Ongi etorri Legegunea atarira

Toreatzeko zezenak hazteak eta ohizko toreo ikuskizunetarako zezenak hazteak teknika eta produkzio mailan baldintza bereziak eta ezberdinak dituztenez, toreatzeko eta toreo ikuskizunetarako diren zezenen ustiategiei buruzko eta uztailaren 27ko 181/1989 Dekretuz sortutako Erregistroa, bi sekzio ezberdinetan, hau da, aipatu diren ustiategien kategoria bakoitzaren araberako sekzioetan, egituratu beharraren komenigarritasuna ikusten da. Horrek ez du esan nahi Erregistroaren unitatea apurtu behar denik. Horiek horrela, Nekazaritza eta Arrantza Sailburuaren proposamenez eta Jaurlaritzaren Kontseiluak 1992ko uztailaren 21ean egin zuen bilkuran aztertu ondoren, honako hauXEDATU DUT:Atal bakarra.- Uztailaren 27ko 131/1989 Dekretuko 1. Atalburuko 1. atala aldatu egiten da. Honako era honetan geldituko da:I. Atalburua. Toreatzeko eta toreo ikuskizunak emateko diren zezenen ustiategien Erregistroa. 1. atala.- 1. Toreatzeko eta Toreo Ikuskizunak emateko diren Zezenen Ustiategien Erregistroa sortzen da. EAEren eremua hartuko du eta honako hau izango da bere egitekorik nagusiena: Edozein kategoriako zezen ikuskizun emateko diren ustiategi guztiak inskribatzea alegia. 2. Bi sekzioetan egituratuko da Erregistro hau: A Sekzioa: Toreatzeko diren ganaduen ustiategiak inskribatuko dira bertan. B Sekzioa: Toreo ikuskizunak emateko diren ganaduen gainontzeko ustiategiak inskribatuko dira bertan, ohizko zezen ikuskizunak bereziki. 3. Honako hauek utzi beharko dira erasota Toreatzeko eta Toreo Ikuskizunak emateko diren Zezenen Ustiategien Erregistroan: A Sekzioa: a) Ganaduen jabearen edo zainaren izen-abizenak. b) Posta helbidea. c) Zezenak haren izenpean toreatzen denekoaren izena edo titulua. d) Burdina. e) Dibisa. f) Ganadua ustiatzen deneko finkaren edo finken izena, han kokatuta daudeneko udalerrien izenak emango direla. g) Behiak umea egin dueneko funtsaren edo funtsen izena. h) Perrak jartzeko erabili ohi deneko funtsaren edo funtsen izena. f), g) eta h) baldintzak zuzendu edo gaurkotu egin beharko dira abeltzainaren deklarazio bidez. B Sekzioa: a) Ganaduen jabearen edo zainaren izen-abizenak. b) Posta helbidea. c) Ustiategiaren izena. d) Ganadua ustiatzen deneko funtsaren edo funtsen izena. e) Animali kopurua. f) Animalien identifikazioa. g) Animalien arrazaren deskribapena. h) Burutu diren osasun kontrolak. GEHIGARRlZKO XEDAPENA Toreo ikuskizunak emateko diren eta Dekretu honetako 1. atalean ezartzen denaren ondorioz sortzen den Erregistroko B sekzioan inskribatu behar diren ganadu ustiategiek, dagokien inskribapena egin beharko dute, Dekretu hau indarrean jarri dadin egunetik hasi eta hilabeteko epearen barruan. AZKEN XEDAPENA Dekretu hau, Euskal Herriko Agintaritzaren Aldizkarian argitara dadin egunaren biharamunean jarriko da indarrean. Vitoria-Gasteiz, 1992ko uztailak 21. Lehendakaria, JOSE ANTONIO ARDANZA GARRO. Nekazaritza eta Arrantza Sailburua, JOSE MANUEL GOIKOETXEA ASKORBE.