Ongi etorri Legegunea atarira

ATALBURUA HEZKUNTZA SAILAZ KANPOKO IKASKETAELKARTEEK IRALE PROGRAMAN PARTE HARTZEAZ 20. atala.- Agindu honetan oraindainokoan esandakoaz gainera, IRALE programako zenbait ikastaro edo prestakuntzalan euskalduntze edo alfabetatze alorrean diharduten erakunde edo ikasketaelkarteek eman ahal izango dituzte. Kasuan kasuko hitzarmen edo lankidetzabideakeratuko dira horretarako. 21. atala.- 1.- Urtero, deialdi publikoz, erakunde edo ikasketa-elkarte horiek bidera ditzaketen ekintzak eta hartarako baldintzak eta harremanmarkoa jakinaraziko ditu Hezkuntza Sailordetzak. 2.- Hartan interesaturik leudekeen elkarteen parte hartzeko eskariak, Euskal Herriko Agintaritzaren Aldizkarian jakinaraziko den deialdian ezarritako oinarrien arabera egingo dira. 22. atala.- Hezkuntza Sailordetzak programan parte hartzeko onetsitako elkarteei zenbat eta nola ordaindu erabakitzeko, ondoko puntuok hartuko dira gidari: a) Sailordetzak zuzenean ordainduko dio elkarteari bertako ikasketariari ordaintzea legokiokeen matrikulakostua. Ikasketariarekiko doantasunirizpide hau erabatekoa ez izatea gerta daiteke barnetegiko egoitzagastuei dagokienean; klaseetara behar bezain sarri ez joateagatik, edo aprobetxamendu ona ez izateagatik, aldaketak izan ditzake gainera. b) Matrikulakostuei dagokienez, HABEk ezarritako kopuruak hartuko dira gidari berak definituriko ikastaroen kasuan. IRALEk berariaz eratuarazitako ikasketaritaldeen kasuan (maila horretan ikasle gutxi daudelako, edukinagatik edo lekuagatik ikastaroa berezia delako), Hezkuntza Sailordetzak berak ezarriko ditu matrikulakostu horiei dagozkien kopuruak. 23. atala.- 1.- IRALE programan jarduteko onartuak izateko, ikasketaelkarteek honako baldintza hauek bete beharko dituzte: a) parte hartzeko eskabidea garaiz egitea, dagokion adostasunziurtapena izenpetuz. b) ordainketei dagokienean Hezkuntza Sailordetzak ezarritako arauetara biltzea. c) Hezkuntza Sailordetzak administraziotramiteen lanerako behar izan ditzakeen argibideak (ikasketarien matrikulazioari, ordainketari, jarraipenari eta ebaluazioari dagokionez) garaiz aurkeztea. d) IRALE programak ekintza desberdinetarako finkaturiko ezaugarri teknikoetara biltzea. Konkretuki, IRALEko ikasketari hutsez osaturiko taldeen kasuan Hezkuntza, Unibertsitate eta Ikerketa Sailak ezarritako orientabideen, ebaluazioirizpideen eta koordinaziosistemen arabera jardutea. IRALEko ikasketariz eta bestelakoez osaturiko taldeen kasuan HABEk edo, hala legokiokeenean, Hezkuntza Sailordetzak ikasmailez, ikasketarikopuruzeta baldintza pedagogiko edo materialez ezarritako irizpideak betetzea. 2.- Aurreko atalean adierazitako baldintza guztiak betearren, Hezkuntza Sailordetzak IRALE programan parte hartzeko baimena ukatu ahal izango dio zenbait ikasketaelkarteri, aurreko deialdietan lortutako emaitza ebaluatu ondoren. 3.- Irakastordu barneko prestakuntzalan trinkoan diharduten ikasketariak bereganatu nahi dituzten ikasketaelkarteenkasuan, IRALEko ikasketari hutsez osaturiko talderik antola dezaketen ala ez izango da lehentasunezko irizpideetarikoa berauen baimena emateko orduan. Bai pedagogi gaiak eta bai leku- eta jestioaukerak hartuko dira horretarako kontuan. 4.- Hezkuntza Sailordetzak Euskal Herriko Agintaritzaren Aldizkarian jakinaraziko du, aldiro-aldiro, ekitaldi jakin batean IRALE programan parte hartzeko onartzen diren ikasketa-elkarteen zerrenda. 24. atala.- Ikasketarien eta ikasketa-elkarteen arteko harremanak errazteko, onarturiko ikasketen eta beraiek eskaintzen dituzten ikastaroen berri emango die ikasketarigaiei Hezkuntza Sailordetzak. Era berean eskualde eta ikastaromota bakoitzean zenbat ikasketarigaik eskabidea egin duten adieraziko die bertako ikasketaelkarteei. 25. atala.- IRALEren irakastegietatik kanpora emango diren ikastaroetan matrikulatzeari dagokionez, bai ikasketariek eta bai ikasketaelkarteek kasuan kasuko deialdian edo aurkezpentxostenean ezarritako arauak bete beharko dituzte. Ikasketaelkarteek, nolanahi ere, matrikulaziofitxan beraiei dagokien atala bete beharko dute eta, ikastaroa hasi eta handik hogei egun naturaleko epean beranduenik, ikasketarien izen-zerrenda eta matikulaziofitxak aurkeztu beharko dituzte. 26. atala.- 1.- Agindu honen hamabigarren atalean ezarritakoaren arabera, bertako ikasketaburuei dagokie lurralde horretan ikastaroemankizunean jarduteko ikasketaelkarteetan liberaturik dauden ikasketarien gainbegiratze pedagogikoa. 2.- Aurreko atalean adierazitako ikasketarien ebaluazioa, gai honetaz Hezkuntza, Unibertsitate eta Ikerketa Sailak emandako arau eta orientabideen arabera egingo da. IV. ATALBURUA IRALE PROGRAMAREN JARRAIPENBATZORDE NAGUSIA 27. atala.- 1.- IRALE programako deialdietan ezarritako irizpideak zuzen aplikatzeko Jarraipen Batzorde Nagusi bat eratuko da, programa horretan diharduten sektore desberdinek parte hartuko dutelarik. Honako eginkizun hauek izango ditu: a) ikasketariak kasuan kasuko deialdian finkaturiko irizpiden arabera aukeratzen direla zaintzea eta leudekeen erreklamazioei erantzutea. b) IRALE programaren eta bere ekintza desberdinen luzezabaleko emaitzak eta hizkuntz eskakizunak egiaztatzeko probetan batezbeste lortutako emaitzak ebaluatzea. c) Arauz legozkiokeen gainerakoak. 2.- Batzordeak kide hauek izango ditu: - Pedagogi Berrikuntzarako zuzendaria, edo bere ordezkoa, buru lehen izango delarik. - Euskara Zerbitzuko IRALE programaren arduraduna, idazkari izango delarik. - Pedagogi Berrikuntzarako lurraldeburuak, edo beren ordezkoak. - Langileria Kudeatzeko Zuzendaritzaren ordezkari bat. - Ikastetxe Zuzendaritzaren ordezkari bat. - Irakasleen ordezkariak, saileremu desberdinetako sindikatuekiko akordioetan finkaturiko moduan. Bere eginbeharrak ahalik ongien betetzeko, IRALEko irakastegien zuzendariekin kontatu ahal izango du batzordeak. ALDIBATERAKO XEDAPENA IRALEren egungo irakastegiek egitura jakin bat dutela kontuan izanik, banakako karguen plazak betetzeari ekiten ez zaion bitartean, eta gehienik ere 19931994ikasturtean zehar, Agindu hau argitara ematerakoan ardurakarguren batean ari direnek honako eginkizun berriok izango dituzte: - Antolamenduarduradunek, zuzendari lana - Didaktikaarduradunek, ikasketa-buru lana. - Jarraipenarduradunek, idazkari lana. INDARGABETZE XEDAPENA Indargabeturik gelditzen da Hezkuntza Sailaren 1983ko abenduaren 26ko Agindua (EHAA, 1984/1/27), irakasleak alfabetatu edota euskalduntzeko programa arautzen zuena, eta geroztikako bere aldaketak: 1989ko urtarrilaren 9ko Agindua (EHAA, otsailak 14) eta 1990eko apirilaren 23ko Agindua (EHAA, ekainak 7). AZKEN XEDAPENAK Lehenengoa.- Agindu honetan esandakoa bete eta garatzeko, beharrezkoak liratekeen erabakiak hartzeko baimena ematen zaio Hezkuntza sailburuordeari. Bigarrena.- Agindu hau Euskal Herriko Agintaritzaren Aldizkarian argitaratu eta handik hurreneko egunean jarriko da indarrean. Vitoria-Gasteiz, 1994ko urtarrilak 28. Hezkuntza, Unibertsitate eta Ikerketa sailburua, FERNANDO BUESA BLANCO.Maiatzaren 24ko 105/1982 Dekretuaren bidez «Eusko Trenbideak/ Ferrocarriles Vascos, S.A.» sozietate publikoa sortu eta haren estatutuak onestea erabaki zen. Aipatu Dekretu horren xedea abuztuaren 25eko 2488/1978 Dekretu bidez eta abenduaren 18ko 3/1979 Lege Organikoaren bidez Euskal Autonomi Elkarteari eskualdaturiko pertsonen eta merkatalgaien trenbidezko eta errepidezko garraio publikoko lineak eta etorkizunean eskatzen zaizkionak ustiatzea da. Burnibidearen Euskal Museoa sortu eta arautzeari buruzko abenduaren 17ko 700/1991 Dekretuaren bidez, etengabe gizartearen eta horren garapenaren zerbitzura egongo den erakunde gisa sortu da Museoa, jendearentzako irekia eta Euskal Autonomi Elkarteko Trenbide Ondare Historikoa ikertu eta, ondoren azterketa, heziketa eta aisiarako erabiltzeko, ondare hori osatzen duten elementuak erosi, zaindu, argitara atera eta erakusteaz arduratuko den erakunde gisa, alegia. Aipatu Museoa, Euskal Autonomi Elkarteko Administrazioaren titulartasunpekoa baita, sorreratik bertatik Garraio eta Herrilan Sailaren Garraio Zuzendaritzari atxekitako zerbitzu gisa eratu zuten. Hala ere, Burnibidearen Euskal Museoak Euskal Autonomi Elkarteko Trenbide Ondare Historikoa ikertu, erosi, zaindu, argitara atera eta erakusteko burutzen ari den lan horrek trenbide iharduerarekin duen erlazioa kontutan izanik bidezkotzat jo da zerbitzu hori Eusko Trenbideak/ Ferrocarriles Vascos, S.A.n sartzea, berorrek kudea dezan. Era berean, egoki iritzi zaio sozietatearen xedea ere aldatzeari, lurretikako garraioarekin zerikusirik duten zerbitzuak behar bezala kudeatu ahal izateko behar diren iharduerak har ditzan bere baitan. Ondorioz, Ekonomi eta Ogasun sailburuaren eta Garraio eta Herrilan sailburuaren proposamenez, Jaurlaritzaren Kontseiluak 1994ko uetarrilaren 25ean egindako bilkuran aztertu eta onartu ondoren hauxeXEDATU DUT: Lehenengo atala.- Maiatzaren 24ko 105/1982 Dekretuaren 3. atala berridaztea eta horrela uztea: «1. Eusko Trenbideak/Ferrocarriles Vasco, S.A.» sozietatearen xedea da: a) Pertsona eta merkatalgaien trenbidezko eta errepidezko garraio publikoa ustiatzea, bai abuztuaren 25eko 2488/1978 Dekretu bidez eta abenduaren 18ko 3/1979 Lege Organikoaren bidez transferitutako lineei dagozkiena, bai Dekretu bidez eskatzen zaizkionak, bai eta zerbitzu horiekiko emakida eman edo baimenduriko beste edozein garraio zerbitzu publiko eta kable bidezko garraioa. b) Hainbat azterlan kudeatu, burutu eta haietarako aholkularitza ematea, besteak beste alor hauei buruzkoak badira: trenbidezko garraioaren inguruko eraikuntza, ekipamendua, teknologia eta baliapideak, ustiaketa eta antolaketa, bai eta Euskal Autonomi Elkarteko Administrazioak, beste Administrazio batzuk, edo pertsona fisiko nahiz juridikoek eskatzen dizkioten trenbide, kable edo errepidezko garraioari dagozkien lan eta instalakuntzen zuzendaritza, ikuskaritza eta kontrol teknikoa. c) Dekretu bidez egozten zaion garraioarekin erlazionaturik dauden titulartasun publikopeko museoen gestioa. 2. Xede soziala osatzen duten ihardunak, osoosoan edo zati batetan, artez garatu ahal izango ditu Sozietateak,xede berdina edo antzekoa duten sozietateetako akzioen edo partaideen titularitateaz baliatuz. Era berean, denboraldi jakin baterako edo epe mugarik gabeko denboraldiz bareratu ahal izango da beste enpresa batzurekin, apairilaren 30eko 12/1991 Legean arautzen diren enpresa edo interes ekonomikoen ondoriozko baterakundeekin aldibaterako elkarketeak sortuz. Bigarren idazati honetako bi lerroaldietan aipatzen diren ekintzak, Akziodunen Batzar Nagusiak aurrez baimen espresua eman dakienaren baldintzapean gelditzen dira, bidezkoak izan daitezen administrazioizapideak bete daitezenaren kaltetan gabe. Bigarren atala.- «Eusko Trenbideak/Ferrocarriles Vascos, S.A.» sozietate publikoaren estatutuak onartzen dituen maiatzaren 24ko 105/1982 Dekretuaren eraskina berridaztea eta haren ordez dekretu honen eraskina jartzea. Hirugarren atala.- «Eusko Trenbideak/Ferrocarriles Vascos, S.A.» sozietate publikoari atxeki zaio Burnibidearen Euskal Museoaren gestioa. Laugarren atala.- Burnibidearen Euskal Museoa zerbitzu publikoaren gestioa abenduaren 17ko 700/1991 Dekretuan eta Euskal Autonomi Elkartearen titulartasunpeko Museoei aplikatu beharreko gainontzekoetan xedatutakoari jarraikiz burutuko da. Bostgarren atala.- Burnibidearen Euskal Museoa zerbitzu publikoak hartuta edo ukituta dituen ondasun eta eskubideak Euskadiko Kultur Ondareari buruzko uztailaren 6ko 7/1990 Legeak eta haiei aplikatu beharreko legeriak xedaturikoaren arabera arautuko dira eta erabilera publikokoak beren kalifikazioa mantenduko dute, horrek ezertan galarazi gabe sozietateak kudeatu eta administratazea. Seigarren atala.- Burnibidearen Euskal Museoarenak diren edo erakunde horri atxikita dauden ondasun eta eskubideak, Euskal Kultur Ondareari buruzko uztailaren 6ko 7/1990 Legean ematen diren xedapenek arautuko dituzte eta horiei aplika dakizkiekeen beste arau batzuk ere bai. Ondasun publikoek beren kalifikazioari eutsiko diote, Sozietateak horien kudeaketa eta administrazioa eraman dezanaren kaltetan gabe. LEHENENGO XEDAPEN GEHIGARRIA Abenduaren 17ko 700/1991 Dekretuaren 6. atala honela utziko da: «Museoaren kultura ekintzak eta funtzionamendua bultzatu asmoz, Burnibidearen Euskal Museoaren Patronatoa sortu da». BIGARREN XEDAPEN GEHIGARRIA Abenduaren 17ko 700/1991 Dekretuaren 7.a) atala honela utziko da: «Museoak burutu behar dituen ekintzei buruzko aholkuak ematea». XEDAPEN INDARGABETZAILEA Indarrik gabe geratzen dira otsailaren 11ko 24/1992 Dekretuaren atal bakarreko 3.2 eta 5.7 lerroaldiak, abenduaren 17ko 700/1991 Dekretuaren 1. ataleko 3. lerroaldia, 5. ataleko 1. eta 3. lerroaldiak eta aldibaterako xedapena eta Dekretu honen kontrako beste edozein xedapen. AZKEN XEDAPENA Dekretu honek Euskal Herriko Agintaritzaren Aldizkarian argitaratu eta biharamunean hartuko du indarra. Vitoria-Gasteizen, 1994ko urtarrilak 25. Lehendakaria, JOSE ANTONIO ARDANZA GARRO. Ekonomi eta Ogasun sailburua, JOSE LUIS LARREA FERNANDEZ DE VICUÑA. Garraio eta Herrilan sailburua, JOSU BERGARA ETXEBARRIA.ERASKINA «EUSKO TRENBIDEAK/FERROCARRILES VASCOS, S.A.» SOZIETATE PUBLIKOAREN ESTATUTUAKI. IDAZPURUA IZENA, HELBIDEA, XEDEA ETA IRAUPENA 1. atala.- Izena eta erregimena. «Eusko Trenbideak/Ferrocarriles Vascos, S.A.» izeneko merkataritza sozietate publikoa, Euskal Autonomi Elkarteko Administrazioa bazkide bakartzat duen sozietate publikoa da. Sozietate hori Euskal Autonomi Elkarteko Sozietate Publiko den heinean, haren erregimena, aplikatu beharrekoa duen Euskal Herriko Ogasun Orokorra arautzen duen arauteriari, Estatutu hauei, 1989ko abenduaren 22ko Sozietate Anonimoei buruzko Legearen Testu Bateratuari eta Sozietate Anonimoen Lege Araubideko gainontzeko antolaketa xedapenei lotuko zaie. 2. atala.- Helbidea. Sozietateak Bilbaon (Atxuri kaleko 8an) du helbidea eta han dago sozietatearen legezko ordezkaritza. Sozietatearen Administrazio Kontseiluak eta udalerri horren barruan bakarrik aldatu ahal izango du helbidea. Era berean, sukurtsalak, agentziak, delegazioak eta ordezkaritzak sortu, kendu edo lekuz aldatu ahal izango ditu Euskal Autonomi Elkarteko, Estatu Espainiarreko edo atzerriko beste edozein herritan. 3. atala.- Xedea. 1.- «Eusko Trenbideak/Ferrocarriles Vascos, S.A.» sozietatearen xedea da: a) Pertsona eta merkatalgaien trenbidezko eta errepidezko garraio publikoa ustiatzea, bai abuztuaren 25eko 2488/1978 Dekretu bidez eta abenduaren 18ko 3/1979 Lege Organikoaren bidez transferitutako lineei dagozkiena, bai eta Dekretu bidez eskatzen zaion, bai eta zerbitzu horiekiko emakida eman edo baimenduriko beste edozein garraio zerbitzu publiko edo kable bidezko garraioa. b) Hainbat azterlan gestionatu, burutu eta haietarako aholkularitza ematea, besteak beste alor hauei buruzkoak badira: Euskal Autonomi Elkarteko Administrazioak, beste Administrazio batzuk, edo pertsona fisiko nahiz juridikoek eskatzen dizkioten trenbide, kable edo errepidezko garraioari dagozkien eraikuntza, ekipamendu, teknologia eta haren baliapideak, ustiketa eta antolaketa, bai eta lan eta instalakuntzen zuzendaritza, ikuskaritza eta kontrol teknikoa. c) Garraioarekin erlazionaturik dauden titulartasun publikopeko museoen gestioa, Dekretu bidez egozten zaiona. 2.- Xede soziala osatzen duten ihardunak, osoosoan edo zati batetan, artez garatu ahal izango ditu Sozietateak, xede berdina edo antzekoa duten sozietateetako akzioen edo partaideen titularitateaz baliatuz. Era berean, denboraldi jakin baterako edo epe mugarik gabeko denboraldiz bareratu ahal izango da beste enpresa batzurekin, apairilaren 30eko 12/1991 Legean arautzen diren enpresa edo interes ekonomikoen ondoriozko baterakundeekin aldibaterako elkarketeak sortuz. Bigarren idazati honetako bi lerroaldietan aipatzen diren ekintzak, Akziodunen Batzar Nagusiak aurrez baimen espresua eman dakienaren baldintzapean gelditzen dira, bidezkoak izan daitezen administrazioizapideak bete daitezenaren kaltetan gabe. 4. atala.- Iraupena. 1982ko ekainaren 25ean eratu eta lanean hasi zenez geroztik, sozietatearen iraupenak ez du muga jakinik.II. IDAZPURUA KAPITALA. AKZIOAK 5. atala.- Kapitala. Sozietatearen kapitala hogei mila hirurehun eta hirurogeita hamabi milioi (20.372.000.000) pezetakoa da, hamarna mila (10.000) pezetako balio nominaleko bi milioi hogeita zazpi mila eta berrehun (2.037.200) akziotan banatuta, batetik hasi eta bi milioi hogeita zazpi mila eta berrehun arteko zenbakiak eramango dutenak, guztiak ere sinatuta egongo direnak. Mila eta bostehun milioi (1.500.000.000) ordaintzeke daudenez, mila bederatziehun eta laurogeita hamahiruko abenduaren hogeita hamaika baino lehen dirutan ordainduko da, diruzaintzako beharrak arrazoituta, ordainketaldi batean edo gehiagotan. 6. atala.- Akzioak. Akzioak Administrazio Kontseiluko Lehendakariak eta Idazkariak sinatu eta Sozietatearen zigilua eramango duten titulutan gauzatuko dira. Administrazio Kontseiluak ahalmena izango du, bidezkotzat joz gero, hainbat akzio biltzen dituen tituluak luzatzeko erabakia hartzeko.III. IDAZPURUA SOZIETATEAREN ORGANUAK 7. atala.- Sozietatearen organuak. Sozietatea gobernatu eta administratzea Akzionisten Batzar Nagusiari eta Administrazio Kontseiluari dagokie, Sozietate Anonimoei buruzko Legeak, Estatutu hauetan berariz xedaturikoaren ordezko gisa aplikatu beharreko gertatzen denean, bakoitzarentzat ezartzen duen eran eta eskurantzekin. 8. atala.- Akzionisten Batzar Nagusia. Izaera. Akzionisten Batzar Nagusia da, legez deitu eta eratuta, sozietatearen organu subiranoa. 9. atala.- Batzar Nagusi motak. a) Batzar Nagusiak, ohizkoak eta ezohizkoak izan daitezke. b) Ohizko Batzar Nagusia gutxienez urtean behin egingo da eta, nahitaez, ekitaldi bakoitzaren lehen sei hilabeteen barruan, sozietatearen kudeaketalana gaitzetsi, aurreko ekitaldiko kontuak onartu hala behar izan dadinean eta emaitzen aplikazioei ebazpena eman. c) Aurreko atalean jaso ez den beste edozein batzar, Ezohizko Batzar Nagusitzat joko da eta Administrazio Kontseiluak egoki irizten dionean edo legezko xedapenen arabera bidezko denean egingo da horretarako deia. 10. atala.- Administrazio Kontseilua. Izaera. Administrazio Kontseiluari sozietatearen kudeaketa eta ordezkaritza dagokio, zentzurik zabalenean, epaiketetan eta horietaz kanpo eta Batzar Nagusiaren erabakiak eta legeak hala aginduta Batzarrari esklusiboki edo Estatutuen arabera harentzat gorde diren ahalmenak bakarrik izango ditu mugatzat. 11. atala.- Osaketa. Gutxienez hiru kidek eta gehienez, hamabostek osatuko dute Administrazio Kontseilua, Batzar Nagusiak ezarritakoaren arabera; kide horiek ezin izango dute izan abenduaren 26ko 25/1983 Legeak eta aplikatu beharreko gainontzeko arauteriak jasotako bateraezintasunik eta lau urtez beteko dute kargua eta beste horrenbesterako behin edo gehiagotan aukeratu ahal izango dituzte, horrek ezertan galarazi gabe Batzarrak edonoiz haiek kargutik kentzea erabaki ahal izatea. Ez da beharrezkoa izango Administratzaileak akziodunak izatea. Administratzaileen izendapenak, izendapena onartzen duten unetik beretik izango du indarra. Izendapena, indarraldia bete eta hurrengo Batzar Nagusia egindakoan iraungiko da edo Batzar Nagusia egiteko legezko epea igarotakoan. Batzar Nagusiak Administrazio Kontseiluko kideen artetik hautatuko ditu Lehendakaria eta Idazkaria, zeinak Kontseilari ez bada, ez baitu boturik izango erabakietan. Batzarrak, gainera, Lehendakariorde bat edo gehiago aukeratu ahal izango ditu eta batzordekideei Idazkariorde izaera egotzi. 12. atala.- Deialdia. Bilkurak noiz eta non. 1.- Kontseilua elkartzeko deia Lehendakariak egingo du bidezkotzat jotzen duenean edo, bestela, KontseilariDelegatuak,halakorik izanez gero, edo gutxienez Kontseilarien herenak hala eskatzen duenean. Gutxienez lau bilera egingo dira urtean, hiruhilabete natural bakoitzean bat. 2.- Deian, Kontseilua zein egun eta ordutan eta, sozietatearen helbideaz besteko batean egitekotan, non elkartu behar den ere adierazi beharko da. Besterik esaten ez bada, Sozietatearen egoitzan izango da. 3.- Nolanahi ere, Kontseilua elkartzeko deia egintzat eta edozer aztertzeko behar bezala eratutzat joko da, baldin eta Kontseilari guztiak edo haien ordezkariak batera egon eta ahobatez Kontseiluaren bilkura egitea erabakitzen badute. 13. atala.- Kontseilura joatea. 1.- Kontseiluaren bilkuretara, hizpidea eta botua dutela joango dira, Legearen eta Estatutu hauen arabera sozietateko Kontseilari direnak. Kontseilariek beste kontseilari batzu izendatu ahal izango dituzte ordezkari gisa; ordezkapen hori idatziz egin beharko da, boterea eman eta hartu duenaren, bien izenak, karguak, boterea non eta noiz eman den eta emailearen sinadura jasoko direlarik, bai eta kasuan kasuko Kontseiluan, lekua eta egunen bidez zehaztutakoan, boterea hartu duen hark ordezkatzea nahi duela, bere izenean parte hartu eta botua emateko ahalmenarekin, nahiz Kontseiluak aztertu behar dituen gai orotan, nahiz bereziki adieraziko dituenetan. Aurreko ataleko hirugarren puntuan jasotako kasuan botereak Kontseilua ospatzea erabaki ahal izateko ahalmen berezia ere jaso beharko du. 2.- Kontseiluko Lehendakariak ahalmena izango du enpresako zuzendari nagusiari eta gainontzeko teknikariei, bai eta lege, ekonomi eta bestelako gaietan aholkuak edo argibideak emateko komenigarritzat irizten dituenei, hizpidea bai baina boturik gabe, Kontseilura joan daitezen eskatzeko. Kontseiluko Lehendakariak enpresako beste langile batzuen laguntza eskatu ahal izango du Kontseiluak dirauen artean eginkizun osagarri, materialak edo administraziokoak burutzeko. 14. atala.- Kontseiluaren bilkurak egitea. 1.- Administrazio Kontseilua behar bezala eratzeko ezinbestekoa izango da kideen erdia baino gutxienez bat gehiago elkartzea. 2.- Bilkurako Lehendakaritza Kontseiluko Lehendakariak edo haren ordezkoak beteko du eta Idazkaritzalana, Idazkari izendatutakoak edo haren ordezkoak. Deiak eta jakinarazpenak izapidatu, aktak idatzi eta Lehendakariaren onikusiarekin ziurtagiriak luzatzeko lana Idazkariari dagozkio. 3.- Erabakiak hartzeko bilkuran dauden Kontseilarien gehiengo absolutua beharko da. Lehendakariak kalitate botua izango du eta, beraz, hark erabakiko du gerta daitekeen berdintasun egoera oro. 4.- Kontseiluaren bilkura bakoitzeko, bertan azterturiko gai nagusienei buruzko eta hartutako erabakien gaineko akta luzatuko da. Horretarako, sozietateak aktaliburu bat izango du, behar bezala eginbidetua, eta Kontseiluko Idazkaria arduratuko da hura gorde eta zaintzeaz. 15. atala.- Kontseiluaren eskurantzak. 1.- Kontseiluaren aginpidekoak dira honako eskurantza hauek: a) Estatutu hauen bidez bereziki izendatutakoak. b) Batzar Nagusien erabakiak gauzatzea. c) Sozietatea erantzukizun osoz ordezkatzea egintza eta kontratu mota orotan. d) Sozietateko langileak izendatu eta kentzea, haien eginkizun, eskurantza, fidantza, soldata eta hobariak zehaztea, Estatutu hauetan bestela ezartzen den kasuetan izan ezik. e) Sozietatea antolatu, zuzendu eta haren martxaren ikuskaritza egitea eta Batzar Nagusiari Barne Antolaketarako Arautegia proposatzea, enpresaren iharduerak hala eskatuz gero. f) Sozietatearen xedea betetzeko behar diren edo komenigarritzat jotzen diren egintzak burutu eta kontratuak egitea eta harreman juridikoek berezko dituzten negozioak eta eragiketak gauzatzea. Edonola ere, berrogeita hamar milioi (50.000.000) baino gehiagokoak diren sozietatearen eskubide errealak eskuratu, besterendu, eratu edo iraungi edo sozietatearen jabego pribatuko higiezinez baliatzeko beste edozein egintza burutu ahal izateko, eragiketa horiei buruzko erabakiak Batzar Nagusiari egokituko zaizkio. g) Sozietatearentzat komenigarri diren kreditu eta mailegu eragiketak burutzea, bai eta abalak eta fidantzak ematea ere. h) Legeek eskaturiko programen aurreproiektuak eta aurrekontuak prestatu eta gastuetarako baimenak ematea, aginpidekoak dituen gaietan. i) Urtero Ohizko Batzar Nagusiari aurreko ekitaldiko kontuak eta gestioari buruzko txostena eta emaitzen zertarakoa aurkeztea, bai eta merkataritza arauteriaren arabera eta Euskal Herriko Ogasun Orokorrarenaren arabera eskatzen zaion beste edozein agiri ere. j) Epaitegi eta Auzitegi arrunt eta berezien aurrean eta Estatuko batzen, Autonomi Elkarteen, Lurralde Historikoen, Probintzien, Udalen eta beste erakunde publiko batzuen aurrean sozietateari dagozkion eskubideak edo egintzak gauzatzeari buruz egoki irizten duena erabakitzea, errekurtso arrunt eta bereziak jartzeari buruzko erabakiak hartzea, baita Auzitegi Nagusiari aurkeztekoa denean ere, eta letradu eta eskuordekoei auzietarako botereak ematea, bidezko jotzen duen eran. l) Zuzenbide pribatuko arbitraietan sozietatearen gaiekin amore eman eta hirugarrenen baitan jartzea, Legeak ezarritako edozein eratan, beti ere f) lerroaldian ezarritako mugekin. m) Fondo eta ondasun sozialak erabiltzea, erreklamatzea, bidezko den eta sozietatearen interesei komeni zaionengandik jaso eta kobratzea; dirugordailuak eratzea, banku-kontuak, Kreditu-kontuak eta bestelakoak ezartzea, eskudirua eta baloreak, orohar, ateratzea, Espainiako nahiz atzerriko banketxeekin, Banka Ofiziala barne, eragiketa mota oro gauzatzea, korresponsalen eskutan dauden Sozietatearen fondoak erabiltzea, kanbio letrak eta merkatal efektuak luzatu, endosua eman, abala eman, onartu, ordaindu eta negoziatzea eta, azken finean, banku eta merkataritza mailako harremanei berez dagozkien eragiketak burutzea inongo mugarik gabe. n) Pertsona jakinei, bete beharreko eginkizuna eta sozietatearen interesak hobe defendatzeko komenigarri jotzen duen bezain botere zabalak ematea, Legeak eta Estatutu hauetan ezarritako mugen barnean. 2.- Zerrenda hori aipatzekoa besterik ez da eta ez ditu inolaz ere mugatzen, Akzionisten Batzar Nagusiaren aginpiderako gordeak ez dauden gaietan sozietatearen negozio eta interesak gobernatu, zuzendu eta administratzeko dagozkion ahalmen zabalak. 3.- Arestian adierazitako ahalmenak beti ere sozietatearen xede berarekin eta hura betetzeko gauzatuko dira. Guzti hori gorabehera, Administratzaileek hala egiten ez badute, sozietateak gaiztakeriarik gabe eta erru larririk gabe jokatu duten hirugarren pertsonen aurrean, erantzutera behartuta egongo da. 16. atala.- Sozietatearen beste organo batzu. Batzar Nagusiak honako hauek sortu ahal izango ditu: a) Batzorde Exekutiboa izeneko organo kolejiatua, Administrazio Kontseiluko kidez osatua. b) Administrazio Kontseiluko kideak izango diren kide bakarreko organo bat edo gehiago, KontseilariDelegatu izena izango dutenak. c) Zuzendari Nagusi kargua. Batzorde Exekutiboa zenbatek osatuko duten edo zenbat izango diren KontseilariDelegatuak, eta atal honetan aurrikusitako organoetako titularrak izendatu eta kargutik kentzea Batzar Nagusiaren lana da eta organu horrek berak zehaztuko du haiei eskaturiko eginkizunak, legez salbuetsirikoak izan ezik, eta halakorik behar denean eta berari dagokionean, haien ordainsariak, Euskal Autonomi Elkarteko Goi Karguentzako ordainsariei buruzko legeariari men eginez. 17. atala.- Kontseiluko kideen ordainsariak. Administrazio Kontseiluko kideek joaten diren Administrazio Kontseiluaren bilkura bakoitzeko, hogeita hamabost mila pezetako dieta bat jasotzeko eskubidea izango dute, salbu eta Administrazioan edo sozietatean bertan lan egin edo karguren bat bete eta, beraz, lanpostu edo kargu hori betetzeagatik bilkuretara joatea behartuta dauden haiek. Zenbateko hori urtero aztertu eta Kontsumorako Prezioen Indizeak izandako gorabeheraren arabera berrituko da. IV. IDAZPURUA EKONOMI ETA FINANTZA ERREGIMENA 18. atala.- Euskal Herriko Ogasun Orokorraren gaineko arauteria. Sozietate hau, aplikatzea dagokion Euskal Herriko Ogasun Orokorraren gaineko arauteriari lotuko zaio eta, batez ere, programa, aurrekontu, kontrol eta kontabilitateari buruzko xedapenei, horrek dakartzan lege ondorioekin eta arauteria horren araberako betebehar eta muga guztiekin. 19. atala.- Urteroko kontuak. Urtero eta erreferentziatzat abenduaren hogeita hamaika izanik, sozietatearen ekitaldia itxi eta hiru hilabeteko epean, Administrazio Kontseiluak urteko kontuak, kudeaketa txostena eta emaitzen zertarakoa eta, halakorik izanez gero, urteko kontuak eta gestio txosten osotua aurkeztu beharko ditu. Kudeaketa txostena eta urteko kontuak, legez ezarritako eran, Akzionisten Batzar Nagusiari aurkeztu beharko zaizkio onar ditzan.