Ongi etorri Legegunea atarira

Euskal Autonomia-Elkartea orain jasaten ari deneko ekonomia-hestualdi larria, hoiek onbideratzea gehienetan lan-tokiak gutxitzea dakarren enpresa, alor-atal eta alorren kolokako egoeran nabarmentzen da, eta bai batez ere industria-ekintzapide berritarako diru-ezarketak atzera egin izanean ere.

Egoera larri hori gainditzeak, doakien alderdi guztietakoei jarrera baikor bat hartzea eskatzen die. Irizpide horrek ez du, ordea, artez arte doakien ekonomia-ihardunean dihal-dutenen bateango ekintza azkartu eta indartu dezan herri-laguntza baten baharra baztertzen.

Horri erantzuten dio "Industriaren Suztapen eta Eraldaketarako Baltzua" deritzan lanabes bat sortarazten duen Lege honek, berenezko eta oinarrizko helburu euskal industriaren suztapena eta eraldaketa dituela, ahalik eta lasterren europearrekin kidekatzeko lehiakortasun, askotarikotasun eta teknika-mailak ardiesteko xedez. Lanik ezaren aurkako borrokan egon dauden lan-tokiei eustea eta berriak sortaraztea du beste lehen-mailako xede Baltzu horren ekintzak.

Bestalde, batzutan Baltzu horren egiteko izango da Eusko Jaurlaritzak enpresen osasunbideratze eta eraldaketa-lanei eratxiki beharrezko eritzitako dirubidezko eta bestelako laguntzak gauzatzea, doakien aldeetakoekin aurrez hitzarmenbideak egin ondoren, horrek euskal enpresak errasuma-mailan egon daitezen laguntzapidetara iritsi ahal izateari inolako murriztapenik ez dakarkiela.

Hoien ondorioz, honako Lege hau onartzen da:

Lehenengo Atala

Industria-Sailari, Industriaren Suztapen eta Eraldaketarako Baltzu bat sortarazi dezaneko manua egiten zaio. Baltzu hori akziozkoa izango da, eta bazkun-moeta horretakoei dagozkien norbanako-legezko araupidez ihardungo du. Autonomia-Elkartearen lur-eremua izango du Baltzuak bere ekintza-eremu.

Bigarren Atala

1. Euskal Herriko Herriogasuntza Nagusia Baltzu Domuan partaide izango da, ehuneko 51koa gutxienez bere duela. Gainontzekoa Euskal Herriko Herri-Iraskunde eta Erakundeek eta dirubidetza-erakundeek hartu ahal izango dute.

2. Hasierako Baltzu-Domua bi mila miloe pesetakoa izango da.

   Hirugarren Atala

   Honako hauek ditu Baltzuak bere egiteko:

   1. Enpresen sustapenari laguntzea, haiei buruzko azterlanak eginez, eta kudeaketa, ekonomia, teknika eta enpresetarako interesa duten bestelako arloetan zerbitzu-aholkularitza emanez...

   2. Enpresa berriak sortzea lehiaraztea, eta bai dagoeneko egon daudenen aurrerapena ere, tekonolojia-hobekuntzaz eta atzerri-salmentaz bereziki arduratuz.

   3. Enpresen bateango eta alkarlanezko ekintzei indar ematea, hoiek merkataritza-lehiarako gaiago egiteko bide izan daitezen.

   4. Enpresen birrantolaketa eta eraldaketa-lanak doazkienen ahaleginei osatze-mailako laguntza eskaintzea, berenez bizirik irauteko gai izan daitezeneko baldintzapean.

   5. Ikerketa eta garapeneko proiektuak sustatzea, prozesu berrietan zein produktu berrietan eta haiei loturiko zerbitzuetan.

   6. Bere helburuekin zerikusia izan dezan beste edozein.

      Laugarren Atala

      1. Baltzuak, bere xedeen arauera, dirulaguntzak eta erdi-eperako edo epe luzerako maileguak eman ahal izango ditu, bai dirusariaren aldetikako berarizko aukerakoak ere, eta halaber enpresentzako bermeak ere, Eusko Jaurlaritzak horretzat eman ditzan araupideen ariora.

      2. – Baltzuak interes bereziko enpresen baltzu-kapitalean parte hartu ahal izango du eta haien baltzu-xedearen parte diren jarduerak zeharkako eran garatu ahal izango ditu, guztiz edo partez, xede berdina duten –edo baltzuaren xedearen parte diren edo xede horren antzeko xedeak dituzten– baltzuetako akzioen eta partaidetzen titulartasuna eskuratuz. Jarduketa horiek guztiak Eusko Jaurlaritzaren aldez aurreko baimen-ematearen eta kasu bakoitzean finkatzen diren baldintzen pean geratuko dira.

      3. Autonomia-Elkartearen Guztizko Diruegitamuetan, industriaren birregituraketa eta eraldaketarako laguntza gisa Baltzuaren Bidez eta ondoren aipatzen diren modutan gauzatuko diren gehieneko zenbatekoak izendatuko dira(2):

         1. Maileguak

         2. Diru-laguntzak

         3. Bermeak

            Bosgarren Atala

            1. Baltzuak, aurrezki-erakundeen herri-diruzko ehunekorako kontatu ahal izango diren zor-agiriak edo antzerakoak atera ahal izango ditu.

            2. Baltzuak, herri nahiz norbanako jabetzapeko dirubidetza-erakundeen maileguak hartu ahal izango ditu. Aurrezki-Kutxek eman diezaizkiotenak berariz araupetutako mailegutzat jo ahal izango dira, indarrean dauden legeei darizkien modu eta eratan.

            3. Baltzuak Euskal Herriko Herriogasuntza Nagusiagandikako eta Autonomia-Elkarteko beste herri-Iraskunde eta Erakundeegandikako laguntzak eta bermeak hartu ahal izango ditu, eta bai erresumako herri-alorragandikakoak ere.

               Seigarren Atala

               Baltzuaren Arduratze-Batzordean Autonomia-Elkarteak izenpetutako domu-zatiari dagozkion batzordekideak Industria-Sailak izendatu eta hala behar izanez gero kenduko ditu, Ekonomia, Herri-ogasun eta Diruegitamu-Batzordeari jakin araziz.

               Bere helburuak hobeki betetzeko, Baltzuak itzala eta lanbide-gaitasuna aitortzen zaizkienez osatutako Urgazte-Batzorde bat izendatuko du Legebiltzarrari adierazi ondoren.

               Jaurlaritzak, bestalde, Baltzuko Arduralari-Batzorderako izendapenen berri emango dio Batzordeari.

               Zazpigarren Atala

            1. Eusko Jaurlaritza sei hilabetez behin agertuko da Ekonomia, Herriogasun eta Diruegitamu-Bazordearen aurrera Baltzuaren guztizko ekintzapideen eta ondare eta dirubidetzaren aldetikako egoera buruzko argipideak emateko.

            2. Urteoro Baltzuaren eraentzari buruzko idatzizko Txosten bat aurkeztuko dio esandako Batzorde horri ekonomia-urtea bukatu ondorengo lehenengo hiruhilabetekoaren barruan, eta bai hurrengo ekonomia-urterako egitaraua ere.

               Zortzigarren Atala

               Baltzuari, beti eta eten gabe, indarrean dauden araupideei darizkien zergapide-hobari eta beherapenak emango zaizkio.

               Xedapen gehigarria

               Industriaren Sustapen eta Eraldaketarako Baltzua Eraldaketa Lehiakorrerako Sozietatea SA deituko da hemendik aurrera.

               AZKEN ERABAKIAK