- AGINDUA, 1996ko irailaren 24ekoa, Garraio eta Herrilan sailburuarena, Eusko Trenbideak/ Ferrocarriles Vascos, SAren Zirkulazio eta Seinaleen Arautegia onartzen duena. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuAGINDUA, 1996ko irailaren 24ekoa, Garraio eta Herrilan sailburuarena, Eusko Trenbideak/ Ferrocarriles Vascos, SAren Zirkulazio eta Seinaleen Arautegia onartzen duena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Garraioak eta Herrilanak
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 194
- Hurrenkera-zk.: 4657
- Xedapen-zk.: 229
- Xedapen-data: 1996/09/24
- Argitaratze-data: 1996/10/08
Gaikako eremua
- Gaia: Administrazioaren antolamendua; Garraio eta herri lanak
- Azpigaia: Gobernua eta herri administrazioa; Sailak
Testu legala
Abuztuaren 25eko 2488/1978 Dekretuaren bidez, Estatuko Administrazioak Euskal Herriko Kontseilu Nagusiari transferitu zizkion FEVEk Euskadin ustiatutako zerbitzuak; 3/1979 Lege Organikoaren bidez onartutako Euskal Autonomi Elkartearen Estatutuak, ordea, 10.32 atalean Autonomi Elkarteari ematen dio ibilbidea erabat Elkartean egiten duten trenbideen gaineko aginpide esklusiboa eta aldibaterako xedapenetan bigarrenaren arabera, autonomiaurreko garaian transferitutako aginpideak behin betiko onartutzat jotzen dira.
Maiatzaren 24eko 105/1982 Dekretuaren bidez "Eusko Trenbideak/ Ferrocarriles Vascos, SA" sozietate publikoa sortu eta haren estatutuak onartu ziren, eta ondoren urtarrilaren 25eko 56/1994 Dekretu bidez aldatu. Sozietatearen helburua, besteak beste, bidaiari eta merkatalgaien trenbide nahiz errepide bidezko garraioa ustiatzea da; garraio zerbitzu horietan sartzen dira, bai abuztuaren 25eko 2488/1978 Dekretuaren eta abenduaren 18ko 3/1979 Lege Organikoaren bidez transferitutako lineatakoak, bai Dekretu bidez emakida edo baimen gisa agintzen zaizkionak, eta kable bidezko garraioa.
Nolanahi ere, komenigarria da transferitutako lineetako arautegiak eta ustiaketa sistemak bateratzea eta arautegi horiek ezarritako teknologia eta segurtasun sistema berrietara egokitzea eta, horretarako, beharrezkoa da Lurreko Garraioaren Antolaketari buruzko Legearen Arautegia onartzen duen irailaren 28ko 1211/1990 Errege Dekretuaren 264.1 eta 279.1 ataletan xedatutakoa betetzeko, trenbide linea horien ustiaketak bete beharreko arau teknikoak eta, batez ere, erabiltzaileen segurtasuna bermatuko duten zirkulazio arauak onartzea. Ildo horretatik, "Eusko Trenbideak/ Ferrocarriles Vascos, SA", dagoeneko Zirkulazio eta Seinaleen Arautegia egiteko proposamen bat taxutu du eta, 1995eko abenduaren 19an izandako Administrazio Kontseiluak erabakitakoa betetzeko, Garraio eta Herrilan Sailari igorri dio onar dezan.
Ondorioz, eta Garraio eta Herrilan Sailaren egitura eta eginkizunak finkatzeko uztailaren 18ko 384/1995 Dekretuaren 3. atalak ematen dizkidan aginpideak erabiliz, eta urtarrilaren 3ko 1/1995 Dekretuaren 15.1.b) atala kontutan izanik,
Atal bakarra.- 1.- "Eusko Trenbideak/ Ferrocarriles Vascos, SA"ren Zirkulazio eta Seinaleen Arautegia onartzea.
"Eusko Trenbideak/ Ferrocarriles Vascos, SA" sozietate publikoari ustiatzeko agindu zaion trenbide linea guztietan aplikatu beharko da arautegia, bai eta etorkizunean agintzen zaizkion guztietan ere.
Indarrik gabe geratzen dira agindu honetan ezarritakoaren kontrakoa adierazi edo bateraezinak diren maila bereko edo baxuagoko gainontzeko xedapenak.
Agindu hau Euskal Herriko Agintaritzaren Aldizkarian argitaratu eta biharamunean sartuko da indarrean.
Vitoria-Gasteiz, 1996ko irailaren 24a.
Garraio eta Herrilan sailburua,
JOSÉ ANTONIO MATURANA PLAZA.
Gaiarekin lotutako edukiak
Arauaren historia (2)
- Aldatutakoa: AGINDUA, 1999ko apirilaren 13koa, Garraio eta Herri Lan sailburuarena, Eusko Trenbideak / Ferrocarriles Vascos, SAren Zirkulazio eta Seinaleen Arautegia onartzen duen Agindua aldatzeko dena.
- Indargabetutakoa: AGINDUA, 2001eko irailaren 19koa, Garraio eta Herri Lan sailburuarena, Eusko Trenbideak¿Ferrocarriles Vascos, SAren Zirkulazio eta Seinaleen Arautegia onartzeko dena.