gailuek adierazten dituzten saldoak izango dira, ezar daitezkeen bestelako kontrol-sistema automatizatu, eskuzko edo pertsonalekin batera.

   2. Informatika-tresnak erabiltzea, lanpostuetako eginkizunen arabera. Helburu hori bete izanaren adierazlea honako hau izango da: Bulego Judizialetako Arduradunek egindako txostenen edukiak eta informatika-sistemak ematen dituen datuak.

   3. Herritarrei behar bezalako informazioa ematearekin eta hirugarrenekiko harremanekin zerikusia duten eginkizunak betetzea. Helburu hori bete izanaren adierazlea dagozkion txostenak izango dira, bai eta organo bakoitzari buruzko erreklamazio edo kexarik eza ere.

   4. Euskalduntzeko eta prestakuntzarako ¿bai funtsezkoa, bai prozesuari eta informatikari buruzkoa¿ ikastaroen aprobetxamendua eta euskararen erabilera normalizatzeko erabakitzen diren neurrien betetze-maila. Prestakuntzaren aprobetxamenduari buruzko adierazlea nahitaezko prestakuntzarako ikastaroetara bertaratzeak ¿eta aprobetxamenduak- emango du, bereziki lanaldiaren liberazioa eragiten dutenean, baita funtzionarioek beren borondatez parte hartzen duten ikastaroetako aprobetxamenduak ere. Hori guztia ikastaroaren zuzendariaren edo tutorearen edo prestakuntzaren arduradunaren azterketa-txostenean bilduko da. Halaber, euskara sustatzeko edo administrazioa hobetzeko esperientzietan funtzionarioek izandakoparte-hartze maila biltzen da, betiere esperientziaren arduradunen eta kolaboratzaileen txostenen arabera.

   5. Organo Judiziala, Fiskaltza edo Zerbitzu Erkidea hobetzea, honako hauen bitartez:

      1.¿ Lan-absentismoa murriztea, baja-egunari buruzko mediku-ziurtagiria derrigorrez aurkeztuz. Helburu honetako idatz-zati hau bete izanaren adierazlea dagokion mediku-ziurtagiria edo parte medikoa izango da.

      2.¿ Prozesu-epeak ez betetzea, funtzionarioari dagozkionak. Helburu honetako idatz-zati hau bete izanaren adierazlea dagozkion txostenak izango dira, informatika-sistemak ematen dituen datuekin batera.

      3.¿ Esleitutako eginkizunak eta zereginak bete ote diren eta lantokiko eta beste zerbitzu erkide batzuetako funtzionarioei beren lanean laguntza eman ote zaien edo lankidetzan jardun ote duten. Helburu honetako idatz-zati hau bete izanaren adierazlea honako hau izango da: dagozkion txostenak eta informatika-sistemak ematen dituen datuak.

3. ¿ Osagarri horren ondorioz esleitutako zenbatekoek ez dute sortuko ondorengo denboraldiei dagozkien balorazio edo iritziei buruzko eskubide indibidualik.

4. ¿ Aurreko idatz-zatian azaldu diren lansariak negoziazio kolektiboa gauzatutakoan eguneratuko dira, Estatuko Aurrekontu Orokorrei buruzko Legearen arabera oro har ezar litezkeen urteko igoerekin.

5. ¿ Euskal Autonomia Erkidegoaren Aurrekontu Orokorretan ezarritako gehienezko mugaren barnean, osagarri horrek hilero ordainduko du, era alikuotan, artikulu honetako bigarren idatz-zatian aipatutako bost helburuetako bat, puntu kopuru jakin bat esleitzearen bitartez.

6. ¿ Adierazitako bost helburuak osatzen dituzten betebeharrak betetzen ez badira ¿eta adierazitako adierazleak kontuan hartuta¿, osagarriaren zati alikuota(k) galduko d(ir)a betebehar horiek betetzen ez diren hilabetean edo hilabeteetan.

7. ¿ Aurreko idatz-zatian aurreikusitakoaz gain, ondoren azalduko diren kasuek ere eragingo dute osagarri osoa galtzea kausa horiek gertatzen diren hilabetean edo hilabeteetan. Kasuak honako hauek dira:

   1. Azaldutako helbururen bat edo helburu guztiak behin eta berriz ez betetzea.

   2. Ordutegia betetzean edo fitxaketarako gailuetan iruzurra egitea. Horrek ez ditu baztertzen, hala ere, nominan deskontua egitea eta, hala badagokio izan dezakeen diziplina-erantzukizuna eskatzea.

   3. Hutsegite larriaren edo oso larriaren ondoriozko zigorra, baita diziplina-espedientearen eraginpeko funtzionarioaren behin-behineko etetea ere, baldin eta Akordio honetan bildutako helburuekin zerikusia badute, harik eta birgaitzea gauzatu, zigor larria edo oso larria etetea agindu, edo zigorrik jartzen ez den arte, hurrenez hurren.

8. ¿ Funtzionarioek Euskal Autonomia Erkidegoko lantokietako plantillakoak izateari uzten diotenean, ez dute osagarri hori jasoko, egoera horrek Akordio honetako estaldura geografikoa gainditzen baitu.

9. ¿ Osagarri hori sorrarazteko baldintzak eta egoera hori egiaztatzen duen dokumentazioa Akordio honetako V. eranskinean arautzen dira.

Jarraipen Batzordea eratuko da akordioaren edukieratik, indarralditik eta aplikaziotik ondorioztatzen diren beste kontu aztertzeko eta interpretatzeko. Batzordea akordioa sinatu duten sindikatuek eta Justizia, Lan eta Gizarte Segurantza Saileko ordezkariek osatuko dute. Batzorde horrek hartzen dituen erabakiak lotesleak izango dira alderdi sinatzaileentzat.

Batzorde hori Akordio hau sinatu duten alderdi bakoitzeko ¿Justizia, Lan eta Gizarte Segurantza Saila eta Ordezkaritza Sindikal sinatzailea¿ bazkide kopuru berak (4) osatuko du. Era berean, alderdi bakoitzak bi aholkulari berezi izendatu ahal izango ditu deitutako bilerarako. Batzordearen buru Giza Baliabideen Zuzendaritza izango da, eta Idazkari bat izango dute. Hori ere adierazitako Zuzendaritzak izendatuko du.

1. ¿ Batzorde horrek berak egingo du Antolamendurako eta Funtzionamendurako Barne Araudia.

2. ¿ Aurreko idatz-zatian ezarritakoa gorabehera, adierazitako Barne Araudia egiten ez den bitartean, Batzordea ondorengo xedapenek arautuko dute, eta xedapen horiek ipso iure indargabetuta geratuko dira aipatutako Araudia onartzen denean.

3. ¿ Batzordearen deialdia Presidentetzak gauzatuko du, bai Batzordeak berak erabaki duelako, bai Batzorde hori osatzen duen alderdietako batek deitu duelako. Bigarren kasuan, alderdi eskatzaileak, bilera egin baino hamabost egun lehenago idazki bat bidaliko dio Presidentetzari, eta idazki horretan argi eta garbi azaldu beharko du gai-zerrendan bildu nahi dituen gaiak. Nolanahi ere, deialdian honako hauek azalduko dira: gai-zerrenda, bilera non egingo den, eta noiz egingo den. Bileraren deialdia egiten denetik bilera egin bitarte bost eguneko epea egongo da gutxienez. Epe hori murriztu ahal izango da bi alderdiak ados jartzen badira.

4. ¿ Bertaratze-quorumak eskatuko du Batzordeko kide guztiak bertaratzea. Gaiak eztabaidatu ondoren, idazkariak Akta idatziko du, hau da, bilerari dagokion Akta, eta idazkariak sinatuko du, Presidentearen oniritziarekin. Akta horren kopia bat bertaratu diren ordezkari sindikalei emango zaie.

5. ¿ Akordio hau sinatu duten alderdiek konpromisoa hartu dute batzordearen eskumenekoak diren eta Batzordearen helburu diren gaiei buruz Batzordean jatorria duten irizpideak lotesleak izateko.

1. ¿ Gatazka Kolektiboari buruzko 6. artikuluan xedatutakoaren arabera, eta artikulu horretan azaltzen den helburua kontuan hartuta, bi alderdiek Jarraipen Batzordeari jakinaraziko dizkiote, eta beste inork baino lehen hark erabakiko ditu, Akordio honen edukiari, indarraldiari eta aplikazioari buruz sortzen diren desadostasun guztiak, baita Akordio honen aplikazio-eremuan biltzen diren Langileei eragiten dien lan-arloko beste edozein desadostasun ere.

2. ¿ Edonola ere, bi alderdiek konpromisoa hartu dute Akordio hau interpretatzearen, indarraldiaren eta aplikazioaren ondorioz sortzen diren gatazkak konpontzeko formula berriak aztertzeko.